::: فعاليات المنتدى :::

أهلا وسهلا بك إلى منتديات بنات مصر.
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.

آخر 12 مواضيع
جلا جلا....
الكاتـب : مارد الغضب - آخر مشاركة : Lamees - مشاركات : 3 -
كلام قلبك
الكاتـب : شاعر الحب الحزين - آخر مشاركة : Lamees - مشاركات : 5 -
الحجل
الكاتـب : خالد عبد الحميد المصرى - آخر مشاركة : ملاك امل - مشاركات : 1 -
فللحب آيات وللحب أسرار
الكاتـب : رضا التركى - آخر مشاركة : Lamees - مشاركات : 2 -
اخبار الكورونااا
الكاتـب : *فجر الاسلام* - مشاركات : 16 -
رساله الى أمى فى زمن الكورونا
الكاتـب : ابو نصير - آخر مشاركة : دمعه حائره - مشاركات : 4 -
متي القاك ؟
الكاتـب : San dy - مشاركات : 10 -
ابتسم
الكاتـب : San dy - آخر مشاركة : SaMa. - مشاركات : 5 -
ظهور المسيخ الدجال
الكاتـب : ابو نصير - آخر مشاركة : Lamees - مشاركات : 8 -
الحجر الصحى
الكاتـب : ابو نصير - آخر مشاركة : Totoa top - مشاركات : 6 -
لا تخافى ولن أزيع أسرارك
الكاتـب : ابو نصير - آخر مشاركة : Lamees - مشاركات : 8 -
باركوا وافرحوا عشرة سنوات على تسجيلي بالمنتدى
الكاتـب : سيناا - آخر مشاركة : دمعه حائره - مشاركات : 7 -

إضافة رد
 
LinkBack أدوات الموضوع انواع عرض الموضوع
قديم منذ /01-05-2012, 02:50 PM   #1

مشرفة التنمية البشرية سابقا

ღмεмoяιεѕღ

 

 رقم العضوية : 6436
 تاريخ التسجيل : Sep 2008
 الجنس : ~ بنوتة
 المكان : سمــآء ثآمنـة
 المشاركات : 7,022
 الحكمة المفضلة : You only live once , but if you did it right .. once is enough
 النقاط : الحان الورد has a reputation beyond reputeالحان الورد has a reputation beyond reputeالحان الورد has a reputation beyond reputeالحان الورد has a reputation beyond reputeالحان الورد has a reputation beyond reputeالحان الورد has a reputation beyond reputeالحان الورد has a reputation beyond reputeالحان الورد has a reputation beyond reputeالحان الورد has a reputation beyond reputeالحان الورد has a reputation beyond reputeالحان الورد has a reputation beyond repute
 درجة التقييم : 2375124
 قوة التقييم : 1188

الحان الورد غير متواجد حالياً

أوسمة العضو
افتراضي الحلقـة الرآبعة من " رحلة تعمق في شخصيات الاعضـآء " ومعـآنـا ,,







السلآم عليكم ورحمة الله وبركآته ,,~

صبـآح أو مســآء الورد ع الجميع
إيه الاخبـآر ,, اتمنى انكم تكونوا جميعاً بخير ..

النهـآردة موعدنا مع الحلقة الرآبعة من برنامج رحلة تعمق في شخصيات الاعضاء
واللي بنحاول نتعرف فيه اكتر على شخصية اعضائنا ,,

معانا النهاردة عضوة مميزة وجميلة وليها توآجد جميل في المنتدى

معانا ومعاكم النهـآردة
" رنيــن "

,,

أهلاً بيكِ يا رنين
وتعالوا نشوف اجاباتها كانت ايه ..






الفقرة الاولى : " الفرآغآت "

إسمي ...سلمى... ، عمري ..18 سنه...
لآ أحب أن يرآني الآخرين وأنا ...حزينه..
جربت ..فهم الاخرين.... ، وكرهت ....النفاق... ، وخفت أن اصُدم فمين احب........
أصعب مآفي الحيآة أن ..الاحساس بعدم رضا المولى سبحانه وتعالى.....
حياتي ليست ...ملكى وحدى...
وماضيي ....تجربه وعدت ...
ومستقبلي .....مادام فى يد الله لماذا القلق...
في وحدتي أعيش ....جنوون احلامى...
في طفولتي أحببت ان ....اعيشها بكل تفاصيلها.... ، وعندمآ كبرت وجدت أن .....دوام الحال من المحال.....
عالمي الصغير هو .....الركن البعيد الهادى... ، والكون بالنسبة لي ...ابداع رب الكون ..... ، والآخرين في عمري ليسوا الا ..اشخاص كُتب القدر ان اقابلهم........
لاتنظر الى ....كملاك... ، ولاتجبرني ان ....اتقمص ادوار اخرى..... ، ولاتطلب مني ان ...تغيير
طباعى

انتقد نفسي في ......عدم عبادة الله كما يجب....
وأفتح نافذة ......حب الله.... في عمري
ولاأطوي صفحة .......الامل..... في حياتي
لأني أريد ان .....لا يٌجرح احد بسببى......
الحيــآة عندي .......فرصه للفوز فى الاخره.....

