[ شـآركنـآ طموحكـ ] :: متجــدد :d

[Sєяєєη●•ʚɞ]

اقتباس المشاركة الأصلية كتبت بواسطة ساحر الاحزان كل واحد منة لة هدف كبير وهدف صغير الهدف الصغير هو الشىء الى ممكن اقدر من خلالة اوصل لهدفى الاكبر وبرغم الصعوبات الى ممكن تقابلنا فهى دى بتظهر الانسان الطموح من الانسان العادى لحد لما يوصل للى هو عايزة وطموحاتنا بتختلف من مرحلة الصغر لمرحلة الكبر يعنى كل ما نكبر فى العمر بتظهر اقدامك طموحات جديدة وبتحلم بيها وبتسعى لتحقيقها وبخصوص الشهادات سرين لو اعتمدنا عليها فى انها تشغلنا يبقى حنقف محلك سر لشىء فى علم الغيب ولكن سرين؟ لية الكثير لما تقابلة مشكلة او عقبة فى طريقة ممكن تغير نظرتة للحياة وبدل التفائل ياتى الاحباط لية كل دة؟ تحياتى رفيف على حلقتك الجميلة واعتذر عن الاطالة

نورتنى
كلامك مضبوط فى اننا لو اعتمادنا على الشهادات وبس هنقف محلك سر
فى بلد مش بتاعه شهادات:biggrin:
والغلط هنا مش فى العلم الغلط هنا فى البلد اللى مش بتقدر تستغل العقول صح
لو البلد استفادت بالعقليات وقدر كل واحد يشتغل الشغل اللى فاهم فيه وبيحبه وقادر يبدع فيه ووفرتله القيمة المادية والنفسيه هنتقدم كتير عكس اما واحد يشتغل اى شغلانة هدفها بتجيب فلوس والسلام حتى لو كان عقله كويس هيلاقى نفسه عقله بقا روتينى وبالتدريج هيدور ع اقرب شغلانة مريحة
المعادله سهله
شغل بتحبة ودارسة وفاهمة + قيمة مادية ومعنوية = إبداع
يمكن موضوع الشهادات دة بالنسبالى كبنت مختلف شوية لان الهدف من شغلى انى اشتغل فى مجال بحبة ووضع درساة خصوصا ان البنات مش مضطرة انها تشتغل مش هتفتح بيت يعنى عكس الشباب اللى بيدور ع اكتر شغل يساعده ع فتح بيت بصرف النظر عن شهادتة

اقتباس لية الكثير لما تقابلة مشكلة او عقبة فى طريقة ممكن تغير نظرتة للحياة وبدل التفائل ياتى الاحباط لية كل دة؟

دة طبيعى
الاحباط رد فعل طبيعى لاى صدمات او عقبات او عدم تحقيق حلم
مانكرش انى كتير بحبط وبقول خلاص تعبت ومش هوصل
بس الاهم هنا اننا نقدر نقوم من تانى ونحاول مرة واتنين ويكون عندنا صبر
نعمل كل حاجة علشان نحس اننا ع الاقل عملنا اللى علينا وحاولنا مش نستسلم من اول محطة
احيانا لما بعجز عن طموح معين بعد اما بكون حاولت فيه كتير بعتبرة انه خير من ربنا وان اكيد ربنا شايل الخير فى حاجة تانيه بس انا مش شايفاها
احيانا بنكره حاجة جدا رغم اننا بنكتشف بعد كدة انها الاحسن لنا وفيها الخير وبتقتنع من جواك ان اللى كنت عاوزها دى والشغلانة دى مش خير ليك وكنت هتتعب فيها جدا
اهم حاجة اننا نعمل اللى علينا وخلاص ونسيبها لربنا والخير هو اللى بيقدمة
جت جت ماجاتش خلاص ومانزعلش ع حاجة او نكون متشائمين
لو فكرت فى كل الاحباطات اللى حصلتلى فى تحقيق احلامى هكون اكتر واحدة متشائمة فى الدنيا دى:biggrin:
ورغم كدة بضحك والحياة زى الفل رغم تقريبا الايام دى يوميا بحبط م الشغل ومن الناس اللى فيه :762:

[Sєяєєη●•ʚɞ]

اقتباس المشاركة الأصلية كتبت بواسطة dr.pharma تصدقي مـآخدتش بالي من هكلكم دي :d وانـآ اقول انا بخس لييه !! اتــآري سيرين بتاكل فيا من يوميهـآ هههههههههه

ههههههههههههه
وانا بردوا بقول فين فوفا تنقذ الموقف وتلحقنى
فضآيح فضآيح

[countess]

