حملة من أجل سوريا

[booody99]

بسم الله الرحمن الرحيم

كنت حابب أعرض فكرة انهارده من أجل اخواتنا في سوريا والي بيحصلهم

(حملة تكاتفاً مع سوريا)

هدف الحمله هي وقفه من المنتدى بتاعنا نصرة لأخواتنا في سوريا

الحمله هتكون نخلي عضو يشارك بموهبته الي يقدر عليها

يعني هتكون شامله لعدة أقسام

وانا بقترح المسابقه هتكون كالتالي

(أفضل قصيده عن سوريا)
شعر ونثر
(أفضل موضوع بقلمك عن سوريا)
بقلم الأعضاء
(أفضل رسمه عن سوريا)
قسم الهوايات
(أفضل تصميم ليك عن سوريا)
قسم الفوتوشوب
(أفضل قصه عن سوريا)
قسم القصص والروايات

صراحه دي الأقسام الي انا حاولت اجد لها مسابقه ولو في اي اقتراح ياريت تشاركونا

طبعاً الجوائز هتختلف وكل واحد هيشارك بقدر موهبته ويستطيع المشاركه في أكثر من قسم

التقيم هيكون من لجنه بالتعاون مشرفي الأقسام ولو حد من الأداره يشارك مفيش مشكله

هي المسابقه هدفها الأول ان منتدانا يكون له وقفه معاهم

وتانياً تحفيز الاعضاء ومشاركة بعضنا البعض ما يحصل هناك

ويارب ينصرهم وينجيهم يارب

ويارب الفكره تكون موفقه

[doiss]

الفكرة جميلة يا عبودي ..
بس الـ5 اقسام مختلفة واللي بيكتب مش بيرسم واللي بيرسم ممكن ميكونش بيصمم او بيكتب وهكذا !
يستحسن لو حابب تعمل الحملة يكون كل قسم مستقل وليه نظامه ومشتركيه ولجان تقييمه او استفتائه افضل عشان محدش ينظلم .
فكر كدة بتنظيمها هتمشيه ازاي ورد عليا ونظبط الجوائز بالاخر مش معضلة ..

[احضان الحبايب]

فكرررة توحفه بجد
ربنا يكرمك
بالتوفيق فى التنظيم

[booody99]

اقتباس المشاركة الأصلية كتبت بواسطة doiss الفكرة جميلة يا عبودي .. بس الـ5 اقسام مختلفة واللي بيكتب مش بيرسم واللي بيرسم ممكن ميكونش بيصمم او بيكتب وهكذا ! يستحسن لو حابب تعمل الحملة يكون كل قسم مستقل وليه نظامه ومشتركيه ولجان تقييمه او استفتائه افضل عشان محدش ينظلم . فكر كدة بتنظيمها هتمشيه ازاي ورد عليا ونظبط الجوائز بالاخر مش معضلة ..

هو فعلاً كده زي كلامك كل قسم على حده

يعني العضو مش هيشارك في كل الاقسام دي لا

هو بس يشارك في القسم الي فيه موهبته

يعني الرسام يرسم رسمه ولو حابب يشارك في القصه يشارك عادي ولكن كل تقيم على حده

يعني العضو مش مطلوب منه يشارك في كل الأقسام دي

ومشرفي القسم غالباً هم الي هيقيموا ولجنه هتتحدد اسمائهم زي قسم القصص مثلاً المشرف غايب شويه فهيكون في لجنه وممكن حد من الأداره يشارك عشان مفيش حد ينظلم

وشكراً لك على ترحيبك بالفكره وان شاء الله لو تم الموافقه هنزلك الشروط وكده

وهي هتكون زي العاده بردو 3 مراكز

وشكراً ليك مره تانيه

[doiss]

طيب راسل مشرفين الاقسام نسق معاهم وبالنسبة لقسم القصص سكره موجودة ومتابعة معاك راسلها ومش هتتاخر بمساعدتك والاشراف عليها .
ربنا يوفقك .

[booody99]

تمام ياضياء نسقت مع المشرفين لكن الجوائز مين هيحطها هم ولا أنت؟

[doiss]

200
150
100
عاوز تديهم شهادات تقدير زي متحب ..
وربنا يوفقك فيها وبمسئوليتها يا عبودي ..

[كبرياء أنثى..]

انا فيني اشترك عاادي ؟؟

[E7SsAs]

فكره جميله اوى يابودى

لمحه جميله اوى وشعور طيب منك

بالتوفيق ليك ولحملتك