,,





الفقرة الثانية : "الاسئلة "

- " الحياة مليئة بالمحن والابتلآءات ، بتتفآوت درجة المحن زي مابتتفاوت ردة فعلنا وصبرنا ع المحن دي "
رنين بتوآجه إزاي اي مشكلة في حياتها ، وبتحب تعتمد على نفسها ولا ممكن تعتمد على حد غيرها ..؟؟
بصى اى مشكله لازم تلجأى لله سبحانه وتعالى
مشكله شخصيه ليا ممكن الحمد لله مقابلتش
بس اى حد قريب منى بحاول اساعد على قد ما اقدر
وابص للجوانب الكويسه فى الموضوع واخرجه من المشكله دى لغاية ما ربنا يعدلها
بس بحب اعتمد على نفسى لانى مش بحب حد يشيل همى
,,
- أيه هي نقطة ضعفك ..؟؟
اهلى
,,
- دآيماً بنتكلم عن الايجابية وازاي نكون مؤثرين وفعالين في المجتمع اللي عآيشين فيه ،، أيه هو تعريف الايجابية من وجهة نظرك ؟ وتفكيرك -غالباً- بيبقى مهتم بالايجابيات ولا السلبيات ..؟؟
الايجابيه انك مش تبنى حتى لو بالكلمه الكويسه
شجع كل ال حواليك لو مش هتقدر تعمل حاجه بنفسك
ومش تستنى لغاية ما حد يجبلك حاجه تعملها لغايه عندك
انجز ال فى ايدك وهتلاقى كل حاجه هتجيلك لغايه عندك
انا اكتشفت انى ببص لايجابيات الحمد لله علشان لو كنت ببص لسلبيات مكنتش عتبت باب كليه الطب
,,
- أيه هو دآفعك في الحيآة اللي بيخليكِ تُنجزي ، وامتى بتحسي انك محبطة ..؟؟
انى اكون مسلمه ناجحه
واكون فخر لاهلى يعنى رضا اهلى وانهم يفتخرو انهم ربو صح وبكدا اكون ذريه صالحه لاهلى وبكدا ارضى ربنا سبحانه وتعالى
,,
- ابرز عيوب شخصيتك ايه ؟ وبتحاولي تعالجيها ولا مؤمنة ان كل شخص لازم تكون ليه عيوب ومفيش حد كآمل ..؟؟
بصى احيانا مش بعرف اوصل الحاجات صح بس بحاول اصلح الموضوع ده الحمد لله وبيتطور
تانى حاجه بيتقال عليا ساذجه وان اى حد ممكن يستغلنى
بس انا بكبر دماغى ال بيعوز حاجه بعملهاله حتى لو مفيش مقابل ومش بتعمق اوى فى النوايا لانى بتعب
بس ده مش بحاول اصلحه بصراحه لو عيب فليبقى الوضع كما هو عليه
كل واحد بيشرب من ضميره:biggrin:
,,
- بتهتمي بـ علم النفس وتطوير الذآت ؟ وليــه ؟؟
ايوووه فى الفتره الاخيره دى حبيته
لانه اسرع علم بيطبق قدامك جميل انك تسمعى حاجه وتقدرى تطبيقها على طول فى حياتك تشجيع وتحفيز دايما
وكمان بتشوفى تصرفات حواليكى ليها ترجمه على طول
,,


