ح كـــ ــــــا وى / بنــ ات وشـ بـ ا ب / واول حلقة مع ش ا ب

[~♥ Queen sozan♥~]

السلام عليكم ورحمة الله وبركاته ح كاية المرادى انا شيفاها انها غريبة !! المهم اسبكم ,, معاها . ((انا راجل متجوز عندى 39 سنة يعنى شاب متجوز من حولى 11 سنة او اكتر مش فاكر لى فاكرو ان حياتى بقت روتين وممل وحياة مقرفة وانا متجوز عن قصة حب 4 سنين جامعة يعنى مختار مراتى با العقل والقلب وكل حاجة بس معرفش اية حصالها مش عارف من يوم ما جابت اول طفل اتحولت اهمال لية ولى كل حاجة هو البيت برجع القية جنة بصراحة وكمان احسن اكل بس بارجع من الشغل ادخل بيت اكنو صحراء هى قدام التلفزيون تعبانة من شغل البيت والولد منيماهم عشان الدوشة وانا ملقيش حاجة اعملها غير اقعد على النت اهو القى حد اكلمو المشكلة هنا ان اتعرفت على النت اكتر من بنت واهتمام اية ويسئلو علية لحد لما الاهتمام وقف على بنت 33 سنة بجد انا مش عارف استغنى عنها حاولت اسبها بس معرفتش كمالت الفراغ لى زوجتى عملها لدرجة ان فكارت اتجوزها فى السر وهى وافقت بس انا بحب مراتى رحت افهمها وقولها ان حسس منها بتقصير منها لية طلعتنى انا الغلطان ومش بيملة عينى حاجة وعنية زيغة وحسستنى انى ابن كلب سبتها وسبت البيت لمدة اسبوع قالت تحس با قمتى والله عيز اقولكم معبرتنى ويوم ما كلمتنى قالتلى البيت عيز مصريف وولدك عيزين فلوس عشان المدرسة حسيت انى مش فارق معاها رحت قالتلها انى هتجوز ضحكت وقالتلى انا عارفة انك بتحبنى ومين دى لى هتوافق تتجوز واحد متجوز انا متاكدة انك متعملهاش حسيت انها وثقة فية اوووووووى وفى نفس الوقت استفزتنى احلفلها هتجوز وهى تقولى روح لو راجل اعملها طبعا ما انى راجل عملتها واتجوزت فعلا من غير اهلى لا اهلها ما يعرفو اخت اجازة من الشغل ورحت طلبت البت واتجوزتها وجبت شقة وخلاص بقة مراتى ونا مشاكلى اتحالات بس مكانتش فاهم ان فى مشاكل تانية ان روحت البيت بقة وعرفتها انى اتجوزت وخد يا خناق ونكد ومهش مصدقة انى عملت كدة ولازم اطلب التانية يا ام تطلقنى وانا عيزهم الاتنين لان حبتهم الاتنين مراتى التانية جات على نفسها وراحت لى مراتى الاولى والله زى ما بقولكم وحاولت تفاهمها ان هى مخطفتنيش ومش هتحاول تاخد مساحة كتير من حياتى ويتفاهمو ودى لا لازم تطلقها انت انانى والمشكلة مستمرة كانت الاول حسس بفراغ عاطفى ولقيتو دالوقتى الحياة بقت نكد فى نكد اعمل اية اطلقهم الاتنين وريح نفسى ولا اطلق الاولى وافضل مع التانية ولا اطلق التانية وارجع تانى لى الفراغ لى كانت فية ولا اسبلهم البلد كلها واشوف عقد عمل واخد وحدة منهم وسافر وسيب وحدة بجد انا مش لقى حل ومش عارف اعمل اية ومش عارف انا غلطان فى اية هو حرام ان صونت نفسى من الحرام واتجوزت مش عارف ؟)) ::: دى كانت الحكاية بتاعت انهاردة والله ربنا معاك تابع معانا بقة وان شاء الله تلقى الحل اى حد عندو اى مشكلة او حكاية مفيدة يبعتهالى على الخاص حتى لو كانت ذائر شارك معانا انت الكسبان القلب الصامت

[♥..pure]

آووهـ بجد , مشكله صعبه جدا ,
بس هفكر فيها وارجعلك تـآني ,
عشان القرار ميكونش متسرع او انـآني ونظلم طرف من الآطراف ,
بس دا ميمنعش انك غلطان

[~♥ Queen sozan♥~]

