حلقات برنامج ( مورشو في الشارع )

[morshooo]

بسم الله الرحمن الرحيم

اهلا ومرحبا بكم

وحلقة جديدة من برنامجكم

(morshooo فى الشارع )

عنوان حلقتنا النهاردة هيكون

( عروسة ياناس لله )

طبعا الجواب باين من عنوانة واكيد كلنا عرفنا هتكون عن اية

طبعا زى ما عارفين هيبقى فى تقارير من الشارع المصرى

ولقاءات حوارية حصريا ^_^

تعالو بقى ندخل فى جو الحلقة .

والحلقة الثالثة من برنامجكم

morshooo



فى الشارع :biggrin:

فى الفترة الاخيرة ظهرت شائعه جديدة عن الشباب المصرى وهى ان الشباب

مش لاقى يجوز طبعا النهاردة فى حلقتنا هنثبت بالدليل القاطع ان دى مجرد

شائعات فقط بتترمى على الشباب المصرى والعربى تعالو الاول نطلع لاول تقرير معانا



اهلا بيك فى برنامجنا وحابين تكلمنا عن جواز الشباب انتا فعلا شايف ان فى مشكلة فى الزواج ؟

اهلا بيك والله بص يا سيدى الفاضل انا حابب اقولك حاجا ان الشباب خلاص

فاض بيها من قلة الجواز

وبعدين الشاب فينا اية غير حبة احساس بيفضلو مستخبين لحد الجواز بس عموما يعنى

الى عايز يجوز هيجوز الشغل كتير والشباب كتير بس احنا كشباب مش لاقين

وقت عشان ندور فية على شغل اصلا فنعمل اية بقى نقوم قايلين ان مفيش شغل فى البلد

لكن لا طبعا فى شغل كتير والبلد بخير اهى وكلة زى الفل

بس خلاص

طيب كلنا شوفنا كلام الضيف وشوفناة وهو بيقول ان الشباب مش فاضى

انة يدور على شغل حاجا جميلة بصراحة

بس تعالو كدا نشوف التقرير دا مع ضيف بيشتغل فعلا .



اهلا بيك فى برنامجنا وتقول اية عن مشكلة الشباب فى الزواج ؟

والله يا استاذ انا عندى دلوقتى 35 سنة ولسة بدور على شقة كل يومين واحد يطلع

يقول العيب فى الشباب انة مكبر دماغة ومش بيدورو على شغل طيب انا اهو

شغال بقالى اكتر من 12 سنة ومعملتش اى حاجا انا يا استاذ اجيب منين شقة وشبكة

وانا اصلا بنام اول لما ارجع من شغلى عشان اوفر العشا ههههههه انا يا استاذ

لو العملية لعبت معايا ووفرت مثلا اى مبلغ

كبيرى اوى اشترى بنطلون والا قميص جديد

وسلملى على الشباب العايز ال اية يجوز ال

دا كان تقرير تانى معانا النهاردة من شاب شغال بقالة 12 سنة بس هههههههههه

تعالو نطلع لتقرير ثالث مهم جدا لمسئؤل مهم جدا



اهلا بيك يا فندم معانا فى برنامجنا

احنا جينا لحضرتك عشان عايزين حل للشباب البيقول انة مش عارف يجوز ؟

اهلا بيك الحل يا سيدى الفاضل بسيط جدا ومش محتاج تفكير انا هسئل سؤال

بسيط للشباب هى اية لزمة البنوك الــ فى البلد يلة يا شباب

اجرو خودو قروض زى ما انتو عايزين كل الــ هيحصل هتمضو على شوية اوراق

وهتفضلو تسددو فى القرض دا طول عمركم وبراحتكم بقة وربنا يدينى ويديكم

طولة العمر الحقو اتمتعو بالفلوس واجوزو قبل ما تتحبسو فى الاخر

فعلا حل جميل وبسيط جدا جدا

يلة يا شباب زى ما المسئول قالكم اتمتعو بالفلوس قبل ما تتحبسو

ودلوقتى معانا تقرير اخير تعالو نشوفة مع بعض

احنا دلوقتى اعزائى المشاهدين فى احدى حفلات الزفاف وعملنا لقاء مع

العريس تعالو نشوف قال اية



اهلا بيك يا عريس معانا وحابب تقول اية للشباب بما انك عملت المعادلة الصعبة وبتجوز النهاردة ؟

الحمد لله انى خلاص هخش دنيا النهاردة صحيح انا تعبت كتير طول حياتى عشان

اليوم دا بس الحمد لله اهو عيشت وشوفت اليوم الــ انا عريس فية وكمان المأزون وصل اهو