- " الانسان عدو مايجهل " ، ايه رأيك بالمقولة دي ، وليه غالبية النآس بتبقى ضد التغيير ؟
ورنين موقفها ايه منه ..؟؟
بصىى فى ناس دايما بتخاف من التغير وبتأثر السلامه علشان كدا بيكونو عدو ما يجهل لانه بيكون خايف منه
بس فى حاجه اسمها توكل على الله وال مكتوب هنشوفه وعقل نوزن بيه يبقى ليه نخاف
هو عموما فى حياتى الشخصيه انا مش بحب اغير فيها كتير الحاجات ال متعوده عليها بحب اعملها دايما
اما التغير عموما نظام او كدا فطالما لاحسن يبقى كويس وجميل المهم نؤمن بالتغير ده ونعرف اننا قادرين نبقى احسن من دلوقتى
,,
- بصرآحة ، بتبصي غالباً لنص الكوباية الفآضي ولا المليان ؟
وبتعتبري نفسك .. متفآئلة ، بنسبة قد ايه ..؟؟
لا للمليان الحمد لله ما انا قولتلك ال فيها فوق بقى
متفائله بنسبه تمانين او حاجه وتمانين فى الميه
الحمد لله
,,
- بتفضلي تكوني خيالية وطموحة ولا واقعية ، وليه احيانا الطموح بيبقى ضد الواقعية ، يعني ياكون واقعية او اكون طموحة ..؟؟
بصى مش هكدب عليكى انا يمكن طموحى قليل متفهميش ليه
يعنى بعمل فى ايدى من غير ما ابص لقدام
بحب اكون واقعيه مع الناس ال حواليا علشان مش يتوقعو منى حاجات وارجع اخيب ظنهم اما مع نفسى الخيال كله بيشتغل بقى
الطموح مش بيناقض الواقعيه اهم حاجه طموحك يبقى على متناسب مع كل الظروف ال حواليكى
يعنى متحلميش انك تلفى العالم ووالدك مش بيطلعك تروحى لخالتكم لوحدك :biggrin:
بهزر بهزر بهون على نفسى ال حصلى لغاية ما جاوبت:biggrin:
,,
- أول انطبآع بيتآخد عن شخصيتك ايه ؟ وهل بيبقى صحيح ولا لأ ..؟؟
لو اتناقشت يبقى عاقله
لو تعامل يومى الايه بتنقلب بيقولو اعقلى شويه هههههههه
يعنى بتضحك على طول وبهزر ممكن نقول مرحه
والحمد لله الاتنين صح
,,
- امتى رنين بتحس انها محبطة ؟ واحباطها دآ بيستمر لمدة طويلة ولا بتتخلى عنه بسرعة ..؟؟
لما بلاقى ال حواليا مش مبسوطين او حد بيحاول يحطمك دايما
بس لو ال حواليا رجعو يبقو مبسوطين بقى وحاسه انى كنت سبب فى سعادتهم بيروح الاحباط حتى لو مازال ال بيحاول تحطيمك موجود
اهم حاجه تحسى انك سبب فى فرحة حد حتى لو واحد بس:biggrin:
,,
- بتعبري ازاي عن ..
فرحك ،
بفضل اضحك واتطنطط كدا واهزر مع كل ال حواليا
وافضل اقول ياااارب الحمد لله ياااااااارب
غضبك ،
ببعد لغاية ما اروق لانى لو اتكلمت اعصابى بتتعب اووووى
بتلجَئي للسكوت ولا بيكون ليكِ موقف ..؟؟
لا بلجأ للسكوت بس مش بكون طبيعيه ال قدامى بيلاحظ وسعتها بتكلم بس بتكون اعصابى هدت
,,
- مجتمعنا دآيماً او غالباً بيميل للمجآملات ، وقليل اللي بيتقبل الرأي الآخر والنقد بدون حسآسية ، انتِ شايفة امتى هنقدر نآخد النقد والصرآحة ببسآطة ؟ وانتِ بتميلي للمجاملات وبتقولي رأيك ومابيهمكيش ..؟؟
بصى المجاملات ليها وقتها
يعنى لو شفتى بنت لابسه حاجه ومبسوطه بيها وهى مش عجباكى اوى
مش لازم تقولى انها مش عجباكى
لا قولى يا حبيبتى ايه الجمال ده لانها هى مبسوطه ليه تحبطيها
اما بقى راى فى فلان او كدا بقول بصراحه بس بدون تجريح
يعنى ممكن اقول انتى شخصيه جميله بس لو تتخلى عن العصبيه شويه كدا يعنى
دى بتفرق من شخصيه للتانيه بتكون طباع واسلوب فى الكلام لكل واحد
,,
- الخجل والحيآء سمات اساسية للبنت ، امتى الخجل دآ بيتحول لخجل اجتمآعي مذموم ؟ وهل بتفضلي البنت الجريئة أم الخجولة ...؟؟
وبالنسبة للشباب ، لو قابلتِ وآحد ولاحظتِ انه خجول نوعاً ما
هتعتبري دي حآجة بتنقص من شخصيته وان الرآجل
لازم يبقى جريء تماماً ومايهموش حآجة ..؟؟
الخجل دى شىء جميل جدا والحياء عنوان اى بنت
الخجل عمره ما بيمنع من حاجه على فكره ده من وجهة نظرى المهم يكون عندك ثقه فى نفسك وتقدرى تتكلمى وتقولى رأيك وقت ما يطلب منك
انا معاكى انك ممكن تأثرى انك مثلا متسأليش حد عن حاجه علشان خجوله هى بتكون محتاجه شويه ثقه وتنسى ان حد معاكى وتكلمى بحياء بردو وبادب
اما بالنسبه للولد بالعكس دى حاجه جميله
سيدنا عثمان ابن عفان كان معروف بشده حياؤه وخجله
جميل انه يكون له صحاب واجتماعى مع الناس بس فى حدود الادب والخجل والحياء ميكونش بجح :biggrin:
,,
- معروف ان الطفل وهو صغير الام والاب هم اللي بيتحكموا في تكوين شخصيته بشكل كبير ، انتِ شايفة ان التربية بتأثر قد ايه في شخصية الانسان ؟ وهل كل وآحد مهما كبر بتفضل جوآه جزء من طفولته ولا الوضع بيتغير ..؟؟
اكيد التربيه دى الاساس الرسول عليه الصلاة والسلام اكد على التربيه الاوليه وخصوصا فى اول سبع سنين
لانها بتفضل دايما عايزه ترسخى حاجات رسخيها منذ نعومة اظافره
التربيه بتأثر بنسبه كبيره جدا فى الشخصيه
طفولتك عمرها ما هتسيبك وبتفضل مأثره فيكى على مدار حياتك
بامارة اننا بنلاقى ناس عندهم عقدد منذ الطفوله ربنا يكفينا شرهم يعنى:biggrin:
,,
- التربية (الام والاب) ، المدرسة ، الاصدقاء ، الاعلام ..
رتبيهم من حيث تأثيرهم على شخصية الانسآن ..
الام والاب
الاصدقاء والاعلام
المدرسه :biggrin:
فى سن معين الاصدقاء بيكونو اكتر كمان
,,
- مين قدوتك في الحيآة أو ملهمك والشخص اللي بتتمني تكوني زيه ؟ وليه الشخص دآ بالذآت ..؟؟
اكيد طبعا قدوتنا كلنا الرسول عليه الصلاة والسلام
بس انا بحب اى شخصيه ناجحه وبحاول اخلي اى شخصيه ناجحه دافع لنجاحى انا كمان
,,
- اكتر موقف مر في حياتك وأثر في شخصيتك ؟ واثر فيها ازاي ..؟
أُثر فى شخصيتى ؟
مش عارفه بس معتقدتش ان فى موقف معين
بس كل شخصيه بقابلها او حاجه بسمعها بتنبهنى لحاجه جديده
وفى مواقف بتأُثر على تعاملاتك مع اشخاص معينه مش شخصيتك
,,
- " اهتماماتنا بتعبر بشكل ما عن افكارنا وشخصياتنا " ، ايه رايك في الجملة دي ؟
وكلمينا شوية عن اهتماماتك وهواياتك ..؟؟
اه اكيد بتعكس شخصيتك
اهتمامتى بحب القرايه وبحب اكتب خواطر بتكون جوايا كدا
من ضمن الحاجات ال نفسى اعملها ازور دور ايتام ومسنين
اهتم بالناس التانيه شويه
نعمل معارض وحاجات نساعد الناس بيها ونتطور حاجات جديده
وده باذن الله ال بحاول اعمله فى الكليه
,,
- ايه هو تعريف الثقة بالنفس بالنسبآلك ؟ وياترى ايه هو الخط الرُفيع اللي بيفصل عن الثقة والغرور ..؟؟
الثقه بالنفس ابقى الاول واثقه فى ان ربنا كاتبلى كل حاجه كويسه
واعرف ان كل حاجه بقابلها دى قدرى فعشان كدا هثق فى نفسى انى ماشيه صح طالما مش حاجه تغضب ربنا
الخط ال بيفصل الثقه بالغرور انى انسى ان اى حاجه انا فيها دى بفضل ربنا سبحانه وتعالى سعتها ممكن يقلب غرور
,,
- إيه هي الأسباب اللي ممكن تقلل من ثقة الشخص في نفسه ؟
ورنين ثقتها بنفسها قد ايه ..؟؟
احباط ال حواليك ليه وانك تفشل فى حاجات اكثر من مره
وعدم تقدير للانت بتعمله
ثقتى بنفسى امممممممم
نقول 85 حلوه
,,
- بيقولوا .. ان كل انسان جوآه طاقة كبيرة محتاجة يوجهها في الاتجآه الصح ويستفيد منها وان كل انسان ربنا ميزه عن غيره بشيء خآص بيه ،، انتِ عارفة كل موآهبك وقدرآتك وبتقدري تستفيدي منها ولا مازالت في حاجات مجهولة بالنسبآلك ..؟؟
اكيد ما زال فى حاجات مجهوله بالنسبه لى وده يمكن يرجع لنطاق ال انا عايشه فيه
مش متوفر فيه حاجات كتير وطالعه من مرحله كان كل اهتمامك المذاكره فقط
بس حاسه ان جوايا طاقه كبيره فعلا اعمل حاجات كتير وربنا يسهل واقدر احققها
,,
- بتحبي تكوني صدآقات مع الشخصيات القريبة من شخصيتك ؟
ولا شآيفة ان دآ شيء مش مؤثر في الصدآقة ..؟؟
لا طبعا انتى بترتاحى للناس ال شبهك
واطالما قولتى صداقه يبقى لازم شخصيتكم متقاربه الباقى بيكون زماله بقى
,,
- المآضي ب ذكرياته وتجآربه ، بيمثل ليكِ ايه في حيآتك ومستقبلك ..؟؟
اكيد بتعلم منه بس مش لو فى مشكله بحاول مخلهاش عائق ليا
بحب اخد الذكريات الجميله بس
,,
- بتعتبري نفسك قيآدية وبتتحملي المسؤوليه ولا لأ ..؟؟
قياديه بيقولو على فكره بس انا مش بحسها اوى
بس الحمد لله بتحمل المسؤليه
,,
- هل فشلتِ في تحقيق حلم مهم في حيآتك قبل كدآ ، وكانت ايه الاسباب ، ولو حصل استمريتِ في المحآولة انك تحققيه ولا لأ ..؟؟
لا الحمد لله الى الى هذا الحين
,,
- ايه هي العبآرة اللي بتاخديها شعار ليكِ في حياتك ..؟؟
كيف احزن والله ربى
,,
,,