انا هرد عادى بس متختش الرد على انى مقدمة البرنامج
خاليها عادى ,,
اول حاجة انت غلطان لانك اتسرعت واتجوزت على مراتك لى بتقول بتحبها
من 4 سنين بجد من حقها تتصدم ,, ومن حقها كمان تكون واثقة انك متعملش كدة
يعنى دة مبنى على حبها ليك ,, وهى غلطانة لان مهتمتش بيك ,,
بس كان ممكن تشتكيها لى اهلها بدل متتجوز عليها ,, بجد موقف صعب ..
طبيعى ان اى أمرة متحبش حد يشاركها فى جوزها ,,
بس خلاص الكلام فات اوانو ,, وانت اتجوزت وبقيت سورى ( جوز الاتنين )
والحل انك متهربش من مشكلتك والسلام
تحاول توافق بنهم ولا تيجى على دى ولا دى
وتعرف اهلك وكل الناس بدال انت مقتنع انك مش بتعمل حاجة غلط
ولو مراتك الاولى مقتنعتش مطلقهاش بردو ,, وسبها فترة تفكر با عقل وحكمة
الطلق هتخرب البيت ,, وهى هتندم بعد كدة وكمان
واضح ان فى اطفال ,, راعى ربنا فى ولدك حرام يضيعو هما فى النص .

[۩۩ elMagic ۩۩]

اممم حكايه صعبه فعــلا
بس مراتكـ الاولى غلطانه
ودا نتيجه طبيعيه انكـ تروح تشوف غيرها
بعد ما اهملتكـ وبتعاملكـ بالاسلوب دا
والواحد مبيحبش يعد الا فى المكان اللى بيرحه
وربنــا حلل الجواز من اربعه مش بس واحده
مراتكـ الاولى قصرت معاكـ علشان كده انت جاتلك الفكره انكـ تشوف غيرها
واول ما قولتلها انكـ هتتجوز وحسستها بتقصيرها قعدت تكدبكـ وتتريق
هى غلطانه اكييد وانت كمان غلطان انكـ اتجوزت فى السـر
لان الجواز الغير مبنى على الاشهار اعتقد مش رسمـى
بص دلوقت لازم قبل ما تبص لنفسكـ فكـر فى اولادكـ
لما تسيب الاولى هيحصلهم ايه !!
فا علشان كده يفضـل انكـ تبقى مع الاولى
بس فهمها وعرفهـا انها قصرت معاكـ
وكان لازم تهتم بيكـ شويه وشوف نتيجه اللى حصـل داا
هيأثر معاها وهتهتم بيكـ ولا لاء
واكييد لازم هتهتم علشان مش تخرب بيتها
وبالنسبه للتانيه فهمها الحكايه
وخليها على زمتكـ بردوا لغاية ما الاولى يتظبط حالها
وبعد كده فهمها ان معاكـ اولاد وهتبقى مع الاولى
وقبل ما تطلقها تعرف اهلها انكـ اتجوزتها وتطلقها رسمــى قدام اهلها
وتسيبهـا بعد كده وتبقى مع الاولى بس
لان اكييد الاولى مش هتوافق يبقى على زمتكـ حد تانى
فى الاخر ربنــا يصلح الاحوال ان شاء الله
وتقدر تتخذ القرار السليم
وعايز اقولكـ ان الهروب عمره ما كان حل لمشكله بالعكــس
لازم تواجه المشكله وتحلها وتبقى مقتنع بالحل الى وصلتله
ولازم تراعى ربنــا فى الاولى والتانيه واولادكـ
وتدى كل واحده حقهــا

بس كده اتمنى اكون افدتكـ
بالتوفيق ليكـ
احترامـــــــــى

[mīĐŏ ǺĻ ƒâηâη]

