::: فعاليات المنتدى :::

أهلا وسهلا بك إلى منتديات بنات مصر.
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.

آخر 12 مواضيع
اتغير
الكاتـب : ana aboodya - آخر مشاركة : واد حبيب - مشاركات : 2 -
:::::: زهره رضا ::::::
الكاتـب : زهره رضا - مشاركات : 24 -
نعمل معاه اي ده
الكاتـب : زهره رضا - آخر مشاركة : د/ عبد الله - مشاركات : 2 -
عضوه جديده
الكاتـب : زهره رضا - آخر مشاركة : د/ عبد الله - مشاركات : 4 -
اوعي تفتكر اني نسيت
الكاتـب : واد حبيب - آخر مشاركة : دمعه حائره - مشاركات : 2 -
يا قلبي مالك ومالها (واد حبيب & همس الرحيل )
الكاتـب : واد حبيب - آخر مشاركة : دمعه حائره - مشاركات : 5 -
القاء القبض على مؤسس صفحة احنا اسفين ياريس
الكاتـب : سيناا - آخر مشاركة : واد حبيب - مشاركات : 2 -
برقيه مؤرجحه بين اللقاء والوداع
الكاتـب : ياسر عبد الباقي - آخر مشاركة : عاشق ولهان - مشاركات : 4 -
اعضاء المنتدى الكارهين لنجاح المنتدى هـ/م
الكاتـب : سيناا - آخر مشاركة : دمعه حائره - مشاركات : 17 -
الطف بقلبي
الكاتـب : *فجر الاسلام* - آخر مشاركة : دمعه حائره - مشاركات : 6 -
ملك جبال الاحزان...Happy Birthday
الكاتـب : Arco Baleno - آخر مشاركة : دمعه حائره - مشاركات : 18 -
النهايه
الكاتـب : عاشق ولهان - آخر مشاركة : دمعه حائره - مشاركات : 7 -

 
 
LinkBack أدوات الموضوع انواع عرض الموضوع
قديم منذ /02-09-2012, 05:04 PM   #1

Ş๓ίℓз

 

 رقم العضوية : 41932
 تاريخ التسجيل : Feb 2010
 العمر : 25
 الجنس : ~ بنوتة
 المكان : هنـــآآآكـ
 المشاركات : 6,277
 الحكمة المفضلة : Always Say : ﺁﻟـפـﻤﺪُﻟﻠﮧ
 النقاط : بـقـآيـآ ح ــڻيـڻ დ has a reputation beyond reputeبـقـآيـآ ح ــڻيـڻ დ has a reputation beyond reputeبـقـآيـآ ح ــڻيـڻ დ has a reputation beyond reputeبـقـآيـآ ح ــڻيـڻ დ has a reputation beyond reputeبـقـآيـآ ح ــڻيـڻ დ has a reputation beyond reputeبـقـآيـآ ح ــڻيـڻ დ has a reputation beyond reputeبـقـآيـآ ح ــڻيـڻ დ has a reputation beyond reputeبـقـآيـآ ح ــڻيـڻ დ has a reputation beyond reputeبـقـآيـآ ح ــڻيـڻ დ has a reputation beyond reputeبـقـآيـآ ح ــڻيـڻ დ has a reputation beyond reputeبـقـآيـآ ح ــڻيـڻ დ has a reputation beyond repute
 درجة التقييم : 27850
 قوة التقييم : 14

بـقـآيـآ ح ــڻيـڻ დ غير متواجد حالياً

أوسمة العضو
بـآآآكـ ::يلا بينـآ نفتكر ايام مدرستنـآ مع dr.sma

السلام عليكم جميعاا
يارب تكونوا بخير كدا
ورجعت بعد غيااااب طويييل عريييض تانى
ومعانا حلقهـ جديدهـ من يلا بينا نفتكر ايام مدرستنا
ومعانا انهاردهـ
بنوته جميله الكل بيشهد بأدبها واخلاقها
دمها خفيف ومحبوبه وهاديه جدا
يلا نشوف قالت اى عن ايام دراستها
ومعانا