هتتصرفي ازاي في الموآقف دي ..
اتظلمتِ من حد وانتِ عارفة انك مش هتقدري تعملي حاجة او تغيري الظلم دآ ، هل هتحآولي بردو تتكلمي وتاخدي حقك ولا هترضي بالامر الوآقع ..؟؟
اتظلمت ؟
انا بكره الظلم
انا اصلا من النوع لما بحس بحاجه وخصوصا لو حاجه تعبانى بيبان عليا
فهو لو فى احساس هيحس يعنى
وسعتها هطلع ال فى قلبى بقى
بس لو حد معرفوش بقى وظلمنى مش هسكت لانه ملوش يحكم عليا من غير ما يعرفنى هوضح وجهة نظرى واسيبه بقى
,,
انتِ وزميلتك مثلاً عندكو فكرة معينة حابين تشرحوها لمجموعة من النآس ، غالباً مين اللي هيتكلم ويشرح ,, انتِ ولا هي ..؟؟
امممممممم هو لغاية دلوقتى ممكن هى بس انا مشكلتى فى الداخله يعنى
بس لو ممكن اتحمس وادخل فى النص
,,
- تعبتِ في تحضير بحث أيام المدرسة او الكلية ولما سلمتيه جآلك الرد بانه "مش كآمل ولازم تعيديه " ..؟؟
المدرسه لا مره عملنا بحث والحمد لله كنا بنلاقى تقدير
الكليه لسه ربنا يستر


