بخصوص مزادات الرمزيات الكبيرة ,,

[SiLver Spectra]

السلام عليكم و رحمة الله
الموضوع واضح , عن المزادات و الصور الرمزية الكبيرة
خلونا نكلمكم عن تاريخها شوية
أول صور رمزية كبيرة تم منحها من مسابقة بنات مصر الكبرى الأولى
و تاني مره كانت في المسابقة الكبرى الثانية
و من بعدها بقت اغلب مسابقاتي بيتم منح صور رمزية كبيرة للفائزين فيها
و مع وجود ناس بتفوز في المسابقات الجديدة الي بيكون من جوائزها صورة كبيرة و هما في الاصل معاهم صورة رمزية كبيرة , تم السماح ليهم باهداء الصورة الكبيرة لعضو آخر

و بعدين في فترة الصيف , سيلفر فلور كانت هتموت على رمزية كبيرة :biggrin:
فتم السماح بخصم مشاركات مقابل حصولها على رمزية من عضو فائز في مسابقة و حصل على رمزية زيادة
و من وقتها و بدأت المزادات تشتغل
المزاد مالوش اي قوانين بتنظمه , و كان الهدف منه هو انتفاع العضو الي بيحصل على رمزيات زيادة كتكريم لفوزه في المسابقة

مؤخرا اقترح علينا ماتركس اعادة النظر في المزادات و اعادة تنظيمها , نتيجة استغلال البعض حاجة الغير في الرمزية الكبيرة
و أيده في اقتراحه تقريبا أغلب المراقبين و الإداريين
ممكن أنا عارضته باعتبار ان في المزاد بيكون الطرفين موافقين و راضيين
لكن بعد فترة بدأت اراجع العملية في دماغي و أعيد الحسبة
لو فكرنا شوية في عداد المشاركات
فهو في الأصل موجود لتقدير عدد المشاركات التفاعلية الي العضو بيعملها
و كتقدير لمجهود العضو الي بيشارك في مسابقات و بيحلها أو بياخد مراكز فيها ,, بنزود العداد بقيمة بيكون متفق عليها مع طرح المسابقة
و دا أمر ماحدش يختلف عليه طالما كانت قيمة الجوائز ليست بقليلة و لا مبالغ فيها
أما المزادات التي تقام على الصور الرمزية الكبيرة فهي مبالغ فيها لدرجة كبيرة جدا و اضرت بنشاط العضو في المنتدى
وصلت ل7 و 10 و 20 ألف مشاركة!!
و غالبا العضو بيمنحها للمزايد اضطرارا , لكن اكيد ماحدش بيكون حابب يفرط في الرقم الي بيعبر عن تعبه و شقاة في المنتدى

لو جينا نقارن بين عضو بقاله 4 سنين بيشارك في المنتدى و حصل على 20 الف مشاركة بمجهوده و تعبه
و بين عضو حل مسابقة و حصل على مكافئات بتقدر أحيانا ب1000 مشاركة في المسابقات الضخمة أو من 200 - 500 في المسابقات العادية + صورة رمزية كبيرة و بيعمل عليها مزاد و ممكن بياخد منها رقم فلكي زي 20 ألف مشاركة
فهل مجهود 4 سنين من التفاعل = مجهود عضو فقط قام بحل مسابقة !!
اذا كان المنتدى في الاصل قائم على التفاعل بين الأعضاء ؟

النتيجة هو ان العضو قالك أنا خلاص مش هشارك و هستنى أي مسابقة أنزلها و ياخد رمزيتها و يبيعها!
و العضو الي كان بيشارك كتير جاله احباط و يأس من انه يشارك و يتعب نفسه و في الاخر واحد يحل مسابقة و يطلع المركز الأول على الجميع في عداد المشاركات!!
فنوعا ما العملية بقى فيها خلل لأن ماكنش ليها آلية بتنظمها

و من خلال الموضوع دا هطرحلكم آلية التنظيم الي هتطبق بأثر رجعي
((بمعنى ان النظام هيطبق على القديم و الجديد))
و هيكون في استفتاء عشان ماحدش يحس اني بفرض عليكم الأمر و ان كان الهدف منه هو التنظيم
فلو شايفين ان المزاد يكون مفتوح عادي بأي قيمة و يتم استغلال حاجة الشخص لرمزية كبيرة بدون اي تنظيم ,,فبامكانك معارضة الموضوع بالتصويت بلا
لو موافق على وجود آلية التنظيم فصوت بنعم

طيب ايه هي آلية التنظيم ؟
الآلية هتكون بوضع حد اقصى لأي مزاد يقام لعضو عنده رمزية زيادة
الحد الأقصى هيكون بأثر رجعي و هو ألف مشاركة
بمعنى ان أكثر حاجه هو انك تاخد من عضو ألف مشاركة و يخصم منه ألف مشاركة

طيب بالنسبة للناس الي باعت من زمان , هل دا هيكون عدل بين عضو باع زمان و أخد مشاركات و عضو معاه رمزية دلوقتي و هيطبق عليه النظام الجديد ؟
طبعا مش هيكون عدل
و بالتالي هو كمان هيتم خصم مشاركاته الزيادة و الاكتفاء بحصوله على ألف مشاركة عن كل مزاد

أعتقد ألف مشاركة + مشاركات ممنوحة اصلا من فوزه في المسابقة = من 1100 إلى 2000 مشاركة
هو رقم كبير جدا , و لكنه مقبول نوعا ما

طيب ازاي هتتم آلية اعادة مشاركات العضو و خصمها من العضو صاحب المزاد ؟
ببساطة العضو الي تم سابقا خصم مشاركات منه هيقدم استمارة ليه في رسالة خاصة فيها ما يلي
1) اسم العضو الي اتحولت له المشاركات
2) الموضوع الي تم فيه بيع المزاد ان وجد
3) قيمة المشاركات التي تم تحويلها

و احنا من خلال المراجعة هنتأكد من القيمة
و هيتم عمل استعادة للمشاركات و خصم ألف مشاركة فقط و هو الحد الأقصى للمزاد
يعني لو تم خصم من عضويتك سابقا مثلا 7 الالف مشاركة
هتستردهم 6 الاف ,,و هكذا
و العضو صاحب المزاد هياخد الالف و هيتخصم منه 6



انتوا كدا ايه رايكم في النظام ؟
و هل شايفين ان كدا أفضل بحيث انه يخلي الناس تتفاعل أكثر في المنتدى الي هو في الاصل بمني على طرح المواضيع و التفاعل ؟
لو موافق صوت بنعم
معارض صوت بلا

[واد حبيب]

والله يا طارق انا ضد الموضوع ده تماما
يعني واحد يعمل مشاركات وواحد تاني علشان بيحل مسابقاتك ويكسب صور كبيره
ويعمل مزاد ويبيع الصوره بمشاركات كتير ويكون في التقيم من غير مجهود
ليه علشان ايه وواحد تاني يعمل مجهود وعلشان صوره رمزيه يضيع مجهوده
وانت السبب في ده علشان فتحت المجال لبيع الصور الكبيره وناس تاخد مجهود الغير
الحبيب

[ماتركس]

ايوووا كده يا عم طارق خلي كل الناس ترجع زي ما هيه واليل طلعوو في العدادت المشاركات تنزل تاني

وكل واحد يروح لمكانه المناسب

بكده نقدر نقوال نعمل مجهود ونشاط في المنتدي ونشاطنا ميضعش مننا وعلي الاقل لما نمشي من المنتدي بعد عمر طويل يبقي نشاطنا مذكور لااعضاء اللي هتيجي بعدنااا

تسلم ايدك ياريس

انا اكيد موافق علشان اطلع انا الاول كككككككككككككك

[doiss]

انا شايف مفهاش عدالة ان حل مسابقة يضيع مجهود عضو بالمنتدى من مشاركات .
عشان كدة انا اجبت بـ "نعم" انا مع ارجاع حق كل عضو
ومحدش مجهودة يضيع بسبب حلمه بصورة رمزية كبيرة ..
خالص التقدير لماتركس واقتراحه الجيد ..
تسلم يا طارق على الطرح وفتح مجال للتصويت .

[واد حبيب]

اقتباس المشاركة الأصلية كتبت بواسطة doiss انا شايف مفهاش عدالة ان حل مسابقة يضيع مجهود عضو بالمنتدى من مشاركات . عشان كدة انا اجبت بـ "نعم" انا مع ارجاع حق كل عضو ومحدش مجهودة يضيع بسبب حلمه بصورة رمزية كبيرة .. خالص التقدير لماتركس واقتراحه الجيد .. تسلم يا طارق على الطرح وفتح مجال للتصويت .

الله ينور عليك يا ضياء
هوه ده الكلام الصحيح
لزم كل عضو اخد مشاركات من الصور الرمزيه ترجع تاني لصاحبها
انت كده بتتكلم صح والله
تحياتي لك
الحبيب

[واد حبيب]

انا صوت غلط انا قول لا
ياريت تغيروها وتخلوها نعم
تقبلو تحياتي
الحبيب

[دمعه حائره]

الله نور يادكتور عين العقل الموضوع اصله
كبر قوى وبئا مبالغ فيه وبصراحه بحسه ضياع
لتاريخ عضو ومشاركات سنين مقابل صوره
حاجه غريبه بحد كده يكون فى قانون بيضبط التنازل
ومايكون فيها استغلال او زعل من اى جانب
تسلمو على الفكرة ولو ان تطبيقها بشكل رجعى هايكون متعب جدا
واكيد ناس كتير مسحت الرسايل ربنا معاكم
موفقين ان شاء الله

[ساحر الأحزان]

انا عن نفسى نزلت من الاحصائية بتاعت الاعلى مشاركات فى المنتدى

وراح تعبى من المشاركات الى جمعتها

وانا مع تنظيم المزادات انها تكون برقم واحد على شان محدش يزايد

وموافق على اقتراحك يا طارق

بسى حترجعلى مشاركاتى وتخصم منها الالف

ولا الى راح قبل المزاد راح

وربنا يعوض علينا

[زهره الشتاء]

انا كنت بستغرب ع ال بيكسب رمزيه كبيرة ويجري يعمل موضوع عشان مشآركات زيآدة
فـ ناس بتكون حابه اصورة الكبيرة فـ مش يهمها المشآركات او بتظهر انه عآدى
لكن الموضوع ده مش حلو للآتنين .. ال تعب وعمل مجهود كبير يضيع فى صورة كبيرة
ممكن مع الوقت يدخل مسآبقه ويأخدها ويكون تعبه بردو موجود
مش حاسس انه تعبه راح ع الفاضي ع تكبير حجم الصورة
فـ نعم لعدم المبآلغه فى المشآركات ف مقابل تكبير صورة رمزيه
تسلم ايدك ع الموضوع والمجهود القيم
دمت بخير
فيض ودى

[♥..pure]

كلام زين واحلى ما فيه اسلوبهـ :d
عندكـ قدرهـ اقنـآع يـ جدع احييكـ عليهـآ بصراحهـ
أنـآ بعت لـ المـآجيكـ بس وكان بـ 7000 تقريبـآ
هو يفتكر بئه ويبعت الاستمـآرهـ ان شاء اللهـ