حلقات برنامج ( واحد من الجيل ده )

[ĶǎnDO̳̿uChǎ ツ]

السسسسلامـــ عليكمـ انا ديت نورت القسم ^_^ بعد غياااااااب كتير عودهـ مرهـ تانيهـ مع برنامجي > الاسم مكتوب فـ العنوان المووووهم حلقه مميزه , عشان ضيفنا مميز شخصيه محبوبه و هاديه معانا فـ الحلقهـ :::::> Mo7aMaD 3aLa2 مـــراقب عــام ▲▼ Le Magicien ▲▼ *-*-*-*-*-*-*-*-* منورنــــا فـ حلقه جديده من (( واحد من الجيل دا )) دة نوركـ يا دعاء ,, ميرسى جداً تعريف بسيط عن محمد فـ سطوور ؟ شخص عادى بحب البساطة وبحب الهدوء وبحاول بقدر الامكان تحقيق اكبر كم من طموحاتى قولنا بقى كل ناس بتقول دا جيل فاشل انت اية رائيك انت في الحكاية دي؟ الكلمة دى قديمة من قبل الثورة انا ضد التعميم فى أى شئ ,, دايما فى نسبة ومن الواجب ذكر اى نسبة حتى لو كانت صغيرة أى جيل فـ العالم بيبقى فى نسبة فشل ونسبة نجاح ,, اعتقد ان الجيل الحالى اللى هو جيلى يمكن أحدث تحسن وقلل نسبة الفشل ومش معنى كدة ان هو جيل ناجح ولكنة جيل طموح على ما اعتقد وبحس فى استعداد للتمرد على الفشل وتغيير الاوضاع للاحسن . و انت شايف جيلك ازاي؟ زى ما قلت انا شايف ان هو جيل يغلب علية الطموح ولكنة بحاجة لمن يستغل حماستة ..الجيل دة قام بثورة غيرت مستقبل مصر و عدى بيها حواجز صعبة كانت تبدو كأنها مستحيلة ... ودى حاجة تفرق معاة كتير بالنسبة لثقة افراد الجيل دة فـ انفسهم وتغيير انطباع الاجيال السابقة عنهم و دة طبعا يخلق شئ من الطموح والتفاؤل يأثر بشكل ايجابى على آداء الجيل دة وشايف ان جيلى هيكون اكثر نجاحا من الاجيال السابقة . قولنا فكرة عامة عن اغلبية الشباب سواء بنات او ولاد دلوقتي؟ بالنسبة للشباب عامة شايف تطور فـ المستوى الفكرى والثقافى خصوصا بعد الثورة بقى فى اهتمام أكتر باشياء مهمة لتكوين بنيان ثقافى علمى سياسى أفضل ولكن دة ميمنعش ان فى نسبة ليست بقليلة من الشباب لا يزالوا عايشين من اجل تفاهات بيجسدوا دايما كل الظواهر السيئة وبيكسروا بشكل غير مباشر كل مجهود الفئة الاولى اللى اتكلمت عنها . اكيد اتعملت مع شباب كتير هم شايفين حياتهم ازاي ؟ والله كل واحد بيبقى راسم لنفسة مسار لحياتة بيحاول بأى شكل يمشى علية وكل شخص بيشوف حياتة حسب هو عمل اية فيها اذا كانت حياتة فيها اشياء يفتخر بيها وحاجات عليها القيمة فعلا بيكون شايف حياتة جميلة وافعالة دة بتكون دايما مصدر لسعادتة و لتفاؤلة ودفعة نحو النجاح واذا كان شخص لا يملك اى هدف ولا طموح ولا رسالة بيشوف حياتة بلا معنى وعمرة ما هحقق نجاح وعمرة ما هيكون شخصية مؤثرة فـ مجتمعة . ((انتو عيال فاشله,فين ايام زمان,واحنا كنا نقدر كذا و كذا)) طبعا دا الكلام الي بيقعد يقولو اهلنا انت اية رائيك اية الي حط الفرق دا بين زمان و دلوقتي؟ و انهي احسن؟ كل جيل بيأثر على الجيل اللى بعدة وبيكون مصدرة فـ اكتساب الخبرات فى التعامل مع كل الاشياء ودى حقيقة من الواجب ذكرها,, وشئ طبيعى ان كل جيل يشعر بأنة أفضل من الجيل اللى بعدة بمعنى انة المعلم عمرة ما هيشعر فـ يوم ان تلميذة بيفهم عنة واحنا لما هنبقى مكانهم اعتقد هنشوف اننا افضل من الاجيال اللى بعدنا ودة ميمنعش انة فـ بعض الاحيان ممكن يكون فى فعلا انحدار للاسواء فى بعض الاشياء فى تدرج الاجيال . بما انك واحد من الجيل دا قولنا بقى: ازاي بتقضي يومك؟ والله يومى المعتاد هو اليوم الدراسى بخرج من البيت 7 ونص وبرجع من الكلية بمتوسط الساعة 5 المغرب بيكون قدامى 7 ساعات عشان انام من تانى وابدأ يوم جديد ,, المفروض بذاكر شوية و ع النت شوية واحيانا بخرج مع اصحابى . ازاي بتختار اصحابك؟ الاختيار بيكون شئ لا ارادى مش بروح مثلا اقول لواحد انت هتبقى صاحبى وانت لا بمعنى انة بناء على مواقف وتعامل غير مباشر بلاقى نفسى بميل لشخص بعينة دون عن الاخرين وبلاقى تفكيرة اقرب لتفكيرى وسلوكة تقريبا نفس سلوكى فـ بيبقى صاحبى تبعا لذلك. هل تقدر تعيش من غير انترنت؟ لا طبعا ,, اصبح جزء من حياتى هل انت شايف نفسك فاشل؟ مش فاشل وفـ نفس الوقت مقدرش اقول ناجح معتقدش ان 21 سنة دة السن اللى اقدر احكم بية على نفسى سواء بالفشل او بالنجاح و دارستك بالنسبة ليك اية او كانت اية بتهتم بيها ولا؟ دراستى بالنسبة ليا طموحى من زمان ,, والحمدلله انى بدرس شئ متقبلة وبحبة ,, وبهتم بيها على أد ما بقدر ويمكن هستمر فيها بعد ما اخلص خصوصا اذا دخلت الجيش هحضر الماجيستير . مظهرك بتهتم بيه..ازاي ؟ اول واهم حاجة طبعا النظافة واكيد الوان متناسقة وبتأثر بالموضة طيب قولنا من وجهة نظر جيلك: جيلك ازاي بيحافظ عـ مستقبله؟ يحافظ على مستقبلة بانة يشتغل وينتج ويبتكر يحافظ على مستقبلة بان يكون لية دور علمى ثقافى وسياسى فى العالم يحافظ على مستقبلة لما يفكر بشكل أكثر ايجابية ويتجن الصراعات الداخلية على المطامع الشخصية ويحافظ على مستقبلة بأنة يكون اكثر تقرباً وارضاءً لله . جيلك شايف مصر ازاي الايام دي ,, وبيحاول يغير ايه و يعمل ايه تجاه بلده ؟ نسبة ليست بقليلة يخيم عليهم التشاؤم تجاة مستقبل مصر ولكن النسبة الاكبر العكس بيتملكهم التفاؤل وتملأهم الحماسة لتحقيق مستقبل افضل لمصر ويمكن اللى شايفة بصراحة اشياء ايجابية لكنها معنوية غير ملموسة ,, اتمنى المرحلة الجاية يبقى فى تطبيق . طيب دلوقتي .. بقى حلم معظم الشباب انهم يسافرو يشتغلو برا مصر .. شايف العيب فـ الشباب و لا فـ البلد و ايه رأيك فـ دا ؟ والله مقدرش اقول العيب فـ الشباب اللى سايب اهلة وبلدة ومتغرب,, اعتقد السفر دة مش حلم ولكنة اضطرار واستحالة يكون قدامة فرصة مش هقول زى اللى هيلاقيها برة لا هقول نصها وهيسيبها ويسافر ,, عايز اقولك على حاجة اى حد عايز يشتغل فـ مصر هيشتغل بس شغل ميأكلش عيش ,, لذلك يضطر لانة يسافر يشوف فرصة احسن ,, العمالة المصرية بتزيد فـ الخارج مع الوقت لانخفاض الفرص المتاحة و الحل طبعا محتاج خلق فرص جديدة للشباب برواتب جيدة . جيلك شايف الدين ازاي؟ يمكن المعظم شايف الدين صلاة وصوم وذكاة فقط لكن الدين معاملة فى الاساس نعيب زماننا و العيب فينا و ما لزماننا عيب سوانا اية رائيك في البيت دا؟ طبعا لازم يبقى فى تحمل للمسؤلية من جانبنا ولازم نتحدى الظروف مهما كانت ..ربنا قايل ولقد خلقنا الانسان فى كبد .. ومفيش شعب قدر ينجح من غير مشقة وعناء . وجة كلمة لشباب جيلك؟ ان شاء الله بينا مستقبل بلدنا يبقى افضل و دى مش كلة انشائية كدة محفوظة لا لا زم كل واحد فينا يحس فعلا بدورة تجاة بلدة وينمى عندة شعور الوطنية والمسؤلية لازم كلنا نرفض الظلم ونمتلك الجرأة ومنسكتش على اى شئ غلط ولازم كلنا نرضى ربنا ونحاول نكون اكثر تقرباً ليه *-*-*-*-*-*-*-*-* بجد اجاباتك عاقله جدا و جميله اوي فرحانهـ اوي بوجودك معانا يـ علاء ششششكرا لوجودك و قبولك الاستضافه نوووورت الحلقهـ يـ رب الحلقه تعجبكم كان معكم dodo من امام قسم اليوميات