DR.SMA
مشرفة قسم الأقلام




1\ايهـ بئا اجمل ذكريات الابتدائى؟؟
الذكريات كتير يا نونا
بصي انا فاكره كل المدرسين وخصوصا مدرس القرآن
كنت بحبه جدا بس كان بيزعق
وكل ما يزعق اعيط
يجي جنبي ويقولي يا سمسمه انتي بتحوشي دموعك لحصتي
خلاص متزعليش انا اسف مش هزعق تاني
كنت فاولى وتانيه ابتدائي لسه :079:
معظم ذكرياتي كانت مع مدرسيني لاني مكنتش بصاحب حد تقريبا
بردو مدرسه العربي كنت بموت فيها ومازلت بحبها جدا
كان اسمها مس امينه وكانت طيبه اوي



2\ياترى عمركـ غشيتى قبل كدا ف الامتحانات وبصرآآحهـ؟؟

على فكره طول عمري مش بعرف اغش
وكمان انا كنت فمدرسه اسلاميه وكانو معلمينا من صغرنا
انه من غشنا فليس منا
بجد مكنتش بغش ابدا ولا بغشش حتى بس سعات كان في بنات يصعبو عليا وابقى عايزه اغششهم
بس مكنتش بعرف وكنت بتقفش :079:
حد يعلمني الغش عشان افلح فالكليه دي :sml7:


3\عايزين كدا وصف لكل مرحلهـ ف حياتك
الابتدائي والاعدادي عندي واحد
كنت هاديه زياده عن اللزوم ومليش اصحاب ابدا
مكنش ليا علاقه بأي حد
بروح وبرجع كده وبحس بفرحه رهيبه اني راجعه البيت
مكنتش اكره اد المدرسه مع انها كانت حلوة وخاصه ومدلعيني وكنت معروفه فيها لان بابا كان معروف جدا فالمدرسه هو وعمي
معظم المدرسين من اصحابهم (( هو بابا وعمو دكاتره بس دول كانو اصحابهم فحاجات تانيه يعني مش زمايل دراسه ))
ومع ذلك مكنتش بحب المدرسه بشكل عام ولا اي مدرسه
هي كانت حكايه اني مش حابه بنات كتير بقى وكلام ودوشه وانا كنت هاديه بزياده حبتين تلاته قولي عشره
دلوقتي انا اختلفت الى حد ما بسبب التعامل الاوسع وهدوئي اختلف عن الاول طبعا وبدأ فثانوي شويه بس كنت اعرف 3 بنات منهم واحده كانت صحبتي جدا ومازالت وكانت معايا من ابتدائي بس وقتها مكناش اصحاب يعني
والبنتين التانيين كانو كده زماله مش اكتر من سلام وصباح بس ف اولى ثانوي قربنا جدا من بعض وبعد كده بعدنا تاني بحك الدراسه
الا انا وريم فضلنا سوا
والكليه عادي بردو معرفش فيها حد تقريبا
مع نور طول الوقت
وغير الكليه فأنا اصحابي قليلين جدا جدا
تقريبا هم نور ورفيف وسمسم بشوفها كل فين وفين


4\اجمل مرحلهـ مريتى بيها كانت ايهـ وليهـ؟؟
كانت اولى ثانوي
بجد كانت سنه ملهاش حل
لعب وتنطيط مع انه مكنش طبعي
بس كانت محاوله خروج من جو الهدوء التام ف شخصيتي
فكانت سنه فاصله مشاغبه بقى الى حد ما بعتبرها كانت كده بالنسبه ليا
بس بعدها رجعت للهدوء تاني بس مش زي الابتدائي والاعدادي
يعني بقيت معقوله وعاديه
السنه دي خرجتني من جو الانطواء التام الي كنت عايشه فيه


5\حبيتى قبل كدا ف المدرسهـ ؟

لا محبتش يا نونا
هحب ايه بس يا بنتي
مكنش تفكيري كده خالص
بقولك مكنتش مصاحبه بنات
تقوليلي حبيت :198:



