مبروك يابور سعيد

[a7med -3del]

السلام عليكم ورحمة الله وبركاته

النهاردة وامبارح شوفت مشهد مجاش فى خيالى حتى مجرد انى اتمناه الاهلى الزمالك فى مكان واحد باعداد كبيرة بيتفقو لاول مرة ف التاريخ والسبب مووت وقتل
ليه مش قبل كده وليه دايما بنفهم متاخر وليه مش بنتعلم الا بتمن غالى اوى
بور سعيد فلول على جهل على تعصب على هيصة عملت مجزرة مبروك يابورسعيد الدورى كله
انا كنت كتير اوى ومعروف بين اصحابى انى زملكاوى متعصب اعمى بس عمرى ماكنت اتمنى اشوف كده
ملعونة الكورة وملعون اى حد يتكلم الا باسم مصر
انا مش زملكاوى ولا اهلاوى انا مصرى
احتفال بالثورة فى ارض بور سعيد (الباسلة ) على اكمل وجه شكرا لبور سعيد
كل حاجة فى الرياضة مبقاش ليها اى معنى خلصت خلاص حتى الحاجة الوحيدة اللى كانت بتفرحنا ساعات وتلهينا راحت كده نفضى بقى للاعتصامات والتحرير واتلقتل فى بعض ماهى بقيت شغل عصابات جهل وغباء وكل كلامى ده تافه جدا لان الموضوع كله بكل خجل واسف عشان ماتش كورة
كل كلامى وضحايا وجرحى عشان ماتش كورة والاهم انكم كسبانين
لو كنتو خسرتو يابور سعيد كنتو عملتو ايه ؟
كنت زملكاوى وبكره الاهلى
بقيت مصرى بحب الاهلى

[♥sosa♥]

لا اله الا الله


لكى الله يا مصر

[سَـلمَى]

تكــــلم مين ولا مين يــآ أحمد

دول فــآزو ولا قلنــآ حآجهـ

بس حسبي الله ونعم الوكيل

وأهلاوية طــــــــــــــول عمري

والأحدآث دهـ حتخلي حبي للأهلي فوق العآدة

تســــلم عل كلامك يــآ أحمد

[βзήŦ ℓǻẑĨήǻ]

احمد
لو تسمحلي بتوضيح بسيط
موش شعب بورسعيد الجدع هو اللي يعمل كده
اللي عمل كده فلول النظام اللي موش سابق للاسف
والمشير طبعا جزء منه
دي خطه مدبره ومنظمه جدا
المجزرة حصلت
وبكل برود الشرطه والجيش واقفين يتفرجوا
ع الناس اللي بتندبح وبتنصاب
ده معناه ايه غير انهم واخدين اوامر بكده
وان المسئولين اللي بيحمونا هما اللي بيموتونا
وعشان تحصل فتنه بين شعب بورسعيد والاهلي
وانقسام في كل شوارع مصر
المصري اللي عمل كده لاء الاهلي لاء بورسعيد السبب لاء موش عارف ايه
هو ده اللي هما عايزينه
مبارك قال ياانا يالفوضي
والمشير قال انا الفوضي
بس احنا مابيضحكش علينا يااحمد
لازم نعيد تفكيرنا ونتأكد ونعرف كويس
مين معانا ومين علينا
اسفه ع اللت الكتير
محروق دمي اوي بصراحه

[احزان ملكه]

عندك حق والله في كل كلمه حتى الحاجه اللى كانتبتفرحنا ساعات وتلهينا بقية كلها حزن ودم ودمار .... حسبي الله ونعم الوكيل ....
ليه كدا احنا اتجننا ولا ايه ولا خلاص اتعمنا ومش شايفين دول اولادنا وشبابنا يعني مصري ذيك يعني لو بحثت اكتر هتلاقيه يقربلك دمه من دمك حتى لو مش كده فهو بيشرب من نفس النيل وبياكل من نفس القمح يعني واكل عيش وملح معاك والله حرام ..... ربنا يرحمنا كلنا احياء واموات .... تقبل مروري وشكرا

[ღ Gի๐sτ ღ]

hope and pain

توضيح بس .. المقصود جمهور المصرى مش شعب بورسعيد نـفـسه
ولكن للتوضيح

منكرش ان مدبرة من الامن والجيش ولكن جمهور المصرى مشترك معاهم وللعلم واحد ذكر فى احدى المنتديات من ايام انه سمع جمهور المصرى وهو فى الاستاد فى المباراة السابقة بيقولوا هانقتل ونضرب فى جمهور الاهلى

يعنى زى مالجيش والامن مشتركين فى اللى حصل بردو جمهور المصرى مشترك معاهم ومش قلنة مندسة زى مابنسمع

حتى لو قلة مندسة كان هايكونوا كام ؟ 100 ؟ 200 ؟ 300 ؟ 500 حتى !!

