جروب>>> ثورتنآ مستمرة>>>

[ღ Gի๐sτ ღ]

اقتباس المشاركة الأصلية كتبت بواسطة hope and pain يآ جماعه اكيد بكره ان شاءالله هيكون فيه مليونيه عشان شهداء بور سعيد اللي عنده اي معلومه عنها ياريت يدخل يعرفنا

لحد دلوقتى مسمعتش عن اى حركات تدعو لمليونية عشان الشهداء

و اولتراس اهلاوى غد هانتقبل العزاء فى الشهداء ان شاء الله

[رقة BaNOTa]

بالنسبه لجمعة غدا
ان شاء الله هيكون في حوالي 27 حزب وائتلاف للثوره
من الشباب طبعا وباقي الاحزاب
اتمنى ان مليونيه بكره تكون سلميه وميحولش البلطجيه تتدخل بين المتظاهرين
انا طبعا مع مليونيه بكره للمطالبه بحق الشهداء ولكني
اختلف مع الناس الي هيطلعوا من نادي الاهلي على مجلس الشعب
لان انا اتفرجت على الجلسه انهرده
وشفت ان اعضاء مجلس الشعب طالبوا بحقوق الشهداء وكانوا جادين جدا
وكلهم ناس محترمين واحنا الي اخترناهم
فمفيش داعي ان احنا نبقى ضدهم
لكني مع المطالبه بحق الشهداء
وربنا يستر على بلدنا

[ღ Gի๐sτ ღ]

فى واحد اسمه عمار فؤاد كان على قناة الحياة منذ قليل بيدعى انه رئيس اولتراس اهلاوى

وبيطلب تبرعات من الناس ورجال الاعمال عشان فلوس للمصابين وهكذا

للعلم فقط * عمار فؤاد ليس له اى علاقة باولتراس اهلاوى ولايوجد رئيس فى اولتراس اهلاوى
والراجل دة نصاب وكذا مرة بيعمل الحركة دى انه بياخد تبرعات عشان حالات انسانية واصابات تحت مسمى اولتراس اهلاوى ولكن الحقيقة انه بياخد الفلوس دى لنفسه

واولتراس اهلاوى حذر عن الراجل دة اكثر من مرة ولكن لسة القنوات بتستضيفه لحد دلوقتى فى برامجها مش عارف لية


وبمناسبة اللى بيحصل عند مجلس الوزراء
انا وجهة نظرى ان حق الناس هايرجع من امن بورسعيد و مسؤلى الامن فى بورسعيد وجمهور المصرى نفسه
وليس حرق مجلس الوزراء لان مش دة اللى هايجيب حقنا قفط ورغم ان دة كدة كدة مش هايعوضنا عن الشهداء
وللعلم عشان فى ناس بتقول ان جمهور الاهلى او بالاخص اولتراس اهلاوى هو من يقوم بحرق مجلس الوزراء

دة رد اولتراس اهلاوى فى توضيح رسمى

ارجوكم ارحمونا من الشائعات
اولتراس اهلاوى يدفن شهدائها و يتقبل فيهم العزاء و غير موجودين و ليس لهما اى صلة بما يحدث الان امام وزارة الدخلية
ارجوكم كفاية اشعات
حقنا احنا هنعرف ناخده

[βзήŦ ℓǻẑĨήǻ]

وانا كمان معاكي اوي يارقه
معلومات كويسه جدا
واحنا طبعا مع سلمية المظاهرات
موش بالحرق والتخريب والتكسير



وكلامك كويس جدا يامحمد
بصراحه طمني كتير
خاصه اني فعلا كنت فاكره ان الالتراس هو اللي قدام مجلس الشعب
ووزارة الداخليه
ربنا يعديها علي خير يارب

[βзήŦ ℓǻẑĨήǻ]

ياجماعه لو حد نازل بكره التحرير مع المظاهره ياريت يقولنا

[رقة BaNOTa]

للآسف انا في اسكندريه وعندي مش موافقين اسافر القاهره
بس ان شاء الله هروح عند مسجد القائد ابراهيم نقف حداد هناك

[βзήŦ ℓǻẑĨήǻ]

تمام اوي

بجد شئ حلو
موش لازم ميدان التحرير
المهم اننا نعمل اللي علينا ونحاول نوصل صوتنا
حتي ولو في شارع جانبي
وانا باذن الله تعالي
هنزل بكره
وياريت اللي ينزل مننا يحاول
يوثق الاحداث بصور او فيديوهات اوتقرير مفصل
والله المستعان

[dяєαм..|♥]

انا مش عارفه بالظبط اللى هيحصل بكره
كل اللى اعرفه ان الالتراس الاهلاوى هيروح بورسعيد يقتحمها ده خبر سمعته
واكيد هيكوون فيه مليونية بكره واتمنى تكون سلمية علشان حق الشهداء
وربنا يستر ان شاء الله
وكنت بتمنى انى انزل الميدان
بس للاسف انا فى المنصورة واهلى يرفضوا انا اروح القاهره

[What do u think of u]

حسبي الله ونعم الوكيل فيهم يسقط يسقط حكم العسكر

[ღ Gի๐sτ ღ]

[FONT=""][COLOR=""][SIZE=""]

اقتباس المشاركة الأصلية كتبت بواسطة بنوتات مصريات كل اللى اعرفه ان الالتراس الاهلاوى هيروح بورسعيد يقتحمها ده خبر سمعته

معلش ع التدخل عشان اوضح
مش هانروح بورسعيد نقتحمها بكرة ولاحاجة
حاليا التفكير فى العزاء

[/SIZE][/COLOR][/FONT]