6\حد قالكـ قبل كدا انا معجب بيكى وكان رد فعلكـ ايهـ؟؟
اه
كان واحد فالشارع بتاع بيت جدو الله يرحمه
كنت بشوفه كتير واقف بس مكنش بيجي ف دماغي يعني
كنت عيله والله
مره رايحه لجدو وكنت لوحدي لاقيت الي بيوقفني بيقولي لوسمحتي هقولك حاجه بس والنبي ما تمشي
كان اكبر مني بحوالي 5 سنين كده
انا قولت ماله ده فبقوله طيب حاضر خير
انا قولت تعبان مثلا وعايز يسأل على بابا ههههههههههه
بجد مجاش فدماغي اطلاقا اي حاجه
المهم
قالي انا بقف كتير هنا
قولتله طيب انا اعمل ايه
قالي انتي مش واخده بالك
قولتله واخده بالي ازاي يعني وانا مالي ما تقف
قالي انا معجب ومش عارف ايه الكلمتين المعروفين دول
المهم لاقيت نفسي ببصله كده على اساس انه عبيط
ومشيت وطلعت لجدو
وسبتو على كده اعد ورايا محاولات 4 شهور
وفالاخر اتخنقت وقولت لبابا
راح قال لباباه بقى وكانت هتبقى مشكله
بس ربنا ستر الحمد لله والواد يعيني معتش بيظهر
وانا اصلا كان مرواحي هناك قل جدا
وبعدين بقى جدو توفى ومروحتش هناك تاني :D


7\ياترى شايفهـ ان حب المدرسهـ دا ممكن يستمر وينجح

ويبقى ف ارتباط ف الاخر؟؟
مش عارفه يا حنين والله
بس ده اكيد بيختلف من انسان لآخر
بس طبعا مش هنيجي لإبتدائي ونقول هينجح
لكن مش عارفه


8\صحاب المدرسهـ ذكرياتك معاهم ايهـ؟؟
انا حكيت فوق بقى مش فاكره ذكريات لأصحاب
لان مكنش في تقريبا
علاقات سطحيه جدا جد يعني تقريبا مش موجوده
لكن اولى ثانوي كان لينا ذكريات حلوة
فالسنه الغريبه الي قولت عليها دي
كنا تقريبا كل الحصص اعداها فحوش المدرسه
وكانت هنا فمصر لسه
مش بنحضر حصص وبنروح نظبط الغياب عند مدرسه الغياب :079:
مكنوش بيكلمونا بصراحه لناهم عارفين كانت درجاتنا نهائيه الحمد لله
بس بردو كنا مدوخينهم
يلا اهي كانت سنه غريبه الاطوار كده
بس كانت حلوة ودايما لما اشوفهم بالصدفه نفتركها مع بعض
بس افترقنا بقى
واحده اجوزت وهتخلف كمان يومين كده وهتجيب مازن
والتانيه فرحها الاجازه الجايه
وكده بقى يلا اهي دنيا ههههههههه


9\بما ان الزمن والدراسهـ بتفرق
بتيجى ع بالك ايام زمان؟؟
الى حد ما ممكن
بفتكر حجات كانت حلوة طبعا بس اكتر حاجه بفتكرها اول الابتدائي لاني كنت بحب المدرسين
والثانوي لانها كانت مرحله مهمه وقريبه
ففكراها الحمد لله


10\معظمنا بنقول ياريت ايام زمان ترجع
الواحد مش كان حاسس بمسئوليهـ
ياترى نفسكـ ترجعى لايام زمان ولالا؟؟

زمان لإعدادي وثانوي وكده
لا اصل كل مرحله وليها جمالها وعيوبها
ولازم هنعيشها
يعني ارجع للأول وابدأ المشوار تاني
خليني اخلص احسن
بس لو حبيت ارجع احب ارجع طفله خالص بقى

احلى من الابتدائي والاعدادي والثانوي والكليه


11\كان عندكوا ضرب ف المدرسهـ
وياترى رأيك ايهـ ف ناس فعلا بتبقى محتاجه للضرب علشان تذاكر
وناس بيجى معاها بالسلب
كنتى من اى نوع؟؟
لا مكنش عندنا تقريبا
مش فاكره ان كان في ضرب ابدا
طبعا في ناس مش بتيجي الا بالضرب
لكن فالدروس كان في ضرب
والحمد لله منضربتش ولا مره
الا مره واحده كنت غايبه والمدرس كان بيحاسب على الضرب
تعبت وماما اتصلت بيه كتير كان موبايله مغلق
وضربني فالحلصه
كانت اول مره وبجد كانت بالنسبه ليا مأساه
وكنت فأولى ثانوي
وبهدلت الدنيا بعدها وكانت مشكله
وزعلنا انا وهو فتره كبيره مكنتش بكلمه لو اتنطط قدامي
وجه صالحني بردو مراته جت قالتلي متزعليش
كانو بيحبوني يا حننينو والله مع اني مكنتش بتكلم اساسا الا نادر :003:


