حلقات برنامج ( مورشو في الشارع )

[morshooo]

اقتباس المشاركة الأصلية كتبت بواسطة تناهيد الهوي اشكرك على الجهود المبذولة

اشكرك على التواجد الرائع

تحياتى

[morshooo]

اقتباس المشاركة الأصلية كتبت بواسطة ღ gի๐sτ ღ ههههههههههههههه الفكرة حلوة وياربي يجى اليوم اللى نبقى احسن بلد في العالم فيه احان المفروض اوروبا كانت تبقى قطعة من مصر مش العكس بس النصيب بقى ^_^ تسلم ع الحلقة يا احمد

اشكرك على التواجد الرائع

وسعيد بوجودك المميز

تحياتى

[morshooo]

اقتباس المشاركة الأصلية كتبت بواسطة دمعه حائره جميل جدا الحوار ياموروشو وعجبنى جدا موقف الطيارة عشان تعرفوا اننا شعب مدلع ولا دى عينيا دمعت من التأثر صعبوا عليا جدا الشباب لازم تقولى فين الشارع ده اسكن فيه يسلمو موروشو فكره جميله تحياتى ومانتحرمش من جديدك

اهلا بيكى دمعه

نورتى التوبيك

يابنتى الشارع دا فى اى مكان فى مصر :biggrin:

[morshooo]

بسم الله الرحمن الرحيم

اهلا ومرحبا بكم

وحلقة جديدة من برنامجكم

( Morshooo فى الشارع )

طبعا احب اشكر جميع الاعضاء على مشاركتهم فى الحلقة الماضية

والحمد لله ان التوبيك نال اعجاب الاعضاء .

النهاردة بقى نزلت الشارع المصرى وكالعادة

شوفت شائعات كتيرة عننا وهدف البرنامج زى ما كلنا عارفين

هو الرد على الشائعات دى ورد مقنع طبعا امام الجميع :079:

هنشوف النهاردة 3 شائعات منسوبة لينا كمصريين ولكن منصوبة لشريحة

معينة من الشعب المصرى وهم :

استغلال البائعين - سلوك سواقين الميكروباصات - جشاعه المستشفيات

دول كانو 3 شائعات ظهرو فى مجتمعنا المصرى فحبيت انزل الشارع بنفسى

واعملكم لقاءات حوارية وهثبتلكم ان دى فعلا شائعات :biggrin:

تعالو نشوف حلقة النهاردة من برنامجكم

morshooo



فى الشارع :biggrin:


انا حابب برضو اقولكم وأكد عليكم ان دى شائعات

حتى هتشوفو النهاردة الضيوف الـــ عملت معاهم اللقاءات

هيقولو اية عن الشائعات دى .

تعالو بقى بسرعه كدا نشوف التقرير الـــ معانا

فى الفترة الاخيرة انتشرت شائعات عن استغلال التجار وغلاء الاسعار

تعالو نشوف الحوار دا بسرعه

1 - استغلال البائعين



اهلا بيك فى برنامجنا وتحب تقول اية عن استغلال التجار فى مصر

اهلا بيك يا بية غلاء اية بس وكلام فارغ اية هى دى اسعار الـــ بنبيع بيها

عندك يا بية الطماطم اهى قدامك كل يوم بسعر انا بشترى من السوق جملة كل يوم بسعر

ومش بكسب فى الكيلو غير 10 قروش بس وبقول الحمد لله مستورة حتى شوف كدا

الست الــ هناك دى هتشترى دلوقتى شوف هبعلها بكام رغم انى الطماطم غليت النهاردة بس هبيع بالسعر القديم

لو سمحت يا حاج الطماطم بكام النهاردة

بـــ 4ج الكيلو ياست

اهو نفس سعر امبارح ببيع بية النهاردة

لفت نظرى وانا واقف معاة واحدة تانية دخلت وبتسئل نفس السؤال

يا حاج بكام الطماطم النهاردة

بـــ 5ج الكيلو ياست

مش بقولكم دى اشاعات يا بية ان فى استغلال من البياعين صدقونى البياعين غلابة

والله احنا غلابة غلابة ارحمونا بقى من الاشاعات دى

طيب ياعم البياع اعتقد احنا اثبتنا دلوقتى وعلى الهواء مباشرة ان فعلا

دى اشاعه ان التجار استغلاليين واهو واحنا بنعمل لقاء مع الراجل واحدة سئلتة

بكام الطماطم الاولى قالها بــ 4 ج والتانية قالها بــ 5ج :079:

ممكن حد يقولى بقى فين الاستغلال فعلا احنا بلد الشائعات صحيح :biggrin:

ودلوقتى هنطلع مرة تانية لتقرير عن شائعه جديدة وهى

سوء سلوك سواقين الميكروباصات فى مصر



دلوقتى اعزائى المشاهدين احنا فى ميكروباص احد السائقين وزى ما احنا شايفين

الراجل محمل الباص وهنطلع معاة ونكلم معاة ونشوف سلوكة وهو فى الطريق

اهلا بيك فى البرنامج يا سطة

واية رائيك فى الاشاعت الـ طالعه على سواقيين الميكروباصات

والله يا بجم احنا غلابة والاشاعات نازلة علينا زى المطر واحد يقولك دول بلطجية

والتانى يقولك دول استغلاليين والا التالت بقى يقولك دول مستهترين بارواحنا

الا صحيح يا نجم يعنى اية مستهترين دى اصل انا لسة سامعها امبارح من واحد كان راكب معانا ههههههه

