خطوات مصورة لطريقة وضع المكياج ولف الطرحة للعروسة المحجبة

[صافي]

خطوات مصورة لطريقة وضع المكياج ولف الطرحة للعروسة المحجبة

في البداية مهم جدا العروسة تحدد كل شيء، وتختار كل حاجة قبل الفرح بوقت كاف.

على حسب حجم القاعة وعلى أساس اتساعها

تحدد شكل الفستان والطرحة، أجواء الفرح هاترسم الخطوط الأساسية للمكياج بشكل عام.

مهم كمان اختيار خبيرة التجميل من البداية عشان هاتساعدها في اختيار كل الإكسسوار المناسب ببساطة خبيرة التجميل اللي هتثقي فيها هي مستشارك الأمين في ليلة العمر.


(‍1
نبدأ بتنظيف البشرة كويس جداً باللوشن المناسب لنوع البشرة..





ونحط كريم الأساس المناسب للون البشرة لكن يفضل اختيار لون فاتح عشان لما بنحط البودرة لون كريم الأساس بيغمق درجة..



نبدأ نوزع الكريم بالتساوي ونستخدم السنفجة الخاصة بكريم الأساس ونهتم بوضع درجة كريم فاتحة تحت العين.



2
/> نحط البودرة الشفافة على كريم الأساس على كامل الوجه وبفرشاة كبيرة تزيل البودرة الزيادة.. نصيحتي الفرشاة لازم تبقى ناعمة..


وبعد كده نحط بودرة بتلمع تحت العين..




(3)

وبقلم أسود نحدد تحت العين لأن العين صغيرة شوية لكن لو العين الكبيرة بيكون القلم جوه العين..


وبقلم بني نحدد تحت العين عشان نكسر حدة اللون الأسود كتير مننا بيحتار في التعامل مع شكل العين، نصيحتي العين الضيقة نتقل بالقلم من تحتها، والعين الواسعة نتقل بالقلم من فوقها ومن تحت العين فاضي ده بيدي شكل حلو قوي للعيون الواسعة.



(4)

نسيح بالفرشاة القلم البني اللي حطيناه من فوق العين..



ونرسم العين على شكل "banana" مع رسمة الحواجب وبعد كده نرسم تاني بالقلم الأسود خط فوق العين عشان تحديد الشكل.





(5)

نيجي للـ "eye shadow" هانستخدم لون بني بيلمع ونبدأ نوزعه فوق الجفن وبفرشاة صغيرة نسيح تحت العين ونرجع فوق تاني نعدل بفرشاة أكبر مكياج فوق العين..








العروسة عاوزة تصغر أنفها شويه تحط من اللون البني على أجناب الأنف. وممكن نستخدم اللون البني لتغميق درجة الوجه الفاتح قوي وبفرشاة كبيرة نخلي البشرة لون واحد.

(6) ... من الحاجات المهمة اهتمام العروسة برموشها وحواجبها قبل الفرح على الأقل بشهر يعني لو رموشها خفيفة تحط عليهم زيت خروع كل يوم عشان تبقي رموشها تقيلة وحلوة يوم فرحها.

نحط الماسكرا ونضيف رموشا صناعية لو الرموش لسه خفيفة في الطرف والوسط وأول العين.. وبعد كده نتقل عليها الماسكرا نهتم بالماسكرا تحت العين عشان توسع. "خلي بالك من نوع المادة اللاصقة للرموش عشان لو رديئة ممكن تسبب احمرارا شديدا في العين أو تعمل مشكلة يصعب علاجها يوم الفرح"..



أما بالنسبة للحواجب وهي بالطبع خفيفة جداً عشان كده رسمناها باللون البني على شكل ثمانية. نحط "eye shadow" فاتح تحت الحواجب بفرشاة مخصوصة للحواجب.

(7)

نحط الـ"Blusher" والعروسة بتضحك عشان يكون اللون متوزع بدرجة واحدة ونتحرك من عظمة الخد إلى الأذن..

مهم نختار لون فاتح عشان ما يكونش ظاهر قوي مجرد لون بيدي نضارة للوجه.





(8)

نحدد الشفايف بـ"lip liner" خفيف ونحط عليه الروج لأن الموضة إن التحديد لا يظهر ويكون نفس لون درجة الروج.. ولو الشفايف صغيرة بنحاول نكبرها ولو العكس نعمل العكس.. ..

/>

ونختار لون الروج زي لون الـ"eye shadow"..

مهم استخدام فرشاة الروج لأنها بتسهل التحكم في وضعه وتوزيعه صح.. نحاول تثبيت الروج بوضع الـglitter في منتصف الشفاه لأنها الموضة جدا.







(9)


خلاص المكياج ونبدأ في الطرحة فستان العروسة مطرز يعني لازم يكون الكواف فيه تطريز قريب من الفستان..





في البداية بنلم الشعر ونربطه بالتل وبعد كده نحط الباندانا المطرزة ونثبتها بدبابيس ألماظ.. وتلبس حلق كبير..

...

[نانو]

مشكووووووره والله يعطيك الف عافيه

[صافي]

مرسي نانو لمرورك
تسلمي ياجميل

[rony]

ميرسى على التوبيك الرائع

[elena]

السلام عليكم ورحمة الله وبركاته
مشكوووووورة والله يعطيكي الف عافيه
تحياتي

[صافي]

اقتباس:
المشاركة الأصلية كتبت بواسطة rony
ميرسى على التوبيك الرائع


مشكور روني للمرور
نورتي ياجميل

[صافي]

اقتباس:
المشاركة الأصلية كتبت بواسطة elena

السلام عليكم ورحمة الله وبركاته

مشكوووووورة والله يعطيكي الف عافيه
تحياتي

مرسي يابنوتة للمرور
تحياتي

[عاشق الجمال]

[صافي]

مرسي عاشق لمرورك
تحياتي
اختك