12\احكيلنا عن ايام الثانويهـ العامهـ بئا
شايفهـ ان الضغط ال بيبقى ف البيوت دا
بيبقى كويس ولالا؟؟
الى حد كبير بيكون كويس
لانهم سنين مصيريه
بس انا مع ان مهما الواحد ذاكر بيحتاج ترفيه عشان عقله ميفوتش
فلازم يكون في شده وحزم وفي بردو شويه دلع وخروج
يعني عشان الواحد ميكرهش نفسه


13\مناهج الثانوى كبييرهـ طبعا وكلنا بنذاكر بهدف الامتحان بس
مش لهدف الاستفادهـ بدليل لو سألت حد بعد الامتحان عن اى حاجهـ
هيقولك مش فاكر
ايهـ رأيك ف الحكايه دى؟؟
الى حد كبير كلنا كنا كده
انا كنت بحب المذاكره جدا (( متعرفيش دلوقتي مالي مش طايقاها ليه هههههههههه))
ومع ذلك مفكرتش استفيد بشكل كبير من المعلومات
يعني كنت بذاكر وبمتحن
ولا حد يسألني تاني فحاجه
وده غلط كبير طبعا
وكلنا محتاجين تأهيل من جديد ف الموضوع ده
ان التعليم مش امتحانات
ده علم والعلم المفرض نطبقه فحياتنا ونستفيد منه


13\رأيك ف نظام التعليم دلوقت ايهـ؟؟

فاااااااااااشل واحنا كمان طلبه فاشلين
احنا لسه كمجتمع مفهمناش معنى التعليم الصح ولا يعني ايه اكون انسان واعي
من اول دكتور الجامعه لحد عم محمد البواب



14) ايه المادة الى كانت مفضله ليك و ليه ؟؟ و العكس

كنت بحب الفيزياء والرياضه اوي
كنت عايزه ادخل هندسه جدا
بس طب كان حلم ماما
فقولت خير الامور الوسط خليني اسنان بقى :yuck:
كنت بكره بقى الاحياء
كنت بنساها ومش بعرف احفظها
وكل امتحان احياء اعد خزينه واقول مش هنجح فيها
بس الحمد لله لاني كنت بخاف منها كنت بذاكرها كتير
وجبت فيها الـ50 :762:



15) مين المدرس الى كنت بتكرهيه جداااا و ليه ؟؟
لا مكرهتش حد
بس مدرسه الاحياء مكنتش برتاح فيها
وكمان انا مصريه وكنت فالسعوديه
وهي مكنتش بتحب المصريين اوي
فكان دايما بنا حساسيه كده فالتعامل
وكانت دايما تحاول تنزلني فأعمال السنه
بس فالاخر لما لقت مفيش فايده ومش عارفه تمسك عليا غلطه
وحظها ان اختها كانت مدرسه معايا وكانت بتموت ف حاجه اسمها سما
لدرجه انها بتكلمني لحد دلوقتي من هناك
فإستسلمت للأمر الواقع بقى وريحت دماغها مني
اكيد فطوم حبيبي كان ليها دور
فاطمه دي مدرستي واختها بس بجد ليها معزه كبيره عندي

16) زورتى مكتب المدير قبل كدة و كنتى عامل مصيبة ايه ؟؟
مره كنت مخالفه فاللبس
كنت لابسه بنطلون وبلوزه كده
وكان اليونيفورم بتاعنا معاه دريل قصيل
مكنتش لابسه الدريل
وكانت مدرسه بقولك اسلاميه وبيدايقهم اوي الموضوع ده
فبعتو كل المخالفين للمدير
بس عادي معملش حاجه
قالنا انتو بنات واللبس ده مينفعش
(( والنبي يا نونا كنت ف4 ابتدائي يعني عادي))

17)اخدتى فصل قبل كدة من المدرسه و كان كام يوم و ايه السبب ؟؟
لا خالص ^_^


18) اكبر علقه اخدتيها فى المدرسه و مين ادهالك و كان ايه السبب ؟؟
لا مخدتش علقه من حد ال علقه ال

19) اوصفى نفسك فى كلمه واحدة كنت تلميذه ...........
كنت تلميذه ممممم
مش عارفه بس كنت كويسه
هاديه بس شاطره الحمد لله