احنا يا نجم صدقنى غلابة بنطلع نجرى على أكل عيشنا احنا بنريح الركاب عشان

الراكب دا بيدفع فلازم نريحة

ياسطة وطى شوية الكاسيت دا

بقولك اية هو واطى عاجبك والا مش عاجبك استغفر الله العظيم

شوف يا نجم هما الـــ بيضايقونا بكلامهم ال وطى ال انا مش سامع اصلا

على جنب يا سطة يا سطة على جنب اية ياعم انتا نايم

بقولك اية مانزلتكش فى الهند الشارع وراك اهو

مش بقولك يا نجم الركاب هما الــ بيضيقونا استغفر الله العظيم

بقولك اية يا نجم ماتنزل بقى عشان استفيد بالكرسى الــ انتا متنيل علية دا انا ناقصك انتا

كمان الــ برنامج ال جاتكم نيلة انتو كمان

احم احم طبعا سلوك جميل من السواق الجميل دا ونزلنا فعلا فى المكان

الــ عايزينة والحمد لله اثبتنا فعلا امام الجميع ان الاشاعات مسبتش حتى سواق الميكروباص

تعالو بقى نشوف التقرير الاخير

وهى عن مستشفيتنا الناس كلها بتشتكى من الدكاترة والمستشفيات

تعالو نشوف التقرير قصدى الاشاعه دى



اهلا بيك يا دكتور فى برنامجنا

واية رائيك فى الكلام الــ بيتقال عن مستشفيتنا

اهلا بيك وبجميع المشاهدين

انا مش هطول فى الكلام انا بس هقول مصر بخير احنا فى المستشفى هنا بنعالج

المرضى باسعار بسيطة جدا عشان عارفين ان الناس على اخرها يعنى عندك لو حسبناها

هنا فى المستشفى الخاصة اليوم بيكلف المريض حاجا لا تزكر

انا حتى فى مرة فى مريض جالنا وكان محتاج غرفة عناية مركزة دخلناة ببلاش صدقنى ببلاش

دا بيدل ان مستشفيات مصر بخير لان دا مريض يعنى مثلا انا كمدير للمستشفى اسيب

المريض يموت اكيد لا طبعا صدقونى دى اشاعات ومحدش يصدقها

وانا بعمل اللقاء دخلت علينا ممرضة وبتجرى وبتقول

دكتور فى مريض ولازم يدخل العناية المركزة ندخلة

اة طبعا بس اهلة يدفعو 10.000 ج تحت الحساب مش عاجبهم ياخدو ويمشو

بكرة يجيلنا غيرة

واهلة هيبقى معاهم فلوس ما تقلقيش هههههههه

عموما انا احب اقول كلمة اخيرة مستشفيات مصر بخير ودكاترة مصر بخير

ارحمونا بقى من الاشاعات الفارغة دى انتو لو عايزين تظهرو مصر

بشكل وحش قدام العالم لا مش هنسمح لحد بالكلام دا وشكرا

وبكدا بتنتهى حلقتنا النهاردة

واكلمنا عن حاجات واشاعات مهمة جدا منتشرة بين الناس

اعتقد احنا النهاردة اثبتنا للجميع ان مصر بخير

ونتمنى ماتفضلش بخيرها الــ بشكل دا هههههههه

وعايز اقول حاجا اخيرة ومهمة

لو سمعتو الكلام دا فى اى مكان اتأكدو ان انتو

اكيد اكيد فى مصر ^_^

انتظرونى والحلقة الثالثة

ولقاءات خاصة من قلب الشارع المصرى

^_^

ملحوظة : جميع اللقاءات من وحى خيالى واكيد الحكايات دى ممكن اكون أتأثرت بحكاية او اغنية او حتى بموقف حصلى انا شخصيا .

[.نبض القلوب.]

حلوة الحلقة جداااااااااااااااااااااا
بتناقش مشاكل فى الشاع المصرى
بطريقة فكاهية
روعة منك بجد
وان شالله البلد يتصلح حالها
وترجع ام الدنيا
بسلوك اهلها الكويس
وربنا يسترها
شكرا لك مرة تانية
تحيااااااااااااااااتى

[مشتاقه للجنه]

أكيد أكيد أنت فى مصر

شكراا يا مرشوو ع الحلقه مع انك متحامل شويه ع المصرين

فى أنتظار بااقى الحلقات

موفق

[roneey]

حلقة مميزة يا مورشو

وفعلا دي مشاكل في مصر عاملة ضجا كبيرة

وكنا محتاجين حد يناقشها

وحلوة اهله هيبقى معاهم فلوس متقلقيش دي ههههههههه:079:

مشكووووووور يا احمد

في انتظار جديدك

[SplendiD SouL]

هههههههه عارف اكتر حاجه عجباني هوه سلوك السوقين
مشاء الله تحس ان روحك في ايد امينه
بس شكل امينه اخدت اجازه مش تفهم :079:
واللي احلي واحلي ان السوقين بيخلوك تعيش المغامره فيه اكتر من كدا متعه :762:
حلقه حلوه تسلم عليه في انتظار الحلقات اللي جايه
تحياتي

[game010]

ههههههههههه
حلقة جميلة اوووووى
كنت اسأل انت بدرى شوية يمكن كنت اخدتوا 3 جنية
حسبى الله ونعم الوكيل

[عاشقة الهدوء]

لا أنت متأثرتش ولا حاااجه يا أحمد بالعكس دى حاجه حقيقيه وواقعيه

والكل بيعانى منها بس على رأيك أشاعات أشاعات اشاعات هههههههه

والله عندك حق يا أحمد بجد حلقه موووفقه أيضا ورااائعه وتستاهل

حقاااااا التقييم وربنا يصلح حااال مصر يارب وأهم حاجه

نفووس الناس وقلوبهم تنضف وينصلح حالهم وبعد كده كل شىء

يبقى ماشى مظبووط اللهم أمين مووفق دائما لك أحترااامى