بجد كرهتهم

[Sofey]

ايوه كرهتهم وكرهت كل واحد بينافقهم وكانهم همه الشعب المصرى كله
ممنوع النقد لاى ثائر لانهم ملائكة على الارض
كرهت استهزائهم باى راى مخلف لرايهم واتهامهمه بالخيانة للثورة
كرهت كبرهم واستعلائهم بعد الثورة
كرهتهم لما تباهوا بطردهم للدكتور سليم العوا والكتور البلتاجى فى محاولتهما لتهدئة الموقف
كرهتهم لما اتغيروا علشان الاخوان والسلفيين خدوا اغلبية فى مجلس الشعب مع ان هى دى اليمقراطية
حسيت فعلا انهم بيدوروا على المناصب عكس ما كانوا بيقولوا
اكتر حاجة وجعتنى لما رفعوا الجزم للاخوان المسلمين وكانهم يهود
ونسيوا كل موقف بطولى عملوه الاخوان فى موقعة الجمل
يعنى اللى يختلف معايا فى راى او موقف ارفعله الحزمةفى وشه
كرهت وصفقم للناس اللى قدام الداخليه بالثوار المتظاهرين بجد حسيت انى هنشل
همه فى وادى والشعب فى وادى تانى
حتى اغانى الثورة بتاعتهم ملهاش علاقة بينا كمصريين خاصة الموسيقى
على فكرة اول الثورة كنت فرحانة بيهم جدا
بس ما عرفشى ايه اللى جرالهم بعد كدة
وما حدش يقولى ده تاثير عملية التشويه المستمرة عليهم لانهم فعلا اتغيروا
وعارفة كمان ان ليهم دور كبير قوى فى بعض الانجازات اللى حصلت بس بردك مش بسببهم همه لوحدهم كان معاهم ناس كتيييييييييييييييييييييييييييييييييير بس منسيين والاعلام طبعا مش مسلط ضوئه عليهم
اوعوا حد يقولى انتى من جماعة اسفين يا ريس علشان مش حسامح
بس انا بطلب منهم بكل ذوق انزلوا الشارع للناس البسيطة شوفوا همه رايهم فيكوا ايه بصراحة
وشوفو حال البلد اللي بدا يقف بسببكم بطلو بقا تفكرو ف مصلحتكم بس
متتحسسوناش انكم بس اللي خايفين ع البلد واحنا لاء اكيد خايفين زيكو واكتر كمان بس بطلو تخريب ف البلد بشوف الناس بترمي بحجاره وكاننا ف فلسطين والجيش والشرطه بقت اسرائيل بلاش ننسي ان الفوضي عمت البلد خلاص والبلطجي انتشرت ومحدش هيحس بلبطجه الا لما يجربها ويدخل مثلا بيتكم حرامي يهدد حريتكم وده حصل عندي وربنا سترها ولو ع حق الشهداء هيرجع ان شاء الله بس كله ف وقته
وبطلب منكوا انتوا انكوا متغلطوش فيا ده مجرد احاسيس جوايا وبس وحبيت اطلعها وافضفض

[بائعة الورد1]

الله معاااااااااااااااكم ياااااااااااااااختاه وربنااااااااااا بينصر كل مظلوووووووووووم

[بائعة الورد1]

موضوووووووووووووع للنقاش يسلمووووووووووووو

[Sofey]

شاكره مرورك الطيب منوره

[ميراا]

اللهم صل على محمد وعلى آله وصحبه أجمعين

[سعوديه كووول]

اللهم صل على محمد وعلى اله وسلم تسليما كثيرا

[SiLver Spectra]

اقتباس [color=#]بس انا بطلب منهم بكل ذوق انزلوا الشارع للناس البسيطة شوفوا همه رايهم فيكوا ايه بصراحة وشوفو حال البلد اللي بدا يقف بسببكم بطلو بقا تفكرو ف مصلحتكم بس[/color]

مع احترامي طبعا لكلامك بس عارفه ان سبب الفقر الي وصل اليه المصريين هو انهم سابوا السياسة و سابوا البلد متباعه للرؤوس الكبيرة ؟
للأسف الجهل طاغي على الشعب بدرجة كبيرة ,,لو سألتي اي واحد غلبان في اي حاجه هبيان جهله

أنا معاكي و ضد الاساءة لاي شخص
و مع احترام البرلمان و احترام كافة اطياف الشعب
و في نفس الوقت مع مطالب استكمال الثورة الي في الاصل بتنادي بالحرية و العدالة الاجتماعية و العيش و مع التظاهر ضد اي تصرف بينتهك المبادئ التلاته دول

في فرق كبير بين المظاهرات الي بتوقف البلد و بين المطالب السياسية
المطالب الفئوية في الغالب الي بيعملها هما الفقراء الي بتقولي عليهم ضد الشباب و بيشتموا فيهم ,,هما الناس دي في الغالب الي بيتظاهروا ادام المصنع و بيقفلوا الطريق