كان معانا بارشوتات
كل واحد فينا يضرب باراشوت هايعمل عاهة مستديمة للى قدامه والمندسين كلهم هايرجعوا مكانهم
لاننا كنا هانضرب واحد لواحد او بمعنى اصح عددهم زى عددنا واحنا هانضرب الباروشتات من بعيد لبعيد من غير ماحد يقرب مننا لان صعب حد يقرب مننا لان زى ماقلتلك الباراوشتات دى هانضربها من بعيد لبعيد
وفى فيديو للمباراة ظهر فيه اتنين من عندنا بيضربوا باراشوت نارى على جمهور المصرى من بعيد لبعيد

ولكن لما لقينا 15 الف واحد مرة واحدة كلنا جرينا واتزنقنا فى الممر وكل اللى معاه اسلحة ضرب براحتوا فى الجمهور لأن الجمهور مزنوق فى الطرقة ومفيش مكان يخرج منه

يعنى جمهور بورسعيد حتى اللى ملوش دعوة بحاجة لو مكنش نزل وعمل عدد الجمهور دة كلو

احنا كجمهور اهلى كان ممكن نتعامل مع اللى قدامنا ولكن لما نلااقى 20 الف قصاد 500
هو دة اللى فرق معانا

انا بس حبيت اوضحلك مش اكتر :biggrin:

[βзήŦ ℓǻẑĨήǻ]

اقتباس المشاركة الأصلية كتبت بواسطة ghost ♥n♥ joy hope and pain توضيح بس .. المقصود جمهور المصرى مش شعب بورسعيد نـفـسه ولكن للتوضيح منكرش ان مدبرة من الامن والجيش ولكن جمهور المصرى مشترك معاهم وللعلم واحد ذكر فى احدى المنتديات من ايام انه سمع جمهور المصرى وهو فى الاستاد فى المباراة السابقة بيقولوا هانقتل ونضرب فى جمهور الاهلى يعنى زى مالجيش والامن مشتركين فى اللى حصل بردو جمهور المصرى مشترك معاهم ومش قلنة مندسة زى مابنسمع حتى لو قلة مندسة كان هايكونوا كام ؟ 100 ؟ 200 ؟ 300 ؟ 500 حتى !! كان معانا بارشوتات كل واحد فينا يضرب باراشوت هايعمل عاهة مستديمة للى قدامه والمندسين كلهم هايرجعوا مكانهم لاننا كنا هانضرب واحد لواحد او بمعنى اصح عددهم زى عددنا واحنا هانضرب الباروشتات من بعيد لبعيد من غير ماحد يقرب مننا لان صعب حد يقرب مننا لان زى ماقلتلك الباراوشتات دى هانضربها من بعيد لبعيد وفى فيديو للمباراة ظهر فيه اتنين من عندنا بيضربوا باراشوت نارى على جمهور المصرى من بعيد لبعيد ولكن لما لقينا 15 الف واحد مرة واحدة كلنا جرينا واتزنقنا فى الممر وكل اللى معاه اسلحة ضرب براحتوا فى الجمهور لأن الجمهور مزنوق فى الطرقة ومفيش مكان يخرج منه يعنى جمهور بورسعيد حتى اللى ملوش دعوة بحاجة لو مكنش نزل وعمل عدد الجمهور دة كلو احنا كجمهور اهلى كان ممكن نتعامل مع اللى قدامنا ولكن لما نلااقى 20 الف قصاد 500 هو دة اللى فرق معانا انا بس حبيت اوضحلك مش اكتر :biggrin:

اوك انا متفقه معاك جدا
بس كان قصدي ان موش هما السبب من الاول
هما طبعا غلطانين انهم اشتركوا معاهم غلط كبير
لكن انا قصدي ان فيه ناس جايه من الاول عشان كده
بدليل زي ماقولت انسحاب الامن
هما اكيد كان ليهم طرقهم انهم يهدوا الدنيا
لكن هما موش عايزين غير يولعوها نار
بيتشطروا بس ع المظاهرات السلميه والاعتصامات
والناس البلطجيه دي
وهما اللي قوموا جماهير المصري علينا

[دمعه حائره]

اللى حصل امبارح ده مش تصرف مصريين بجد
دول خاينين لبلدهم واهدروا دماء اخواتهم
استحاله يكونوا ليهم فى الرياضه اصلا
ولا كانوا بيشجعوا
شكرا اخى كلماتك عبرت عن كل اللى جوانا
ودلوقتى مافيش زملكاوى واهلاوى
فى مصرى بجد
وربنا يستر ويحفظ مصر وشعبها

[a7med -3del]

محدش يقولى دى مؤامرة ومحدش يقولى فلول ده جمهور المصرى مهما دخل وسطهم اللى حصل انها هيصة وكلنا عارفين ومحدش برىء انا مكنش عندى اى مشكلة لو يحصل ضرب انما توصل للقتل اقسم بالله انى لو حتى فى بلطجية فالاغلبية الساحقة جمهور همجى مش بيفهم ومشى مع الهيصة ومحدش شايف حاجة وموقف الامن بقى طبيعى لانه لو ضرب هيبقى ظالم ولو سكت هيبقى السبب وهو المتخاذل وامريكا بتحاول تكسر الجيش واحنا نايمين وف الاخر بنقتل بعض عشان كورة
ونبى فوقو بقى

[ساحرة الليل]

مش شعب بورسعيد دة تخطيط النظام وتم القبض على احد البلطجية من اللى كانو فى الماتش وهما مش عايزين غير يفرقو الشعب المصرى

تحياتى((ساحرة الليل بورسعدية وافتخر))