السهر للمذاكرة

[Hearts Whisper]

هايات يا احلى الاعضاء
ازيكم عاملين ايه . الحمد لله ......
اكييييييييد كلنا بناخد دروس ..الطلبة .. بيضيع الوقت فيها
ومبنلاقيش وقت نذاكر فبنضطر نسهر
تقدروا تقولولى ازاى الواحد يفوق وهو بيذاكر
لانى مبقدرش اسهر ولازم اسهر للمذاكر
ارجوا التفاعل

[" عاجز . عن . الشكر "]

السلام عليكم ورحمة الله وبركاتة ..

أولاً ربنا يوفقك يا أختي وتحققي كل طموحاتك ..

بالنسبـة لموضوع السهر والمذاكرة , طبعاً كلنا عدت علينـا الأيام دى بحلوها ومرها , وطالما ليس هناك بديـل عن السهر , وأنا شخصياً كنت بحب السهر من أجل المذاكرة , وأنا شايف ان الشاي والقهوة من المنبهات القويــة اللي بتساعد علي السهر ورفع قدرة التركيــز ولكن لفترة معينــة من الوقت , وعدم الإفراط في تناولها , ويفضـــل إنك تنامي ساعتين بعد العصـــر , دا هيساعدك علي السهر .. بالتوفيق إن شاء الله

[Mind language]

ايوه انتى جيتى بقى للمكان الصح ياقمر
انا كنت زيك كدا بس كنت بفوق نفسى بحاجه
واحده بس هى انى كل حاجه كنت بعملها جدول
حتى الاكل كنت بقول الساعه كذا هاكل وبعد كدا
هروح امسك ماده تانى وهكذا اهم حاجه فى المذاكره
هو انى يكون ذهنك خاللى جدا من اى حاجه حتى كلام
الدرس كل اللى هتعمليه هو انك بعد ماترجعى من اليوم
الدراسى والدرس ساعه نوم مباشرتا وبعد كدا تصحى
تظبطى جدولك فى المذاكر لانى اهم حاجه انى عقلك
ياخد راحه من تعب اليوم كله بعد كدا هتذاكرى اسهل
ماده انتى بتحبيها بحيث تفتح نفسك بعد كدا عن باقى
المواد واهم حاجه هو حل واجبات الدروس فى يوم الدرس
نفسه علشان الحصه متتنسيش والجدول هو اللى هيساعدك
فى تنظيم وقتك وعدم النوم طول ما انتى حاسه انى وراكى
التزامات والله انا كنت اما انام بحس بالذنب لو فى ماده مخلصتهاش
علشان كدا اوعى تنامى من غير ما تخلصى كل اللى وراكى
ولا تؤجل عمل اليوم الى الغد علشان ميتراكمش عليكى كل
المواد وبس ياقمرى وربنا يوفقك فى دراستك باذن الله

[ساحر الأحزان]

اقلك يا ست لازم اول حاجة تنظمى وقتك

وتانى حاجة تخلى كل يوم لمادة او اتنين

تراجعيهم كويس بحيث لما يعدى الاسبوع تكونى خلصتى المواد كلها مراجعة

وخلى بالك لما ترجعى كل يوم من الدروس تنامى ليكى حوالى 3ساعات

ولما تصحى تاخدى شاور مية على شان تعرفى تركزى

وبعد كدة توكلى على الله بقى وذاكرى وسهرى

ربنا يوفقك ويوفق الجميع

[حياتي ذكريات]

متحآوليش تضغطي على نفسك اهم حآجه
ولو حسيتي انك مش قآدرة تسهري على الأقل نآمي
كآم سآعه وقومي ذآكري تكوني فوقتي
انآ من النوع الليلي معرفش اذآكر الا بليل
فمش مشكلة عندي موضوع السهر لاني بحب الجو دآ ومتعوده عليه
بحسه انه هدوء كده وبيخليني اركز مع نفسي


ربنآ معآكِ حبيبتي ويوفقك

[عاشقة ذكر الله]

انا ع فاكرة زيك موش مظبطة اوووى
يعنى يوم اذاكر كويس ويوم لا
يوم اسهر ويوم لا
بصى نامى 5 ساعات الاول وبعدين اصحى
بس لما تسهرى عشان تذاكرى اول ماتصحى حلى رياضة او كمياء
وبعدين تدخلى ع المواد اللى عايزة حفظ
وتاخدى بريك بين المذاكرة
وبعدين تذاكرى مادة تانية زى الانجليزى
وبعدين بانام ساعتين واصحى اروح الدروس وكدا

[marammaxi]

ربنا معاكى اولا بلاش نت هههههههههههههه طبعا دا مستحيل ثانيا عليكى بقى بالمنبهات شاى قهوة نسكافيه تالت حاجه تعالى من الدرس نامى شويه وبعد كدا قومى ذاكرى هتلاقى كل حاجه سهله ان شاء الله على فكرة مذاكرة الليل احلى بكتير من النهار بيكون فيها تركيز اعلى تحياتى وربنا معاكى

[♥..pure]

بصي الفكرهـ مش في فكرهـ السهر
الفكرهـ في انـكـ تقعدي عدد محدد من الساعات وتكوني مركزهـ فيهم كويس
على الاقل انتي لو سهرتي مثلا 6 ساعات وانتي مش مركزهـ ممكن متحصليش اد ما تحصليه
في ساعتين وانتي مركزهـ ,,
يبقا انتي كدا بضيعي مش بتوفري ,,
حاولي تيجي من الدروس مثلا تنامي ساعتين او ثلاته وتصحي تذاكري
ماتخديش كل حاجه على اعصابك كدا
هتيحي في يوم ومش هتلاقي نفسكـ
بالتوفيق ليكي ف الامتحانات والمذاكرهـ ,,

[Muhammad_Adel]

اولا ربنا يوفقك وانا طالب مثلك في 2 ثانوي علمي ازهر المهم مش معقول يكون بباخذي دروس اليوم كله بصي انتي اول ما تاخذي الحصه في اي ماده نصيحه علي طول تحلي الواجب لان اي حصه بتطول ما بتتذاكرش بيبقي حل الواجب صعب جربي وردي عليا_2 _ المذاكره اي نعم باليك جميله ولكن لما بتسهري اكيد تاني يوم ما بتبقيش عارفه تركزي ولا ايه وعلي فكره اجمل وقت للمذاكره الصبح لما يكون ما عندكيش مدرسه ا و معهد وبعد المغرب وجربي وردي عليا وتقبلي مروري