[game010]

حلقة مميزة جدا لان الضيف مميز جدا
ضيف جميل وحلقه جميلة
مجهووود جميل منك دودو
فى انتظار الحلقات القادمة
وفى انتظار ضيف اخر

[AHMED SEVEN]

حلقة جامدة واسئلة جميلة منك يا دعاء ومحمد منور الحلقة باجاباته العقلانية .. تحياتى لكم .. موفقين دائماا

[a m i r a]

آجابـــآت عاقله جدآآ يـآ محمد

طريقه تفــكيرك عجبــتني كتيرر ,,,

نورت آلبروحرم بجد

وحلقه جميــله يــ نودي

وضيف مميز

[۩۩ elMagic ۩۩]

الله عليكـ يا محمد
اجابتكـ جميله جدا وعقلانيه
نورت يا حماده الحلقه
مجهود مميز يا دودو
ودى واحترامى

[سَـلمَى]

عــــــــــودآ حمــيدآ يآبت
وطبعـــآ إختيـــآر جمــيل منك
منــــــــور يآ محمد
وإجـــآبآت جمـــيلهـ وعلاقنيهـ بلا شك
وأنـــآ معآه فيهآ
مـــرسي يآنودي عل الحــٌلقهـ
ومنتظـــرين ال بعديــهآ ^^

[Iѕlαм Ч 3αlαм]

حلقة جميلة
مع شخص اجاباته عقلانية
وجميلة
شكرا على البرنامج الجميل
وعلى المضيف
والضيف
خالص التقدير

[همسه الجوارح]

حلقه جميله ورائعه
واخى محمد كان منورها
والحوار جميل واسلوبه راااائع
فى انتظار الضيف الجديد
واهلا بيك اخى محمد ودايما تنورنا

[ساحر الأحزان]

جميلة الحلقة دودى

واجابات عقلانية من محمد

بتدل على عقلية متفهمة وواعية

لمجريات الامور

تحياتى لكم

[beautycat]

حلقة حلوة اوي يا دودو
ومحمد منور طبعا
واجابات عاقلة جدا
في انتظار الجديد يا جميل