لسة مامرتيش بتجربة حب أو خطوبة أو حتى صداقة عمل مع ولد ؟!! تعالى

[الشاعر المصرى]

عديتي الثلاثين و لسة مامرتيش بتجربة حب أو خطوبة أو حتى صداقة عمل مع ولد ؟!!

أولا ما تزعليش علشان دة مش بئيدك و اوعي تقولي انا مقصرة علشان مش لابسة مبهرج عشان اكون واضحة

على فكرة و الله العظيم أنتي في أحسن حااااااااال قوليلي ليه .؟!!

أقولك علشان انتي شايفة امامك كل التجارب اللي حواليكي من صديقاتك و أقاربك المخطوبين و كمان المتجوزين شايفة الجانب الأجابي و الجانب السلبي

و اكيد مخلصة دراستك وكل حاجة في حياتك عشتيها(( بحرية ))

ممكن تقوليلي لو كنتي أتختبطي لواحد مناسب جدا ليكي و لعائلتك و انتي مكملتيش 16 سنة كنتي هتعملي أيه لو فرض عليكي عدم تكملة الدراسة بعد الثانوية حتى لوعامة؟؟؟

أقولك كنتي هترفضي في الأول و تبتدي تحكي لماما و ماما توافقك الرأى بس طبعا علما بصغر سنك ها تفرحي بالفستان والكوافير والشبكة وطبعا الماما هتقولك دى غيرة و حب

راجل حامي و بيخاف عليكي يا عبيطة .

بس هتستفيدي ايه لما تتجوزي و تخلفي و تندمي على انك معكيش حتى كورس كمبيوتر تفيدي بيه نفسك و اولادك لما هو ياخد الجائزة العالمية في النوووووووووووووم والشخير

و هتعملي ايه لما تندلقي في قصة حب وتبقي مش عارفة الصح من الغلط و طبعا تتوهمي بالدباديب الحمرا و البينك وتنساقي معاه بمشاعرك و تنسي مبادء ربايتك وفي الأخر

يمشي و يسيبك ويتقلك ساعتها الولد اللي بيمشي مع بنت و بيختبرها و تسقط في الأمتحان الأخلاقي(( ما بيتجوزهاش ))

وتبقى ساعتها بتوجهي مشاكل أكبر من سنك بكتييييييير

انا أسفة لو كنت ذوتها على الشباب شوية بس انا قصدي نوعية معينة ولكن لازم أذكر أن في شباب طموح و مهذب و متدين و ملتزم بحقوقه و وجباته امام الجميع


الكلام للماما ارجوكي بلاس تحسسونا ان احنا عبئ في البيت و ان انتي و بابا جهزتونا وان أطمئنانكم علينا في بيت العدل وبس

ارجوكم بلاش تخلو تفكرنا ان اهم حاجة في الدنيا هي بيت العدل و الراجل ما يعبوش غير جيبوا و بس

صدقونا احنا في طموحات كتيرة لو أستغلناها صح هنبقى عنصر مهم في مجتمعنا ويمكن دا يبقى افضل من اننا نتجوز ونطلق و نقعد نصرف

على الاولاد بأي وظيفة....

انا عارفة ان مش كل الجوازات فاشلة بس اناقصدي تحديد نقط مهمة للحوار كى نتخلص من شوية مشاكل في حياتنا

اتمنى ان كل بنت عمرها فوق الثلاثين بلاش تحسسي نفسك بأنك فيكي عيب لأ بل بالعكس انتي كلك مميزات وبلاش تعاقبي نفسك بالوحدة

و الأنطواء بعيدا عن الأخرين بل أهتمي بنفسك و شكلك و صحتك و كمان جمالك و حافظي على دينك وكملي دراستك اعملي كورسات اشتغلي في مجال تحبينه

ومعليش لو كلام مامتك بيضيقك شوية هي برضوا ام واعتقدها كله في زواجك وبس قبل ما تموت

و اياكي و الأنطواء خلي في بالك دايما أنك بتواجدك مع الناس بتفديهم و بستفيدى منهم..

و خلي أملك في ربنا كبير و دعائك بالزوج الصالح