مين ليه ثأر عندي عشان انا بورسعيديه؟

[the moon]

يا جماعه انا الان في قمه الحزن والاسي لاحداث بورسعيد
انا بورسعيدية وبجد حقيقي زعلانه جدا علي اللي حصل عندنا
والسبب كله الناس اللي جوه السجن هم اللي بيخربو البلد
بس للاسف اتلعبت صح صح اوي
ودخلو علينا في ملعبنا واجت في الجون
عرفو ازاي يكرهو المحافظات او العالم كله فينا
وللاسف الكل نسي بورسعيد دي اد ايه اتظلمت ومات منها ناس كتييييييييير اوي
ايام الحرب واكتر بلد أست وحربت وهتكون اول مدينه هيبدا فيها الحرب
يا جماعه مينفعش نبص للموضوع من زاويه واحده
لازم نفوق ونعرف مين اللي عايزنا نعادي بعض مين؟؟؟؟؟؟؟؟؟
مين اللي عايزنا نعمل حرب اهلية
احنا الاكل بيجلنا في طيارات حربيه
احنا يعتبر دلوقتي بعييييييييد عن مصر خالص
لو يطولو يحذفونا من علي الخريطه كانو عملوها
ليه كل ده ليه
دي بورسعيد المدينه الباسلة
ردو عليا لو مسامحين

[booody99]

موضوعك جميل جدا مي

ازاي نفكر ان اخوتنا في بورسعيد انهم قتلوا اخواتنا من الاهلي

دي فتنه مدبره لتقسيم مصر 4 مناطق وللأسف نجحوا بنسبة 50% انهم يخلوا بعض الناس تكره بورسعيد وده اكبر خطر

تعالوا نتخيل لو كان الماتش ده في اي مدينه تانيه مش كان شيء وارد

البورسعيديه اخواتنا وعمر ابن مصر ما يقتل اخوه ابدا

بنحبك يامصر وكلنا واحد

كل التحيه والتقدير على طرحك الرائع

[شريف القناوى]

اختى الغالية
احنا كلنا ابناء مصر مفيش حاجه اسمها بورسعيدى او قاهرى او صعيدى
احنا كلنا على ارضها اخوات واحباب واللى حصل الكل فاهم وعارف مين السبب
ومهما يحصل مش هيفرقوا بين ابناء مصر وده كان ممكن يحصل فى اى مكان
وربنا معاكم ومع البلد ضد اى خراب

[ياسمينااا]

عمرنا ما نفكر انه ممكن اخواتنا في بورسعيد هما اللي يقتلو اخوتهم من مشجعين الاهلي عمر المصري ما يقتل اخوه المصري
احنا كلنا هنفضل اخوات وهنفضل دايما ايد واحده ان شاء الله
وربنا هيظهر الحق قريب باذن الله وهيبان مين المتهم الحقيقي مش اهل بورسعيد الحقيقين وربنا معاكو يارب وكل حاجه ترجع احسن من الاول ان شاء الله

[مصرية والفخر لية]

لا لا لا والف لا لكل واحد عايز يعمل فتنة بيننا
واحنا عارفين ومتاكدين انى اخواننا فى بور سعيد عمرهم ما يعملوا كدة لانهم جدعان اوووووووى
بجد مش مجاملة كفاية اللى مات منهم علشان يحموا البلد
ولازم نفهم انى كل ايد مندسة من برة عايزة الخراب لمصر علشان كدة نقول لا والف لا
موضوع يستحق الطرح
سلمت يمينك اختى الغالية

[خليجي وأفتخر]

حمـــــــــــــــــــــــاكي الله يـــا مـــصــــــــر العروبـــــــــــــــــــــــــة

ومحروسة من كل شر بإذن الله تعالى

[نـــــ غ ـــــــم]

No comment