فعلآ حكـآيه صعبه جدآ آخـى
لكـن لـو لحظت آن الـمـفـروض قـبـل مـآ تـتـجـوز
كـنـت تعـمـل زيـى مـآ الـديـن بـيـقـول
(والتى تخافـون نشوزهن فعظوهن واهجرهن فى المضاجع واضربهن )
هـى فعلآ قصرت لكن آكيد فى سبب لتقصيـر
لان آنته بتقول آنكـ متجـوزهـآ ع حب
يعنـى لا هيه كـآنت مجبرهـ آنهـآ تجـوزكـ ولاونته نفس النظـآم
فآكيـد فـى سبـب خلهـآ تعمـل كدهـ
ممكن تكـون آنته آهملت فيهـآ
يعـنـى آهتمـآمكـ ليهـآ قـل
لان آكيد فـى الجـآمعه كـآنت بتخرج آنته وهيه وفسح وكدهـ
بعد الجوآز طبعـآ بقـى فيه شغـل والخرجـآت قلت
وهيـآ كمـآن شغـل البيت وابنهـآ فآكيـد هيقـل الاهتمـآم من الطرفين مـش من طرف وآحد
لانكـ مـوش ينفع تسيب الشغل علشان تخرجهـآ وهيـآ نفس النظـآم مـش هتنفع تسيب شغل البيت وابنهـآ علشان تخرجـوآ
ونته كمـآن بتقـول بتحب الاثنين ومتقدرشى تستغنـى عنهـم
مفيش حد يقدر يحب اثنين
لان ربنـآ آدآكـ آنعم عليكـ بقلب وآحد
آعطـآكـ رجلين وعينين وآذنين ويدين
ولكنه آعطـآكـ قلبـآ وآحد
لانه آعطـى القلب الاخر آلى شخص آخـر كـآن عليكـ آيجـآدهـ
وهذآ الشخص هـوآ الذى يستحق مـنـكـ التضحيه
ونته بـآلفعـل لقيته وهـى زوجتكـ الاولى
علشـآن كدهـ آى آثنين بيتجـوزآ وهمـآ مـش بيحبـوآ بعض بيكـونـوآ آسعد آثنين
ولزم تعرف آن الحيـآهـ مـن غـيـر مشـآكـل متبقـآش حيـآهـ
حـآول تعرف منهـآ آيـه سبب التقصيـر آستحمـل
لان الرجـآل قومون ع النـآس
لان حـوآء خلقت من ضلع آدآم
فعليكـ آن تحـل المشكله وحتـى لـو جـآبت الغلط عليكـ
خد آن الغلط عليكـ وحـآول تصـلـحـوآ علشـآن متبقـآش قصرت
لكن آته قـولت آنكـ حسيت بالممل والفراغ
علشـآن كدهـ لمـآ آتعرفت ع وآحدهـ تـآنيه وحسيت منهـآ بآلاهتمـآم
بدآت تحس آنكـ معندكشـى فرآغ
وعلشان كدهـ آتجوزتهـآ
آنته كدهـ بتظلمـهـآ لانكـ بتحب الزوجه الاولى ولمـآ حصـل مشـآكـل وبقيت تحس بـالفراغ
هربت من المشكله علشـآن تشوف حد تـآنـى يملالكـ الفرآغ دهـ
ونـتـه ظلمت الاولـى
لان ربنـآ مبيقـولشـى آنكـ تجوز آربعه كدهـ بـدون آسبـآب
لا لـزم يـكـون فـى آسبـآب واللى آنته قولت دهـ مـش سبب
دهـ هروب
حـآول توآجه مشـآكلكـ
وحـآول ترضـى الاثنين ومتفرقشـى بينهـم ومتظلمشـى حـد بينهـم
لـو حسيت آنكـ مـش هتقدر تعمـل دهـ يبقـآ مفيش قدآمكـ حـل غير آنكـ تطلق وآحدهـ من الاثنين
وخلـى قلبكـ هـو اللى يختـآر
بس قبـل مـآ تخلـى قلبكـ يختـآر
حـآول تحط فـى آعتبـآركـ آنكـ عندكـ آبن
آتمنـى تكـون وصلت
وآفتكم
آحترآمـى

[ساحر الأحزان]

هى واثقة فية لانهم اتجوزم عن حب ولكن المشكلة دى بيتعرض ليها الكتير

وخصوصا لما يجى اول طفل تتحول عن زوجها وتهتم بطفلها

وكانة غير موجود ودة بيديلة ان اهتمامها بية قل لانة اتعود على انة اول

اهتمامها بسى لازم يراعى ان دة اول فرحتهم

ويعرفها انها لازم تهتم بية برضة لانة لة احتيجاتة

ودة الى سبب عندة فراغ وحب يملاة بتعارفة

انما هو اتسرع فى حكاية الجواز دى وكان لازم يتمهل فيها

اتمنى ان اكون اوضحت

تحياتى

[Lost Pearl]

مشكلة صعبة اوي بصراحة

انت مش تسيب مراتك التانية و لا الاولي

و مش تطلق حد

لأن التانية مالهاش ذنب و الاولي انت بتبحها و في بينكو ولاد

يبقي انت حاول تراضي الاولي باي شكل

و فهمها ان دي غلطتها و انك حاولت تفهمها و هي مافهمتش و جابت المشكلة عليك انت

متهبـألي الحل انك حاول تراضي مراتك الاولي

يا رب ابقي افدتك

[سارية فى درب الرسول]

حياك الله يا قلب

الحكايه دى مش جديده قرأت كثيرا مثلها اوقات بتكون الزوجه هى التى تقع فى الامر

وتطلب الطلاق وتهجر الاولاد من اجل ان تهنئ بحياتها

المشكله الحقيقه ليست فقط بالفراغ الذى يسببه الانجاب او انشغال الزوجه بالتربيه المشكله الحقيقه

تكمن فى ان اغلب الرجال تاركين الحمل كامل على الزوجه بدون رحمه مابين البيت والدراسه