تعالة معايا وصورنى عشان دى لحظة تاريخية بالنسبالى اخيرا بقيت عريس بقيت عريس

ودلوقتى اعزائى المشاهدين هنشوف مع بعض كتب كتاب ضيفنا النهاردة وعلى

الهواء مباشرة عشان نثبت للجميع ان الزواج فى مصر سهل مش زى ما

بيتقال علينا وياريت ترحمونا بقى من الشائعات دى

تعالو نشوف المأزون والعريسين

المأزون : الف مبروك يا عريس الف مبروك يا عروسة

العريس : الله يبارك فيك يا شيخنا

ها اين البطائق الشخصية

اتفضل يا شيخنا

اية دا انتو سنكم كام

انا بقيت 60 وعروستى بقت 50 يا شيخنا

انتو عايزنى اكتب كتاب مين انتو خلاص ميتين

فعلا كان لية حق يقول اخيرا عيشت وشوفت نفسى عريس هههههههه

وبكدا بتنتهى حلقتنا النهاردة


وعايز اقول حاجا اخيرة ومهمة

لو سمعتو الكلام دا فى اى مكان اتأكدو ان انتو

اكيد اكيد فى مصر او فى اى دولة عربية ^_^


انتظرونى والحلقة الرابعه

ولقاءات خاصة من قلب الشارع المصرى

^_^

ملحوظة : جميع اللقاءات من وحى خيالى واكيد الحكايات دى ممكن اكون أتأثرت بحكاية او اغنية او حتى بموقف حصلى انا شخصيا .

[۩۩ elMagic ۩۩]

ههههههههههههه
ياعم اشكالكوا ديه هى اللى خاربه البلد
ومعنسه الشباب :762:
لا والحل الاخير دا ميه ميه
كلنا نروح نجيب قروض من البنكـ ونقعد ندفع فى القسط طول عمرنا
دا لو قدرنا نجيبه اصلا كل شهر :762:
بجد حلقه جامده جدااا
دايما مبدع يا عم احمــد
دوام التميز والنشاط يا ريس
ودى واحترامى

[ملكة الهدوء]

هههههههههههههههه لا فعلا قمه الاشاعات فى شغل مترمى فى كل مكان
والفلوس محدش عارف يصرفها فين والعربيات

لالالالا الفرص كلها متاحه بس النفس هههههههههههههه



تسلم ايدك يا مورشو لا بجد حلقه جميله اوى
وفكره التبيك اجمل

بنتظار كل ما هو جديد منك

[لحن الحياة]

هههههههههههههه لا بجد حلقه جامده جداااااااااااا:079::079: وسلملى على، العريس اللى عاش وشاف نفسو عريس ده:762::762:
بجد كل حلقه اجمد من اللى قبلها تسلم ايدك مورشو

[نــيــرفــانــا]

هههههههههههههههههههههههههههههههه


تسلم ايديك حلقه تحفه والله

انا هنتظر الباقي اكيييد

و يابني الشغل على قفه من يشيل



ده انت تقول يا جواز ولا يا شغل بيررررررررف من السسسما

و ادينا كل يوم بنسمع جوازه شوكل

ربنا يتولااااااااااااهم


اكيد نسبة الجواز اعلى حاجه في بلدنا التحفه مصر 2.8 في الميه

تسلم ايديك بجد حلقه جامده موووت والله


دووومز اشوف حلقاتك

تحياتي

[M@HMOUD]

هههههههههههههههههههههههههههههه
اللى رافع البنطلون مخطى صدروا دهـ مش هيلاقى يتجوز اصلا
هههههههههههههه
تسلم الايادى ع التقرير وفعلنا مش هنعرف نتجوز خالص

[the moon]

يا خبر
ومين اقلك اصلا ان ممكن البنات تتجوز الشباب دول
ياي حرام عليك
كرهتني في الشباب
وقرفتني في الجواز
هههههههههههههههههههههههههه
دي اشكال هههههههههههههههههههههههههههه
انا لو هتجوز اتجوز الراجل العجوز
علي الاقل نظيف ومقبول

[بقــايا أنثى]

هههههههههههههههههههه شوفت يا مورشو عشان تعرف بس ان العنوسه دى اوشاعات
ايوه اوشاعات ^_^
الجواز كتير فعلا بس النفس
تسلم ايدك يا مورشو

[بسمة العمر]

ههههههههههههههه

حلقه جامدة جدا جميله

انا متهيالى الشخص اللى فوق دة مش هيلاقى شقه ابدا

تسلم الايادى مرشو كانت حلقه جامد

منظرين الحلقه القادمه

[∂αнмє]

ههههههههههههههه حلقة جامدة اوووووى

وبعدين هو فى اصلا بنات تستاهل ان الواحد فينا

يضحى ويتبهدل ف الشغل عنها كلها خلاص

بقت عرايس بلاستك ......!