الحلقــة الخـآمسـة من رحلة تعمق في شخصيات الأعضاء .. ( lost pearl )

[الحان الورد]

السلآم عليكم ورحمـة الله وبركآته .. ~

صبـآح / مسـآء الورد على الجميع
طبعاً بعتذر جداً عن التأخير وان شـآء الله هيكون في انتظآم طول الحلقات الجآية ,,

النهـآردة موعدنا مع الحلقة الخامسـة من البرنآمج .. البرنآمج اللي بنحآول بيه
نقرب أكثر من الأعضاء وشخصياتهم .. ونفهم طريقتهم .. وبيفكروا إزاي ..





معانا النهآردة .. مشرفـة نشيطة جداً .. محبوبة من الجميع
وقدرت تتميز في وقت قليل وتبقى مشرفة vip كمـآن
معانا


lost pearl
..

أهلاً بيكِ في البرنامج معانا يا لجيـن ..

..





الفقــرة الأولى : الفرآغـآت ..

إسمي لجين ، عمري 18 سنة
لآ أحب أن يرآني الآخرين وأنا ضعيفة
جربت الحب ، وكرهت الخيانة والغدر ، وخفت أن أصدم ..
أصعب مآفي الحيآة أن تعيش
حياتي ليست لعبة
وماضيي في قلبي
ومستقبلي احارب من اجله

في وحدتي أعيش حزينة
في طفولتي أحببت ان الهو و امزح ، وعندمآ كبرت وجدت أن الحياة كلها مزاح ... فهي نفاق !!!
عالمي الصغير هو بيتي ، والكون بالنسبة لي مخيف ، والآخرين في عمري ليسوا الا مثلي ..
لاتنظر الى الاخرين ، ولاتجبرني ان اغضب ، ولاتطلب مني ان اكذب
انتقد نفسي في طيبتها و سذاجتها
وأفتح نافذة مشرقة في عمري
ولاأطوي صفحة سعيدة في حياتي
لأني أريد أن أتذكر كل ماهو سعيد
الحيآة عندي محطة يجب المرور بها ..







الفقـرة الثـآنية : الأسئلة ..


- " الحياة مليئة بالمحن والابتلآءات ، بتتفآوت درجة المحن زي مابتتفاوت ردة فعلنا وصبرنا ع المحن دي "
انتِ بتوآجهي إزاي اي مشكلة في حياتك ، وبتحبي تعتمدي على نفسك ولا ممكن تعتمدي على حد غيرك ..؟؟
,,

باواجهها اذا كان ده الحل الانسب و بحاول اني اتغلب عليها
و اذا كانت مشكلة هايفة .. غالبا بكبر دماغي منها و مش بخليها تأثر عليا الحمد لله
في العادي علي نفسي .. انما لو مشكلة كبيرة اكيد بحتاج حد جنبي يساعدني

_أيه هي نقطة ضعفك ..؟؟
,,

نقطة ضعفي هي طيبتي ...

- دآيماً بنتكلم عن الايجابية وازاي نكون مؤثرين وفعالين في المجتمع اللي عآيشين فيه ،، أيه هو تعريف الايجابية من وجهة نظرك ؟ وتفكيرك -غالباً- بيبقى مهتم بالايجابيات ولا السلبيات ..؟؟
,,

الايجابية بتيجي اول حاجة من التفاؤل
يعني لازم ابقي متفائللة مهما حصل عشان اقدر افكر بطريقة ايجابية
لا انا الحمد لله ايجابية و متفائلة ..

- أيه هو دآفعك في الحيآة اللي بيخليكِ تُنجزي ، وامتى بتحسي انك محبطة ..؟؟
,,

اللي بيخليني انجز هو مثلا انه مافيش وقت علي ما اسلم الحاجة دي او انجزها .. لأني رايقة حبتين تلاتة .. حتي شفتي اتأخرت ف الحلقة اد ايه :biggrin:

بحس اني محبطة اما ابقي عايزة اعمل حاجة و مش قادرة لأن مافيش حاجة ف ايدي
زي ما كلنا حاسين دلوقتي بعد اللي حصل ف ماتش الاهلي
حسبي الله و نعم الوكيل


- ابرز عيوب شخصيتك ايه ؟ وبتحاولي تعالجيها ولا مؤمنة ان كل شخص لازم تكون ليه عيوب ومفيش حد كآمل ..؟؟

