اللافته التي اشعلت الفتنه من جماهير الاهلي!!

[booody99]

((اليوم السابع))
صورة "اللافتة" التى أشعلت النار فى أحداث موقعة بورسعيد الدامية،
والتى اقتحمت بسببها جماهير النادى المصرى بأعداد ضخمة الملعب فور انتهاء مباراة فريقها مع الأهلى،
والتى فاز فيها المصرى بثلاثة أهداف مقابل هدف.

كانت هذه اللافتة التى رفعها جمهور الأهلى مكتوبا عليها "بلد البالة مجبتش رجالة"،
بمثابة شرارة البداية لإشعال نيران الغضب داخل مدرجات جمهور نادى المصرى البورسعيدى.

[βзήŦ ℓǻẑĨήǻ]

استحاله يكون كل ده بسبب حته يافطه
الاحداث مدبره فعلا والله اعلم
لكن حرام الدم اللي سال
والناس اللي ماتت واللي انصابت دول
تسلم

[ღ Gի๐sτ ღ]

هههههههههه
ضحكتونى وانا مش عاوز اضحك
يعنى هى دى سبب المشكلة ؟؟؟
طيب اتوبيسنا اتضرب لية واحنا ماشيين فى الطريق ؟؟
طيب تم اطلاق صواريخ والعاب نارية على اللاعبين قبل بداية المباراة لية ؟؟
طيب تم حرق علم الاهلى فى مدرجات المصرى قبل بداية المباراة لية ؟؟
حجج فارغة واللافتة مش هى السبب لان جمهور المصرى عارف اننا هانرفع لافتات مسيئة واحنا عارفين انهم هايرفعوا لافتات مسيئة لان دة الطبيعى بسبب العداوة الموجودة

ماهو جمهور المصرى رفع الاهلى فى اسرائيل !!

طيب نفترض ان دى سبب الشغب .. ضربوا لية الجمهور قبل بداية المباراة واللعيبة قبل بداية المباراة ؟؟
طيب دخلوا الاستاد باسلحة بيضاء لية طالما هما مش فى نيتهم شر !؟؟

دة اتفاق ومدبر من اولتراس جرين ايجلز التابع لنادى المصرى البورسعيدي
والامن والجيش متفق معاهم ومدبرين كل دة من قبل بداية المباراة


هل تعلم ان الجمهور معرفش يهرب من الاستاد بسبب الجيش والامن ؟؟؟

انا كلامى مش موجه ليك .. بس موجه لكاتب الخبر ولكل واحد مقتنع بالكلام دة

[dяєαм..|♥]

يعنى هى اللافته دى اللى تعمل كل ده فيهم
توصل ان هما يعدوا يقتلوا كده زى الارهاب
طب ما الاهلى دايما بيعمل لافتات زى دى
وكل ده علشان ايه يعنى
ولا هما ما صدقوا يلاقوا حاجه يعملوا عليها مشكلة
ومش ع اساس لافته اصلا
هما مجهزين الاسلحة البيضة وكل ده من قبل الماتش
ده كانوا بيضربوهم وهما لسه بيدربوا
يعنى هى مقصـــــوده منهم
حسبى الله ونعم الوكيل فيهم

[booody99]

ده الكلام يجماعه من اليوم السابع وانا نقله بس انا عارف ان ده حرام اكيد والي حصل ده اكيد مدبر

[Lost Pearl]

لا و الله

احنا مش عندنا 3 سنين

عشان نصدق ان اليافطة دي هي اللي تعمل كل ده

طب يعني هي الوحييدة اللي اترفعت !!!!!!

واضح اوي انها مدبرة

و اللي بيقول غير كدة جبان و خايف من انه يتحرك

و هو ده اللي هم عايزينه

حسبي الله و نعم الوكيل بجد

[مصر فوق الجميع]

لا مش معقول

يعنى كل اللى حصل ده وكل اللى ماتو دول

واللى اتصابوا وكل ده علشان اللافته دى

حسبى الله ونعم الوكيل

[тoкα..♥]

شـر آلبلية مـآ يضحـك ..

[Silver Flower]

لا حول ولا قوه الا بالله

وحسبي الله ونعم الوكيل

هو لو في نظام وتسليم السلطه للمدنين كان ما صار هيك
القصه فيها شي غير طبيعي

في ناس معنيه بالتخريب

الله يستر من الي جايه

[booody99]

اقتباس المشاركة الأصلية كتبت بواسطة hope and pain استحاله يكون كل ده بسبب حته يافطه الاحداث مدبره فعلا والله اعلم لكن حرام الدم اللي سال والناس اللي ماتت واللي انصابت دول تسلم

فعلا معاكي حق وربنا يولي على مصر الصالح

كل التحيه والتقدير