اول حلقة برنامج (حوار مع عضو جديد) body99

[S n i p e R]

السلام عليكم ازي الجميع يا رب بخير انهاردة معانا اول حلقة وبرنامج جديد هدفه الاول هو الاعضاء الجدد ان شاء الله مع كل حلقة هنجيب عضو جديد نشيط ومميز وعضونا انهاردة مقطع المنتدى مبدع بمعنى الكلمة بجد ما شاء الله انهاردة تم اول شهر ليه ف المنتدى عضونا المميز هو booody99 ويلا نشوف اجابته معانا كانت عاملة ازاي 1- بودي ع الورق بطاقتك يعني الاسم : عبدالله السن : 18 الجنسية : مصري العنوان : انا من كفرالشيخ بس عايش في السعوديه المهنة : طالب المؤهل الدراسي : ادعولي اخر سنه 3ثانوي 2-بودي ف المنتدى اتعرفت ع المنتدى ازاي يا ريس؟ هي جت صدفه كنت ببحث عن موقع عن مصر فلقيت الموقع ده وعجبني انطباعك الأول ايه عن المنتدى اول ما دخلت يعني؟ صراحه حسيت ان اعضائه نشيطه جدا وفعاله وده الي لقيته فعلا وشجعني وانا اول مره اشارك في منتدى لأن كان في واحد طلبني اشارك معاه في منتدى سعودي وكده وشاركت لكن اعضائه خخخخخ نايمين فبصراحه سبته ودورت على موقع مصري والحمدلله اتشرفت بالانضمام ليكم رأيك في الادارة ايه؟ يمكن اداره نشيطه جدا بس حازمه جدا جدا وبتحب الانشطه الجديده رأيك في المشرفين ايه ؟ صراحه انا شوفت مشرفين مفيش زيهم والله في الأدب والزوء والاخلاق وكلهم كده ان شاء الله بس في مشرفين تطلبوه في اي وقت تلقيه حاضر وقسمه بيبقى نشيط جدا وبيشجعك رأيك في الأعضاء ايه ؟ الاعضاء من احسن الاعضاء الي شوفتهم بردو بس في وفي بردو مش الكل لكن نشاطهم جميل جدا وبيحبوا يخدموا المنتدى طموحاتك في المنتدى ايه (يعني عايزا تبقى اداري/ مشرف / مميز / عضو عادي كدا فحالك) ؟ صراحه هو هيبقى شرف ليا اكيد بس والله الواحد بيعمل الي عليه والي مكتوب هيجي لكن طموحي اني افيد واستفيد ليك اي تجارب في منتديات تانية غير منتدانا ؟ صراحه لا غير الموقع الي قولتلك عليه ومش كملت فيه يومين انت ع الحقيقة زي انت ع المنتدى ولا لأ؟ يمكن بنسبة80% كونت اي صداقات في المنتدى ولا لسه؟ لا بصراحه لسه ولكن الكل اصدقاء قولي بأه مين الأعضاء اللى جذبوك من ساعة ما دخلى وعجبك اسلوبهم وطريقتهم؟ في كتييير والله ومش هقدر اقول حد عشان مظلمش الباقي ولكن الاعضاء تفاعلهم واخوتهم ومحبتهم هي الي جذبتني 3-بودي ف الحياة العملية عرفلي بأه بودي وصفاته والحاجات اللى بيحبها؟ انسان بسيط نفسه يفيد الناس وينشر المحبه والخير بينهم ليه مش كاتب معلومات عنك في البروفايل؟ وهل ده نوع من الغموض؟ يمكن مش لاقي حاجه اكتبها لأني مش بقدر اقول كلام عن نفسي ومش غموض ابدا وعلى فكره في ناس فكره اني سعودي من اسم البلد(k.f.s)ولكن ده اختصار كفرالشيخ ههههههههههه وما هي اهتماماتك؟ اهتمامت كهوايات انا بحب الكوره جدا والسباحه وبحب القصص القصيره احكيلينا عن اخواتك؟ انا اخواتي الحمدلله عندي 3 بنات واخ صغير وانا الكبير احكيلنا عن صحابك خارج المنتدى؟ انا تقريبا ليا اكتر من صاحب ولكن ماليش غير واحد بس هو القريب مني جدا وزي ما تقول متربين مع بعض وكل حاجه بنتشارك فيها سوا رأيك في الربيع العربي والوضع الحالي لبلادنا؟ احساس لا يوصف طبعا ولكن كنت اتمنى اني احضر في مصر ويمكن ربنا ادالنا الفرصه نغير من نفسنا عشان مش يبقى لينا حجه بعد كده ويارب نكمل المشوار وربنا يوفقنا يارب ايه هي طموحاتك في الحياة؟ الواحد لسه قدامه طموحات كتير جدا ولكن يمكن اهمها بالنسبالي اني احاول انصح او انشر اي خير عرفته ولقيت حد محتاجله واني ارضي والدي ووالدتي واني انزل مصر واحب اقول كلمه اخيره: بشكرك على استضافتك ليا وطبعا ده شرف اكيد ويارب اكون وفقت في الاجابه على اسألتك بشكل كويس وربنا يبارك فيك يارب نورت الحلقة يا عبود وبكدا تكون خلصت حلقتنا يا رب تكون عجبتكوا

[ماتركس]

عووده قويه بالبرنامج يا ابووحميد

ونورت يا بوودي واديني اتعرفنا عليك ياريس

ومنور المنتدي ومنتحرمش منك يا ريس

[Řǻet βanota]

مميز طبعا يا احمد مفيش كلام

نايس بروجرم

ونايس ضيف

بالتوفيق

[ساحر الأحزان]

نورت الحلقة عبدالله

فانت عضو رائع جدا ونشيط

وان شاء الله يكون لك تواجد جميل معنا

حلقة جميلة منكم

اتمنى لك دوام التوفيق

[elaitrwy]

فكرة جميلة
يسلمووووووووووووووووووو

[morshooo]

منور التوبيك

booody99

اجابات جميلة ومميزة

واتمنالك التوفيق فى دراستك ان شاء الله

بالتوفيق

[game010]

حلقة جميلة جدا
برنامج مميز
وهدف البرنامج جميل جدا يا ابوحميد
عضو نشيط وعرفناه اكثر
ودى وتقديرى واحترامى

[طمطم]

فكرة حلوة اوى والاجابات جميلة جدا والبرنامج رائع
فى انتظار الحلقات الجديدة

[dяєαм..|♥]

مجهود رائع منك
وضيف متميز
ننتظر الحلقه القادمه ان شاء الله

[سَـلمَى]

حـــــوآر جميل جدآ

منـــــور يــآ عبد الله

وطبعآ ضيف ملهوش كلام

يعني تميز بسرعهـ مآشاء الله

ويارب من تميز لتميز عل طــــول

تســـلم عل الحلقهـ الجميلهـ يــآ أبو حميد ^^