اممم ...
انا مش عارفة بالظبط
يعني ممكن زي ماقلت برودي او روقاني شوية
و كمان ساعات بتطق و ببقي قاسية حبتين
انما بحاول اسيطر علي نفسي في الحاجات دي و اي عيب تاني
و اكيد مافيش حد كامل
بس و ماله لو حاولنا نسعي للكمال يعني :biggrin:


- بتهتمي بـ علم النفس وتطوير الذآت ؟ وليــه ؟؟

اه اكيد .. انا بعشق الحاجات دي
لأن الواحد لازم طول ما هو عايش يتعلم و يحاول يطور من نفسه


- " الانسان عدو مايجهل " ، ايه رأيك بالمقولة دي ، وليه غالبية النآس بتبقى ضد التغيير ؟
و موقفك ايه منه ..؟؟

ساعات المقولة دي بتبقي صح عند بعض الناس
غالبية الناس بتبقي ضد التغيير .. لأنها بتخاف منه
زي ما بيقولوا ... اللي اعرفه احسن من اللي ماعرفوش
عشان كدة الناس خايفة من اقالة المجلس العسكري :biggrin:

انا عن نفسي غالبا بحب المغامرة .. بس مش ف كل حاجة

- بصرآحة ، بتبصي غالباً لنص الكوباية الفآضي ولا المليان ؟
وبتعتبري نفسك .. متفآئلة ، بنسبة قد ايه ..؟؟

بصراحة الحمد لله للنص المليان ... الا لو كنت محبطة علي الاخر بقي :669:

و اعتبر نفسي متفائلة بنسبة 90-95 %

- بتفضلي تكوني خيالية وطموحة ولا واقعية ، وليه احيانا الطموح بيبقى ضد الواقعية ، يعني ياكون واقعية او اكون طموحة ..؟؟


لا ليه نفصل الاتنين .. و ماله اما ابقي طموحة و واقعية
احنا اللي بنحدد الواقع و نضيقه .. و نرجع نقول مش قد خيالنا

اللي عايز حاجة بيعملها
و انا افضل اني اكون طموحة واقعية ... و كل واحد عارف قدرات نفسه

- أول انطبآع بيتآخد عن شخصيتك ايه ؟ وهل بيبقى صحيح ولا لأ ..؟؟

اول انطباع بيتاخد .. يمكن اني هادية اوي
و ساعات اني تنكة كمان :biggrin:
بس تؤ .. بيبقي غلط الحمد لله :762:

- امتى لجين بتحس انها محبطة ؟ واحباطها دآ بيستمر لمدة طويلة ولا بتتخلى عنه بسرعة ..؟؟

زي ما قلت اما يبقي في حاجة مضايقاني و حارقة دمي
و مش قادرة اغير فيها حاجة
زي اللي بيحصل ف مصر دلوقتي
غالبا بتخلي عنه بسرعة الحمد لله ... يعني ناااادرا اما بفضل يوم كامل مثلا


- بتعبري ازاي عن ..
فرحك ،
بصراحة مش بعرف اوي .. بس اكيد بعمل حركات مجنونة كدة
بس مش بارغي كتير
غضبك ،
بتلجَئي للسكوت ولا بيكون ليكِ موقف ..؟؟
لو غضبانة اوي اوي .. بسكت لماااا اهدي و افكر و بعدين اتصرف
بحاول اعدي الموقف اد ما اقدر

و لو مافيش مفر .. يازعق و يمكن من الانفعال اعيط .. عشان كدة غالبا بسكت لما بهدي

- مجتمعنا دآيماً او غالباً بيميل للمجآملات ، وقليل اللي بيتقبل الرأي الآخر والنقد بدون حسآسية ، انتِ شايفة امتى هنقدر نآخد النقد والصرآحة ببسآطة ؟ وانتِ بتميلي للمجاملات وبتقولي رأيك ومابيهمكيش ..؟؟

شوفي .. مظنش انه ممكن نوصل لمرحلة اننا نقبل النقد الصريح دي
انا باتعامل حسب اللي قدامي .. لو يقبل باقول
لو لأ يبقي بحاول اوصل بطريقة غير مباشرة

