مين تحب أكتر؟؟؟ مراتك.. ولا شغل..؟

[خليجي وأفتخر]

إعترافات مدير ذو خبرة طويلة

مراتك......ولا.......شغلك!!!!!

الجواب تحت

كل نساء العالم بيتهموا أجوازهم بأنهم بيحبو الشغل أكتر منهم
وأنا اصالة عن نفسي ونيابة عن الرجاله أعترف بأن دا

صحيح ......صحيح .... صحيح ليه....؟؟

لي أسبابي ومبرراتي التي أرجو منكم التفكير فيها بعين العقل:

أولا ..........الشغل بيصرف عليّ .... بس مراتي أنا اللي بصرف عليها!!!

ثانيا........في الشغل ممكن ترفع صوتك براحتك وزعائك يجيب نتيجة...
ولكن مع مراتك صعب انك تزعأ براحتك ومهما رفعت صوتك مش هتوصل لنتيجة ...

ثالثا ........ممكن تزوغ من الشغل في أي وقت من غير ماحد ياخذ باله

أو حد من الزملاء يداري عليك
أنما تزوغ من مراتك .. هيهات ..أنسى ياعم …..

رابعا .........في الشغل عندك مدير ممكن ترضيه لو اشتغلت كويس ....
إنما مراتك لو عملت قرد .. حمار .. أي حاجة مش ممكن ترضيها !!!

خامسا.......في الشغل من حقك تاخد أجازه...عندك عارض واعتيادي
ودا غير يوم الجمعة....والعطلات الرسمية.....بصراحة الشغل خفيف ع القلب.....
أنما مع مراتك...مش ممكن تاخذ أجازه......بالعكس انت لازم تلزق فيها يوم إجازتك

و إلا يبقى نهار اهلك مالوش ملامح.....!!!!

سادسا .........في الشغل ممكن تترقى و تاخد منصب بيه....وباشا كمان..

ويبقى لك مكتب لوحدك...... و مراسل.....و سكرتيره خاصة ….

والكل يضرب لك تعظيم سلام....

في البيت ح تعيش زوج وتموت زوج......

واللقب الوحيد اللي ممكن تاخده لما تنادى عليك مراتك

وتقولك.... يا بابا...أو.... .يا حاج.... ولما تعجز... تقولك.....يا بركه

سابعا ........الشغل لو زهقت منه ممكن تسيبه بدون مشاكل.... وبسهوله ....

أنما مع مراتك...لو روحك طلعت..لازم تحط في بؤك جزمه أديمة

وتفكر مليون مره..في المحاكم والمؤخر و النفقة.. والعيال والشقه والاجار..

ثامنا ........ في الشغل..لو سبته ..أو بلغت سن التقاعد بتاخد مكافأة كبيره

..ومعاش..وحفله تكريم ....
أما مراتك لو سبتها... أنت اللي ح تدفع مكافأة ومؤخر ونفقه

...وشقه كمان.. وتتحبس لو ما دفعتش

تاسعا.........ممكن تغير شغلك وتتنقل لغيره لو لقيت شغل أحسن منه.......

في حين أنك طوووول الوقت بتشوف بنات أحلى ميت مره من مراتك

بس ماتقدرش تغيرها

عاشرا......في الشغل....متأمن عليك عشان لو حصل لك حاجه......

ولو حصل لك حاجه.....مراتك هي اللي هاتقبض التأمين

في النهاية ... بتحب مين أكتر...مراتك ولا شغلك ؟؟

الجواب ...

أكيد مراتي ... أحسن يوقع الموضوع ده في ايدها ياعم .... تبقى مصيبة ..

[ساحر الأحزان]

الزوجة شىء والشغل شىء والمقارنة بينهما تكون غير مستحبة

لان الرجل الناجح فى عملة وراءة زوجة تساعدة وتشد من ازرة

فالزوجة لها اهتمامات والعمل لة اهتمامات

فليس كل اليوم فى العمل

وايضا ليس كل الوقت فى البيت

هناك تنظيم من اعطائهما حقهما

جميل اختيارك

تحياتى علية

[خليجي وأفتخر]

كبير يامشرفنا ... ومبدع كمااان
وكلماتك فالرد تدل على سمو رقيك طبعا وبدون مجاملة
وبالفعل من الظلم نقارن بين الشغل والزوجة مهما كانت سطوتها عالزوج
والله يستر لما نتجوز حنعمل إييه ..........:yuck:............؟؟؟؟؟

تحياتي لك ....

[انا دنيته وهو حياتى]

ههههههه يعنى انت بتهدى النفوس مثلا

بس موضوع جميل جدا

تقبل مرورى ...