* في الآخر ، ايه هو برجك وايه هو لونك المفضل ..؟؟
الميزان
الازرق وانتى طالعه لغاية البنفسجى

,,



في الآخر أحب أشكرك جداً يا رنين على قبولك للدعوة
وبجد استمتعت جداً وأنا بقرأها
ودآ تحليلي البسيـط لـِ شخصيتك من اللي حسيته من خلال اجاباتك

" شخصية رقيقة ، مش عآرفة ليه دا أول انطباع خدته عنك ^_^
كنت شآيفاكِ طموحة واتفاجئت لما لقيتك بتقولي انك واقعية او مش بتحلمي بعيد أوي
خصوصاً انك نشيطة ومثابرة يعني ممكن توصلي للي بتحلمي بيه ان شآء الله
شخصية بتهتم باللي حوآليها كتير وممكن تيجي على نفسها عشان اللي بتحبهم
ومش بتحب تشيل حد همها يعني هي تشيل هم غيرها لكن محدش يشيل همها غيرها
عندها نسبة كويسة من الامل وعجبتني جداً اجاباتك في السؤال اللي بيسال عن الفرق بين الثقة والغرور
بـإختصـآر ، شخصية سعيدة جداً باني اتعرفت عليهـآ
"

,,

بالنسبة للسـآدة المشآهدين ، اتمنى الحلقة تكون عجبتكم
وانتظروا الحلقة القادمة اللي هتحتوي على بعض التغييرات ان شآء الله
وماتنسوش طبعاً تقولولي رأيكم دلوقتي في الحلقة وف رنيــن

بالتـــوفيـق للجميــع ..