بس انا مش بعرف اقول رأيي و مايهمنيش .. لأن لو اللي قدامي مش بيقبل النقد .. كدة ابقي جرحته و يمكن يجيب كلامي معاه نتيجة عكسية كمان

- الخجل والحيآء سمات اساسية للبنت ، امتى الخجل دآ بيتحول لخجل اجتمآعي مذموم ؟ وهل بتفضلي البنت الجريئة أم الخجولة ...؟؟

يتحول لكدة اما تبقي مش عارفة تكلم حد و قاعدة لوحدها بقي و الحاجات دي :biggrin:
لا دي و لا دي
خير الامور الوسط ... يعني مش خجولة خاالص و لا جريئة خالص
لازم تبقي بتعرف تتصرف لو اضطرها الامر
و ف نفس الوقت .. مش ولد :biggrin:

وبالنسبة للشباب ، لو قابلتِ وآحد ولاحظتِ انه خجول نوعاً ما
هتعتبري دي حآجة بتنقص من شخصيته وان الرآجل لازم يبقى جريء تماماً ومايهموش حآجة ..؟؟

امممم .. متهيألي باردو حسب نوع الخجل
بس مش بتبقي حلوة في الولد بزيادة
الولد لو جرئ بيبقي احسن
بس مش ف كل حاجة باردو
انما في الغالب الجرأة ليه افضل من وجهة نظري

- معروف ان الطفل وهو صغير الام والاب هم اللي بيتحكموا في تكوين شخصيته بشكل كبير ، انتِ شايفة ان التربية بتأثر قد ايه في شخصية الانسان ؟ وهل كل وآحد مهما كبر بتفضل جوآه جزء من طفولته ولا الوضع بيتغير ..؟؟

اه اكيد .. هي اللي ليها التأثير الغالب
و انا شايفة ان بيتبقي فينا من طفولتنا كتير
و كتير اوي كمان ...

- التربية (الام والاب) ، المدرسة ، الاصدقاء ، الاعلام ..
رتبيهم من حيث تأثيرهم على شخصية الانسآن ..

التربية (الام و الاب) - الاصدقاء - الاعلام - المدرسة


- مين قدوتك في الحيآة أو ملهمك والشخص اللي بتتمني تكوني زيه ؟ وليه الشخص دآ بالذآت ..؟؟

ماما هي قدوتي في الحياة الواقعية يعني
و نفسي ابقي زيها اما اكبر
لأنها شالت و لسة شايلة كتير
بجد يعني قاومت كتير اوي
ربنا يخليها ليا :1eye:

- اكتر موقف مر في حياتك وأثر في شخصيتك ؟ واثر فيها ازاي ..؟

اممم .. مش هاحكي بالظبط
بس خلينا نقول انه خلاني اقوي الحمد لله


- " اهتماماتنا بتعبر بشكل ما عن افكارنا وشخصياتنا " ، ايه رايك في الجملة دي ؟
وكلمينا شوية عن اهتماماتك وهواياتك ..؟؟

جملة تمام و زي الفل :biggrin:
انا بحب الرياضة .. يعني بعشق الكورة و كرة الطايرة كمان
بس تقدري تقولي علي الكورة كنت (ده اذا كان في كورة تاني هتتلعب ف مصر )
و كمان بحب قراية الروايات .. بالذات الخيال العلمي
و بحب قراية الابحاث العلمية و كدة ...


- ايه هو تعريف الثقة بالنفس بالنسبآلك ؟ وياترى ايه هو الخط الرُفيع اللي بيفصل عن الثقة والغرور ..؟؟

الثقة بالنفس دي صفة كويسة بس من غير ماتزيد عن حدها
اما الغرور ده ربنا يحمينا منه و من شره .. صفة غير حميدة اكيد
اللي بيفصل بينهم هو قدرة تحكم الشخص بنفسه
و انه يتبع المثل المشهور (الحاجة اما تزيد عن حدها .. تقلب لضدها) فيخلي باله بقي :biggrin:


- إيه هي الأسباب اللي ممكن تقلل من ثقة الشخص في نفسه ؟
ولجين ثقتها بنفسها قد ايه ..؟؟
,,

لو فشل ف كذا حاجة ورا بعض مثلا
او اللي حواليه هزو ثقته ف نفسه(لو كان بيسمع لكلام الناس)
او لو بيدور علي حاجة جواه و مش لاقيها

