قالى بحبك ياميران قلتله وانا كمان ..؟

[أبـكتنــى ذنوبــى]

السلام عليكم ورحمه الله وبركاته

عندى مشكله ..!! مشكله كل فتاه وكل اخت تحمل رايه الاسلام
فتاه تحمل معنى كلمه حياء وعفه

تخيلى قالى بحبك ياميران قلتله وانا كمان ..؟




قالى بحبك ياميران قلتله واناكمان ؟

بصراحه يا بنات ومن غير لف ولا دوران لانى مش بعرف الف ولا ادور .. المهم

انا كنت ماشيه فى الكليه وفجأه شوفته أدب ايه واخلاق ايه , وما شاء الله ملتزم جدا وبعدين قرب عليا وقالى يا انسه ممكن اتكلم معاكى شويه .. انا عملت كده وقلبى وقع فرجلى ..

قلبك وقع ولسه عايشه ؟

اه انتوا مالكوا عندى واحد استاند
المهم ماقدرتش احرجه كان زوق جدا وقعدنا واتكلمنا واتعلقت اوى بيه ,

وبعدين بقينا نكلم بعض فى التليفون وماحدش يقولى حرام هيخطبنى ده بيموت فيه وبعدين جه فى مره وقلى نتقابل بره عاوز اقرب منك اكتر ..
ماتفهموش غلط ده نيته سليمه ..

يا شيخه بقى نية سليمه !!

اه اطلعوا منها انتوا .. ومره ف مره اقولكم ايه وحصل ..

اللى حصل .. حصل ايه يا بنتى ؟؟


مانتوا فاهمين بقا قولتله تعالى اخطبنى رفض تماما وبقى
يتهرب منى مش عارفه ليه ؟؟

بقى مش عارفه ليه .. ما علينا .. امال فين التدين والاخلاق ؟؟

مش عارفه فجأه اتحول .. اتحول لايه ؟؟ دركولا مثلا ..


بقولكم ايه بلاش تجريح انا عاوزه حل !!
حل ايه انحل وسطك جايه دلوقتى عاوزه حل ؟؟

ضيعتي نفسك يا بنتى هو ده بقى الحب ؟؟



قلى بحبك ياميران .. قولتله وانا كمان !!

بصراحه انا كنت مشتركه فى موقع عالنت ولاقيته فجأه بعتلى وقلى ممكن اتعرف عليكى اصلك مختلفه وواضح انك محترمه جدا من مواضيعك غير كل البنات ..


يا سلام وانت بقى واخد بالك من كل البنات ؟؟
بطلوا سوء ظن انتوا هتفهموه غلط ده عاوز بس نكون اصحاب , والصداقه ليها حدود ..
" طبعا مفيش حاجة اسمها اصحاب وصداقة بين الولد والبنت فى دينا .. بس نكمل "



طيب يا اختى كملى كملى ..

كلمته وبقيت مزهوله قمه فالاحترام والتدين وبقى على طول نكلم عالميل ومانفوتش يوم الا لو كلمنى وجه فمره قلى انا عاوز اقولك سرانا بحبك من زمان ؟(


زمان هو لحق يعرفك اصلا هنقرع من دلوقتى ؟؟

سبونى اكمل بلاش ظلم وانا اول ماقلى حسيت ان هيجلى سكته قلبيه من الفرحه ..


خساره يارتها جت كنا ارتحنا المهم كملى ..


بس يا بنات وبقينا نقضيها رنات وتليفونات وطبعا حصل اللى حصل انا ضعت قولولى اعمل ايه هو كان هيتقدم بس جالو ظروف ابوه اتشل ولازم يتحمل المسؤليه ويضحى وخاله حسن مات واخته عنيات اطلقت وهيربى ولادها ..

^ ـ ^

يا لهوى كل ده حصله فكام يوم غريبه ؟؟
بطلوا افترا دى ظروف قولولى اعمل ايه ؟ تعملى ايه انتى ضيعى نفسك يا بنتى ..

هو ده بقى الحب ؟؟


وسؤالى ليكم هو ده الحب ..


الحب اللى بينتهى بدمار وحياه مجهولة المصير
ملهاش هويه ولا معالم مافيش بكره مافيش امل مافيش غير طريق مسدود

اكيد مش كل الحب كده انا بكلم عن الحب اللى بيتولد فى الضلمه ونفتكر انه هيطلع للنور

وبننسي ان اللى عاش طول عمره فى الضلمه لو طلعتيه للنور هيتصدم ويموت ..


يعنى بلاش نحب ؟؟

لأ ازاى بس لو حبيتى لازم تكونى فاتحه النور

اول طريق للحب بيت اهلك عشان الحب يكبر وينمو ويلاقى طريق مفتوح ..

