انطلاق ( المرحلة الثانية ) من ( Arab star ) بالتوفيق للجميع

[morshooo]

بسم الله الرحمن الرحيم

اهلا ومرحبا بكم

داخل مسابقة

Arab star

فى البداية احب اشكر جميع الاعضاء الـــ

وصلو للمرحلة الثانية وكمان حابب اشكر الاعضاء الـــ

خرجو فى المرحلة الاولى واكيد بسبب ظروف خارجة عن أرادتهم

برضو حابب اقولكم احصائية بسيطة كدا بخصوص المرحلة الاولى

فى المرحلة الاولى تم تنزيل : 9 مواضيع

تم مشاهدة المواضيع : 960 مشاهدة

تم وضع : 113 مشاركة

دى كانت احصائية المرحلة الاولى

ملحوظة : سوف يتم ترك المواضيع للمتسابقين طوال تواجدهم فى مراحل المسابقة فى هذا القسم ومع خروج المتسابقين سوف يتم خروجهم وخروج جميع مواضيعهم معهم عن طريق نقل مواضيعهم

المرحلة الثانية :

كنت قولت فى بداية المسابقة ان نظامها مش هيكون ثابت وكل مرحلة هتكون مختلفة عن

المرحلة التالية ودا الى هيحصل فى المرحلة الثانية عشان مطولش عليكم دلوقتى هنشوف

3 مجموعات كل مجموعه فيها 3 متسابقين تم وضع المتسابقين عن طريق عمل قرعه

عن طريقى بوضع اسماء المتسابقين على ورق وقمت بسحب الاسماء وكانت النتيجة كالاتى :

المجموعه الاولى :

booody99


om noor


العصفورة الأنيقه

المجموعه الثانية

Arco Baleno


سارة بنت مصر

lost pearl

المجموعه الثالثة

viola

كـkuboـابو

gold rose


دا شكل المجموعات بعد عمل القرعه لجميع المتسابقين

المرحلة الثانية هيتم خروج 3 متسابقين

من كل مجموعه سوف يتم خروج متسابق واحد فقط .

هيتم خروجة عن طريقكم ايضا ولكن كل متسابق فى كل مجموعه

هيبعتلى على الخاص رسالة يقولى وجهة نظرة فى مواضيع المجموعات الاخرى

يعنى محدش هيقولى وجهة نظرة فى مجموعته .

مثال :

المتسابق :booody99 سوف يرسل لى رسالة خاصة ويقولى

وجهة نظرة فى مواضيع المجموعة الثانية والثالثة فقط .

فى حاجا مهمة لازم تعرفوها لما تبعتولى الرسالة الخاصة هتختارو موضوع واحد

فقط يكون يستحق الخروج من المسابقة ومع اسم الموضوع تقييم لية يعنى لية

اخترت الموضوع دا عشان يخرج من المسابقة .

تعالو بقى نشوف طلبات المرحلة الثانية من المتسابقيين :

زى ما قولت قبل كدا ان هنحاول نعرض عليكم طلبات تنفذوها ممكن مكنتش

مرتبطة بمواهبكم الـــ كتبتوها فى بداية تسجيلكم فى المسابقة ودا عشان

نحاول نخليكم اصحاب مواضيع مختلفة ودا زى ما قولت قبل كدا هدفى

فى المسابقة عشان كدا فى المرحلة دى محدش هينزل موضوع يخص موهبتة

ولكن المواضيع هتبقى اجبارية ولكن سوف اعرض على كل مجموعه

3 مواضيع ليكم حرية الاختيار فى العمل على احداهم او تنزيل اى موضوع

من المواضيع الــ هطلبها منكم دلوقتى .

المجموعه الاولى :

اختيار موضوع واحد فقط لكل متسابق من المواضيع الاتية :

قلم الاعضاء - السياحة والسفر - شعر وخواطر

المجموعه الثانية :

اختيار موضوع واحد فقط لكل متسابق من المواضيع الاتية :

النقاش والحوار - الشخصيات التاريخية - قصص وحكايات

المجموعه الثالثة :

اختيار موضوع واحد فقط لكل متسابق من المواضيع الاتية :

عالم حواء - عالم الطفل - ابداعات الاعضاء

ملحوظة : على كل متسابق اختيار موضوع واحد فقط ويتم تنزيل الموضوع هنا

فى قسم ( Arab star )

اخر ميعاد لطرح المواضيع

الثلاثاء 21 / 2 / 2010

بالتوفيق للجميع

واتمنى المرحلة دى تنال اعجابكم ويكون فيها منافسة كبيرة .

اى عضو لم يلتزم فى المرحلة الثانية سوف يتم خصم 300 مشاركة من رصيد مشاركاتة

[mīĐŏ ǺĻ ƒâηâη]

تمـآمـ

مجهـود روعهـ وفعلآ بدآتـ تصعب شويهـ

بس فـى سؤال

هـى المجموعه كلها لزم تختار موضوع وآحد يتكلموآ فيهـ

ولا لكـل عضو ع رآحته من الاختيارت اللى انتهـ جـآيبهـآ

[morshooo]

اقتباس المشاركة الأصلية كتبت بواسطة كـkuboـابو تمـآمـ مجهـود روعهـ وفعلآ بدآتـ تصعب شويهـ بس فـى سؤال هـى المجموعه كلها لزم تختار موضوع وآحد يتكلموآ فيهـ ولا لكـل عضو ع رآحته من الاختيارت اللى انتهـ جـآيبهـآ

كل متسابق لوحدة هيختار موضوع واحد فقط

ينزلة فى المسابقة وطبعا هنا فى القسم .

[gold rose]

يسلموا كتيييييييير
وبالتوفيق للجميع
يا رب

[الملكة كيلوباترا]

مجهود كبير منك يامارشو
وانا هختار قسم السياحة والسفر
وبالتوفيق ليا وللجميع المشتركين

[Lost Pearl]

انا هاختار يا اما القصص يا اما الشخصيات

بس سؤال .. لو الشخصيات التاريخية


الموضوع هيبقي منقول اكيد

صح و لا ايه ؟؟

[viola]

مجهود عالي منك يا مورشو

بس عندي استفسار بسيط

يعني لو مثلا انا و كابو

او gold rose بالصدفة

اتكلمنا مثلا في عالم حواء دي

مش مشكلة

[om noor]

السلام عليكم ورحمة الله وبركاته
تسلم ايدك مورشو على المجهود الرائع
تحيااااااااااااااتى

[morshooo]

اقتباس المشاركة الأصلية كتبت بواسطة lost pearl انا هاختار يا اما القصص يا اما الشخصيات بس سؤال .. لو الشخصيات التاريخية الموضوع هيبقي منقول اكيد صح و لا ايه ؟؟

اكيد هيبقى منقول بس مش عايزين تنقلى توبيك كامل

يعنى يبقى فى مجهود منك فى تجميعه مش مجهود فى نقلة

[morshooo]

اقتباس المشاركة الأصلية كتبت بواسطة viola مجهود عالي منك يا مورشو بس عندي استفسار بسيط يعني لو مثلا انا و كابو او gold rose بالصدفة اتكلمنا مثلا في عالم حواء دي مش مشكلة

مفيش مشكلة هو كدا كدا

المواضيع مش بتنزل الا بموافقتى

يعنى المفروض ان محدش بيعرف التانى اختار اية

الا لو قال هنا فى التوبيك