الحلقة الخامسة من (مفيش اسم)

[S n i p e R]

السلام عليكم ازي الجميع يا رب دايما بخير الفترة اللى فاتت مكنتش بنزل اي حلقات من البرنامج طبعا عشان حكاية الانتخابات وكدا لكن الحمدلله الوضع استكنيس والحياة مانجا ونرجع تاني ننزل حلقة الخامسة من البرنامج يا رب تعجبكوا ملاحظة: جميع الرسائل والمواضيع والردود المقتبسة في الحلقة من وحي وخيال الكاتب وليس لها اساس واقعي واسماء جميع الاعضاء في الموضوع هي اسم الكاتب لا اكثر ولكل شخص الحق في تغيير الاسم كما يتلائم مع تفكيره كما ان البرنامج ليس كوميديا ابدا وانما هو برنامج موضوعي ولكن يستخدم اساليب مميزة لتوصيل الفكرة إلى الذهن تنبيه: بنسبة 90% من الاعضاء مش هيفهموا حاجة غير لما يخلصوا الحلقة لاخرها مستبش كلمة غير لما تقراها وتفهمها في الحلقة دي هعرض عليكو كام شخصية اولا هعرض عليكو الشخصية دي S n i p e R عضو نشيط جدا ردوده ف جميع اقسام المنتدى الفريند ليست عنده مليانه على اخرها وذكي جدا ما شاء الله وبيلاقي 5 رسايل زوار مجرد ما يعمل ريفرش للصفحة بس دايما متفائل وردوده بتبعث الامل الابتسامة عنوانه الراجل شغال عشرة على عشرة ولسه مترقي بأه مراقب ودي رسالة من رسايل الزوار بتاعته اقتباس ابوحميد ازيك يا برنس واحشني والله ايه يا عم محدش بيشوفك ليه ابقى شقر على صحابك الا صحيح عملت ايه ف الموضوع بتاع قسم الشكاوي؟؟ ده بأه واحد تاني اسمه S n i p e R بردو انسان هااااااادي ردوده ومواضيعه بتقتصر على الاقسام الادبية فقط رومانسي اوي وعايش ف الحياة الفوشيا توقيعه كله عبد الحليم حافظ وام كلثوم تلات ارباع المنتدى ميعرفوش اسمه الحقيقي اصلا بس بصمته محفورة في المنتدى ودايما بيتكلم باللغة العربية الفصحى مشرف تلات اقسام ادبية وبيعمل في صمت ودي كمان عينة من رسايله اقتباس السلام عليكم ورحمة الله وبركاته ازيك يا احمد شكرا للسؤال اخي الكريم بالتوفيق لك اخي تحياتى ده بأه S n i p e R واحد تالت خالص غير الاتنين اللى فاته حياته في قسم اليوميات وقسم النكت اكبر رقم قياسي ليه كان ردين ف شهر من غير ضحك لكن كل الناس بتحبه ومبيحبش يزعل حد منه ابدا نص كلامه اخطاء املائية دايما بيصالح الجميع مجهوداته ع السايب ملهاش حل ودمه خفيف جدا ف خمس دقايق بيخلي اي حد يكركر راجل واخد التمييز من اول ما اشترك ولسه زي ما هو خدوا الرسالة دي منه اقتباس الوووووودا ههههههههههه صباح البطيخ على الاناناس عامل ايه يا صديكي بيقولك مرة واحد بكرش قابل واحد بكرش قاله معاك قرش قاله مفتكرش ها ها ها هااااي لغاية دلوقتى ندخل على الشخصية الرابعة بتاعتنا S n i p e R بس متخافوش مش هو هو ده بأه غااااااااااااامض مشهور جدا في المنتدى 24 ساعة الناس بتستضيفه ف برامج على طول اول ما اي حد يشوفوه بيقول عليه شخصية مغرورة وباردة جدا وبيكون مش طايقه لكن بمجرد ما يقرب منه ويحاول يتعرف عليه نظريته بتتقلب 360 درجة وبيكتشف انه انسان طيب جدا ومبدع وفعلا تاريخه حافل ف المنتدى ويستاهل يتشال على الراس وبعد ما تعب كتير اتكرم فعلا التكريم اللى يستحقه وبأه اداري وكاميرا البرنامج لقطتلكوا رسالة من رسايله اقتباس شكرا على اهتمامك وتقديرك وكلامك في حقي ربنا يخليك الاربع شخصيات اللي قدامكو دول هما الاساسيات الاربعة اللى بيكونوا الشعب (مزيج الاعضاء) كل واحد بيقرأ دلوقتى تقريبا قدر يحدد هو انهي واحد فيهم معلش بأه هعملكوا اقتباس لفيلم طير انت :biggrin::biggrin: اقتباس الموضوع عامل زي طبق السلطة مينفعش كله يبقى خيار ولا كله يبقى طماطم ولا كله جزر ولا كله بقدونس:biggrin: كل واحد ف الاربعة دول ليه دور في المنتدى او خلينا نكبر المصطلح شوية ليه دور في الحياة من غيره النظام هيختل فعشان كدا اوعى تقلل من دورك او من نفسك نختصر بأه الموضوع كله ف جملة ((انت هو انت متحاولش تغيرك خليك دايما >انت< عشان متخسرش كتير)) طبعا إلا لو التغير ده من السالب إلى الموجب اتمنى الموضوع يكون عجبكوا تحياتى [IMG]http://www.***************************/files45/01_01_2011_03b913254130511.gif[/IMG]