تقدري تقولي 80-85 %

- كل انسان جوآه طاقة كبيرة محتاجة يوجهها في الاتجآه الصح ويستفيد منها وان كل انسان ربنا ميزه عن غيره بشيء خآص بيه ،، انتِ عارفة كل موآهبك وقدرآتك وبتقدري تستفيدي منها ولا مازالت في حاجات مجهولة بالنسبآلك ..؟؟

لا اكيد في حاجات لسة مجهولة .. و لسة باكتشفها
و غالبا عن طريق الصدفة و محاولة كسر الملل

و اللي عارفاه اكيد بحاول استفيد منه


- بتحبي تكوني صدآقات مع الشخصيات القريبة من شخصيتك ؟
ولا شآيفة ان دآ شيء مش مؤثر في الصدآقة ..؟؟

مش شرط يعني .. لو حد كويس و مش شبهي يبقي ليه لأ
بس غالبا الواحد بيتعرف علي اللي شبهه
حتي لو ماقصدش كدة :biggrin:


- المآضي ب ذكرياته وتجآربه ، بيمثل ليكِ ايه في حيآتك ومستقبلك ..؟؟

بيمثلي نقطة قوة
باحاول اجدد منها و احسن نفسي


- بتعتبري نفسك قيآدية وبتتحملي المسؤوليه ولا لأ ..؟؟

اه الحمد لله .. هو انا ورايا الا حبيبتي المسئولية :biggrin:


- هل فشلتِ في تحقيق حلم مهم في حيآتك قبل كدآ ، وكانت ايه الاسباب ، ولو حصل استمريتِ في المحآولة انك تحققيه ولا لأ ..؟؟

اممم ... لسة الحمد لله :biggrin:


- ايه هي العبآرة اللي بتاخديها شعار ليكِ في حياتك ..؟؟

like dissolves like


,,

هتتصرفي ازاي في الموآقف دي ..
اتظلمتِ من حد وانتِ عارفة انك مش هتقدري تعملي حاجة او تغيري الظلم دآ ، هل هتحآولي بردو تتكلمي وتاخدي حقك ولا هترضي بالامر الوآقع ..؟؟
,,

اكيد مش هارضي بالامر الواقع .. و هاحاول اخد حقي
و ده اللي الناس اللي بتعارض دلوقتي (اللي هيخربوها :biggrin بيحاولوا يعملوه .. بيحاولوا يجيبوا حقهم

_انتِ وزميلتك مثلاً عندكو فكرة معينة حابين تشرحوها لمجموعة من النآس ، غالباً مين اللي هيتكلم ويشرح ,, انتِ ولا هي ..؟؟

متهيألي انا .. بحب انا اللي اعبر عن حاجتي


- تعبتِ في تحضير بحث أيام المدرسة او الكلية ولما سلمتيه جآلك الرد بانه "مش كآمل ولازم تعيديه " ..؟؟

هاقولهم و ربنا ما انا عايدة حاجة :762:
لا بس اكيد هازعل و ف نفس الوقت هاعرف ايه ناقص و احاول اكمله


_ايه هو برجك وايه هو لونك المفضل ..؟؟


انا برج معلق بين الحمل و الحوت .. عشان انا 3-21
و لوني المفضل ال Fuschia و كل اللي منه بقي وردي بمبا كل ده :biggrin:










الفقرة الثالثة : عن المنتدى ..


ايه اللي شدك في المنتدى وخلاكِ تسجلي فيه ؟

في الاول قسم ال english بس انا كنت بدور علي منتدي بنات و سجلت الاول قبل ما ادخل القسم ده


ليه اخترتِ قسم آدم بالذآت ؟

يعني كان ليا نشاط فيه اصلا و برنامج .. كان اسهلي من اني لسة اتعرف علي قسم جديد


بتؤمني بالصدآقة عبر النت ؟
يعني ممكن تكون ليكِ صديقة ( نتية ) أقرب ليكِ من صديقة الواقع ؟
ولا في حاجز ما بيمنع الموضوع دا ؟

