هو الحجاب ليه لزمه اصلا

[Sofey]

انهاردة عايزة اسئلك انتى محجبة ليه؟ هو الحجاب ليه لازمة؟


استنوا بس قبل ماتقلعوا الشوزات بتاعتكم انا موجهة كلامة لفئة معينة اقرى كلامى اللى جاىو لو انتى واحدة منهم يبقى تجاوبى عليا انتى محجبة ليه؟



1/ ايه لازمة الحجاب لما يتطلعى قصة او نص شعرك من الطرحة؟

ماهو بالعقل انتى المفروض لابسة الحجاب غير انه فرض وتدين وكده المفروض اهم اساسياته انك تغطى شعرك انتى مبينة شعرك ليه؟ طب لو عايزة تبينى شعرك لبستى الحجاب ليه؟



2/ ايه لازمة الحجاب لما تعملى شعرك سيشوار وتسيبيه من تحت الطرحة؟

ده على اساس بقى انك مش واخدة بالك ان الشعر الحرير اتفك من التوكة وطالعة من الطرحة ؟ ده الواحد لو طالع منه شعراية من غير قصد بيزعل وبيخاف لياخد ذنب حد يبص ليها



3/ وايه لازمة الحجاب لما تلبسى بنطلون علاء الدين الواسع ومن فوقيه بدى قصير ضيق؟

يعنى هو الاسم انك لابسة واسع وبس؟ انا انهاردة شايفة بنت لابسة البنطلون واسع جدا بس طبعا لابسة قصير اوى من فوقيه وضيق جدا يعنى انتى عملتى حاجة كويسة ومسحتيها وزودتيها عليها سيئات بالبدى المجسم الضيق طب هو ده حجاب؟



4/ وايه لازمة الحجاب لما تبقى محجبة كده وبتتكلمى فالتيلفون او مع صحباتك وصوتك عاااااااالى جدا لدرجة كل الناس سامعة الحوار اللى بتحكيه؟

ماهو مدام بقيتى بنوتة شاطرة واتحجبتى لازم تلتزمى باداب الاسلام والحجاب تخيلى كده الناس اللى سامعة صوتك وكلامك بيقولوا عليكى ايه فى سرهم انا والله شفت بنات كتير فى سيدات فاضلات بيروحوا كاسفينهم ويقولولهم لو سمحتى وطى صوتك عندى صداع ليه تحرجى نفسك بقى



5/وايه لازمة الحجاب لما تنزلى مغرقة وشك بودر وعاملة ميك اب سواريه حتى لو احنا فى عز النهار ؟

يعنى الميك اب التقيل ده مش بيفكرك بحاجة مثلا اممممممم مش عايزة اقول الراقصات بس بجد ليه احط مكياج بالشكل ده وانا نازلة يعنى انتى بتحطى لمين الميك اب ده كله طب افرضى عملتى حادثة وانتى ماشية لا قدر الله ترضى تقابلى ربنا كده؟



6/ وايه لازمة الحجاب وانتى مشمرة البدى بتاعك او لابسة برمودا او جيب عند الركبة؟

هو مش حجاب برضه معناه نحافظ على نفسنا ونغطى جسمنا عشان نحفظه من الشباب السعرانين طب انا محجبة ليه حبين ايدى او رجلى ولا دول مش من جسمنا؟ طيب مش بتحسى بحاجة غلط وانتى ماشية كده مبتحسيش باى تأنيب ضمير



7/ وايه لازمة الحجاب وانتى بتهزرى مع فلان وتضحكى مع علان؟

مش حااقول عن الزمايل فالجامعة او الشغل عشان حلاقى ناس كتير تقول دول زمايلنا وكده كده حنتكلم معاهم انا بقى مش بتكلم عن دول انا بتكلم عن بنات تدخل محل تهزر مع البياع او اللى واقف مع الكاشير او واحد يقول نكتة فى وسيلة المواصلات تروح ضاحكة ويبدأ الحوار من هنا يابنتى غلى نفسك متخليش حد يقول عليكى انك رخيصة او عايزة تتجوزى عشان كده بتهزرى مع اى حد



8/ وايه لازمة الحجاب وانتى ماشية بالكارينا؟

سواء بقى بدى كارينا ولابسالى عليه جاكت ولا سالوبيت ماهو مجسم جسمك كله يابنتى او بنطلون كارينا ولابسالى عليه بالطو بس لحد نص الفخذ وباقى رجلك بالبنطلون طب ايه انتى مش حاسة انك عريانة كده؟ والادهى لما تلاقى اللى لابساه وفرحانة بجسمها دى بنت كلبوظة او جسمها فاتن ماشاء الله مش خايفة تشيلى ذنوب كل واحد بصلك بصة مش كويسة



