مدرجات الفيس بوك: شحاتة يقود هجوم الزمالك . ورزاق مش متعود على الألوان

[game010]

تنزانيا 30 مع بداية المباراة تفاجأ الجميع بورود صورة المباراة من المصدر باللون الأبيض والأسود وعلق على هذه الصورة ADel ELattar " مباراة من الزمن الجميل بس نقصاها تعليق الكابتن لطيف ".
وأتفق معه Mahmoud Hamdy قائلاً : "حاسس انى بتفرج على ماتش من سنه 1930 ".
فى حين تهكم Mostafa Baker على الصورة قائلاً " في ظل الصورة الجميلة الابيض والاسود دي ... اعتقد حسن شحاتة هيبدأ اساسي ومعاه طارق يحي .. وفاروق جعفر ".
وطالب Khaled Khaleo بمطلب وقال " يا جماعة المعلق دة محدش يحاسبوا علي هذة المباراة ".
ومع عودة الصورة الطبيعية بالألوان قال Sohil Abozekry : "النور جه ".
وعقب إضاعة رزاق أموتيوسى لاعب الزمالك لإنفراد قال Karim Momen "هوه رزاق مش متعود يلعب فى الالوان ولا إيه ".
وإنتهى الشوط الأول بتقدم يانج أفريكانز بهدف نظيف وكانت النتيجة مثار تعليق أيضاً من Osama Ghazy الذى قال "هدف نظيف إزاي ونظيف محبوس!!!".
ولم يسلم بالطبع العراك الذى نشب بين لاعبى يانج أفريكانز من تعليقات الزوار وكان الأبرز Mahmoud Youssef الذى قال :"احنا نجيب شوم ونبابيت احسن...عايزين دم ياجماعه ماينفعش كده ".
ومع هدف عمرو زكى كان Mohamed Abdellah له ملاحظة " مفارقة جميلة .. بعد التبديل الاول للزمالك بلحظات يحرز يانج افريكانز هدفه الاول ..وبعد التبديل الاول ليانج افريكانز يحرز بلحظات يحرز الزمالك هدف التعادل ".
ومع نهاية المباراة وكما كانت سمة هذا اللقاء بمؤازرة قطاع عريض من جماهير الأهلى والذى عبر عنه Mohamed Hamed Abu Elhawael قائلاً " مبروك لنادي الزمالك التعادل وان شاء الله يفوز في ماتش العودة في القاهرة..شكرا لعمرو زكي اللي جاب جول ومحتفلش ورفع ايده للسما...شكرا لاسماعيل يوسف اللي حيا الشارة السودا..شكرا لكل لعيبة الزمالك اللي حطوا شارة سودا ولبسوا تي شيرت في اول الماتش عليه صورة انس.. شـــكــــرا... اكيد مش معنى كده اني هبقى زملكاوي.. انا هفضل احب الاهلي لحد ما اموت.. بس لازم نشكر الزمالك عشان رجالة ومحترمين بجد ".
أنس محى الدين
وكان ارتداء عبد الواحد السيد لقميص يحمل صورة الشهيد أنس محي الدين له صدى كبير عند الجمهور وعبر عنهم تعليق Mohamed Mawoed الذى قال :" روح جميلة من انسان جميل ومتواضع وعلى خلق عظيم ربنا معاهم ان شاء الله وعلى فكرة يا جماعة لازم نبطل التعصب اللى بنا وانا اهلاوى بس ليا اخواتى بيلعبوا الان مباراة فى الخارج ربنا مهم ".
ومع إنتشار التعليقات التى تحمل الثناء والمديح للاعبى الزمالك بعد إنتشار صورة جماعية لهم وهم يرتدون قمصان تحمل صورة الشهيد أنس كان Snsn Zamalek Zamalek له تساؤل طريف " يعني ديه هيلعبو بيها الماتش".