بتصعب عليا نفسي كل ماا آفتكره : ( < مشكلة فسخ الخطوبة >

[أبـكتنــى ذنوبــى]

السلام عليكم ورحمه الله وبركاته
بسم الله الرحمن الرحيم

اسباب كتيررر اووي خلتني اكتب الموضوع ده

كتيرر بشوف بنات فسخت خطوبتها

وبقرأ مشاكل كتير عن كده

انا مدمرة اانا حاسة اني عايزة امووت

أنا خلاص مش عايزة اعيش فى الحياة من غيره

انا جاية انهاردة اعرفك تخرجي ازاي من الحالة دي وأحاول أطبطب علييكي

انا حاسة بيكي عشان مجربه ههههههه مرتين

احساس مش سهل اكييد والله يكون فى عونك ويجعله فى ميزان حسناتك

ليه بقى منبصش للموضوع من ناحية ايجابية

قبل ما تقوليها عارفة هتقوليلي اللى ايده فى الميه مش زي اللى ايده فى النار

بصي هو كده مرحلة خنقة لو صبرتي و قريتي الكلام ده كويس بإذن الله هتعرفي تخرجي منها

بصي ياقمراية مش قصادك غير الصبر

احنا قصادنا حاجتين لاما تصبري وربنا بإذن الله يعوضك ومش هتخدي غير نصيبك سوا خطيبك ده او غيره

أو تجزعي وبردوا مش هتخدي غير نصيبك بس اكيد ربنا هيزعل منك لو نقمتي ومرضتيش بالقدر

بصي ياجميلة

هتلاقي نفسك هتمري بكام مرحلة كده انا قريتها قبل كده فى كتاب لدكتورة اجتماعية ونفسية

وهكتبلك الملخص اللى فاكراه منها عشان تستفيدي

اول حاجة مرحلة الذهول

لا هيرجعلي لا اكييد يعني دي خناقة عادية بينا واكييد هيرجع تاني وهنتجوز قريب اكييد اكييد انا حاسة بكده

المرحلة 2 – مرحلة الحزن والبكاء

لا ده مش راجع فاتح اسبوع ولا حس ولا خبر يعني خلاص كده وتبقى البنت مش مصدقة نفسها

المرحلة 3- مرحلة الجزع وآنك تنقمي على الوضع

ليه كده ليه بيحصلي كده ما هو الناس كلها بتتزوج هو جت عليا انا من ضمن الناس

هو انا كده ملييش نصيب زي البنات

وفيه ناس بتستطرد فى الموضوع ده اوي والعياذ بالله وتنقم على قدر ربها

وده طبعاً مينفعش وبيغضب ربنا

وفيه بنات لما بيجيلها الخواطر دي بتحاول تطردها وتستغفر ربها

نكمل مع المرحلة الاخيرة
4- مرحلة والهدوء الاقتناع ومعرفة انه لا كده خلاص هو مفيش نصيب

وان ده قدر ربنا وقضاؤه كله خير
واني مش لازم افضل فى الحزن ده ولازم بقى اشوف نفسي وحالى واعيش حياتي

مش نهاية المطاف اكييد ربنا هيكرمني بشىء أفضل سبحانك يارب مااحلمك

والكلام ده علماء النفس بيقولوا بيتراوح من 1 شهر ل 6 شهور

وفي ناس مش بتخد المراحل دي معاها سوى اسبوع او اقل

وده بيتوقف يبنات على الرضا بقدر الله والايمان بقضاؤه

وانه قضاؤه كله خيرررر

بنات كتييررر والله كانوا منهارين انهم اتفسخت خطوبتهم بس رضوا نفسهم ورضيوا

وبعد فترة تزوجوا وخلفوا وبقى لما يفتكروا الكلام ده يقولوا الحمد لله ده ربنا والله عملي الخير

انا مش عارفة ازاى كنت فاكراه انه خير ليااا ده انا زوجي بضفره

بجد والله امور كتيررر حتى غير الزواج بتحصلنا فاكرينها خيرر لينا وهى مفيهاش آي خير لينا