طب تعرفى ان الحب مذكور ف القرآن فعلا اه تعالى شوفى ربنا بيقول ايه

( وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجاً لِّتَسْكُنُوا إِلَيْهَا وَجَعَلَ
بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ ) (الروم : 21 )


مش قولتلك اول خطوه بيت اهلك لو بقى جوزك هيحفظك ويصونك مش هيبقى سهل يغدر بيكى

عارفه ليه لأن ربنا اللى وعدك بكده .. معقول ازاى ؟؟

" وجعل بينكم مودة ورحمه "

الموده اسمى بكتير من الحب


الموده : هي كلمة جامعة تعني اللين والبشاشة والتواضع والصفاء والرقة والألفة والتآلف وإظهار الميل والتسامح والتفاهم والشفقةوالصبر
هى عطاء بلاحدود ..

الرحمةهي كذلك كلمة جامعة تعني التسامح والتفاهم والعطف والشفقة والحمية والصبر والابتعاد عن القسوة والغضب والعنف ..

الرحمة هي عطاء بلا حدود ..

ازاى نبيع كل ده ونشترى وهم مالوش وجود ؟؟!!


يا ترى دلوقتى عرفنا ايه هو الحب ؟؟

يابنات وكمان اللى عايز يتفهم ويعرف معنى الحب يدخل ع الموضوع ده
سيبته وبحبــه وبجد تعبانه ومش عارفه اعمل ايه

[بسمة العمر]

فعلا الحب دة غلط
مفيش احسن من الحب الشرعى
اللى هو بيكون عقد زوج على طول
جزاكى الله خير

[أبـكتنــى ذنوبــى]

شرفنى حضورك اختى وربنا يهدينا جميعا

[رنا هشام]

بسم الله الرحمن الرحيم
السلام عليكم ورحمة الله وبركاته
بآآآرك الله فيك على الطرح القيم
حفظك الله وسدد الله خطاك
اللهم إجعل هذا الموضوع في موازين
حسنات كاتبه وناقله
الله يعطيك الف عافيه ولا يحرمنا من تواجدك
ولا من طروحاتك الهادفه والمميزه
دمتم في حفظ الرحمن

[╯ Princess ╭]

موضوع راااائع جدااااا

بس للاسف مهما قلتي ولا عملتي مفييييييش فايدة

كلو بيقول دا معاها بس اما معايا مستحيل يعمل فيا حاجه ولا حتى يأذيني

فعلا كلو بيسمع من هنا ويطلع من هنا

وانا اولهم :762::762::762: لالا بهزر

تسلم ايدك والله موضوع حلو خااالص وخصوصا طريقة كلامك فيه مش اول الموضوع حرااام حلال وبتاع لا جبتي الموضوع مدرج

تسلم ايدك

ننتظر ابداعاتك

[سارية فى درب الرسول]

السلام عليكم ورحمة الله

اختى ميران بحيكى على طريقة سردك للنقطه دى بالتحديد

مئات بيقع فيها ومهما اتكلممنا ولا نصحنا بردو مافى فايده

ودايما بيقعوا بالحب وبعد مده تيفقوا على الصدمه

مافى غير طريق واحد للحب الحب الشرعى اى حب ولا علاقه غير شرعيه

نهايتها معروفه اغلبها كذب ونفاق وخداع ولا حول ولا قوة الا بالله

حفظك الله وبنات المسلمين

[همسه الجوارح]

شكرا ياقمر ع الطرحجزاكى الله كل خير

[Lost Pearl]

معاكي حق يا قمر

و الصح انه ييجي يتقدم

تسلمي علي اختياراتك المميزة

جعله الله في ميزان حسناتك

جراكي الله خيرا

[Iѕlαм Ч 3αlαм]

جزاكِ الله خيرا
على موضوعكِ القيم
قال النبى صلى الله عليه وسلم( ثلاث من كن فيه وجد بهن حلاوة الإيمان : أن يكون الله ورسوله أحب إليه مما سواهما وأن يحب المرء لا يحبه إلا لله وأن يكره أن يعود فى الكفر بعد إذ أنقذه الله منه كما يكره أن يقذف فى النار )
الشاهد: أن يحب المرء لا يحبه إلا لله
للأسف أصبحنا نحب لغير الله
كل شئ نحبه لم يصبح حبا خالصا لوجهه
ولهذا نقع فى كثير من المشاكل والفتن
فلو اخلصنا الحب لله لما وقعت مثل هذه الظروف والفتن
لان ماكان لله دام
نسأل الله تعالى ان يرحمنا
شكرا على موضوعك
خالص التقدير

[مشتاقه للجنه]

جزاك الله كل خيرا

موضوع قيم وربنا يهدى كل المسلمين