رساله من ام بورسعيديه لاهل القاهرة

[~&ابتسم لحياتك*$]

السلام عليكم ازيكم انا قرات الموضوع دة عضوة كتباة فى منتدى و بجد صعبت عليا و ققرات اجبهلكم و الموضوع اهو انا نقلت كلممها بالحرف


اخواتي وحبيباتي في الله ........ السلام عليكم ورحمة الله وبركاته
انا بورسعيدية والله العظيم بجد تعبنا من اللي بيحصل فينا واللي بيتقال علينا بجد احنا مظلومين انا ابني للمفروض ان له عمليه يعملها في القاهرة وهو طفل عنده 5 سنين المفروض نسافر اليومين دول مش عارفين نسافر ولا نطلع من بورسعيد خالص .......... انا بسال بس ليه كده هو مش احنا مصريين برضه طيب حتي افتكرو ان احنا بلد العدوان الثلاثي واكيد مش كل اللي كان هناك في الاستاد بورسعيدية وحتي لو كان ليه يتظلم شعب بحاله علشان قلة منه منحرفة او بلطجية ما كل بلد فيها الكويس والوحش ليه بيشبهونا دلوقتي باليهود والله البورسعيدية كلهم في حالة نفسية صعبة البلد بقي فيها جو من الكأبة والحزن رهيب كل ام في بورسعيد حاسه انها ام لشهيد البيوت من جوه حزينة والشوارع حزينة اللي راحو دول برضو ولادنا واخواتنا ليه نتعامل بالطريقة دي
اسالكم الدعاء ان يكشف الله عنا الغمة وربنا ينصرنا ويظهر الحق علشان اعرف اسافر بابني واكيد في ناس كتير زيي مش عارفة تدخل ولا تطلع من البلد

[βзήŦ ℓǻẑĨήǻ]

فعلا كلامها صح
هما ملهومش اي ذنب حتي لو افترضنا مثلا مثلا ان كل اللي كانوا في الاستاد
بورسعيديين وكلهم ضربوا وقتلوا
طبعا اللي عمل كده لازم يتعدم بدل المره الف
بس ذنب ايه الناس الباقيين
موش عايزين نوصل لفتن مابينا
ودي اكبر كارثه ممكن نتعرضلها
ربنا يعينا ويصبرنا ونعدي المرحله دي بامان

[ღ Gի๐sτ ღ]

فى فرق بين جمهور المصرى وبين شعب بورسعيد
شكرا ع الموضوع

[What do u think of u]

ربنا يكشف عنها الكربه يارب تسلمي

[~&ابتسم لحياتك*$]

اقتباس المشاركة الأصلية كتبت بواسطة hope and pain فعلا كلامها صح هما ملهومش اي ذنب حتي لو افترضنا مثلا مثلا ان كل اللي كانوا في الاستاد بورسعيديين وكلهم ضربوا وقتلوا طبعا اللي عمل كده لازم يتعدم بدل المره الف بس ذنب ايه الناس الباقيين موش عايزين نوصل لفتن مابينا ودي اكبر كارثه ممكن نتعرضلها ربنا يعينا ويصبرنا ونعدي المرحله دي بامان

فعلا هى صعبت عليا اوى و يا رب المجزرة اللى عماله تحصل دى تقف بقى لحسن خلاص الناس تعبت و قرفت هما حتى لو كانوا السبب دول برضوا ناس شكرا جداااااا على الردود

[elaitrwy]

انا شاء الله الامور هتتصلح وهتكون بخييييييير والازمة دى هتعدى
اشكرك على البادرة الجميلة دى منك
وسوف يعاقب كل من ادخل نار الفتنة فى قلوب المصرين
وسوف ينال اقصى الجزاء
تحياتى

[خليجي وأفتخر]

لا حول ولا قوة إلا بالله العلي العظيم
كوني على ثقة يا أختي العزيزة بأن ربنا موجود وحينتهي كل ده اللي بيحصل
وقريبا إن شاءالله حتروحي القاهرة وبتعالجي إبنك ...
وأنا متأكد بأن أهل القاهرة كلهم حيرحبو بيكي
وحيشيلوكي فوق رأسهم لأنك أختهم وطفلك هو إبنهم
أنتي مصرية وشجاعة والمصريين كلهم إييد وحدة من 56 و67 و73 ويناير 2011
مش كده ولا إييه يا جماعة؟؟؟؟؟؟؟

[" عاجز . عن . الشكر "]

نؤيد خطاب هذه الأم العزيزة , ونطالب إخواننا في كل بقاع مصـرنا الحبيبة , أرفعوا أيديكم عن هؤلاء الأبـرياء , فليس لهم ذنب في هذه المؤامرة , وندعو الله عز وجــل بأن يشفي ابنها , ويشفي كل مريض جراء هذه المؤامرة التي راح ضحيتها إناس أبرياء بلا شــك , كان الله في عونهــــــــــم .

[نـــــ غ ـــــــم]

معذرة اختى العزيزة

انتى ام وتعبانه علشان مش عارفه تسافرى القاهرة لعلاج ابنك

مابالك بقا بـ 74 ام واب شباب زهرة شبابهم انطفت وراحت

انا مش بلوم عليكى ولا على كل بورسعيد

لا انا بتكلم على احساسك بالامومه واحساس امهات الضحايا


انتى وابنك وغيرك كتير مالكمش اى ذنب

وزنبكم الوحيد انكم من البلد دى

احنا مصر يا اختى الفاضله كلنا مصر والى ماتو مصريين والى قتلو مصريين

ازاى اخ يقتل اخوه

بس انا ليه مش عارفه جمهور بورسعيد بيكرهو الاهلى

زى مايكونو بيلعبو فريق اسرائيلى

هو الاهلى مش مصرى؟

والمصرى الورسعيدى مش مصرى؟

اتمنى تكون دى موعظه لكل مصر

علشان نمنع التعصب والارواح الى بتروح يوم ورا التانى

زهرة شبابنا راحت وانطفت بايدين اخواتهم

قلوبنا اتحرقت عليهم ربنا يرحمهم ونحتسبهم شهداء عند الله

ربنا يشفى ابنك وان شاء الله الامور تهدى وكل واحد ياخد عقابه فى الدنيا وفى الاخرة

سواء بورسعيدى او غير بورسعيدى


مع تمنياتى لابنك بالشفاء العاجل

لكى خالص تحياتى

[booody99]

فعلا هم اتظالمو لأن في فرق بين البلطجيه واهل بورسعيد

شكرا على موضوعك الرائع