الحب احساس جميل ولكن.

[MERA TAWFEK]

لما بسأل اى حد م صحابى ..ايه رأيكو ف الحب ؟؟ يقولى :حب ايه اللى انت جاى تقول عليه !!هنا بقى بقف واقفه واستعجب هما ليه بيقولو كدا مش يمكن هما غلطانين !!ليه شايفين ان الحب متمثل ف حاجتين كدب وخيانه بين الطرفين !!
ساعات بينى وبين نفسى بقتبس جزء م اغنيه ام كلثوم وهى بتقول العيب فيكو يا ف حبايبكو اما الحب ياعينى عليه ياعينى عليه...
طبعا كلنا فاهمين ان كلامى هنا عن الحب بين الجنسين الرجل والمرأه مش الحب بين الاهل والوالدين..الحب احساس جميل ولكن ..بالاسلوب والطريقه الصح ..يعنى ايه يا حلوين ؟؟؟
كل واحد ف الحياه له مبدأ وعقل حكيم اكيد انتو معايا متفقين ..الحب اجمل وارقى احساس ربنا سبحانه وتعالى اودعه ف قلوب البنى ادمين ..بس خليكو معايا مركزين انا اقصد الحب الحلال اللى برضى الرحمن الرحيم ..الحب احترام مش شىء مهين.. الحب امانه مش اهانه للوالدين ..الحب موده مش كلام شيطان لعين.. الحب ف النور وبالنور مش ناس مستخبيين ..
الحب عشان تدوقه وتحس بيه لازم يكون برضا رب العالمين ..يعنى ايه بقى يا عاقلين ؟؟؟يعنى حبها بس ماتحاولش تلمسها الا برضا المنان ..يعنى اما تكلمها يكون ف وجود ابوها الامين ..يعنى اما تفكر تقولها اشعار تكون شايله اسمك مش لسه ع البر مش متجوزين ..حبها وحسسها انك راجل مش ذكر لئيم ..اما تحب تدعى لحد ماتاخدها برضا الرحمن الرحيم ..اما تقولها بحبك تكون قدام الناس اجمعين مش ف ماسج والتليفون سيلنت ماهو طبعا خايفين ...
مقدرش اكره انسان ف الحب ..بس اقدر اخليه يعيد وجهه نظره ف طريقته للحب ..الحب فطره جميله الحب اروع احساس ممكن تعيشه الحب هو اللى بيخليك تكتب وتسهر ويوصل كلامك للقلب وعشان نحس بكل ده لازم نكون مدركين لكلام رسولنا الحكيم وكمان نكون واعين ان المعصيه تفرق ولا تجمع ..وعشان كدا بنكون محتارين واقفين مستعجبين !!! هو ايه اللى حصل لحبنا ده كان حب سنين؟؟فين الحب اللى كان قبل جوازنا مخلين دايبن راح فين؟؟ ..البركه اتنزعت منك للاسف لانك استعجلت ع الرزق ده ماهو اللى بيتمتع بحاجه ف الحرام ربنا بعزته وجلاله بيحرمه م متعتها ف الحلال ..سبحان الملك العظيم...
الحب رزق ولازم تحافظ عليه لو بتحبها بجد سيب كل الطرق اللى م وجهه نظرك هتوصلك ليها سيب الورد والهدايا سيب المكالمات لساعات سيب كلام الحب واسعى لكل طريق هيجمعك بيها ف الحلال وافتكر يا ابن الحلال ان الدنيا داين تدان..حبها بس احترم اهلها خبط ع بابها مش ع قلبها..
الله ارزقنى لذه الحب الحلال يارب..

عفو عن نساء الناس تعف نسائكم
ميرا توفيق

[ساحر الأحزان]

جميل الطريق فى الالتقاء مع من تحب وان تعمل جاهدا فى ان يجمعك

بة بيت واحد وتكوين اسرة صالحة

تفيد بها المجتمع وترضى بها ربك

جميل اختيارك القيم

وتحياتى لقلمك المميز

وننتظر المزيد من كتاباتك

[شظايا عمر]

الحب كلمة غاليه جدا
اولها حب الله
الحب الدايم المستمر
والحب ده مينفعش يتجمع مع حب في الحرام ابدا
فعلا انتي صورتي الحب الاصيل
الحب الموجود من اول ما انخلق حوا وادم
فعلا انتي ابدعتي وفقتي كل الحدود في وصفك الحب
جبتي الاصل وليس الفرع
جبتي الحقيقه وليس الخيال
جميل منك الموضوع الرائع ده
تحياتي لروعته

[MERA TAWFEK]

ميرسى ع ارائكو بجد بضيف لى كتير

[فداااااااااااء]

عزيزتى إن الحب قيمه كبرى فى الحياه وليس بالشىء العيب او الحرام فكان الحبيب محمد صلوات الله عليه وسلامه يحب زوجاته وخاصه زوجته عائشه رضى الله عنها ولكن اذا سرنا فى الحب بنهج النبي بأتباع الطريق الصحيح عبر المبادىء الاسلاميه فسيكون بمثابه السعادة التى ترسم على القلوب لانها ليس بها من مغضبه الله
تسلم الايادى الحلوة على الطرح الجميل نورتى القسم بطلتكى الحلوة ودى يا قمر

[MERA TAWFEK]

ميرسى يا حبيبتى ربنا يخليكى
وفعلا الحب احساس رائع بس بالحلال

[.نبض القلوب.]

بصى يا قلبى
والله الحب موجود
سواء حب الله حب الاهل حب الاصداقاء حب الحبيب
لكن انتى شفتى قبل كدا
ان حبك لاهلك فيه غش لالالا
لانه بالفطرة
لكن الحب التانى دا بقى هو اللى فيه كل المشاكل
وعشان نتفادى دا بقى
يبقى نفكر بالراحة بقى
ومش نخلى القلب الطيب دا هو اللى يتحكم فينا
لان الحب دا مش لعبة
وممكن انتى تحبى بجد بس من غير ما تفكرى وتلاقى نفسك قدام اكبر واحد غشاش عرفتيه فى حياتك
طب ليه
لالا
يبقى نركز كدا ومش اى حد يجى يقول بحب
يبقى هو صااااااااااااااااااااادق
بداية جميلة منك
استمرى
لك كل التوفيق

[مشتاقه للجنه]

الحب أجمل ما بالوجود ومش مفهوم الحب الى هو بين الرجل والمرأه وبس
ولكن هناك حب الاب والام وحب الابناء المهم اننا نحى بالحب ..

شكراا لكلماتك الطيبه فى الحب

تحيااتى