حلقات ( طنط جمالات )

[كبرياء رجل]

توكلنا على الله
النهارده الحلقه الاولى من يوميات طنط جملات
وهنبدا بالتعريف
طنط جملات من الاعضاء القدامى في المنتدى

تبلغ من العمر 37 سنه
متزوجه واحد اي كلام ومعاها منه فضلت خيركم
4 اولاد وبنت
تسكن في بيت قريب لعماره المنتدى
اسمها في المنتدى قبل كشفها
فاتن
وصورتها الرمزيه

........
اسم ابنها الكبير بهجت
وهواايته ضرب اخته الوحيده
وقزقه اللب ويتف على باقي اخواته
وكداب درجه اولى واسمه في المنتدى روميو
وصورته الرمزيه

...........
الابن الثاني
اسمه عمر
وده هوايته البنات والمعاكسه
والسهر وهو اللي بيفيد ابوه بيجبله الحشيش
ويبعهوله بارخص الاسعار
اسمه في المنتدى دنجوان
وصورته لرمزيه

.............
البنت الاولى وترتيبها رقم 3
اسمها سعاد

وفي المنتدى اسمها جوليا
وتحتفظ بكم هائل من الرسائل الخاصه ورسايل الزوار
داخله بصوره البنت الرقيقه الرومانسيه الحساسه
وحاولت بكل الحيل جمع اكبر عدد ممكن من الاولاد السيس حواليها
وصورتها الرمزيه

............
الابن الرابع
رمزي
ده طفش من البيت
مع بنت من بتوع اليومين دول

............
الابن الاخير
سعيد

وده هوايته يلعب بلاي ستيشن
طبعا عند اصحابه هما معندهمش خلاط اصلا
ومن عادته السيئه
بيسرق الحشيش من ورا ابوه
مما سبب ازعاج كبير لابيه عشان مش متظبط
ودي صورته الرمزيه

............
اخر حاجه ابوالعيال
وده اللي عامل ازمه في البلد
سبب انخفاض معدل المخدرات
والمشروبات الكحوليه
وهو من حفز وساعد الشباب على حب البطاله
وهو صاحب المثل المشهور
اليوم اللي هتقعده ليك واللي هتشتغله للورثى
وده كان تعريف بسيط لعائله طنط جملات
اللي جنب عمارة المنتدى
هنشوف مواقف مع اعضاء جميله
وحنشوف حلقات هتعجبكم
بس اوعو تغيروا المحطه
فاصل ونعود

[Silver Flower]

:762:

حلوه طنط جملات هاي حبيتها
وحبيت اكتر ابنها سعيد

بس ما يكون زوجها صاحب المنتدى ولا شي :079:

يسلموا
وفي انتظار باقي الحلقات بشوق كبير خخخخخخ

[ĶǎnDO̳̿uChǎ ツ]

والله دي اسره عال على المجتمع المصري

^_^

ربنا يخليلهم ولادهم يعني

بس انا عاجبني اوووي الواد سعيد ... لو معاك رقمه ولا حاجه يعني ابقى ظبطني

ههههههههههههه

شكلو توبيك يجنن

متابعه معاك

و مستنيه اول حلقهـــ

مجهود جميل منك

[رنا هشام]

ههههههههه
عجبوني جداً جداً والله
وخصوصاً سعيد دهـ
صغير بس جبــار
في انتظار الباقي علي احر من الجمــر

[دمعه حائره]

ههههههههه
ونعم العائله الكريمه تشرفنا بيها بجد
بس هيا دخلت السجن ولا ايه :biggrin:
وشكلها هاتبقى حلقات روعه
يسلمو اخى ويدوم تميزك الدائم
تحياتى وتقديرى لك

[AHMED SEVEN]

بصراحة فاتن هي اللى عجباني فى الموضوع كله ههه نيجى بقى للحجة رد السجون هي متكلبشة باسطوانات سى دي ولا ايه يا عم هههه .. تحياتي وحلقة شكلها هيبقى جامدة .. متابع معاك يا كبرياء .. موفق

[جبل عالي]

يا اهلا وسهلا بالمواهب الجميلة وشكل الموضوع جامد

ويارب دايما ناجح ياكبرياء

تسلم وننتظر الحلقات

[ساحر الأحزان]

جميلة الحلقات كبرياء

انت طلعت حكاية

والست جملات كمان

ومنتظرين نشوف باقى اليوميات الكوميدية

بالتوفيق لك

[عاشق ولهان]

هههههههههههههههههههههه

إيه ده يا كيبو

إنت جايبهم سوابق ولا ايه

منوره يا سيت كلبشات

وشوية المقاطيع اللي هيخربو المنتدي

أدي العائلات اللي تشرف ولا بلاش

روعه يا كبرياء والفكره كوميديا ساخره

متابعين معاك الحلقات

تحياتي وتقديري

[MĺŔǾ]

ههههههههههههه موضوع تحفه بجد انا صدقن ان طنط جمالات دي واحده حقيقيه ههههههه

مشكور يا جميل

مع تحيات حمله دعم ميرو في الانتخابات القادمه