حوار رومانــــسى موووووت

[Roty Azz]

حوار رومانــــسى موووووت


الخطيب : بحبك ( يا بااااااي )

الخطيبة : وانا كمان ( داهيه تاخدك )
... ......
الخطيب : من اخر مره وانا بافكر فيكي ( يارب تغوري من وشي )

الخطيبة :يا حبيبي وانا كمان ما بطلتش تفكير فيك ( الهي اصبح الصبح الاقيك
متنيل بعيد عني )

الخطيب : امال فين حماتي مش شايفها يعني ( الحربايه الكبيره )

الخطيبة : موجوده اندها لك ( علشان تسم بدنك )

الخطيب : اه طبعا يا حبيبتي وانا اقدر استغني ( يارب تتكعبل في السجاده وهي جايه )

الخطيبة : ماما تعالي كلمي ( علي الله تقولك حاجه ترفع لك الضغط )

الخطيب : اهلا يا حماتي ازيك ( الهي ما تكوني بخير )

الحماة : اهلا يا خطيب بنتي ( بلا نيله )

الخطيب : عندي ليكو خبر حلو انا لقيت شقه ( الهي ما توعوا انتي وبنتك تشوفوها )

الحماة : الف مبروك يا حبيبي ( ياما جاب الغراب لامه )

الخطيب : حنروح نشوفها بكره ايه رايك يا حبيبتي ( علي الله تتكعوري عالسلم وانتي طالعه )

الخطيبة : وماله طبعا لازم نشوفها ( اكيد قد الحق وفي منطقه معفنه )

الخطيب : علي فكره يا حماتي ( جتك حمه )

الحماة : ايه يا خطيب بنتي ( خطيب الشوم والندامه )

الخطيب : انا كنت عاوز اقابل عمي علشان كتب الكتاب ( عمي قال عمي قال ده انتي اللي عمي )

الحماة : وماله يابني بس مش لسه بدري ( جتك نيله مستعجل علي ايه )

الخطيب : ما هو خلاص يا حماتي احنا قربنا ( يا ريت ترفض علشان افركش ام الجوازه دي )

الحماة : طيب يابني لما يجي عمك حاقوله ( جتك نيله علشان نستريح من زيارتك الغلسه )

الخطيب : طيب يا حماتي انا حامشي دلوقتي ( افففففف انا اتخنقت من الوليه دي )

الحماة : ماهو لسه بدري ( في ستين داهيه )

الخطيب : باي يا حبيبتي ( حبك برص )

الخطيبة : مع السلامه يا حبيبي ( البلد اللي تودي )

الخطيب : كلميني في التليفون ( يا رب يقطعوا الحراره )

الخطيبة : اكيد يا حبيبي ( غور بقي )

[براءة حلم]

ههههه وايه اللي غصبهم يفركشون ويخلصون هههههههه بصراحه قمه في الرومنسيه اللهم لاحسد

يسسسلمو ع الموضوع

[كبرياء رجل]

هههههههه
تصدقي الواحد كان عاوز يضحك شويه
دول بيحبوا بعض جدا
يا بختهم
طرح جميل منك
اشكرك عليه
تحياتي لكي

[ŌиĹч.Ḿё]

ههههههههههههههههه

ادى الحب ولا بلاش

تسلمى

[aya1994]

ياساتر اما هما مش طيقين بعض
ميسيبو بعض ويخلصو
تسلم ايدك

[egyptian proud]

هههههههههههههههههه
جميله جداتسلم الايادى

[AYOOZ ABAT WENT SAKET]

ههههههههههههه طب ليه الكلام من تحت لتحت ميفركشوها
وسمعنى سلاام هاتوا الفلوس اللى عليكم

[the love rays]

يا خراشي بكيزه وزغلول ههههه لا شكلهم كدا سرحان ونفيسه

ربنا يهنيهم ببعض ( يا دي النيله الكلام دا من ورا قلبي ) ههههههههه

تسلمي موتنيني من الضحك

[Roty Azz]

ميرسى لمروركم جميعااااااااا