اقتباس مش هتكلم برسميات هكلكم بمنتهى البساطة طموحاتى زمانى ماتختلفش عن طموحاتى دلوقتى الفرق بس ان زمان كانت الطموحات متلخصة فى طموح او اتنين انما كل سنة بتزيد الطموحات لان ادراكى للجوانب بيوسع زمان مثلا كان حلمى انى انجح واطلع من الاوائل واكون معيدة فى الجامعة وحطيت الهدف ده ليا من اول يوم لما دخلت كليه مش بحبها واول اما اتحطيت قدام الامر الواقع فى كليه مش بحبها غيرت تفكيرى لانى من النوع اللى بعرف اتأقلم بسرعه جدا ع الاوضاع وبشكل يبسطنى ويكون مريح بالنسبالى فطالما بقا امر واقع لازم اتصرف فى طريق النجاح بدل اما افشل !! فرغم كدة ماحستش انها نهاية الكون ومن هنا بدأت أحط هدف فى حياتى اللى خلانى استمر على خطوات للوصول فيه ولما طلعت من الاوائل كان احساس لايوصف بجد ودة كان حلم حققته لما بمسك اى حاجة بنجح فيها لان ده كان هدف من اهدافى بإنى اثبت نفسى فى شغلى والحمد لله وصلت لدة ومازالت الطموحات مستمرة فى مجال العمل فهدفى التمييز والنجاح والعمل بضمير(بعشق التميز فى كل حاجة بعملها )

آكيد الأنسان طول ماهو عايش طموحاتة بتزيد >> ويلقى متعة لو حققها بعد تعب

طيب سيرو >> بنظرك ماهي النقاط المهمة الي بتخلي الواحد متميز آو فيه ميزه عن غيرة ؟؟

تشكرآت يا رفيفو ع الحلقة استمري*_^

طبعىآ سيرو موش بشبع مع النقاش معاها لنو بقعد آرغي معها ع الميل

نورتي آكيد يا غالية

[Sєяєєη●•ʚɞ]

اقتباس المشاركة الأصلية كتبت بواسطة dr.pharma سيـرين انــآ قدركـ ف الحلقه دي :d بصي بقا يا سيدتي انتي قولتي سؤالي بئه :/ زي ما قولتي انه طبيعي الواحد يقابل ظلم فـ طريقهـ ! ودا بيؤدي لـ عرقله فـ النص .. احلام مرسومهـ بتتهد وكدا يعني صنفيلي بقا مدى نجـآح الانسـآن بعد الفشل حسب شخصيتهـ ؟! السؤال متكلف يـ ميس :d جــآوب بئه :/

وماله اسألى إسألى
ما انتي جايبانى تهرسينى هنا :biggrin:
بصى ياستى
الفشل بيعمل حاجة من اتنين
اما الشخص يحبط ويتشائم ويكنسل حلمة دة خالص ويلغيه من حياته ويغنى ظلموة ويلغى كل احلامة ويعيش فى الدنيا كدة زى ماتجيبه زى ماتودية
ودة الشخص اللى بيستسلم من اول محطة وماعندهوش دافع او ارادة من جواة تقوية
بيسيب حقه يضيع ومابيحاولش حتى يدور عليه
واما الشخص بردوا هيحبط ويتشائم بس مش هيقعد كتير فى الاحباط دة وهيجرب مرة واتنين لحد اما يحس انة عمل اللى عليه بعدها لو الحلم ماجاش مش هيشوف الدنيا سودة هيحط احلام تانية يحققها
هنا هيوجه احلامة ويحط احلام جديدة مش هيتخلى عنها خالص
وده الشخص اللى عندة ارادة
انا لما بفشل فى حاجة اوى وهلاقى نفسى خلاص هتخلى عنها
مش بسيب الحلم دة غير لما احس انى عملت اللى عليا فيه علشان ما اندمش واقول ياريت
واول اما الاقى شعاع امل للحاجة دى اتفتح من جديد بحاول فيها مرة تانية خصوصا لو كانت حلم من احلامى

[Sєяєєη●•ʚɞ]

اقتباس المشاركة الأصلية كتبت بواسطة ۩۩ elMagic ۩۩ عجبنى كتير كلامكـ يا رفيف اللى فى البدايه كله تفاءل وطموح فعلا فا بالعمل الجاد والثقه فى النفس والايمان بربنا تتحقق الامال مهما كانت الصعوبات والضغوطات طالما العزيمه والاصرار موجودين كل طموحاتنا هتتحقق امممم معنديش اسئله ليكى يا سيرو كل اللى اقدر اقوله ان استمتعت كتير بالحلقه دى وان شاء الله متابع اهو منكوا نستفيد بردوا نورتينا يا سيرين رفيف احييكى على موضوعكـ القيم ودى واحترامى

ياسلام مافيش اسئله
احلى حاجة:biggrin:
منورانى يا احمد

[Sєяєєη●•ʚɞ]

