حلقات برنامج ( نجوم المنتدى )

[SiLver Spectra]

منورة الحلقة يا حوراء
عايزك المره الي جايه ترسمي مورشو ههههههه
طبعا من نجوم المنتدى , أمال يعني مين الي هيبقى نجم لو هي مش نجم!
نجم بمجهودها المتميز في القسم

بالتوفيق دايما
و متميز كالعادة يا احمد
عايزينك تكتر الحلقات شوية و البرامج

[مشتاقه للجنه]

منوره الحلقه أختى الفاضله حوراء

واللله عن جد أنتى أنسانه خلوقه

وصاحبة واجب وخدومه جداا

وتستحقى كل الخير

مورشو استضافه واختيار رائع

موفقين

[زهره الشتاء]

حلقه جميله جدآآ ،، وضيفه رآآقيه ومميزه
انسآآآآآنة غاليه على قلبى جدآآآآ
استمتعت جدآآ بوجودى فى هذا المتصفح الرائع
تسلم ايدك مورشو على البرنامج الرائع
يعطيك الف عافيه ع المجهود
ف انتظار باقى الحلقات
دمت بكل الخير
فيض ودى

[بقــايا أنثى]

حلقه بجد جميله
وحوراء انسانه بجد زى السكر رائعه وانسانه على خلق حقيقى
فعلا نشيطه جدا وتستحق اللقب فعلا
بجد شخصيه جميله جدا
ربنا يكرمها ان شاء الله
شكرا مورشو على الحلقه الجميله
فى انتظار القادم

[Silver Flower]

حوراااء

من الشخصيات الرائعه فعلا بالمنتدى
انسانه طيبه لابعد حد
انتقاء رائع يا احمد
واجاباتها مش غريبه على شخصيتها الرائعه

احتراي وتقديري

[S n i p e R]

اقتباس س / فى تعاون بينك وبين مشرف القسم ؟ ما شاء الله احمد مشرف واخ متعاون جدا واحنا متفاهمين الى اقصى درجه ولله الحمد ولو لم يكن فيه تفاهم لما حقق القسم الدرجه الكامله احنا نمشي على نظام لا انا اخل هذا النظام ولا اخي احمد يخل بهذا النظام وفعلا احمد مشرف رائع وسهل التعامل معاه لانه انسان خلوق لايحب يفرض تواجده ويلغي تواجدي نحن مثل بعضنا تماما اقصى هما نجاح القسم وراحت الاعضاء

احم

اخجلتم تواضعنا يا حوري

بجد الكلمتين دول جمال جدا وبسطوني

ربنا يخليكي يا رب

والحمدلله قسمنا هو القسم الوحيد اللى جاب 10 من 10 ف التاريخ

وكله بفضل التعاون المشترك والشغل سوا

يمكن انا مشغول الفترة دي ومش متابع في القسم

عشان الاداري المنتخب وكدا

لكن انتى ما شاء الله شيلتي القسم كله لوحدك ومنشطاه زي الاول واكتر كمان

بالتوفيق ليكي

[♥مَصَريَہ وبحَب الحَريہ♥]

شششكرا............

[Lost Pearl]

اقتباس موقف ابعمل رد باقتباس فجاه ابحث عن ردي مو موجود في اخر شي وجدته جوات رد العضوه لاني كنت عامله تعديل بجد اتحرجت كثير :445:

هههههههههههههههه

يا حوراء ما قلنا مافيش حاجة

انا بعدك علي طول

تقريبا ف نفس اليوم عملتها ف عضو كان عندي في القسم

و كررتها تاني حوالي مرتين و لا حاجة :762:

بس بجد حوار جميل اوي

و تستاهلي يا قمر تبقي نجمة المنتدي

و سيبك من ال style كأنه ابيض فجأة :biggrin:

حوار جميل اوي

في انتظار النجم/ة الجاي/ة يا احمد ان شاء الله

تحياتي ..