20) كان الزى الرسمى بتاع مدرستك لونه ايه و عبارة عن ايه ؟؟

الابتدائي كان كحلي ف روز
بنطلون ودريل قصير كده حكلي
والبلوزه روز


الاعدادي كان رصاصي فاتح ف رصاصي غامق

اولى ثانوي كانت بني والبلوزه بيضه
وتانيه ثانوي كان اخضر بلوزه بيضه بردو
واتالته ثانوي كان سماوي بردو زيهم البلوزه بيضه


21) شلتى مادة قبل كدة

لا الحمد لله
انا كنت من الاوائل يا بنتي


ميغركيش الكليه والي ع
ملاه فينا
كنا زمان ما شاء الله علينا
حلوين واوائل المدرسه على طول :445:

22) اوصفى ايام مدرستك فى كلمة واحدة كانت ...........
متنوعه


23) لو قالوك ترجعى لأيام المدرسه تقولى ايه ؟؟
لا مش عايزه ارجع


24 ) ايه رأيك فى التوبيك و تقول ايه لصاحبة التوبيك ( العبده لله ) ؟؟

حلو والله فكرني بحاجات كتير كده والي فات
خلاني عماله احكي كأني بحكي مع نفسي
سعيده بيه وبيكي يا حنين
انا صحيح متعاملتش معاكي
بس اسمع عنك كل خير
ربنا يوفقك ويوفقني ويوفق الجميع ان شاء الله
:sml2:

وبكدا الحلقهـ تكون خلصت
نورتينى ياسمسم وعجبتنى اجاباتكـ جدا
وفعلا ايام الكليهـ خبنا عن زمان معرفش ليهـ
يارب تعجبكوا بئا
والى اللقاء فى حلقهـ قادمهـ
كانت معكم
حنيين











 
قديم منذ /02-09-2012, 05:21 PM   #2

 

 رقم العضوية : 45025
 تاريخ التسجيل : Mar 2010
 العمر : 26
 الجنس : ~ رجل
 المكان : الرياض
 المشاركات : 98,751
 الحكمة المفضلة : سأدع الدنيـا تفعـل بـيّ مـا تشاء . فــهــي " لــن "تتجـرأ ان تفعـل " أكثـر " مِمـآ كتبـه الله لـــيّ
 النقاط : ۩۩ elMagic ۩۩ has a reputation beyond repute۩۩ elMagic ۩۩ has a reputation beyond repute۩۩ elMagic ۩۩ has a reputation beyond repute۩۩ elMagic ۩۩ has a reputation beyond repute۩۩ elMagic ۩۩ has a reputation beyond repute۩۩ elMagic ۩۩ has a reputation beyond repute۩۩ elMagic ۩۩ has a reputation beyond repute۩۩ elMagic ۩۩ has a reputation beyond repute۩۩ elMagic ۩۩ has a reputation beyond repute۩۩ elMagic ۩۩ has a reputation beyond repute۩۩ elMagic ۩۩ has a reputation beyond repute
 درجة التقييم : 16445873
 قوة التقييم : 8223

۩۩ elMagic ۩۩ غير متواجد حالياً

إرسال رسالة عبر Yahoo إلى ۩۩ elMagic ۩۩

 

 

 

 

 

MY MmS

أوسمة العضو
افتراضي

جميله جدا الحلقه واجابات أجمل
نورتى سما الحلقه
اتمنالكـ التوفيق ان شاء الله فى كليتكـ
وتبقى أكبر دكتورة اسنان فى الدنيا دى
مجهود مميز نونا
دوام التميز والنشاط
ودى واحترامى







 
قديم منذ /02-09-2012, 06:04 PM   #3

● اسْتثنَآئيَـۂ «

من مبدعى المنتدى

 

 رقم العضوية : 33694
 تاريخ التسجيل : Oct 2009
 العمر : 26
 الجنس : ~ بنوتة
 المكان : آرض الكنـآنه [ مصر ] ..
 المشاركات : 26,018
 الحكمة المفضلة : No More LOVE No More CRYING
 النقاط : ♥..pure has a reputation beyond repute♥..pure has a reputation beyond repute♥..pure has a reputation beyond repute♥..pure has a reputation beyond repute♥..pure has a reputation beyond repute♥..pure has a reputation beyond repute♥..pure has a reputation beyond repute♥..pure has a reputation beyond repute♥..pure has a reputation beyond repute♥..pure has a reputation beyond repute♥..pure has a reputation beyond repute
 درجة التقييم : 1512219
 قوة التقييم : 757