[عازف على جدار القمر]

توبيك خفيف وجديد وأنيق
سطره قلم راقي ورائع
مجهودات عطره مديرنا الممتاز
يارب دائما موفق
ودائما رائع
ودائما حصري
كل التقدير
وتمام الاحترام

[game010]

هههههههههههههههه
بجد حلقة جميلة اوووووى
ومميزة جدا زى الى عملها بالظبط
وكل دول فى الاخر لشخص واحد هو احمد
شخص هادىء
شخص خفيف
شخص طيب
ربنا يوفقك فى حياتك يا ابوحميد

[beauty angel]

حلوة اوى فكرة التوبيك ياأحمــد
أول مرة أشوف البرنامج دهـ
عجبتنى الفكرة وطريقة العرض ،،
وطبعا كل شخص فينا ليهـ شخصيه مستقلهـ
بمميزاتها بعيوبها مينفعش يبقى صورة من اى حد تانى
يعنى أكيـــد متحاوليش تبقى حد تانى غير نفسكـ ^_*
تسلم الايادى ياأحمـــد
توبيك جميل وأسلوبك دايما مميز
بالتوفيق ان شاء الله
دوام النشاط ياكابير

[Lost Pearl]

اه صح

معاك حق ,, كل واحد ليه دوره اللي بيقدمه

وقت مابيقدر

تسلم ايديك يا احمد

افكار جميلة

[عاشقة الهدوء]

بحييك ياأحمد بجد فى كل حلقه من حلقاااتك بتثبت

تميزك فيها وفكرك العااالى الى بيسعدنى وأيضا

طريقة مضمونك وانتقاااءك للحووواربكل تفاصيله

بطريقه رااائعه سلمت لنا يداااك وحقا كل انسان مننا

له طبع وشخصيه مستقله بذاااته وأساس شاااب عليه

فلو الانسان بالطبع وبالمنطق حاول يغير من طبيعة

شخصيته بغيرها للآحسن والآفضل والتغير الى ينفعه لا يضر

غيره به وحكمه أنته ذكرتها متحاولش تكون حد غير نفسك

وده الطبيعى ولا انك تقلل من نفسك وده الآجمل

تسلم يا أحمد موووفق دااائما ربنا يحفظك ويبارك فيك

[MĺŔǾ]

هههههههه قعدت تقول اقروا للآخر عشان تفهموا ههههههه يقطعك انا قلت اللي هيقرا للآخر هياخد 5000 مشاركه ولا حاجه ههههههه
بس عموما شخصيات جميله وكلها تركيبه موش ممكن تكون في شخص واحد بس زي ما انت قلت اوعي تغير من نفسك علشان حد بس حاول تغير من نفسك للأحسن ..

ثانكس يا ابو حميد

مستنين حلقه تانيه بس عايزين حافز من المشاركات حلو وامور كدا علشان نقروه للآخر ههههههه القراءه موش ببلاش اليومين دول ههههه

[doiss]

كل واحد عارف اية هي شخصيتة وهو بيعمل اية او مبيعملش اية ,
علي قدر معين طبعاً سواء كان المعيار كبير أو صغير ..
وبالأول والاخر كل التجارب واحدة بالمردود !
رغم إختلاف التأثير والمضمون .. لكن يبقي الهدف واحد ..
(تجربة ونتيجة)
تظهر شخصية إنسان ,,
خالص التقدير والإحترام علي الموضوع والبصمة المميزة يا احمد ,,

[واد حبيب]

حلقه جميله جدااا منك يا احمد كعاده

حلقاتك كلها جميله وبتدل علي شخصيتك النبيله


في انتظار الحلقات القادمه ان شاء الله

الحبيب

[شاعر واسير الحب]

موضوع جميل
تسلم الايادي
كل انسان له دورة في الحياة
وبيقدمها زي ماهو يعرف....................... مثلا (المنتدي )
النوعيات كتيرة ومختلفة
وكل واحد له دور
اشكرك