وقرف التربيه معذره على اللفظ وهو وقت فراغه بيحاتج انه ياخد كامل الاهتمام له بمفرده
انا اتفق ان الزوجه يجب ان تهتم بزوجها لاكن هو ايضا يكون عنده رحمه وموده يعاونها

على التربيه مش مجرد انه يكون حصاله نقود ويرجع يحتاج كامل الاحنان له لوحده

هو بدل ماكان يلجأ للنت لتضيع وقت فراغه ليه مش يحاول انه يقضى فراغه وسط الاسره

الزوجه الاولاد ولا الزوجه يكون عليها كل شئ وهو ولا حاسس باى شئ ومعندوش اى استعداد انه يضحى او حتى يساعد بدل الزوجه الثانيه يحتوى بيته من الخراب

اغلب علماء الدين او المشايخ على المنابر جميعهم ممن تزوج باربع او اثنان اول شئ ذكره

انه لو الرجل ليست لديه مقدره على السيطره على البيبتن حينها تفشل الحياه

وفى تجارب كتيره مرت امام جميع من اصر على زواج بثانيه ندم ورجع

اذا لماذا من الباديه لااحتوى بيتى واسرتى وابنائى بدل ما ادور على السعاده خارج اسرتى

فالله المستعان

ربى يحفظك

[♥..pure]

موضوعكـ دا شـغلني جدا علفكرهـ
وفكرت فيه آكتــر من مرهـ .. بص انا زي ما قولتلك انت اللي غلطان !
صراحتي دي لمصلحتك .. ع الاقل هتعقل الكلام اللي اتقال .. وانت حر ف اختياراتك ,,
من بداية الآمـر ,, انت لقيت مراتك متغيرهـ واهتمامها كله ع بيتك واولادكـ !!
طب دا عيب فيها مثلا ,,. لحد وقت معين الست بيبقى همها الاستقرار ف البيت
يكون بيتها نظيف دايما , اولادها كويسين , >> معلش يعني هما دول كمان مش ولادكـ !!
يعني مش مثلا بتنشغل عليك عشان اهلها او شغلها او حد مش يلزمك @!!
لأ دا بيتك وابنك !!
دي حآجه , الحآجه التـآنيه ازاي تسمح لنفسك انك يكون ليك علاقه مع بنت وانت مجوز !!
الغلط عليك وعليهـآ ..!!
وانت دلوقتي بتتحمل نتيجه غلطتك دي ؟!
هي غلطانه عشان سمحت لنفسها تطاوع قلبها وتستمر مع واحد مجوز !
وانت غلطان عشان طاوعت مراهقتك المتأخرهـ !!
انا متأكدهـ انك محاولتش مع مراتك بجد ,,
في حاجات تعرف ازاي تجذب مراتك ليك ,, اظن مش انا يعني اللي هقولك عليها !!
انت ادرى ب مراتك وتعرف ازاي ترجعها لأيام زمان ..
ب اقل كلمه حلوه تقدر تخليها ازاي تكون معاك ,,
مش هتدور ع شقه بئه وتنضيف وكدا ,, يبقا انت مش عارف ازاي تكسبها !!
انت علفكرهـ بتهرب من مشـآكلك علطول ..
لما لقيت مشكله مراتك .. هربت عالنت وكلمت مراتك التانيه !!
اللي اعرفه ان الغلط بيجيب غلط !!
وانت جبت غلط كبير بعدهـ وانك اتجوزت ,,
ومراتك التانيه بردو غلطانه انها تاخد واحد من مراته وابنه !!
انا بصراحه مستغربه اوي من موقفها وانها رايحه تتكلم مع مراتك الاولانيه
طب قولي قالتلها ايه !!
انا اتجوزته عشان اديله اللي معرفتيش تديهوله !!
بص اللي اعرفه ان لازم اللي يغلط يتعاقب !
وربنـآ بيعاقبك دلوقتي .. كفايا الحيرهـ وقله الراحه اللي انت فيها
نصيحتي انك متتخلاش عن مراتك الاولي ..
مراتك التانيه المفروض انها معاقبه معاكـ !!
مش هقولك طلقها .. بس انا هسيبك لضميرك ..
بس فكر ف انك تواجه ,, مش تهرب
مهما تهرب المشكله هتلاحقك ,, واجه واخلص من كل حاجه دلوقتي ..
وبالتوفيق ليك ,
معلش لحدهـ كلامي .. بس فعلا المسأله معصباني جدا

[~♥ Queen sozan♥~]

غدآ قصة ممكن الجميع يقف عندها شوية ,,

بتمنا تنتظرونى غدآ

مع حكاية جديدة ؟!

soma