الديك الرومى محشى بالفرن جامدة اوى بالصور ... تابع للمسابقة ...

[باحثة عن الحب]

دلوقتى معاكوا احسن طريقة لعمل الديك الرومى

(ديك رومى محشى بالفرن)

اكلة جامدة آخر تلت اربع حاجات

معلش والله هى الطريقة طويلة جدا ف استحملونى شوية عشان انا تعبت فيها اوى

ودة طبعا صورة الديك الرومى

قبل ما يذهب الى رحمة الله

انا هبتدى واقول المقادير بتاعة كل حاجة

وبعدين اقول الطريقة كلها على بعضها

ركزوا معايا اوى اوى اوى

اولا مقادير الحشوة بتاعة الديك

2كوب ماء او مرقة دجاج (شوربة يعنى)

2كوب ارز

نصف كوب زيت (الزيت ممكن يكون عادى او زيت زيتون)

بصلتين كبار مفرومين

حوالى 5 فصوص ثوم برده مفرومين

1كوب صنوبر محمص

1كوب جبنة رومى مبشورة

صفارتين بيض

زعتر

نصف كيلو سجق متقطع صغير اوى

معلقة كبيرة بابريكا(فلفل احمر حلو )

نصف كوب مراميه

1كوب شمر طازة مبشور

ملح وفلفل طبعا

ممكن نزود على ده كله نصف كوب بقدونس مفروم للى عاوز

تانى حاجة مقادير الديك نفسه

طبعا محدش يقدر ينساه ده البرنس اللى معمولة على شرفه الحفلة دى كلها

لما حضراتكوا تروحوا تشتروا الديك

تجيبوا ديك رومى جامد كدة وراجل وابن ناس

ميقلش وزنه عن 8 كيلو

يعنى الوزن من (8-10) كيلو

وهنحتاج بعد كده

1ونصف كوب ملح خشن

1 كوب زبدة بلدى سايحة على الاخر

نصف كوب عصير ليمون

معلقة فلفل اسود صغيرة

وبصلاية متقطعة

نصف كوب كرفس متقطع

نصف كوب جزر متقطع

وحوالى 5 فصوص ثوم برده

وممكن نحط عليهم معلقتين صغيرين ليمون مبشور

ده للناس اللى بتحب الطعم اللاذع يكون كتير

ثالث حاجة بقى مقادير الصلصة اللى هتتقدم مع البرنس ده

4كوب ماء او شوربة زى ما تحبوا

معلقتين كبار اوى زبدة بلدى سايحة اوى

معلقتين كبار دقيق

مش عوزاكوا تزهقوا علشان التقيل جاااااااااااااااااااااااااااااااااااااى

الطريييييييييييييييييييييييييقة

اولا طريقة الحشوة

- نغلى الارز ف الماء او الشوربة ونتبله بالملح لمدة ربع ساعة وبعدين نصفيه

- نسخن الزيت كويس ونحط عليه البصل ونقلبه لحد ما لونه يحمر حاجة بسيطة اوى

- نحط عليه الثوم المفروم والسجق المتقطع ونستمر ف التقليب لمدة 5 دقايق او نهدى النار شوية ونفضل نقلب 10 دقايق وبعدها نحط الصنوبر المحمص

- نحط بعد كده الجبنة المبشورة وصفار البيض والبابريكا والبقدونس المفروم لو عايزين والمرمية والارز ف طبق كبير ونقلبهم كويس اوى

- نحط على الكلام ده كله على خلطة البصل والسجق ونقلب كويس تانى ونسيبهم ف التلاجة لحد ما يبردوا

بس نسيبهم يبردوا كويس محدش يقولى حرام والجو برد اليومين دول وكلام من دة ,لا معنديش الكلام ده ,مفيش رحمة ف الحاجات دى ههههههههههههه

نروح للطريقة اللى هنعمل بيها البرنس ده

- نغسل الديك كويس وندوب الملح فى شوية مية تقضى عشان نغطى بيها الديك ونسيبه ف الميه اللى بالملح دى ساعة ونص او ساعتين وبعدين نشطف الديك وننشفه كويس

- بعد كده نخلط الزبدة السايحة وعصير الليمون والزعتر والليمون المبشور لو حابين والملح والفلفل كويس

- نفصل جلد الديك عن جسمه وندهن نص كمية الخليط ده ف النص بينهم كويس بحيث يوصل الخليط لكل جزء فى جسم الديك

- ندهن ربع كمية الخليط ده جوة الديك نفسه يعنى فى التجويف بتاعه

- نحشى الديك بقى بالخلطة اللى عملناها بتاعة الارز الباردة اللى كنا حطيناها ف التلاجة

-

والحشو ده معلمة مش اى حد يحشى , ركزوا بقى ف طريقة الحشو

اولا تحشى التجويف بتاع الديك ودى طبعا مفيش اسهل من كده . اللى جاى هو اللى صعب

انا قلت من شويه نفصل جلد الديك عن جسمه وندهن خلطة الزبدة بينهم مش كده ... ردوا عليا ... اوك كده

نركز بقى عشان هنملى المكان اللى بين الجلد والجسم بخلطة الارز مع مراعاة ان الجلد يكون مشدود بعد الحشو مش مترهل وكمان نحط كميه مش كبيرة اوى ولا صغيرة اوى علشان ولا الارز يكون كتير فيتقطع جلد الديك وهو فى الفرن ويطلع الحشو بره ولا يكون قليل اوى علشان الجلد ميتحرقش منه حاجة , يعنى من الاخر تكون الكمية متوسطة

_ بعد كل ده ندهن ربع خلطة الزبدة اللى فاضل على الديك من بره ويكون بطريقة متساوية مش حتة عليها خلطة كتير وحتة لا علشان الطعم يطلع متناسق ومتوزع بالتساوى

