انطلاق مسابقة ( Arab star ) فهل من مشارك

[morshooo]

بسم الله الرحمن الرحيم اهلا ومرحبا بكم ومسابقة جديدة ومنافسات جديدة بين الاعضاء النهاردة سوف يتم انطلاق المرحلة الاولى من Arab star المسابقة المرة دى هتكون مختلفة وعشان كدا هتكون المنافسة بين الاعضاء غير كل مرة وعشان يطلع من المسابقة عضو وهياخد لقب Arab star لازم يكون متعدد المواهب ولازم يقبل التحدى والعضو الى هياخد اللقب دا اكيد مش هياخدة من فراغ لانة هيتعب طوال مراحل المسابقة وعشان كدا احب اقول حاجا مهمة اى عضو او متسابق هيقرر المشاركة معانا فى Arab star لازم يكون اد التحدى وواثق من نفسة وقادر انة يواجهة المتسابقيين الاخرين . شروط Arab star مسابقتنا مفيهاش شروط والا حاجا ولكن الشرط الوحيد هو الالتزام فقط اة صحيح وحاجا كمان انة يكون واثق من نفسة ومن قلمة عشان يواجة بيهم المتنافسيين الاخريين فهل من مشترك معنا :762: كلمة لجميع الاعضاء الــــ ( هيدخولو التوبيك دا ومش هيشاركو ) . وجودنا فى المنتدى هنا اكيد لية سبب والسبب دا ان كل واحد فينا داخل المنتدى عشان يفيد ويستفيد وجودك فى المسابقة اكيد هيبقى لية أفادة واستفادة هقولك ازاى . هتستفيد اكيد من مواضيع الاعضاء الاخرين لانك هتبقى متابع مواضيعهم وتشوف بيكلمو عن اية وهتستفيد كمان من تنسيقهم لمواضيعهم وهتستفيد انك لما تشوف توبيك فية تنسيق هتحاول تعمل احسن منة واكيد مش كدا وخلاص . كمان هتستفاد من التوبيك نفسة حتى لو بمعلومة واحدة طوال فترة المسابقة . كمان هتفيد الاعضاء لانك ممكن تكون صاحب المعلومة الى انا هاخدها منك واكيد كل لما افتكر المعلومة دى او اقولها لحد تانى اكيد ساعتها هفتكرك وهفتكر ان انتا صاحب الفضل عليا فى طرح هذة المعلومة . كلمة لجميع الاعضاء الــــ ( هيدخول التوبيك ويشاركو فى المسابقة ) . اكيد هشكركم لانكم قبلتو التحدى وقادرين على المنافسة ودا بيدل على ثقتكم بنفسكم ودى اهم حاجا فى حياتنا الثقة بالنفس فأهلا بيكم . مسابقة Arab star . المسابقة هتكون عبارة عن مواضيع هنطلبها من الاعضاء ولكن بطريقة مختلفة يعنى كل عضو اول لما يشارك هيدخل يقولنا اية هى هوايتة المفضلة وبناء على هوايتة دى هيتم وضع طلب لية وهيبقى مطلوب منة ينفذة ولكن مع وصولة للمراحل الاخرى فى المسابقة الطلبات هتتغير وهتبقى اكيد أصعب مع كل مرحلة . اة قبل ما انسى كمان كل مشترك بالاضافة لموهبتة هنحاول نعرفة وندخلة فى حاجات تانية يمكن يلاقى نفسة فيها :003: جوائز مسابقة Arab star . محدش يقلق الجوائز اكيد كبيرة وكلة هيبقى كسبان معانا حتى الى هيخرج من المرحلة الاولى هيبقى كسبان معانا والجوائز اكيد الاكبر هتكون لاول ( 3 ) متسابقين والجوائز اكيد هتبقى بالتدريج بينهم لان صاحب المركز الاول اكيد هيحصل على جميع الجوائز واهمها ( لقب Arab star ) . فى النهاية سوف يتم اعلان لجنة التحكيم مع بداية انطلاق المرحلة الاولى . اخيرا : كل عضو حابب يشارك معانا يسيب هنا مشاركة بأنة مشترك فى مسابقة Arab star وكمان يقولنا اية هى هوايتة المفضلة هيتم غلق باب التسجيل يوم الاربعاء 8 / 2 / 2012 بالتوفيق للجميع تحياتى morshooo

[game010]

مسابقة جميلة اكيد
وهيكون فيها شغل
بالتوفيق لجميع المشتركين
متابع معكم

[ساحر الأحزان]

جميلة المسابقة اخى احمد

والتحدى فيها حيكون كبير

وجميل جدا بنا كاعضاء

وجارى النظر

فى الاشتراك حسب الظروف

وان حصل حبلغ هنا ان شاء الله

تحياتى على المجهود مع دوام التوفيق ليك

[دمعه حائره]

مسابقه جميله موروشو لكن وضح لينا مدتها قد ايه
بالتوفيق للجميع ان شاء الله

[Iѕlαм Ч 3αlαм]

مسابقة جميلة
وفيها تحدى
وان شاء الله جارى النظر فى الاشتراك من عدمه
وان تيسر لى سأشترك بإذن الله
خالص التقدير

[Mind language]

مسابقه قيمه جدا وبالتوفيق للجميع
داو م التميز

[Lost Pearl]

طيب المسابقة مدتها اد ايه

عشان اشوف هعرف اشترك او لأ

تسلم علي مجهودك الكبير

[morshooo]

ان شاء الله الفترة مش هتكون كبيرة

بس هشوف عدد المشتركين الاول

وبعد كدا مع بداية انطلاق المسابقة

هيتم اعلان مدة المسابقة

[Lost Pearl]

اممم

طيب انا هاقول مشتركة ان شاء الله

و هوايتي ممكن نقول فوتوشوب و الكتابة ساعات

[فرحة]

جميييييييييله جداااااااااا
بالتوفيق للجميع