إلى أين يا مصر !!

[تصدق نسيت]

إلى أين يا مصر !!

بعد كل اللى حصل الأيام اللى فاتت مصر هتروح فين ؟

هتبقى للأحسن ولا للأسوء ؟

ياترى نهاية ثورة مصر إيه ؟


مين اللى ليه مصلحة فى كل اللى حصل ده ؟

مين اللى عاوز مصر تسقط ؟

مين المسئول واللى هيقف ادام ربنا ويتحاسب على خراب مصر ؟

مين اللى هيتحاسب على الجرائم والحوادث والفتنة والخراب ووقف الحال اللى مصر فيه دلوقتى ؟

مين المسئول ان صورتنا توصل لكده ؟

مين المسئول ان لأول مره نحس اننا بنقع بجد ؟


طبعا كل المصريين عاشوا الايام اللى فاتت

فكر مع نفسك كده

ياترى تتوقع لمصر ايه ؟

ياترى ايه اللى وصل مصر لكده ؟

بغض النظر انت مع ولا ضد

فكر وخلى ليك نظرة مخصصة بيك انت

انت راضى عن اللى وصلت ليه مصر !

انت عمرك اتخيلت اننا نبقى كده !

عمرك اتوقعت ان هيجى عليك يوم وانت خايف بجد على ارضك كده !

وصلك احساس ايه لما لاقيت نفسك مش حاسس بالامان فى بلدك !

انا اول مره اكتب فى حاجة سياسية بجد

وعمرى ماكنت مهتم اوى بالأحوال السياسية زى الايام دى

لكن دلوقتى انا حبيت اتكلم لسبب واحد بس

لانى بجد خايف من اللى جاى خايف لمصر بجد

وكل ما يخطر على بالى قول الله سبحانه وتعالى
( ادخلو مصر إن شاء الله آمنين )

احس بالحسرة فين الأمـــــــــان !!!

طول الأيام اللى فاتت فكرت

ليه القنوات الفضائيه بتقول كده وعاوزة مصر تفضل فى انهيار كده !

شعب مصر مش ناكر الجميل مش لشخص لا لمصر نفسها

ازاى نرضى توصل مصر كده !

مصر بلدى وبلدك وبلد ولادى وولادك

ازاى ابقى خايف على اهلى ونفسى وارضى وتاريخى بالدرجه دى !


لو معظمنا مش حس بالجوع فى الايام اللى فاتت
انا متاكد ان فى بيوت كتير جدا حست بالجوع مع الرعب والخوف اللى حسوه

ليه حياتنا تقف كده
ليه نسمح لحد يلغينا ويلغى مصر

انا مش مرتب كلامى
بس عاوز كل مصرى او مصريه يدخل موضوعى يقول ازاى شاف او شافت الايام اللى فاتت
اتغير جواك\ى حاجه لما حسيت\ى ان مصر وصلت كده

وانا بكتب الموضوع دلوقتى وسامع الاخبار بتقول مصادمات
واشتباكات بين المصريين فى ميدان التحرير
واعتصام مدنى
مين اللى عاوز كده وعاوزين كده ليه وصلت نحارب بعض !!

يارب ارفع مقتك وغضبك عنا وارض عنا واحفظ مصر آمنه
وابعدنا عن كل فتنة وسوء
وهيأ لنا الخير ووقفنا له
يارب العالمـــين

[booody99]

مصر الى المجهول

تسلم على الموضوع

[تصدق نسيت]

اقتباس المشاركة الأصلية كتبت بواسطة booody99 مصر الى المجهول تسلم على الموضوع

تسلم اخى على مرورك الطيب
وان شاء الله ما توصل الامور الى ذالك

[-esraa-]

تفائلوا بالخير تجدوه
[IMG][/IMG]

[تصدق نسيت]

اقتباس المشاركة الأصلية كتبت بواسطة esraa samy تفائلوا بالخير تجدوه [img][/img]

تسلمى اسراء على مرورك الطيب
واكيد نحنو متفائلين خيرا

[Mind language]

ان شاء الله كل اللى عايزة
ربنا لينا هو اللى هيكون
بحلوه او مره دا هيكون قدرنا
ولازم نرضى بيه ودوام الحال
من المحال مش معقول هنفضل
فى فوضه على طول باذن الله
هننتقل لمرحله اجمل ودى
وتقديرى موضوع قيم
تابع للمسابقه

[Ŝmilể Ḿőøn]