اقتباس المشاركة الأصلية كتبت بواسطة الحان الورد ، أخيراً بدأ هذا البرنآمج مقدمة جميلة طبعاً يارفيف واختيار موفق جداً سيرين بجد بحسها من اكتر الناس اللي إرادتهم قوية وبيصمموا على اللي هم عايزينه .. ربنا يزيدك سؤالي بقى .. انتِ قلتِ ان العقوبات والمصاعب بتواجهنا كلنا وممكن نقع أحياناً .. وشيء طبيعي اننا نحس بـ يأس وإحباط .. فيه بيتغلب على احساسه وفيه العكس انتِ كنتِ بتقاومي الشعورد دا إزاي .. ومين كان بيساعدك ، ونصيحة توجهيها لأي حد بيمر بمرحلة اليأس دي .. نورتِ يا سيرو .. وتسلمي ع المجهود يا رفيف ..

ياسلام ع اسئله التنميه البشريه
بحبها ع فكرة

اقتباس سيرين بجد بحسها من اكتر الناس اللي إرادتهم قوية وبيصمموا على اللي هم عايزينه .. ربنا يزيدك

عندى ارادة اة وبحاول اكتر من مرة رغم بيجى عليا وقت بكون جبت اخرى ومش عاوزة احاول حتى
بصمم ع اللى انا عاوزة فى تحقيق حلم او الوصول له
انما ممكن ما اصممش ع اراء خصوصا لو اقتنعت بوجه نظر تانية

اقتباس سؤالي بقى .. انتِ قلتِ ان العقوبات والمصاعب بتواجهنا كلنا وممكن نقع أحياناً .. وشيء طبيعي اننا نحس بـ يأس وإحباط .. فيه بيتغلب على احساسه وفيه العكس انتِ كنتِ بتقاومي الشعورد دا إزاي .. ومين كان بيساعدك ، ونصيحة توجهيها لأي حد بيمر بمرحلة اليأس دي ..

بصى انا فى لحظات احباطى بشوف الدنيا سودة وظالمة
اللى بيقوينى دايما اللى حواليا واللى بيحبونى وعارفنى
دايما بيكونوا اهلى اخواتى واصحابى كمان
دول بجد ساعدونى كتير
وقبلهم رحمة وكرم ربنا عليا ساعات بيفتحلى طرق من جديد
وكلام الناس مش كفايه وبس لازم تكونى من جواكى مؤمنة بالحاجة دى وانك عاوزاها وطالما بدأتى طريق كملى للاخر لو احبطتى من اول محطة واستسلمتى هتلاقى نفسك ماحققتيش ولا حاجة من طموحاتك حتى البسيطة
نصحتى لاى حد بيمر بمرحلة اليأس دى واولهم انا
ما تستسلموش لليأس كتير وع الاقل قبل اما تتخلوا عن الحلم ده اعملوا كل اللى عليكم فيه علشان ماتندموش
ولو حلم ماجاش مش اخر المطاف يعنى
حطوا احلام تانية واتفائلوآ
نورتينى حبيبتى

[Sєяєєη●•ʚɞ]

اقتباس المشاركة الأصلية كتبت بواسطة lost pearl حلقة فعلا تحححححححفة تسلمي يا رفيف بجد عليها سيرين انتي عارفة رأيي فيكي و اد ايه بحبك و بحترمك كمان هاسألك حاجة بقي لما الواحد يبقي ف فترة الاحباط و الياس لما كل حاجة بتقف ف وشه زي العادي يعني :biggrin: تفتكري ايه احسن حاجة ممكن يعملها عشان يخرج من الحالة دي بجد حلقة حلوة تحياتي و تقييمي

وانا كمان بحبك يالوجى
من القـلب ----> للقـلـب
عارفة لما بلاقى الدنيا اسودت اوى اوى واتقفلت من كل النواحى
بصلى ركعتين قضاء حاجة وبفضل ادعى واعيط لربنا
هو بس القادر ع انة يحلهالى
باخد فترة ريست لعقلى اللى بيكون هينفجر من كتر التفكير خصوصا لو كانت مشكله ماليش يد فى حلها واتظلمت وبحاول اغير جو علشان اخرج من مود الكأبه دة لانى مابحبش اعيشه كتير
باخد راحة ولو يوم انسى الضغط وبعد اما عقلى بيرتاح بلاقى نفسى بفكر صح وابدأ احاول من تانى للوصول للطموح دة وبعمل اللى عليا فيه للاخر ولو ماوصلتش خلاص بسيبها زى ماتحصل بقا
بس بيكون ضميرى مرتاح انى عملت اللى عليا فيها
اما لو الاحباط مالوش دعوة بالطموح لان كل كلامى عنه علشان الحلقة
يبقى تغيرى جو حتى لو مالكيش نفس
لانك لو استسلمتى لمود الكأبة هتفضلى فيه كتير
لما بكون مخنوقة اوى ومش عاوزة اخرج او اكلم حد بس حاسة انى داخله ع اكتئاب بجد بلبس واخرج واشوف الناس
مش علشان احكى علشان اغير جو وانساها
لانى بكون متأكدة ان اى مشكله ليها حل لو فكرنا فيها بهدوء من غير ضغط
نورتينى