وبعد فترة بيتضح لنا الامور ونحس انه فعلا قضاء ربنا كله خيرر
وأن الحمد لله ان ربنا محققلناش الشىء اللى كنا فاكرينه انه الخير لنا
قدرا لسة سامعة شيخ بيحكي حكاية عن تاجر قال له أصدقائه تدخل معانا شريك فى شغلانة كده
كانت هتجيله بضاعة يشارك و يتاجر فيها
وحصلت مشاكل البضاعة تلفت وموصلتش
الراجل نقم واضايق والعياذ بالله وليه كده يارب بتعمل فيا كده من دون الناس
وفى الاخر طلعت ان البضاعة دي كلها كانت فى اشياء تغضب ربنا
وربنا منعها عن التاجرعشان يبعد عنه الحرام
شوفتم ازاى ربنا عارف مصلحتناااا فيين

كلمة آخيرة

معلش ياحبيبتى أستغفري ربك وادعيه يربط على قلبك ويعوضك خيرر
وعيشي حياتك ياحبيبتى لانك مش هتخدي غير نصيبك
ده إبتلاء لو صبرتي عليه هيبقى فى ميزان حسناتك بإذن الله
مش جايز ربنا عايز يرفع قدرك ويعوضك بشىء افضل
يمكن متعرفهوش دلوقتي بس آكييد هتعرفيه بعد كده

وربنا يهديلك ويهديلنا الحال
وليا متابعة بسيطة هقولكم عليها بكراااا
بحبكم فى الله

[ساحر الأحزان]

فترة الخطوبة زى ما يقال هى فترة تعارف بين الخطيبين على بعضهما
البعض من خلال التعارف بينهما وقد يكون كل منهما مجملا لنفسة

امام الاخر ويحاول ان يخفى عيوبة ويظهر ايجابياتة

وقد تكون العيوب ظاهر ولا تخفى ومن اجل ذلك فانتهاء

العلاقة قبل الزواج امر افضل

وقد تكون اختلاف من اهل الخطيبين على شكليات الزواج وكل طرف

يتمسك برائية وهنا تنتهى او قد يكون الطرف ظن ان الاخر

هو فتى احلامة وبعد ذلك اكتشف انة ليس الشخص الملائم

فسخ الخطوبة ليس نهاية المطاف

ولكن عليها ان تدرك ان المقبل يكون افضل

وان النصيب تدخل وليس فيها ما يحزن

موضوع قيم منك

تحياتى علية

[amndatarik]

((استعينى بالصبر والصلاة)
(افضل نصيحة يعنى لكل شخص حدث معاة ذلك)
(ودة اول موضوع ارد علية بعد عدم وجودى 4شهور من (((عدمدخولى للمنتدى تحياتى علية)
((amndatarik)
((happynewyear))

[αЛαstoOorα]

آبكتني ذنوبي ..

متابع مواضيعك بقالي فترة قصيرة

وحقيقي مواضيع قيمة ولها آهمية

تحية حلوة مني ليكِ )

[yasmine refat]

حلو الموضوع بجد وكلام مقنع كمان...

وبزات لي كل البنات وانا لا

مش لازم تسيب علشان تحس بيه:biggrin:

على الاقل الي سابت عندها امل في بنات اساسا مش لاقيه:biggrin:

لا بجد الحته ده عجبتي لانه فعلا احساس بنات كتير وبزات بقى بتعد تكبت علشان ماينفعش تقول بالصريح (( بزات المحترمات والمحافظات.. بيغبطوا على السافرات:biggrin:

بس عموما انا مع ان الجواز لازم يتأخر ولازم بعد تفكير كتير مش اول واحد وبسرعه بسرعه

يعني للبنت اشوف قرب 30 كويس والولد بعد 30

ومش علشان سد خانه فبأيد التاخير علشان النضوج ويكون قرار صح مش شغل بطيخ:biggrin:

ده شخص هتعشي معاه طول حياتك لازم تكوني واعيه قبل مادبسي نفسك :biggrin:

مش اخطب وافسخ واتجوز وطلق وشغلاااااااانه

بس فعلا الشيء الوحيد الي ممكن يخلني ايد الجواز المبكر هو الشخص الي مش قادر يحافظ على نفسه..

حسه نفسي خرجت عن موضوعك

بس موضوع كويس