افتخر

[Sofey]

خليك بطاطس

كلام لذيذ جدا ومقرمش


عارفين ليه البطاطس المحمرة هي الاكلة الوحيدة اللي اجتمع الناس كلهم علي حبها ؟
.
.
.

1- البطاطس المحمرة لما بتتقلي في الزيت بتبقي عادة مقرمشة من برة و طرية من جوة
-عشان كدة لما حد يعمل معاك موقف سخن اوي ماتعملهوش وحش اوي ..ايوة حسسه انك زعلان منه و خد موقف بس خلي قلبك ابيض و وطري "طيب يعني " مش ناشف و سامحه

2-البطاطس المحمرة تلاقيها عند ماكدونالدز ( فرينش فرايس) و برضه تلاقيها عند بتاع الفول والطعميه

يعني انت كمان خليك زي البطاطساية ماتتكبرش علي حد وصاحب كل الناس غني او فقير


3-البطاطس المحمرة بتتقدم مع حاجات كتير :مايونيز , كاتشب ,صوصات مختلفة و ساعات كمان طحينة بس بتفضل في الاخر اسمها بطااااطس
-يعني مهما اتعرضت لثقافات و بيئات مختلفة احتفظ دايما بشخصيتك المستقلة و طريقة تربيتك و خلي الناس هية اللي تتاثر بيك



4-البطاطس برضه ممكن تبقي شيبسي و هي اول حاجة بنفكر فيها لما بنحس بالجوع و احنا برة البيت
- ساعد الناس دايما و خليك اول واحد ييجي علي بالهم لما يقعوا في مشكلة خليك جدع زي "الشيبسي كده"



5_البطاطس انواع فى بطاطس محمرة بطاطس مهروسه بطاطس بوريه بطاطس ف الفرن بطاطس سلطه بس ف النهايه هى بطاطس

-انت كمان حاول تبقى انت بشخصيتك بس نوع ف طريقتك مع الناس عشان متبقاش ممل



6-البطاطس المحمرة لو اتهرست بتبقي برضه طعمها حلو و ممكن نسميها "بطاطس بوريه"
-مهما الدنيا تهرس و تبهدل فيك خليك شخص كويس و لذيذ و طلع للدنيا لسانك و قول
"انا بطاطساية بوريه




ببساطة عشان تبقي محبوب من كل الناس
خليك بطاطس
ومن هذا الموقف انا بعلن اني بطاطس وافتخر

[Ćяч ƒ0Я ℓ0√З]

يعنى أنآ رآجل بطسطآيه ههههههههههه لآ وأفتخر كمآن

موضوع جميل اوى بيهدف لحاجات كتيييييييير مش لآذم البطآطس يعنى ) ولآ بآين عليك بتحبيهآ

مآلهآ الخسآيه يعنى هههههه

تسلم ايدك يا جميل

[مشتاقه للجنه]

ازيك يا بطاطس المهم طبية القلب يا بوريه ههههههههه

موضوع لذيذ جدااااااااااااااا وساخن

[тoкα..♥]

ههههههههههه
طب آنآ مبحبش آلبطآطس آللي بتتعمل ف آلبيت
بيبقى فيهآ زيت ي بنتي
موضوع جميل ي صوفي ,,
ومنورة ي بطآطسآيه ,,
آحترآمي ,,

[Sofey]

اقتباس المشاركة الأصلية كتبت بواسطة Ćяч ƒ0Я ℓ0√З يعنى أنآ رآجل بطسطآيه ههههههههههه لآ وأفتخر كمآن موضوع جميل اوى بيهدف لحاجات كتيييييييير مش لآذم البطآطس يعنى ) ولآ بآين عليك بتحبيهآ مآلهآ الخسآيه يعنى هههههه تسلم ايدك يا جميل

افتخر برحتك يا اخويا
:biggrin:
شاكره مرورك الطيب
منور يا بططسايه:biggrin:

[Sofey]

اقتباس المشاركة الأصلية كتبت بواسطة SaMbaTeKa ههههههههههه طب آنآ مبحبش آلبطآطس آللي بتتعمل ف آلبيت بيبقى فيهآ زيت ي بنتي موضوع جميل ي صوفي ,, ومنورة ي بطآطسآيه ,, آحترآمي ,,

ده نورك يا خياريه:biggrin:
مفيش احسن من بتاعت البيت:198:
منوره يا قمر

[Sofey]

اقتباس المشاركة الأصلية كتبت بواسطة مشتاقه للجنه ازيك يا بطاطس المهم طبية القلب يا بوريه ههههههههه موضوع لذيذ جدااااااااااااااا وساخن

طب نجيب رغيفين عيش ونغمس
:biggrin:
منوره يا قمر

[سعوديه كووول]

يسلموووووو ياعسل