9/ اخر سؤال

وايه لازمة الحجاب ياللى بتنزلى بنتك بالمناظر زى اللى اتكلمنا عنها؟

يعنى ماهى لو هى كانت عايزة تتحجب كانت التزمت باداب الحجاب وخافت ربنا لانها لابساه عن اقتناع وماكنتش شوهت سمعة المسلمين او المحجبات
ولو كنتى انتى او باباها غصبتوها على الحجاب عشان تلبسه عشان ده فرض طب ازاى سمحتولها تنزل بالشكل ده او تتصرف التصرفات دى يعنى متقنعنيش انك مش شايفاها وهى نازلة سواء لبسها او مكياجها او برفانها طب ازاى مش خايفين عليها
مش خايفين حد يعمل فيها حاجة او حد يتكلم عليها او حد يشتم فى اهلها وده بيحصل والله

طب متعرفيش انكم مسؤولين عن بناتكم وحتتحاسبوا عنهم يوم القيامة يعنى تخلى بالك بنتك لو خدت ذنب هى حتشيله وانتى حتشيليه يبقى ليه من الاساس



اللى عايزة اقوله من الموضوع ده كله ان الحجاب مش طرحة وبس
مش اقول انا اتحجبت او بنتى اتحجب ولبست طرحة خلاص كده اتحجبت وبقت ترضى ربنا

لا الحجاب ده ليه اداب واساس لازم نلتزم بيه مش كمان عشان الحجاب لا ده عشان دى اداب الاسلام حتى لو مش محجبة لازم اعملها

بس فعلا اسوء حاجة لما تلاقى بنت شكلها بنت ناس ومحجبة وتلاقيها عاملة كده يصعب عليكى حال بنات المسلمين اللى وصلوله

بجد لو انتى بتعملى اى حاجة من اللى فوق دى راجعى نفسك مش حقول عشان ربنا يرضى عنا ويحبنا اكتر بس انتم بقيتم شايفين الزمن اللى احنا فيه وبنات بتغتصب وبيتخطفوا وبعدين يبقوا بنات ليل انتى مش خايفة على نفسك تبقى كده؟؟

وانتى لو ام بنتك بتخرج كده مش خايفة عليها برضه لنفس الاسباب اللى قلناها؟

ده حتى لو واحد بيفكر يرتبط بيكى ويتقدملك ولقاكى بتلبسى كده حيراجع نفسه الف مرة ازاى يقدر يأمنك على بيته واولاده

ده غير بقى ان الشباب اللى بيهزر وبيضحك معاكى والله والله بيقولوا عليكى كلام زى الزفت من وراكى واللى تلاقيه بيبصلك نظرات اعجاب وانتى واقفة ده مش اعجاب ده تفكيره راح لحاجات وحشة اوى من شكلك ماهو صعب يفكرك بنت كويسة كده حيفكر ازاى كويس بقى

من الاخر اللى اتمنى تعملوه

تتقى الله فى شكلك فى حجابك فى دينك فى عرضك فى شرفك اتقى الله عشان يرضى عنك

وياتلبسى الحجاب صح يامتلبسوش

وربنا يحفظكم ويحفظ كل امة المسلمين

[براءة حلم]

روعه تسلم ايدك حبيبتي دوم مبدعه

[وفيت حتى انتهيت]

حقيقى ايه لزمته مع كل ده
سؤال يطرح نفسه
موضوع رووووووووعه يسلموا

[booody99]

بصراحه كلامك جميل جدا وسؤال يطرح نفسه فعلا

موضوع في قمة الروعه واسلوب راقي فعلا

كل التحيه والتقدير

[-esraa-]

[Sofey]

اقتباس المشاركة الأصلية كتبت بواسطة براءة حلم روعه تسلم ايدك حبيبتي دوم مبدعه

ميرسي يا قلبي ده من ذوقك
منوراني ديما

[Sofey]

اقتباس المشاركة الأصلية كتبت بواسطة نارا حقيقى ايه لزمته مع كل ده سؤال يطرح نفسه موضوع رووووووووعه يسلموا

هو سؤال يطرح نفسه فعلا والاجابه عند البنات
شاكره مرورك الطيب
نورتي

[Sofey]

اقتباس المشاركة الأصلية كتبت بواسطة booody99 بصراحه كلامك جميل جدا وسؤال يطرح نفسه فعلا موضوع في قمة الروعه واسلوب راقي فعلا كل التحيه والتقدير

تحياتي لمرورك الطيب
منور

[Sofey]

اقتباس المشاركة الأصلية كتبت بواسطة Esraa samy

منوره يا عسوله

[عيوشة]

بجد موضوع جميل جدا تسلم ايدك