يعنـــي إيــــه كلمـــه وطـــــن ؟ ( مسابقه ملوك العــــاميه )

[Şα3Đ..♥]

يعني ايه كلمه وطن
يعني فيكي انسجن؟
ولا لما اطلب الحريه
يخدوني فالبوكس واتشحن
ولا اتعب ليل نهار
وافضل اشتغل وانطحن
واجي اخر الشهر
ملقيش الا كام شلن
حامد ربنا وساكت
مع اني فيكي بنظلم
ولو جيت فيوم اتكلم
ياخدوني ييجي كام ميت قلم
ويكتبوني مثير للشغب
ويسموني مش محترم
ومن كتر السكوت
بقيت حاسس اني صنم
وضميري يصرخ يقول
قوم اتحرك يا بجم
قومت اتحرك وثورت
وف الميدان رفعت العلم
وقولت للظلم ارحل
وسقطت كل النظم
بس لازم نقف و نعقل
مش نفرح باللي حصل
ماهو لسه فاضل كساره
لازم تتلم وتتركن
ما اهو اصل لو سيبناها
هيفوح منها ريحه العفن
وتبخلنا الدسايس
السم ف العسل
تشرب العسل وتتلذذ
والسم يهري البدن
ده مفيش يهدم كيانك
الا لعنه الفتن
فاكر انه بحيله
ممكن يغلب ويكسب
ويقول ورايا اسود
ويعمل العمله ويهرب
ماهو التعبان يموت
ولسه ديله بيلعب
شوف كام محتل احتلنا
ومقدرش يصبر وبيهرب
وكان كل امله يهدنا
وهو اللي بيتهد ويتعب
وفاكر من تلاتين سنه
لما كان الكل بينهب
كانوا مصريين مننا
وكانو بياكلو حقنا
فاكر لما زمان باعوك
بهدلوك ورخصوك
ذلوك وذلو ابوك
وشحتو اللي خلفوك
لازم تقف مكانك
لازم تتدبر وتعقل
ليتهد كيانك
وف ثانيه انت اللي ترحل
ترحل بتعبك وافكارك
ساعتها انت اللي هتزعل
وحد صفك يا مصري
لا القصه تنتهي
لا ما يبقي فيها ثوره
وتعبنا يتلغي
انزل بصوره نقيه
وقول انا هبتدي
مش هسمح لايد خفيه
تسرقني وتهدني
هصحي للي حواليه
وصفوفنا مننا تنبني
ونوَري العالم صمودنا
ووقوفنا للمعتدي
ونجيب حق الشهدا
اللي ضحوا للبلد دي
يلا نوحد صفنا
لنضحك علينا الاجنبي
ده احنا اللي طول عمرنا
بيهرب مننا المعتدي
لازم نصحي لازم نفوق
وناخد بالنا من الفتن
لازم نبص لفوق
ونتصدي للمحن
لازم يعرف كل مخلوق
يعني ايه كلمه وطن


17/2/2012

[دمعه حائره]

رائعه كلماتك من اجمل ماقرأت
عبرت عن معنى الوطن وماقصرت
تنقلت بين القوافى ببراعه كما منك عاهدت
اللهم احفظ مصر وشعبها وقيهم شر الفتن
تسلم ايدك واتمنالك التوفيق ان شاء الله
تحياتى وتقديرى لك

[ساحر الأحزان]

جميلة كلماتك اخى محمد

وجميل احساسك وتعبيرك عن الوطن

جميل اختيارك

اتمنى لك دوام التوفيق

[Lost Pearl]

مش عارفة ارد اقول ايه

بجد برافو .. ما شاء الله عليك

كلمات حلوة جدا بجد هايلة

ربنا يحمي مصر

تحياتي ليك .. بالتوفيق

و تم التقييم ...

[فارس الكلمة]

يعنى إيه كلمة وطن
إنك تحس بالأمان ولا فى يوم تتظلم وتنهاااااااااااااااان
ولو حبيت فى يوم إنسااااااان تلاقى لك مأوى وسكن ويكون لك عنوان
وبعد تعليمك وحصولك على الشهادة تجد لك شغل فى أى مكان
يكون لك قيمة وتحس بوجودك وتساعد فى بناء البلد مع الجدعان
يعنى إيه كلمة وطن
لو فسد فيه النظام نقف ونادى بالتغيير
ويكون النداء من ميدان التحرير
ونشيل كل وزير وغفير
كان فى شلة النصاب الكبير
ونطالب بالقصاص شهداء الميدان
إيه ذنبهم غير إنهم راحوا الميدان
يعنى إيه كلمة وطن
أحمد السيد
كلماتك قيمة جدا وبسيطة جدا
ووصلت منها الفكرة والهدف
تسم أيدك وتقبل مرورى

[شاعر الإحساس]

محمد سعـــــ د

رائع في حروفك هنا

وانتقائك للكلمات وطريقتك بالوصف

ومناجاتك وصرخاتك هنا



مصر ستعود ان شاء الله كما عهدناها ,, بل للأحسن ان شاء الرحمن

بالعمل ,,, وبالتفكير الصحيح,,, وبالدعاء لها

اللهم اعد مصر واناسها الى احسن حال وفي اقرب وقت

اللهم مييييييييين يارب



ايها الرائع تقبل خاااالص تحياااااااتي


"شــاعر الإحســاس"

[Şα3Đ..♥]

اقتباس المشاركة الأصلية كتبت بواسطة دمعه حائره رائعه كلماتك من اجمل ماقرأت عبرت عن معنى الوطن وماقصرت تنقلت بين القوافى ببراعه كما منك عاهدت اللهم احفظ مصر وشعبها وقيهم شر الفتن تسلم ايدك واتمنالك التوفيق ان شاء الله تحياتى وتقديرى لك

متشكر جدا علي مرورك
وبالتوفيق للجميع

[DR.SMA]

رااااااااااااائعه بدون كلام
كلمات وفكره واسلوب
تسلم الايادي يا محمد
تقديري ::
بالتوفيق ,,