[دمعه حائره]

حلقه جميله مش عارفه مااخدتش بالى منها ازاى
كاعادتك متميز ومحاور ممتاز موروشو
نورت الحلقه امجد
اجاباتك جميله ومش هانعرفك دلوقتى
امجد انسان محترم ومثقف بيمتلك موهبه وقلم راقى
قدر يثبت حضور متألق بمواضيع
مهمه دائما بتواكب الاحداث غير نشاطه الملحوظ
وتنشيطه الدائم لقلم الاعضاء
اتمنالك السعاده والتوفيق دايما اخى
تحياتى للجميع

[morshooo]

بسم الله الرحمن الرحيم

اهلا ومرحبا بكم

وحلقة جديدة من برنامجكم

( نجوم المنتدى )

النهاردة هتبقى معانا ضيفة متالقة

ومشرفة قسم مهم جدا ولكن

تقريبا كدا مش واخد حقة ^_^

معانا النهاردة

المتالقه دائما

الحان الورد
مشرفة التنمية البشرية



ودلوقتى تعالو نشوف ضيفتى


قالت اية عن قسمها المفضل

مشرفة قسم التنمية البشرية

س / فى البداية اهلا بيكى فى برنامج ( نجوم المنتدى ) ؟

أهلاً بيك يا أحمد ..

س / هل تستحقى لقب ( نجم المنتدى ) من وجهة نظرك ؟ لية ؟

بيتهيالي ان مش انا اللي هحكم ،

لكن الحقيقة دلوقتي في ناس كتير تستاهل لقب نجوم المنتدى

أنا مش منهم :biggrin:

عشان الدراسة واخدة الوقت كله تقريبا دلوقتي ( بما اني في 3 ثانوي )

ف الواحد بيدخل يظبط بس وممكن يعمل حاجة بسيطة

لكن انا نشاطي قليل الفترة دي وانا عارفة دا ..

س / فى بداية دخولك المنتدى كنتى مهتمة بقسم التنمية البشرية والا مكنش فى دماغك ؟

كنت مهتمة بيه ..

عشان انا بحب كل حاجة ليها علاقة ب علم النفس وتطوير الذات

ف اكيد القسم هيشدني ..

س / اية سبب حبك لقسم التنمية البشرية ؟

زي ماقلت فوق ,,

حبي لعلم النفس أو شغفي الكبير ب فهم الشخصية وتكوين الانسان

الداخلي ,, وانا صغيرة كان حلمي ابقى دكتورة نفسية

بيخليك تفهم نفسك ( ودي حاجة مهمة جدا وناس كتير بيفتقدوها و بيكون

عائق ليهم انهم مش فاهمين نفسهم او هم عايزين ايه )

وتفهم اللي حواليك بردو عشان تقدر تتعامل معاهم ..

بحس فيه ب متعة كبيرة يمكن عشان انا بحبه .. و ف نفس الوقت اللي بيتعمق فيه أوي ممكن يتعب ^_^

س / اية هى ميزة قسمك من وجهة نظرك ؟

ارتباطه بحياتنا بشكل كبير

يعني كل موضوع تقرأه ( المفروض ) عشان تبقى استفدت منه

تطبقه في حياتك على طول ..

واللي بيحب علم النفس هيبقى متعة وفائدة في نفس الوقت بالنسبة ليه..

س / انا دخلت القسم وتقريبا ملقتش فى اول صفحة موضوع ليكى تفتكرى لو عضو دخل القسم ممكن يقول انك مهملة القسم والدليل عدم تنزيل مواضيع ؟

هتلاقي في الصفحة التانية

وفي برنامج اسمه " رحلة تعمق في شخصيات الاعضاء"

بنزل منه حلقات جديدة كل اسبوع لكن في حلقات بتتأخر شوية

انا معترفة فعلا ان نشاطي قليل ومعتمد على الحذف والنقل والمراقبة بشكل عام والرد ع المواضيع احياناً ..

لكن دا بسبب الدراسـة زي ماقلت يعني فترة وهتعدي ان شاء الله ..

س / اية المشاكل الى بتواجهك فى أدارة القسم ؟

في اعضاء كتير بيبقوا مش فاهمين التنمية البشرية صح ,,

يعني كل فكرتهم انه عن الشخصية وخلاص

فتلاقي معظم المواضيع اعرف شخصيتك من كذا وكذا

في حاجات بتبقى في علاقة فعلا وتحسها بتدل نوعا ما عن الشخصية

وفي حاجات تانية مالهاش اي علاقة وتلاقي اللي كاتب الموضوع بيقول دا للترفيه
الحاجة دي بتنرفزني فعلاً ,, غير ان بتبقى في مواضيع كتير متكررة وانا حفظتها..

