حوار بين شابين...؟؟؟

[أحمد الخزرجى]

في احدي الشوارع وعلي احدي الرصف يجلس شابين يتحدثان....
الاول :اهلا يابرنس ايه الاخبار
الثاني:كل تمام يا باشا انت مش عارف صاحبك ولا ايه؟!
الاول :يعني ظبتها!
الثاني طبعا..تحب اسمعك المكالمات كمان
الاول:لا خلاص مصدقك ما انت مافيش واحده تقف معاك
الثاني:وانت ايه اخبارك ؟ البت بتاعتك سهلة معاك ولا افشه
الاول ياعم ده احنا بنتعب و اللهي .انت عارف دي مكلفاني اد ايه ؟بس يلا احنا برده الكسبانين في الاخر
الثاني:علي رأيك المهم نوصل للي احنا عايزينوا
اه انا اخدت من موبايلك شويه ارقام ها اجربهم وانا قاعد باليل واللي تسلك وترد اكمل وربنا يوفققنا!
الاول:يا عم البيت بيتك بس برده متنساش صاحبك وشوفلنا حاجة حلو كده علي مزاجك وتكون جديدة كده
الثاني:ماشي يا معلم طلبك عندي في واحدها انما ايه خام اخر حاجة تقدر تقول عليها هبلة انت بس خش عليها بشوية من بتوع رميو وحبة من بتوع قيس وفهمها انك حيران مبتنامش اليل ها تلاقيها وقعت علي طول
وبعدين مش انا اللي ها اقولك ده انت البرنس برضه
الاول :قشطة عليك كده تمام ....استني عليا يومين ها تلاقي الموبايل مبييطلش مسجات منها وها تبقي هي اللي بتجري ورايا
الثاني :طيب ...يلا سلام عشان ابويا مستحلفلي اول ما اروح وها يعد يرغي بقي والحركات دي وانا مش فاضيله!
الاول:استحمله اهو برضه ابوك!يلا سلام بقي
......وبعد كام يوم.......
الاول :تعظيم سلام للكبير هنا
عاملت ايه يابطل!
الثاني :يا عم متكبرهاش دي حاجات صغيرة كده علي الماشي
الاول :ماشي يا متمكن.....عملت ايه في شروة النمر اللي اخذتها مني .
في حاجة سلكت معاك ولا اتفرقعت
الثاني:عييييييب ده انا صاحبك برده
الاول:يعني ظبت كام واحده من الاخر
الثاني:هو في واحده جاهزة ما شاءالله وعندها استعداد ل any thing
يعني مش ها تأخد في ايدي غلوة
انما في واحده انا مش عارف انا جبت رقمها ازاي اصلا اصلها صعبة موت
اول ما اتكلمت افتكرت النمرة غلط قلت يمكن بتستهبل قلت استهبل ولسه ببدأ
وبقول يا هادي لقيتها صدتني حتتت صده وقالتلي انا بخاف ربنا والحاجات دي حرام
وكلام كده من بتاع الشيوخ ده
بس البت بصراحه جامده وصوتها يخبل
انا بصراحة دخلت دماغي وها اجبها ها اجبها
الاول :غريبة !مين دي اسمها ايه؟
الثاني :اسمها ياسيدي فلانه بس مطتمعش فيها هه
الاول :دي اختي يا....... يا........يا.........يا ابن ال......... انا ها اوريك يا.......

.ومن بعد هذه الحادثة تاب الاول الي الله وعرف جزاء ما كان يفعل
وما زال الثاني علي حاله
فهل يجب علي الانسان ان ينتظر حتي يبتليه الله بمصيبة ليرجع ويتوب اليه
لماذا لا يفكر الانسان مع نفسه ويأخذ قراره بعدم الرجوع الي المعاصي حبا لله ورغبة في رضاه قبل ان يأتي يوما لا ينفع فيه الندم......

[MĺŔǾ]

قصه جميله في الاول كنت فاكرها اي كلام ولكن لما كملت قرايتها عرفت ان وراها رساله وهي انه كما تَدين تــُدان يعني خاف ربنا في تصرفاتك وافعالك وكُن انت رقيب نفسك

تسلم يا غالي للقصه الجامده دي

[أحمد الخزرجى]

اقتباس المشاركة الأصلية كتبت بواسطة ‏♥ ميـــــــرو ♥ قصه جميله في الاول كنت فاكرها اي كلام ولكن لما كملت قرايتها عرفت ان وراها رساله وهي انه كما تَدين تــُدان يعني خاف ربنا في تصرفاتك وافعالك وكُن انت رقيب نفسك تسلم يا غالي للقصه الجامده دي

شكرا أخرى الكريم وأرجوا التثبيت

[amndatarik]

((قصة رائعة فعلا و99% شباب النهاردة فى كل دولة وكل مكان نفس الطبع
ونفس كل الاشياء البيفعلوها مسئلوش نفسهم هما بيفعلوا كذلك لية؟
من عدم رقابة الاب وبيعملوا فى البنات ابشع الافعال
بس ربنا العزيز المتكبر زى مافعلة فى بنات الناس ربنا بيطلعوا علية

يااااااارب احمى شباب المسلمين واهديهم الى صراط المستقيم
انا بنت بنتمنا حاجة واحدة الحفاظ والحماية من ربنا ولو الحب لشخص هيجلب المعصية يبقا الله الغنى
بالفعل التوبيك دة بيتطبق علية كلام الله مع موسى خاص للتائب وللعاصى
سأل موسى (كليم الله) عليه السلام الله فقال: ” إذا ناداك عبدك الطائع فقال لك يا رب فماذا تجيبه؟ فقال الله: أقول لبيك عبدي. فقال له موسى عليه السلام: و إذا ناداك عبدك العاصي يا رب فماذا تجيبه؟ فقال الله: لبيك عبدي، لبيك عبدي، لبيك عبدي. فقال موسى عليه السلام مستغربا: أي ربي قد أجبت الطائع بلبيك عبدي مرة واحدة بينما أعدتها ثلاثاً للعاصي فلم؟! فقال الله: لأن الطائع دعاني بعمله أما العاصي فقد دعاني و هو يرجو رحمتي“

[amndatarik]

((تم التقييم))
((amndatarik))

[أحمد الخزرجى]

اقتباس المشاركة الأصلية كتبت بواسطة amndatarik ((تم التقييم)) ((amndatarik))

شكرا لكى على الرد وعلى تقيم وجزاكى الله خيرا
وأنا شاب كباقى الشباب بس الفرق أنا أريد فتاه أدخل بها الجنه ولا أريد فتاه أدخل بيها الديسكوا

[amndatarik]

((اسلوبك راقى اكيد والانسان الهادى المحترم هو الفعلا بيختار البنت التدخلة الجنة وتكون محترمة وتتقى الله فى حياتها
لا تيائس من رحمة الله
والطيبين للطيبات
اسئل الله ان يناولك عاجلا ما تتمناة ويرزقك بالزوجة الصالحة

[أحمد الخزرجى]

أمين يارب العالمين

[.نبض القلوب.]

قصة جميلة
تسلم ايدك

[3َُAَُsَُY]

موضوع جميل تسلم ايدك يآ اخي والقصهـ فيها عبرهـ لكل شآب وكل فتآهـ يارب اهدي الجميع وصحى ضميرهم