[Sєяєєη●•ʚɞ]

اقتباس المشاركة الأصلية كتبت بواسطة SaMbaTeKa حآجآ كدآ خونفرآشيه ) تحفه ي رفيفو بجد وسيرين بحب عقلهآ جدآ وبيعجبني تفكيرهآ بجد آوي وكنت عآيزة آسآل نفس سؤآل رؤى آلحآن آلورد وسؤآل لجين بردو عجبني فآ لو سألت هيبقى مكرر آنتي جآوبي وهتآبع آنــآ منورة ي سيرو ,, ربنآ يحققلك كل طموحآتك ي رب فوفــآ :: كيب آت فوق :d

توتى توتا
منورانى بجد " حبيبتى انا "
حاسة بيا يابنتى
انا حاسة انى جاوبت كتير وبجاوب بذمة هههههههه وقربت انام منكم اصلا:biggrin:
واقول الاسئله مش بتخلص ليه ؟
:198:
تابعى تابعى ولو افتكرتى سؤال اسألى ماليش بركة غيرك يانصفانى فى الصحرآ:biggrin:

[Sєяєєη●•ʚɞ]

اقتباس المشاركة الأصلية كتبت بواسطة برنسيسه s آكيد الأنسان طول ماهو عايش طموحاتة بتزيد >> ويلقى متعة لو حققها بعد تعب طيب سيرو >> بنظرك ماهي النقاط المهمة الي بتخلي الواحد متميز آو فيه ميزه عن غيرة ؟؟ تشكرآت يا رفيفو ع الحلقة استمري*_^ طبعىآ سيرو موش بشبع مع النقاش معاها لنو بقعد آرغي معها ع الميل نورتي آكيد يا غالية

مآ أحلى رغينا ياسوسووو

اقتباس طيب سيرو >> بنظرك ماهي النقاط المهمة الي بتخلي الواحد متميز آو فيه ميزه عن غيرة ؟؟

انك تكونى مختلفه
تعملى حاجة مش تقليدية ولا روتينيه
اى شغل تاخدية ماتحاوليش تنفذى كل اللى قبلك بيعمله بحذافيرة
بمعنى انك تعرفى ايه الطريقة اللى ماشين عليها للمعرفه بس مش لتقليدها بالضبط لانك هتضيفى لمساتك وتبدعى انتى عليها
انا ماحبش حد يقيدنى بإسلوب معين فى الشرح مثلا
لانى بحب ابدع واستخدم اكتر من اسلوب لانى بكره الروتين وبحب التغيير
مابعرفش امشى ع نفس نهج غيرى
بحب يكون ليا طريقتى المميزة الخاصة
ابسط حاجة لو هتاخديها ابدعى فيها
حتى لو هتمسكى دفتر تحضير زيهم خلى دفترك انتى المميز عنهم
ضيفى دايما لمساتك الخاصة
شخصيتك كمان فى شغلك لها عامل مهم وتميزك واختلافك هيظهرك
حاولى تسيبى بصمة فى كل مكان تشتغلى فيه واشتغلى بضمير هتلاقى شغلك مميز فى وسط معدومين الضمير وما اكثرهم دلوقتى
حاولى تبدعى فى اقل حاجة بتعمليها وتحطى فى دماغك انك هتطلعى شغل مميز هتنجحى وتوصلى وهتلاقى نفسك مميزة
نورتينى ياسوسو

[۩۩ elMagic ۩۩]

متابع انا من بعيد لبعيد
بس مينفعش يبقى عندنا سيرين ونمر كده مرور الكرام :biggrin:
بجد تفكيركـ عقلانى واجاباتكـ جميله جداا
وعجبنى كتير سؤال برنسيسه واجابته كانت مميزه
اصلــــــى يا سيرو :003:
طب عندى بقى سؤال بسيط
دلوقت بفرض واحد منعدهوش طموحات او بمعنى ادق مش عارف ايه هى طموحاته
تفتكرى ايه اول خطوه يعملها علشان بس يحاول يعرف طموحاته فى الحياه
اللى المفروض يسعى علشان يوصلها لان طبعا اكيد كل واحد لازم يكون عنده طموحات
وهدف سامى بيسعى علشانه ؟

خيبت ظنكـ انا :762: