بخصوص مزادات الرمزيات الكبيرة ,,

[SKoOoN]

اانا قرأت كل الردود
وانا اكيد موافقه إن المزاد يكون بقيود
وانا مع الاعضاء اللى قالوا
القانون دا يتطبق من دلوقتى
والناس اللى باعت زمان يبقى من حقهم المشاركات
هما مالهمش ذنب الاداره كانت سامحه لهم بمزاد
و الطرفين موافقين
من وجهه نظرى تطبق بس من دلوقتى
وبالتوفيق

[SiLver Spectra]

تم غلق الاستفتاء
تعتمد النتيجة للتطبيق

بالنسبة لاستفسارات البعض
لو شوفنا اي مسابقة فهتلاقي ان قيمة جايزتها بتكون مابين 100 ل1000 مشاركة زي المسابقة الكبرى
يعني بيبقى في قاعدة تنظيمية في الغالب لعدد المشاركات الي بتمنح
اما المزادات فلم يكن لها اي قواعد
و فكرتها ماكانتش في الحسبان في الاصل و بالتالي فواجب علينا اننا نعيد النظر فيها و وضعها تحت ضوابط تنظيمية تمنع اساءة الاستغلال

العضو الي اخد مشاركات من عضو آخر مقابل الرمزية هو في الاصل حاصل على مشاركات نتيجة فوزه في المسابقة
يعني اجمالا بيكون فائز بعدد من المشاركات مابين 200 إلى 2000 مشاركة (على فرض انه عمل مزاد على صورته)
يعني القيمة كبيرة جدا , مش عارف الطمع الي ضرب فيكم فجأة كدا و بتستقلوا بالألفين مشاركة!!
الله يرحم الواحد كان زمان بيشارك في مسابقات كبيرة و بيتعب و في الآخر بياخد 25 و 50 مشاركة
مش عدل نهائي انك تستغل حاجة واحد و تمص كل مشاركاته الي بناها في 4 سنين مقابل انك بس حليت مسابقة!
و دا اثر بالسلب على نشاط الأعضاء
معنى كلمة مشاركة يعني تفاعل في المواضيع
العضو الجديد بيجي في المنتدى و بيشتكي ان ماحدش بيرد على مواضيعه , لما بتشارك فانت بتفيد نفسك و بتفيده
يبقى ما ينفعش اقلل من المشاركات و اقول طب ما اي حد بيشارك
لان المنتدى في الاساس مبني على المشاركة

ففي النهاية لما هنقلل المشاركات الي حصل عليها فأنا مش بسحب حاجه من مجهوده
لان مشاركاته الفعلية في الاصل ممكن بتكون 4 الاف مشاركة و حصل من مسابقة معينه زيادة بيكون قدرها 20 الف مشاركة مثلا
احنا بنقلل قيمة الفايدة الى رقم معقول الي هو مثلا الفين
يبقى هنا القانون لازم يطبق على الكل بحيث الكل يكون سواسية
مش نظام قديم و لحق و جديد و مالحقش

و كمان المفروض دورنا هو التنظيم , و ان وجد خلل في التنظيم نعيد مراجعته و بناءه من جديد
(دا الي بنسميه مرونه في التشريع و تصحيح الخطأ)
و الا لو على نظرية هو اصله حر يبقى نوافق على طلب اي عضو بتحويل مشاركاته لغيره او نوافق على طلب اي عضو طالب يحذف عضويته او يحذف مشاركاته بدون سبب!
و دا طبعا بنرفضه لانها بتكون ملك المنتدى مش ملك شخصي
و اجراءاتنا التنظيمية هي الي بتحول ضد أي طلب زي كدا

بالنسبة لسؤالك يا بودي , فانت بتظبطها بالطريقة الي تعجبك
يعني مثلا اول واحد حجز ,, الخ
زي كأنك بتهديها لحد بدون مقابل

و شكرا لجميع من ساهم و وضع رده في التوبيك