بفضفض عشان أرتاح

[أنا مي]

السلام عليكم ورحمه الله وبركاته

بفضفض عشان أرتاح

[أنا مي]

الــــــف مبـــــــروك يا مبــارك
المشــير خدلك بتــــــارك
قوم افــــــرح و طفـــــي نارك
اغسل بدم مصـــر عارك
واحنا الشعب الاهبل ابو ريالة
... ... ضحكت علينا بتنحي و استقالة
وقلتلنا هتاكلو من بعدي زبالة
وعملت عيان و بتموت على نقالة
قوم افرح ده انهرده عيد
و فرح جمال و علاء و بتاع الحديد
قلهم المشير ولع ف بور سعيد
و قلك الشعب و الجيش ايد ف ايد
المجلس و الداخلية ماشين عالخطة تمام
هو يلغوش واحنا ننهب كمان يا سلام
نشغلهم ف ماتش كوره و نولع شوية الاعلام
و يا سيدي ثورة و مالة اهو كله كلام ف كلام
و يجي يقول :ما هو انتو يا ولادي الي خايبين
منا قلت يا انا يا الفوضي يا شحاتين
و ان رحت انا سايبلكو شوية محرومين
ينهشو فيكو و يدبحو فيكو بسكاكين
طب ماشي يا ابن الحرامية يا نصاب
و حياة دم اخويا لاقلبها عليك خراب
و هعرفك ان مصر مش شوية تراب
وان سألو مبارك فين هنقول طار الغراب !!.

[أنا مي]

هكمــــــــــــــــــــل بعدين

[يارات الحب]

كلام جامد تسلمي وعلي التنسيق

يارب احمي مصر

كلام معبر عن اللي متواجدين فيه حاليا

وكلنا بتمني ان البلد توصل لمرحله انها اعظم دوله في اتخاذ القرارات

[What do u think of u]

كلام جميل ومنسق وبيوصف البلد في اليومين دول

[أنا مي]

ام شهيد : يا سيادة المشير إبني مات
المشير : عادي بتحصل حنديكي تعويض
ام شهيد : يا سيادة رئيس الوزراء إبني مات
الجنزوري: أنا ما قلعتش الجاكيت من أمبارح
أم شهيد : ياوزير الداخلية ابني مات
وزير الداخلية:أنا اديت تعليمات وملتزمين أقصي درجات ضبط النفس
... أم شهيد : يا محافظ ابني مات
المحافظ : أستقيل ليه ؟؟
أم شهيد : يا مجلس يالي انتخبتك ابني مات
المجلس : ما انا عقدت جلسة طارئة حاجة ما حصلتش من 40 سنة
أم شهيد : يا"" رب "" ابني مات
فيقول رب العالمين وعزتي وجلالي لأنصرنك ولو بعد حين ...احذرو دعوة المظلوم

[مشتاقه للجنه]

جميل اووى فضفضتك يا ورده

أستمرى

[أنا مي]

اقتباس المشاركة الأصلية كتبت بواسطة مشتاقه للجنه جميل اووى فضفضتك يا ورده أستمرى

منوره يا مشتاقه الى الجنه
هنزل الجديد دلوقتى

[أنا مي]

النشيد الجديد
ــــــــــــــــــــــــــــــــــ
بلادى بلادى بلادى هو ليه بقى موتنا عادى
مصر يا ضهرى اللى محنى .. لا ارتويت ولا نيل لمحنى
واللى امنته دبحنى .. لم ااعلنت اعتراضى

مصر ياللى وجعى اللى زاد .. قتلو قدامى الولاد لبسونى توب سواد
.. وانتى حبسوكى انفرادى

.. مصر سيبك من كلامهم كدبهم خافى سهمهم
.. شوفنا اية غير انهزمهم والخداع وضع اعتيادى

.. هيقولولك ايد خفية قلة صايعة وبلطجية .. لسة فاكرينك هفية تنسى حقك بالتراضى .. فوقنا من تامر فى غمرة جت مذيعة عاوزة عامرة
تفذع الناس من المؤمرة يحيا اعلامنا الحيادى ..

مهما هيداروا الحقيقة يوهموكى بميت طريقة .. برضةايدهم موش بريئة
من اللى عملوه النوبة دى ..

قولى للباشا اللى واهم انى حافظه وهو فاهم ..
مهما يضرب او يداهم هرفض الأمر السيادى ..

فكريه لو هو ناسى بكرة موش دايمة الكراسى
وان ردى هيبقى قاسى لو فضل ظالم وسادى ..

مصر يا غاية اندفاعى لسة جوة البيت أفاعى
محتاجين مليون رفاعى يجمعوا عزم الايادى

:yuck:

[أنا مي]

اخويا نازل ماسك علمه !
رايح الماتش وكان مبسوط !
فجأه اتقلب الحال لسكوت!
قريت أخبار فيه ناس بتموت؟؟!!
قلت أكيد قنوات اشاعات!
فتحت موبايلى لقيت رنات !!
كلمته مره !
كلمته التانية !!
انسان غريب رد عليا !!!
أقوله ميـــن !!...يقولى الفاتحة...!!
أخوك مــات !!!!!!!
بتقول ايه !!! بلاش تهريج .. ادينى أخويا أبوس ايديك !
أصوات كتيـــر ! زعيق و صريــخ !!! أخويا راح .. والله بــريــئ!!
مصرى ده !!! ولا احنا يهود!!!
أخويا نزل !!... و رجع فى تابــــوت!!!!

صــــــاحـــبـــى مــــــــات .. وحــــــقــه هيــــضــيــع زى غـــيـــره !!

يــــــســقـــط يــــــســقـــط حــــكـــم الـــــــــعــــــــــــســــــــكــــــر
يــــــســقـــط يــــــســقـــط حــــكـــم الـــــــــعــــــــــــســــــــكــــــر
يــــــســقـــط يــــــســقـــط حــــكـــم الـــــــــعــــــــــــســــــــكــــــر
يــــــســقـــط يــــــســقـــط حــــكـــم الـــــــــعــــــــــــســــــــكــــــر
يــــــســقـــط يــــــســقـــط حــــكـــم الـــــــــعــــــــــــســــــــكــــــر