  رد مع اقتباس
قديم منذ /01-05-2012, 07:29 PM   #2

مشرفة قسم التنمية البشرية سابقاً

Ultimate aşk

 

 رقم العضوية : 51530
 تاريخ التسجيل : Jul 2010
 الجنس : ~ أنثى
 المكان : يمين فى شمال فى يمين تانى بحوده .
 المشاركات : 13,921
 الحكمة المفضلة : ربما منعك ليعطيك فتوكل على الحى الذى لايموت .
 النقاط : Mind language has a reputation beyond reputeMind language has a reputation beyond reputeMind language has a reputation beyond reputeMind language has a reputation beyond reputeMind language has a reputation beyond reputeMind language has a reputation beyond reputeMind language has a reputation beyond reputeMind language has a reputation beyond reputeMind language has a reputation beyond reputeMind language has a reputation beyond reputeMind language has a reputation beyond repute
 درجة التقييم : 650929
 قوة التقييم : 326

Mind language غير متواجد حالياً

أوسمة العضو
افتراضي

حلقه فى منتهى الجمال
رنينوا عندنا فى بيتنا لا
مش مصدقه نفسى منورة
ياسلمى اجابات جميله وصريحه
جدا ربنا يوفقك بحياتك يارب دوام
التميز ليكى







  رد مع اقتباس
قديم منذ /01-06-2012, 12:08 PM   #3

مشرفة بقلم الأعضاء سابقا

 

 رقم العضوية : 54957
 تاريخ التسجيل : Oct 2010
 الجنس : ~ أنثى
 المكان : egypt
 المشاركات : 8,129
 الحكمة المفضلة : غدا أجمل بين يدي الله .. فقط نؤمن بذلك سنكون سعداء ..
 النقاط : DR.SMA has a reputation beyond reputeDR.SMA has a reputation beyond reputeDR.SMA has a reputation beyond reputeDR.SMA has a reputation beyond reputeDR.SMA has a reputation beyond reputeDR.SMA has a reputation beyond reputeDR.SMA has a reputation beyond reputeDR.SMA has a reputation beyond reputeDR.SMA has a reputation beyond reputeDR.SMA has a reputation beyond reputeDR.SMA has a reputation beyond repute
 درجة التقييم : 4315519
 قوة التقييم : 2158

DR.SMA غير متواجد حالياً

أوسمة العضو
افتراضي

حلقه جميله طبعا وبيعجبني فيها تنوع اجابات الاعضاء
يعني الاسئله نفسها بتخرج مضمون الشخصيه
فكل حلقه بيكون ليها طابع خاص ومش شبه التانيه
وده لان الاسئله قيمه وعميقه
يسلمو الحان الورد وضيوفك كمان
بستنى كل حلقه والله وحاول اخمن هيكون ضويفها مين
بس حتى دي بتفاجئني كمان :d
تقديري ليكي ,,







  رد مع اقتباس
قديم منذ /01-06-2012, 02:54 PM   #4

 

 رقم العضوية : 45025
 تاريخ التسجيل : Mar 2010
 العمر : 26
 الجنس : ~ رجل
 المكان : الرياض
 المشاركات : 98,751
 الحكمة المفضلة : سأدع الدنيـا تفعـل بـيّ مـا تشاء . فــهــي " لــن "تتجـرأ ان تفعـل " أكثـر " مِمـآ كتبـه الله لـــيّ
 النقاط : ۩۩ elMagic ۩۩ has a reputation beyond repute۩۩ elMagic ۩۩ has a reputation beyond repute۩۩ elMagic ۩۩ has a reputation beyond repute۩۩ elMagic ۩۩ has a reputation beyond repute۩۩ elMagic ۩۩ has a reputation beyond repute۩۩ elMagic ۩۩ has a reputation beyond repute۩۩ elMagic ۩۩ has a reputation beyond repute۩۩ elMagic ۩۩ has a reputation beyond repute۩۩ elMagic ۩۩ has a reputation beyond repute۩۩ elMagic ۩۩ has a reputation beyond repute۩۩ elMagic ۩۩ has a reputation beyond repute
 درجة التقييم : 16445873
 قوة التقييم : 8223

