مــــــــــــــــــــصـــــــــــــــــــر(مسابقة ملوك العامية)

[لحظة شجن]

هـي فيـــنها

هي فين مصر
سايبينها لفراعينها

ورحنا نتخانق عليها !

وسيبنا دمها ينزف واتقاسمنا

واشترينا وبعنا فيها..

وإتفقنا إننا مابنتفقش

غـيــــر عـــشـــان نتخلي عنها

هي فينها !!

حد فكر مننا يسأل هي مصر بلدنا فين؟

فين تاريخها ومجدها...
اللي بناه اجدادنا بين بحرين

فين نتيجة حربها أو سلمها اللي كتبنا فيه اغاني من سنين

علمائها هاجروا زي طير مالقاش فوطنه غير انين
والفن اه مالفن بقي هابط وفين الفنانين؟

كلنا لازم نفكر فالحقيقة مش ندفنها
بلد الحضارة والريادة والتاريخ

’’ غرقانه فهمومها ’’

وفديونها

و الفساد خلوه بيسري ويا نيلها

والتاريخ لو كان بيصرخ كان هيوصل صوته مداينها

مصر مش سايبانا ضعف منها

بس سمعانا وساكتة ,, من سأمها وحزنها ومن أنينها

هي فينها

هي مجروحة والنزيف عمال يزيد

ما اللي طعنها فقلبها سفاح بليييد

لما لقي الشعب العظيم بينتفض ويقول نريـــد

قال هااا .. اسمعواا

لاافضل هنا عالكرسي داا

لاهخليهالكم نار تأيييد

راقد فحبسه ملك ومادد بره منه الف إيد

إيد بتحرق أرضها وأمنها

وإيد توقع بين ولادها وأهلها

وايد بتبني اليأس وتهد الأمل

تقول مابقاش يفيد نضحي بشيء عشانها

هي فينها !

مصر واقفة عالحدود هربانة منا

عايزة تسمع مننا كلمة مودة

ننسي كل الاختلاف ونخاف عليها

واللي فات ننساه ونبدأ مانهرده

سلفي اخواني وليبرالي وقبطي كلنا مصري

لو نراعي ربنا يرضي عنا واحنا نرضي

مصر صوتها لسة بينادي علينا
جد محتاجة لثورة جوا كل واحد فينا
لو هنتغير عشانها بكرة يطرح خيرها من تاني وتدينا
وان زرعنا ارضها لازم هنحصد وان بنينا مجدها تبنينا
مصر العروبة نبتها طيب ومعدنها حر واصيل
مش هتنكر خير ولادها مش هتنسالنا الجميل
والتاريخ فاكر يناير يوم ما خطي شبابها فوق المستحيل
يبقي قبل ما اقولها كلمة بحبك اديلها الدليل .

مصر

شريف احمد

[دمعه حائره]

كلمات جميله ثورية عبرت عن كل مواطن مصرى
حزين على بلده وبيدعى ربه يحفظها
من كل خاين ومن شر الفتن
اهلا بيك اخى نورت القسم وسلمت اناملك على تلك الرائعه
تحياتى وتقديرى وفى انتظار كل خواطرك

[شاعرة الرومانسيه]

كلمااااااات رااااائعه

عبرت عن حبك للغاااليه أم الدنيا

حروف تتغنى بأسمى معانى الحب

اعجبتنى حروفك اخى كثيراااااااا

سلمت انااااااااااااملك الرائعه

[لحظة شجن]

اقتباس المشاركة الأصلية كتبت بواسطة دمعه حائره كلمات جميله ثورية عبرت عن كل مواطن مصرى حزين على بلده وبيدعى ربه يحفظها من كل خاين ومن شر الفتن اهلا بيك اخى نورت القسم وسلمت اناملك على تلك الرائعه تحياتى وتقديرى وفى انتظار كل خواطرك

كل الشكر لكي اختي الكريمة دمعه حائرة واسعدني كثيرا ثنائك الطيب علي القصيدة

تقبلي فائق احترامي وتقديري واكرر شكري لشخصك القيم

[لحظة شجن]

اقتباس المشاركة الأصلية كتبت بواسطة شاعرة الرومانسيه كلمااااااات رااااائعه عبرت عن حبك للغاااليه أم الدنيا حروف تتغنى بأسمى معانى الحب اعجبتنى حروفك اخى كثيراااااااا سلمت انااااااااااااملك الرائعه

شاعرة
لا اجد كلاما يوازي امتناني لثنائك علي ما كتبت
وسام علي صدري ان يأتي الثناء من قيثارة النيل
لكي كل التقدير والاحترام اختي الكريمة

[لحظة شجن]

شكل القصيدة ماخدتش حظها من اعجابكم:1eye:

[DR.SMA]

كلمات جميله اوي
والاجمل تعبيرها عن فكر راقي جدا
تقديري
بالتوفيق ,,

[لحظة شجن]

اقتباس المشاركة الأصلية كتبت بواسطة dr.sma كلمات جميله اوي والاجمل تعبيرها عن فكر راقي جدا تقديري بالتوفيق ,,

شكرا لك اختي الكريمة لمرورك وردك المحترم

بعد إذن الاخت دمعة حائرة اتمني انها تسمحلي بنقل القصيدة لمدونتي
نقلي ليها مش نقض لاتفاقي معها لكن لحماية حقي في نشرها علي الانترنت لان لاحظت نقلها فاكتر من مكان باسماء تانية مع اني ذكرت اسمي لكن واضح ان اللي بينقل القصيدة من هنا بيعمل كوبي لاخر كلمة فالقصيدة ولا يري اسم كاتبها ويبيح لنفسه اخد شيء تعب غيره فيه لينسبه لنفسه