لا مافيش حاجز .. و طبعا ممكن صداقة النت تبقي اقوي من الواقع

لأن في حاجات كتير من اللي ممكن تعوق الصداقة مش موجودة


مين أقرب الناس ليكِ هنا ؟

و الله هم ناس كتير

بس ممكن من البنات رنين و نادين (سفيرة المستوي الراقي) و سلمي فتكات و ايمي fankosha و ملكة الهدوء كمان


أشخاص في المنتدى اتعلمتِ منهم ,, واتعملتِ ايه ؟

ناس كتيرة جدا انا اتعلمت منها .. يعني مش حد معين

اتعلمت منهم ارد و انسق مواضبع و كمان اما يبقي في مشكلة اعمل ايه و كدة يعني


أشخـآص بيجذبوكِ وحابة تتعرفي عليهم أكتر ؟
و ايه سبب الانجذآب ؟

امممم .. حابة اتعرف عليهم اكتر

ممكن تقولي game010 و Iѕlαм Ч 3αlαм و رفيف و تقي و DR.SMA و برنسيسه S و Silver Flower و ناس كتيرة بصراحة

ليه .. من غير سبب معين


المنتدى بيفتقد ايه ؟

ساعات بيفتقد النشاط .. انما هو دلوقتي شغال تمام و زي الفل اهو


ممكن في يوم تفكري تغادري المنتدى بلا عودة ؟

لا .. ان شاء الله مايحصلش ده ابدا

و لو حصل اكيد هتبقي ظروف قهرية بقي :biggrin:

,,
وبجد نورتيني جدا يالجين
وبتمنى تكوني انبسطتِ معانا

الشرف ليا انا يا قمر اني ابقي معاكي في البرنامج الجميل ده

تسلميلي








ب كدآ .. تكون خلصت حلقتنـا
ان شآء الله تكون عجبتكم .. ف انتظآر ارآئكم وتحليلآتكم


ليـا عـودة بتحليلي لـ شخصيتك ان شاء الله :biggrin:
بالتـوفيق ..

[♥..pure]

معزوفة نجـآح تتـآلق من حلقه لـ التـآنيه يـآ الحـآن
بجد من اكتر البرامج اللي بحبهـآ ف المنتدى
منورانــآ طبعـآ لجين
بجد اجـآبــآتكـ عرفتني عليكي اكتر :: شخصيتكـ جميله
وواضح من الاجـآبـآت انكـ عـآقله ماشاء الله
بتمنـآلك التوفيق ف حيـآتكـ
ويشرفني اني اكون واحدهـ من اللي عاوزهـ تتعرفي عليهم
دمتي بخير :/

[واد حبيب]

بجد حلقه جميله جدااااااااا منك يا لحان
واسئله فعله ممتازه
ولجين منوره الحلقه كلها
واجابتها العقلانيه الجميله
تسلمو علي الحلقه الجميله
في انتظار الحلقات القادمه
الحبيب

[booody99]

حلقه جميله جدا مع شخصيه راقيه ومتميز

اجابات بسيطه جدا وجميله

تسلم ايدك على جهدك

كل التحيه والتقدير

[رنا هشام]

اجاابات جميله وعقلانيه جدا
من احلي صديقه واحلي اخت لياا
لجين
الله يوفقكِ حيثماا كنتي

[۩۩ elMagic ۩۩]

حلقه جميله جداا
لجين شخصيه هاديه وطيبه وعاقله
عجبتنى كتيير اجاباتكـ
اتمنالكـ التوفيق دايما يا قمر وان شاء الله تبقى قد المسؤليه دايما :biggrin:
مجهود مميز الحان الورد
ودى واحترامى

[دمعه حائره]

مبروك رجوع البرنامج ألحان
بجد من احلى البرامج اللى بحبها
ونورتى يالوجى بأجابات رائعه
وانتى بنوته جميله وحبوبه
واجاباتك عرفتنى كتير عنك
ربنا يوفقك حبيبتى وتحققى كل امنياتك

[E7SsAs]

حلقه رائعه فعلا رووعه

بحييكى على الاسئله وطريقة الحوار الرائع

وكمان بحييكى على الضيفه الرائعه والمتميزه

وبقولها الف مبروووك على التميز وعلى ال vip

[╯ Princess ╭]

اجبات جميلة وحلقة اجمل

تسلم ايدك

[Sєяєєη●•ʚɞ]

اجابات جميله يالوجى
دايما متألقة
وحلقة مميزة منك كالعادة يادندن