نشيد زوج معاصر

[علاء البلتاجي]

ليـه كل يوم بتقولي هات ....؟
ما تبطلـي طلبـات حاجـــات
عيزاني اعمل حاجات كتير
لا ليها اخرة ولا نهايـات

ما ترحميني شــــويه يــــاريت فـــــعلا بـجد خلاص طقيت
أخبــط دماغـي يا ناس في الحيــط يمكن تقلل من الطلبـات


عايزه كريمات حب الشباب
و كوافيرات وانتي بحجاب
ومانيـــكيـــر وبـــاديكير
وانا برضا وادفع من سـكــات


ما ترحميني شــــويه يــــاريت فـــــعلا بـجد خلاص طقيت
أخبــط دماغـي يا ناس في الحيــط يمكن تقلل من الطلبـات


لا انا مليونير ولا تحتي بنك
و الدنيا نار والحاله ضنك
ولا أبوكي يعني كان وزير
ولا مامي كانت بنت الذوات


ما ترحميني شــــويه يــــاريت فـــــعلا بـجد خلاص طقيت
أخبــط دماغـي يا ناس في الحيــط يمكن تقلل من الطلبـات




لما انتي عارفه انا دخلي كام
بتموتي ليه ف كتر الكلام
فكراني سوبر مــان بـطيـر
و ف لحظه أحقق معجزات


ما ترحميني شــــويه يــــاريت فـــــعلا بـجد خلاص طقيت
أخبــط دماغـي يا ناس في الحيــط يمكن تقلل من الطلبـات


هو انتي ليه غاويه صداع
ما تهدي كده وبلاش بتاع
خــلاص كـده فعــلا كتـيـر
ها أتـشـل جتلي تـشـنــجـات


بصي بقي ياست الستات مليــــش في شغـــل الأكروبـــات
لكن هــــ نط من الشبـــــــــــاك و قولي ده أتجنن و مـــــات

[دمعه حائره]

ربنا يكون فى عونه ويساعده على المصاريف دى
كلمات جميله اخى بتحكى فعلا مشكله بيعانى منها ناس كتير
الزواج لازم يكون فيه موده ورحمه مش خناقات واستنزاف فلوس
تسلم ويدوم تواجدك المميز
تحياتى وتقديرى لك

[السفينة]

هن الزوجات المعاصرات مايبطلن قول
هااااااااات
اللهم يصلح الاحوال
كتيت اخ علاء وأجدت نقل حياة هذا الزوج المغلوب
تنساب حروفك وتتابع
مداعبة ارواح من يقرأها
أرغب ان تكتمل حروفك ولا تنتهي
أشعر بروعة قرائتها ومعنى الاستمتاع بها
لقد نثرت هنا ..
هنا احاسيس يمتلئ بهاالمعاناة الحقيقية بين أغلب الازواج
ننتظر المزيد من ابداعك وروائعك
دمت بحفظ الرحمن