♥..pure غير متواجد حالياً

أوسمة العضو
افتراضي


هههههههه
تعرفي يـ سمسمه وانـآ بقرأ الاجـآبـآت
افتكرت صورتكـ اللي ف النيش ^^
اللي بالطقم الجينز يـ بت ))
يخربيت دي مراحل يـ شيخه ::
فطست من الضحكـ وربنـآ ...
بس نسيتي تقولي حـآجه >> انهم كـآنوا بيظبطوا عليكو السـآعه ف المعهد
والله افتكرت حـآجـآت حلوهـ في مرحلي ززمـآن
حلقه جـآمدهـ جدا ي حنين ..
واختيار مميز طبعـآ ..
منورهـ ي سمسمتي







 
قديم منذ /02-09-2012, 06:37 PM   #4

ѕαмвαтекα

 

 رقم العضوية : 35327
 تاريخ التسجيل : Nov 2009
 العمر : 22
 الجنس : ~ بنوتة
 المكان : » Σġчρт «
 المشاركات : 17,176
 الحكمة المفضلة : على قدر أهل العزم تأتي العزائم :")
 النقاط : тoкα..♥ has a reputation beyond reputeтoкα..♥ has a reputation beyond reputeтoкα..♥ has a reputation beyond reputeтoкα..♥ has a reputation beyond reputeтoкα..♥ has a reputation beyond reputeтoкα..♥ has a reputation beyond reputeтoкα..♥ has a reputation beyond reputeтoкα..♥ has a reputation beyond reputeтoкα..♥ has a reputation beyond reputeтoкα..♥ has a reputation beyond reputeтoкα..♥ has a reputation beyond repute
 درجة التقييم : 9777404
 قوة التقييم : 4889

тoкα..♥ غير متواجد حالياً

أوسمة العضو
افتراضي

حلقه خطيييييرة ي بت ي نونــآ
آيـوآ كدآ ي بت نوريني تـآني ,,
برنـآمج جآمد طبعـآ
وسمسمتي آلعسله دي ملهآش حل ف آجآبـآتهـآ
آل هـآديه آل آمـآل بتتجنيني آنـآ ليــه :d
بس سمسمتي فعلآ شخصيتهآ شبه آنطـوآئيه وملهـآش دعوة بحد
ف حآلهـآ كدآ ..
نـورتي ي آحلى سمسمه
وتسلمي ي آحلى نونـآ
وآنـآ طبعـآ منـورة بآحلى رد
وكلكو حلوين بئـآ )







 
قديم منذ /02-09-2012, 06:50 PM   #5

 

 رقم العضوية : 54686
 تاريخ التسجيل : Sep 2010
 العمر : 27
 الجنس : ~ أنثى
 المكان : المنصوره
 المشاركات : 26,099
 الحكمة المفضلة : إذا دعتك قدرتك لظلم الناس فتذكر قدرة الله عليك
 النقاط : شاعرة الرومانسيه has a reputation beyond reputeشاعرة الرومانسيه has a reputation beyond reputeشاعرة الرومانسيه has a reputation beyond reputeشاعرة الرومانسيه has a reputation beyond reputeشاعرة الرومانسيه has a reputation beyond reputeشاعرة الرومانسيه has a reputation beyond reputeشاعرة الرومانسيه has a reputation beyond reputeشاعرة الرومانسيه has a reputation beyond reputeشاعرة الرومانسيه has a reputation beyond reputeشاعرة الرومانسيه has a reputation beyond reputeشاعرة الرومانسيه has a reputation beyond repute
 درجة التقييم : 2729016
 قوة التقييم : 1365

شاعرة الرومانسيه غير متواجد حالياً

 

 

 

 

 

MY MmS

أوسمة العضو
افتراضي

حلقه جميله مع ضيفه أجمل

اتمنى لها لك التوفيق

تسلمى ياااااااااااقمر







 
قديم منذ /02-09-2012, 06:54 PM   #6

 