_بعد كده نربط الديك كويس بخيط دوبارة وخاصة من عند الرجلين علشان يحتفظ بالحشو جواه

_ نحط بقى البصل والكرفس والجزر والثوم المتقطعين فى الصينية من تحت وبعدين نحط عليهم الديك

_ نحط الديك فى الفرن ونظبط الفرن على حرارة مناسبة لمدة ساعة ونص او ساعتين وندهنه من وقت للتانى بالصوص اللى بينزل منه فى الصينية اثناء الشوى

_وقبل ما يدخل الفرن يكون متغطى بورق المونيوم بس ميكونش ملاصق تماما لجسم الديك ويفضل ف الفرن لحد ما يستوى كويس

أخيرا بقى طريقة الصلصة اللى هتتقدم معاه

_ هنحط الشوربة على خلطة الزبدة والخضار الباقيين من دهن وحشو الديك فى نفس الصينية ونقلبهم على نار متوسطة لحد ما يغلوا

_نضرب الخليط ده ف الخلاط وبعدين نصفيه

_نحمر الدقيق ف الزبدة شويه حوالى 5 دقايق

_ونحط عليهم الخليط اللى صفيناه ونقلبهم بإستمرار لحد ما القوام بتاع الصلصة يتقل

_نتبل الخليط ده بالملح والفلفل

_وتتقدم مع الديك

اخر حاجة عاوزة اقولها ان فيه طرق كتيييير للتقديم احسن طريقتين هما *

_اما انه يتقدم كامل على بعضه كده لوكشة واحدة .

_و اما انه يتقطع

انا عن نفسى افضل إنه يتقدم كامل

عشان نلعب شويه على العامل النفسي عند الناس اللى هياكلوه ههههههههههههههههههههههههههههه علشان شكله وهو كامل بيفتح الشهية

وبالهنا والشفا

لازم تجربوها وتدعولى

[فارس الكلمة]

باحثة عن الحب
جميلة طريقتك بس طويلة شوية
عموما أنا إستفدت منها عمايل الصلصلة
أنا هنا بجيب الديك الرومى البرازيلى
بيكون فى حدود 4 كيلو وبعلمه وبيكون روعة
نشكرك يا باحثة على الأكلة الجامدة دى
تقبلى مرورى وموفقة فى المسابقة
شيف المنتدى

[&& برنسيسة المنصورة &&]

تسلم ايدك يا قمر علي الاكلة الجامدة

[.نبض القلوب.]

اشطاااااااااااااااااااااااااااااا
دخلتى فى التقيل يا قمراية
حلوووووووووو اووووووووووووووووووى
بموت انا فى الرومى
واااااااااااااااااااااااااااااااااااو بجد
تسلم ايدك
مليش دعوة بقى
اعزمينى عليه يا قمراية بقى
ههههههههههههههههههههههههه
يارب المركز الاول لك ع المجهود الحلو منك
لا والله تعبتى فى كتابته وعميله واكله ههههههههههههههههههه

ربنا يكرمك يارب
دمتى حبيبتى بالود والحب
تحياااااااااااااااااااااااااااااااتى

[سارة بنت مصر]

تسلم الايادى

بالتوفيق لكى فى المسابقه

[Mind language]

تسلم ايدك وصفه جميله
دوام الابداع

[booody99]

ياسلام على الشغل الرهيب فعلا شكلها يفتح النفس

بس المرادي هنعديها مش عزمتي علينا هههههههههه

تسلم ايدك وكل التحيه والتقدير

[باحثة عن الحب]

اقتباس المشاركة الأصلية كتبت بواسطة فارس الكلمة باحثة عن الحب جميلة طريقتك بس طويلة شوية عموما أنا إستفدت منها عمايل الصلصلة أنا هنا بجيب الديك الرومى البرازيلى بيكون فى حدود 4 كيلو وبعلمه وبيكون روعة نشكرك يا باحثة على الأكلة الجامدة دى تقبلى مرورى وموفقة فى المسابقة شيف المنتدى

اولا اشكرك على مرورك . . . وانا مبسوطه انكم استفدتوا من الطريقة . . . عاوزة اقولك ان الديك الرومى البلدى المحترم ف مصر لازم ميقلش وزنه عن 8 كيلو ومش بتعرف تجيبه من اى حته له اماكن معينة تجيبة منها وطبعا بيبقى احلى بكتير من البرازيلى . . . اشكرك مرة تانية . . . (طباخة وبرنسيسة المنتدى)

[باحثة عن الحب]

اقتباس المشاركة الأصلية كتبت بواسطة && برنسيسة المنصورة && تسلم ايدك يا قمر علي الاكلة الجامدة

تسلمى يا قمر . . . اشكرك على مرورك

[باحثة عن الحب]

اقتباس المشاركة الأصلية كتبت بواسطة .نبض القلوب. اشطاااااااااااااااااااااااااااااا دخلتى فى التقيل يا قمراية حلوووووووووو اووووووووووووووووووى بموت انا فى الرومى واااااااااااااااااااااااااااااااااااو بجد تسلم ايدك مليش دعوة بقى اعزمينى عليه يا قمراية بقى ههههههههههههههههههههههههه يارب المركز الاول لك ع المجهود الحلو منك لا والله تعبتى فى كتابته وعميله واكله ههههههههههههههههههه ربنا يكرمك يارب دمتى حبيبتى بالود والحب تحياااااااااااااااااااااااااااااااتى

تسلمى يا حبيبتى . . . وبعدين ما انا عزمتك عرفت انك عاملة سمك اليوم دة ههههههههههههههه. . . اشكرك على مرورك الجميل