اما اصحاب المطالب السياسية فبتتولد ردة فعله نتيجة تعامل السلطات بعنف معاهم
فياريت ما نخلطش المبدا بطريقة التنفيذ
لأن طريقة التنفيذ وارد يكون فيها خطأ

كمثال بسيط ,,في فرق بين الدين و بين الشيخ
لو الشيخ غلط دا مش معناه ان الدين وحش و نقوله كفايه خربت البلد او اخلاقك يا دين وحشه
لأ طبعا ,,لأ ليه ؟
لأنك لو بصيت على اخلاق الدين هتلاقيها مبادئ سليمه
يبقى الخطا على التنفيذ تلومه عادي مافيش مشاكل

نفس الوضع للثورة

اما الغرور الي بتقولي عليه فما انكرش ان بيكون في اندفاع من بعض الشباب
لكن اعذريهم ,,الناس دي عانت من التهميش لسنوات و اتعقدوا من فكرة انك تدافع عن النظام
لأن الدفاع الاعمى عن النظام هو الي ولد ديكتاتورية الي ولدت فساد و الي ولدت فقر في البلد
يعني في النهاية بتيجي على دماغ المواطن الفقير الي بيقول كفايه خربتوها ,,مش عارف ان فقره دا كان بسبب كلمة كفايه !!

,,احترامي,,

[Sofey]

اقتباس المشاركة الأصلية كتبت بواسطة silver spectra مع احترامي طبعا لكلامك بس عارفه ان سبب الفقر الي وصل اليه المصريين هو انهم سابوا السياسة و سابوا البلد متباعه للرؤوس الكبيرة ؟ للأسف الجهل طاغي على الشعب بدرجة كبيرة ,,لو سألتي اي واحد غلبان في اي حاجه هبيان جهله أنا معاكي و ضد الاساءة لاي شخص و مع احترام البرلمان و احترام كافة اطياف الشعب و في نفس الوقت مع مطالب استكمال الثورة الي في الاصل بتنادي بالحرية و العدالة الاجتماعية و العيش و مع التظاهر ضد اي تصرف بينتهك المبادئ التلاته دول في فرق كبير بين المظاهرات الي بتوقف البلد و بين المطالب السياسية المطالب الفئوية في الغالب الي بيعملها هما الفقراء الي بتقولي عليهم ضد الشباب و بيشتموا فيهم ,,هما الناس دي في الغالب الي بيتظاهروا ادام المصنع و بيقفلوا الطريق اما اصحاب المطالب السياسية فبتتولد ردة فعله نتيجة تعامل السلطات بعنف معاهم فياريت ما نخلطش المبدا بطريقة التنفيذ لأن طريقة التنفيذ وارد يكون فيها خطأ كمثال بسيط ,,في فرق بين الدين و بين الشيخ لو الشيخ غلط دا مش معناه ان الدين وحش و نقوله كفايه خربت البلد او اخلاقك يا دين وحشه لأ طبعا ,,لأ ليه ؟ لأنك لو بصيت على اخلاق الدين هتلاقيها مبادئ سليمه يبقى الخطا على التنفيذ تلومه عادي مافيش مشاكل نفس الوضع للثورة اما الغرور الي بتقولي عليه فما انكرش ان بيكون في اندفاع من بعض الشباب لكن اعذريهم ,,الناس دي عانت من التهميش لسنوات و اتعقدوا من فكرة انك تدافع عن النظام لأن الدفاع الاعمى عن النظام هو الي ولد ديكتاتورية الي ولدت فساد و الي ولدت فقر في البلد يعني في النهاية بتيجي على دماغ المواطن الفقير الي بيقول كفايه خربتوها ,,مش عارف ان فقره دا كان بسبب كلمة كفايه !! ,,احترامي,,

كلامك ع عيني وجميل
انا برضه مع استكمال مطالب الثوره بس بهدوء اصل الحكايه مش كون فيكون عاوزين رئيس جمهووريه خلاص بكره الصبح هتلاقو رئيس عاوزين نشتغل من بكره هتلاقي نفسك ف وظيفه مرموقه و.....و.....و......
ولو ع الشباب اللي بتقول انهم عانو لسنوات
يعني صبؤو 30 سنه ومش قادرين يصبرو سنه او سنتين ع الاقل البلد تروق ويحاولو ينفذو شويه ولا هي العمليه عافيه وقدره؟؟

مين شجع البلطجيه ع النهب والقتل ؟
كلنا نازلين الشارع نطالب ونطالب
الفقير همه ياكل لقمه تكفيه هو واهله مش همه يطلع يشتغل مثلا ع التاكسي يدبح
بصراحه انا نفسي اقول كفايه لثوره لحد كده ونشوف المطالب هتحقق ولا لاء وبعدين لو ما اتحققتش نعمل ثوره من جديد
بس طول ما احنا متعسكرين ف الشارع الحال بيتوقف ومحاكمه الفاسدين بتتاجل
يلا ربنا يستر ع البلد

[Sofey]

اقتباس المشاركة الأصلية كتبت بواسطة سعوديه كووول اللهم صل على محمد وعلى اله وسلم تسليما كثيرا

عليه افضل الصلاه والسلام