۩۩ elMagic ۩۩ غير متواجد حالياً

إرسال رسالة عبر Yahoo إلى ۩۩ elMagic ۩۩

 

 

 

 

 

MY MmS

أوسمة العضو
افتراضي

اسئله جميله جدا واستضافه اجمل
نورتى رنين الحلقه
ربنا يوفقكـ ان شاء الله فى حياتكـ وتحققى كل اللى بتتمنيه
ومجهود مميز الاحان الورد
دوام النشاط والتميز
خالص احترامى وتقديرى







  رد مع اقتباس
قديم منذ /01-06-2012, 03:49 PM   #5

عضو ذهبي

 

 رقم العضوية : 44786
 تاريخ التسجيل : Mar 2010
 الجنس : ~ رجل
 المكان : إلمنصوٍرٍه
 المشاركات : 1,581
 النقاط : ϓàŜśȜȐ is a jewel in the roughϓàŜśȜȐ is a jewel in the roughϓàŜśȜȐ is a jewel in the rough
 درجة التقييم : 284
 قوة التقييم : 0

ϓàŜśȜȐ غير متواجد حالياً

أوسمة العضو
افتراضي

حلقة جميلـة من إنسآنة إجملـ
إجآبآتكـ عجبتنىآ اوى يآسلمىآ
ربنآ يحفظكـ دإيمآإ ..

يلأ مستنين الحلقـة الج ـديدة ^.^







  رد مع اقتباس
قديم منذ /01-06-2012, 08:00 PM   #6

Captain Mohamed

مشرف الأقسام الرياضية سابقا

 

 رقم العضوية : 43773
 تاريخ التسجيل : Mar 2010
 العمر : 27
 الجنس : ~ ذكر
 المكان : Palestine & Egypt
 المشاركات : 10,648
 الحكمة المفضلة : DON'T cry over anyone who won't cry over you
 النقاط : game010 has a reputation beyond reputegame010 has a reputation beyond reputegame010 has a reputation beyond reputegame010 has a reputation beyond reputegame010 has a reputation beyond reputegame010 has a reputation beyond reputegame010 has a reputation beyond reputegame010 has a reputation beyond reputegame010 has a reputation beyond reputegame010 has a reputation beyond reputegame010 has a reputation beyond repute
 درجة التقييم : 76344
 قوة التقييم : 39

game010 غير متواجد حالياً

إرسال رسالة عبر Yahoo إلى game010

أوسمة العضو
افتراضي

دى او حلقة اشوفها من البرنامج
بجد برنامج جميل جدا واجمل ما فى الاسئلة المطروحة
اما الحلقة دى بجد ممتعة جدا جدا جدا
فى انتظار المزيد من الحلقات القادمة
ودى وتقديرى واحترامى







  رد مع اقتباس
قديم منذ /01-07-2012, 08:52 AM   #7

واحـــد مـن النــــاس

 

 رقم العضوية : 79375
 تاريخ التسجيل : Jan 2012
 الجنس : ~ رجل
 المكان : cairo
 المشاركات : 14,682
 الحكمة المفضلة : احكم علي بما تراه مني وليس بما تسمعه عني
 النقاط : booody99 has a reputation beyond reputebooody99 has a reputation beyond reputebooody99 has a reputation beyond reputebooody99 has a reputation beyond reputebooody99 has a reputation beyond reputebooody99 has a reputation beyond reputebooody99 has a reputation beyond reputebooody99 has a reputation beyond reputebooody99 has a reputation beyond reputebooody99 has a reputation beyond reputebooody99 has a reputation beyond repute
 درجة التقييم : 505424
 قوة التقييم : 253

booody99 غير متواجد حالياً

إرسال رسالة عبر Yahoo إلى booody99

أوسمة العضو
افتراضي

حلقه جميله جدا ومشكورين على الموضوع الجميل







  رد مع اقتباس
قديم منذ /01-10-2012, 12:52 AM   #8

مشرفة قسم حواء سابقا

 

 رقم العضوية : 4582
 تاريخ التسجيل : Jun 2008
 الجنس : ~ بنوتة
 المكان : الركن البعيد الهادى ~
 المشاركات : 7,978
 الحكمة المفضلة : ان معى ربى سيهدين
 النقاط : رنين has a reputation beyond reputeرنين has a reputation beyond reputeرنين has a reputation beyond reputeرنين has a reputation beyond reputeرنين has a reputation beyond reputeرنين has a reputation beyond reputeرنين has a reputation beyond reputeرنين has a reputation beyond reputeرنين has a reputation beyond reputeرنين has a reputation beyond reputeرنين has a reputation beyond repute
 درجة التقييم : 7051735
 قوة التقييم : 3526