 رقم العضوية : 42511
 تاريخ التسجيل : Feb 2010
 الجنس : ~ رجل
 المكان : ارض الله واسعه في اي مكان موجود
 المشاركات : 41,644
 الحكمة المفضلة : لا يفيد الندم علي شئ قد انتهى
 النقاط : واد حبيب has a reputation beyond reputeواد حبيب has a reputation beyond reputeواد حبيب has a reputation beyond reputeواد حبيب has a reputation beyond reputeواد حبيب has a reputation beyond reputeواد حبيب has a reputation beyond reputeواد حبيب has a reputation beyond reputeواد حبيب has a reputation beyond reputeواد حبيب has a reputation beyond reputeواد حبيب has a reputation beyond reputeواد حبيب has a reputation beyond repute
 درجة التقييم : 1620451
 قوة التقييم : 811

واد حبيب غير متواجد حالياً

 

 

 

 

 

أوسمة العضو
افتراضي

بجد حلقه جميله جدااااااااا ودكتوره سما اجابتها روعه
احلي ايام فعلا ايام الدراسه
اسئله جميله واجابه عقلانيه جدااا
واضح انك كنتي هاديه جدااا يا دكتوره
ان شاء الله ربنا معاكي وتخلصي درستك
في انتظار الحلقه القادمه
الحبيب







 
قديم منذ /02-09-2012, 07:07 PM   #7

do'udo

مشرفة قسم الالعاب سابقا

 

 رقم العضوية : 25310
 تاريخ التسجيل : Jul 2009
 الجنس : ~ بنوتة
 المكان : U A E
 المشاركات : 6,824
 النقاط : ĶǎnDO̳̿uChǎ ツ has a reputation beyond reputeĶǎnDO̳̿uChǎ ツ has a reputation beyond reputeĶǎnDO̳̿uChǎ ツ has a reputation beyond reputeĶǎnDO̳̿uChǎ ツ has a reputation beyond reputeĶǎnDO̳̿uChǎ ツ has a reputation beyond reputeĶǎnDO̳̿uChǎ ツ has a reputation beyond reputeĶǎnDO̳̿uChǎ ツ has a reputation beyond reputeĶǎnDO̳̿uChǎ ツ has a reputation beyond reputeĶǎnDO̳̿uChǎ ツ has a reputation beyond reputeĶǎnDO̳̿uChǎ ツ has a reputation beyond reputeĶǎnDO̳̿uChǎ ツ has a reputation beyond repute
 درجة التقييم : 433404
 قوة التقييم : 217

ĶǎnDO̳̿uChǎ ツ غير متواجد حالياً

 

 

 

 

أوسمة العضو
افتراضي

اقتباس:
19) اوصفى نفسك فى كلمه واحدة كنت تلميذه ...........
كنت تلميذه ممممم
مش عارفه بس كنت كويسه
هاديه بس شاطره الحمد لله

كنت كويسه >> هههههههههههههههههه ^_^

وربنا سمسمتي دي عــســل

اجاباتك تووحفهـ يـ سماا

طبعا سما من الشخصيات الي بحترمها ,, و دايما كدا بتعمل فـ صمت

ربنا يدوم وجودك معانا يـ حوبي

نــونــا ,,

بقيتي تعملي شغل من ورايا يعني !؟ ,, مااااشي

بروجرام جناااااان يـ بت

حلقه جامده و اختيار جميل

و ولكمــــــــ بااكـ بقى







 
قديم منذ /02-09-2012, 07:09 PM   #8

مشرفة التنمية البشرية سابقا

ღмεмoяιεѕღ

 

 رقم العضوية : 6436
 تاريخ التسجيل : Sep 2008
 الجنس : ~ بنوتة
 المكان : سمــآء ثآمنـة
 المشاركات : 7,022
 الحكمة المفضلة : You only live once , but if you did it right .. once is enough
 النقاط : الحان الورد has a reputation beyond reputeالحان الورد has a reputation beyond reputeالحان الورد has a reputation beyond reputeالحان الورد has a reputation beyond reputeالحان الورد has a reputation beyond reputeالحان الورد has a reputation beyond reputeالحان الورد has a reputation beyond reputeالحان الورد has a reputation beyond reputeالحان الورد has a reputation beyond reputeالحان الورد has a reputation beyond reputeالحان الورد has a reputation beyond repute
 درجة التقييم : 2375124
 قوة التقييم : 1188