س / انا حابب ارجعك لبداية دخولك المنتدى وخاصة قسم التنمية البشرية حابب تكلمينا عن الفترة دى ؟

اكتر قسم كنت بلاقي نفسي فيه

مكنتش مركزة على حاجة واحدة انا ,, يعني متشعبة في المنتدى كله ^_^

بس قسم التنمية كنت بعد ادورله على مواضيع عشان اكتبها

من النت والكتب والمجلات ومكنتش برضى باي موضوع

يعني لازم اتاثر انا بيه الاول ويعجبني اوي عشان انقله ,,

باختصار يعني ، اكتر قسم كنت بحب اكتب واشارك فيه ..

س / فاكرةمين كان مميز فى هذا القسم والا مش فاكرة ؟

مش فاكرة بالظبط

بس هو كان ليه مشرف اسمه محمد علي

كانت مواضيعه بتبقى حلوة ..

أكتر حد فاكراه يعني ..

س / وجهى رسالة للاعضاء الجداد بخصوص قسم التنمية البشرية ؟

القسم دا المستفيد الاول منه هو انت شخصياً

الانسان مفروض يطور نفسه على طول ويشوف عيوبه ويصححها

عشان يبقى انسان ناجح ,,

يعني التنمية وتطوير الذات طريق الانسان للنجــآح ..

س / لو قولتلك قوليلنا مين الاعضاء المميزين فى قسمك فى الفترة الحاليا ؟

game010

مواضيعه مميزة فعلاً ومجهوده رائع وهو اللي منشط القسم تقريباً

وفي بردو واحدة تانية اسمها om noor

وكان في واحد اسمه فارس التنمية بس اختفى ..

س / اية الجديد الى بتفكرى فية بخصوص قسمك مع باقى مشرفين القسم ؟

بنفكر في كتير الحقيقة

بس غالبها هتبقى في الاجازة

عشان انا واميرة مشغولين في الدراسة حالياً ، للوقتي بنحاول ننشطه بردو

لكن معظم الافكار هتبقى في الصيف ..

بنفكر في برامج استضافات تبقى بشكل اسبوعي وفي كذا فكرة

وبنفكر في مسابقات بردو

وحاجات تانية ,, هتعرفوها قريب وان شاء الله تعجبكم

س / فى تعاون بينك وبين المشرفة الى معاكى والا القرارات بتتاخد بفردية ؟

لا في تعاون كبير الحمدلله

بجد أميرة شخصية محترمة ومتعاونة لأبعد حد

يعني محدش فينا بيعمل حاجة غير لما ياخد راي التاني ونوافق احنا الاتنين

وبنظبط الافكار مع بعض ,, كل كلامنا في الميل بيبقى ع القسم :biggrin:

س / تحبى تقولى اية لاعضاء منتدى بنات مصر بخصوص قسم التنمية البشرية ؟

القسم جميل جدا صدقوني :biggrin:

لو فكرنا هنعرف اد ايه هو مهم لينا كلنـا وبيفيدنا بشكل كبير

اتمنى تهتموا بيه أكتر لان الاعضاء اللي بتحبه او بتهتم بيه معدودين ,

ومن ناحيتنا ( انا و اميرة ) بنوعدكم ان ان شاء الله تكون في حاجات جديدة قريب

س / اخيرا اية رائيك فى توبيك ( نجوم المنتدى ) ؟

برنامج جميل فعلا

فكرته حلوة أوي وجديدة ,, وليها هدف مش مجرد اسئلة وخلاص

شكراً ليك على مجهودك الرائع ، وشكراً ليك ع الاستضافة

أتمنى اني كنت ضيفة خفيفـة ..



وبكدا بتنتهى حلقتنا النهاردة


اتمنى البرنامج ينال اعجابكم


انتظرونى الحلقة القادمة


تحياتى


morshooo