رنين غير متواجد حالياً

أوسمة العضو
افتراضي

اقتباس:
" شخصية رقيقة ، مش عآرفة ليه دا أول انطباع خدته عنك ^_^
كنت شآيفاكِ طموحة واتفاجئت لما لقيتك بتقولي انك واقعية او مش بتحلمي بعيد أوي
خصوصاً انك نشيطة ومثابرة يعني ممكن توصلي للي بتحلمي بيه ان شآء الله
شخصية بتهتم باللي حوآليها كتير وممكن تيجي على نفسها عشان اللي بتحبهم
ومش بتحب تشيل حد همها يعني هي تشيل هم غيرها لكن محدش يشيل همها غيرها
عندها نسبة كويسة من الامل وعجبتني جداً اجاباتك في السؤال اللي بيسال عن الفرق بين الثقة والغرور
بـإختصـآر ، شخصية سعيدة جداً باني اتعرفت عليهـآ
"
يخبر رقيقه مره واااحده
حلو الانطباع ده
بجد انا اسعد بكتيير انى اتعرفت عليكى والله بجد شخصيه جميله يا الحان
والبرنامج جميل جداااا والاسئله مختلفه وممتعه
ربنا يوفقك ياارب فى باقى الحلقات ومتاابعه معاااكى باذن الله
بالتوفيق يا قمر







  رد مع اقتباس
قديم منذ /01-10-2012, 12:54 AM   #9

مشرف سابق

 

 رقم العضوية : 31186
 تاريخ التسجيل : Sep 2009
 الجنس : ~ رجل
 المكان : ۩ღ۩¶£ Heartbeat ♥♫Ѽ
 المشاركات : 7,571
 الحكمة المفضلة : ! \\\\\\ !
 النقاط : DESERT has a reputation beyond reputeDESERT has a reputation beyond reputeDESERT has a reputation beyond reputeDESERT has a reputation beyond reputeDESERT has a reputation beyond reputeDESERT has a reputation beyond reputeDESERT has a reputation beyond reputeDESERT has a reputation beyond reputeDESERT has a reputation beyond reputeDESERT has a reputation beyond reputeDESERT has a reputation beyond repute
 درجة التقييم : 3658203
 قوة التقييم : 1830

DESERT غير متواجد حالياً

 

 

 

 

 

أوسمة العضو
افتراضي

اسئلة جميلة جدا وضيفة اجمل نورتى يا رنين







  رد مع اقتباس
قديم منذ /01-10-2012, 08:10 AM   #10

عضو فضي

 

 رقم العضوية : 79668
 تاريخ التسجيل : Jan 2012
 العمر : 30
 المكان : TanTa
 المشاركات : 679
 النقاط : Jockey Zahra will become famous soon enoughJockey Zahra will become famous soon enough
 درجة التقييم : 107
 قوة التقييم : 0

Jockey Zahra غير متواجد حالياً

إرسال رسالة عبر Yahoo إلى Jockey Zahra إرسال رسالة عبر Skype إلى Jockey Zahra
أوسمة العضو
افتراضي

رووووووووووووووووعه بجد الحلقه دى .. تسلم ايدك حضرتك ..
فى انتظااار القاااااااااااادم ..
اتمنى لحضرتك المزييييييييييييييييييييييييييد





J0CkEy







  رد مع اقتباس
إضافة رد

الكلمات الدلالية (Tags)
الحلقـة, الرآبعة, ومعـآنـا


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
الحلقة الثالثة من برنامج " رحلة تعمق " مع ... "words whisper " الحان الورد منتدى التنميه البشريه 37 08-15-2012 07:14 AM
الحلقـة الثآنية من برنآمج " رحلة تعمق " مع " احضان الحبايب " .. الحان الورد منتدى التنميه البشريه 7 07-30-2012 07:27 PM
الحلقـة الثالثـة من برنامج " رحلة تعمق " في شخصيات الاعضـآء .. الحان الورد منتدى التنميه البشريه 23 12-22-2011 08:50 PM
" رحلة تعمق " في شخصيات أعضائنا ، تعالَ واكتشف معانا .. الحان الورد منتدى التنميه البشريه 11 12-22-2011 07:47 AM
الحلقة الثانية من برنامج " رحلة تعمق" في شخصيات الأعضاء ,, الحان الورد منتدى التنميه البشريه 8 11-25-2011 03:12 PM


الساعة الآن 09:06 PM


Powered by vBulletin® Version 3.8.7
Copyright ©2000 - 2020, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w