الحان الورد غير متواجد حالياً

أوسمة العضو
افتراضي


حلقة جميلة جدا يا حنين

باين من اجابات سما انها كانت هادية وعاقلة جدا
بس تدخل القلب على طول والله
تسلمي حنين ع الحلقة الجميلة
ونورتي يا سمــآ ,,







 
قديم منذ /02-09-2012, 07:34 PM   #9

عضو مميز

• тяojaи •

 

 رقم العضوية : 50689
 تاريخ التسجيل : Jul 2010
 الجنس : ~ رجل
 المكان : Cairo, Egypt‎
 المشاركات : 6,031
 الحكمة المفضلة : الضمير المطمئن خير وسادة للراحة
 النقاط : ღ Gի๐sτ ღ has a reputation beyond reputeღ Gի๐sτ ღ has a reputation beyond reputeღ Gի๐sτ ღ has a reputation beyond reputeღ Gի๐sτ ღ has a reputation beyond reputeღ Gի๐sτ ღ has a reputation beyond reputeღ Gի๐sτ ღ has a reputation beyond reputeღ Gի๐sτ ღ has a reputation beyond reputeღ Gի๐sτ ღ has a reputation beyond reputeღ Gի๐sτ ღ has a reputation beyond reputeღ Gի๐sτ ღ has a reputation beyond reputeღ Gի๐sτ ღ has a reputation beyond repute
 درجة التقييم : 315957
 قوة التقييم : 158

ღ Gի๐sτ ღ غير متواجد حالياً

أوسمة العضو
افتراضي

اسئلة جميلة واجابات حلوة من سما
ربنا يوفقك دايما ف دراستك يارب
ميرسى ع الحلقة يا نـونـا ..
منورة ي سما







 
قديم منذ /02-09-2012, 08:28 PM   #10

من مبدعى المنتدى

نثــــراتـ عطــر* ~

 

 رقم العضوية : 14913
 تاريخ التسجيل : Mar 2009
 الجنس : ~ أنثى
 المكان : مصرية .. بس بدوام جزئي :)
 المشاركات : 5,586
 الحكمة المفضلة : يا رب دايما لو الحق معانا ما نحسش بالضعف :)
 النقاط : روح صامتة has a reputation beyond reputeروح صامتة has a reputation beyond reputeروح صامتة has a reputation beyond reputeروح صامتة has a reputation beyond reputeروح صامتة has a reputation beyond reputeروح صامتة has a reputation beyond reputeروح صامتة has a reputation beyond reputeروح صامتة has a reputation beyond reputeروح صامتة has a reputation beyond reputeروح صامتة has a reputation beyond reputeروح صامتة has a reputation beyond repute
 درجة التقييم : 2303205
 قوة التقييم : 1152

روح صامتة غير متواجد حالياً

أوسمة العضو
افتراضي


الحلقة حلوة جدااا يا سما
وفيها هدوء مش طبيعي حتى وانتي بتتكلمي حاساكي هادية
بجد عجبتني الحلقة جداا
وهقيمها كمان :*
ويا رب يا سما تكوني دايما بخير وبجد ايامك
ف المدرسة عاجباني وبتفكرني بنفسي شوية كده
وتسلمي يا حنونة ع الموضوع بجد جميل جدا
ارق تحياتي وبالتوفيق







 
 

الكلمات الدلالية (Tags)
مدرستنـآ, ايام, drsma, بينـآ, بـآآآكـ, حلا, نفتكر


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
يلآ بينـآ نفضفض بآلآدعيــه مع بعض سآرهہ فضفضة الأعضاء 50 11-20-2012 02:04 AM
ورجعنـآ مع يلآ بينآ نفتكر ايآم مدرستنـآ >>ومعآنآ Arco Baleno بـقـآيـآ ح ــڻيـڻ დ أرشيف برامج اليوميات 11 09-30-2011 06:09 PM
ايام وبنعيشها ههههههه(ايام المدرسه) toto منتدى يوميات الاعضاء 32 02-11-2010 01:26 PM
تعالوا نفتكر ذكريات زمان واللى مش فاكر يروح يسأل طنط حَرفُُ هجآءّ قسم مناقشة المواضيع المتداوله والمنقوله 39 02-01-2010 12:07 PM


الساعة الآن 06:44 AM


Powered by vBulletin® Version 3.8.7
Copyright ©2000 - 2019, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w