هذه الكلمات ليست مجرد استفهام، بقدر ما هى مفردات تصل إلى مرتبة ميثاق الشك الذى أحاط بنا واستبد وتعاظم فى كل حياتنا، فى الأيام الأخيرة، فنحن نخرج من سؤال إلى آخر دون أن نستقر إلى هدف، وكأننا فقدنا اليقين، ولا نعرف أين المقر؟! إننى أستقى كل يوم من الفجر الوليد أى علامة لتفاؤل أو أمل أو استقرار ولا أجد سوى السراب، سراب يقودنا إلى سراب ورمادية تسعى إلى رمادية أكثر غموضا وشراسة، وأسأل نفسى: هل أنا فوق أرض الكنانة؟! أرض وطننا العظيم الذى ننشده ونتمناه دائما فى أعلى حالاته، هذا الوطن الذى من أجله دفعنا الدم والجهد والعزم نحو تحقيق غد آمن..

تابع للمسابقه

[عاشقة الهدوء]

شوووف أخى شباااب مصر قامت بثوره كل العااالم أتكلم عنها

زى ما الثوره قااامت وربنا رايد كده زى ما ليها مميزات لازم يكون ليها

عقبااات وهوه الى أحنا فيه دلوقتى عدم الآمن وعدم الآستقرار

وأمور كثيره جميعنا عندنا درايه بها وأساس هذه الآمور وهى عدم الآمن

والآستقرار والتخريب هو أنعدااام الضمير والتقوى لبعض الآشخاااص

الذين لا يريدون لمصر وشبابها وأهلها التحرر مما كانوا فيه باعوا أنفسهم

وضمائرهم هباءا لآشياء مخجله ومخزيه لا تنفعهم بشىء وعواقبها الحسره

والندامه بعد ذلك فهون عليك أخى العمليه والثوره ليست مقتصره على بلدنا

فقط فعندك البلاد العربيه الشقيقه ليبيا _وتونس _ واليمن _ قامت هذه البلاد

بثوراات أيضا يشهد لها العالم كله واخرهم سوريا التى عندما أرى لآهلها وشبابها

بعض المشاهد فى التلفزيون والله قلبى يبكى لا عينى على أفتراااء حكومتهم

ورئيسهم المخزى الفاسق بشار فبلدنا (مصر) وما يجرى فيها من أحداااث

وتقلباااات أرحم بكثير مما أشاهده فى هذه البلاد فلنا جميعا الله أليه صلاح

الآمور وبحكمته وبقدرته كل شىء صعب يهووون وما لنا الا الصبر والتقوى

حتى ينكشف المستور فبأذنه تعالى كل شىء منصور وتتعدل الآمور

فكل شىء صعيب يمر بنا له نهايه ويسر الله قلوبنا بعد ذلك بالخير والسرور اللهم أمين

تسلم أخى على مشاعرك النبيله فجميعنا فى نفس الحال ربنااا يبارك فيك ويحفظك


(تااابع للمسااابقه )

[دمعه حائره]

دى ضريبة الحرية لازم نتعب شويه ونستحمل
عشان اللى راحوا فى الثورة دمهم مايروحش هدر
هما ضحوا بحياتهم عشان نعيش حياة كريمة
مش نضيع ثورة ضاع فيها شباب من احسن شباب البلد
وان شاء الله الامور تتحسن ومصر ترجع احسن من الاول

[*دموع القمر*]

والله الواحد مش عارف ايه الى بيحصل فى البلد دى
بس اكيد كل شخص له يد فى الى بيحصل وساعد فى تخريب ونهب وسرقه البلد
انا مش هنحاسبه ولكن حسابه عند ربنا عسير
فكل ظالم وله نهايه ومحدش عارف يمكن الثوره الى قامو بيها الشباب دى
تكون بدايه حياه مشرقه للبلد ونهايه الظلم والفساد
واهم شىء ان كل انسان يتعامل فى وظيفته وعمله وفى كل شىء بما يرضى الله سبحانه وتعالى
علشان ربنا يكرمه فى عمله ويبارك له
والاهم ان كل شخص كان موجود ايام الظلم والفساد يتشال من منصبه
ويضعو مكانه من هو جدير بذلك
وربنا يجازى كل ظالم وفاسد فى البلد دى
ربنا يبارك فيك اخى على كلماتك القيمه
جزاك الله كل خير
سلمت اناملك
تابع للمسابقه