علشان انت مصر

Şα3Đ..♥ · منذ /02-27-2009, 06:46 PM

عشان انت مصرى لازم تعانى
وتفقد كرامتك بكل المعانى
وتحرق فى دمك سنين مش ثوانى
واوعى تصدق كلام الاغانى
بتاع الحضاره وكانى ومانى
ده كله هجايص مايدخل ودانى
عشان انت مصرى العذاب بيناديك
بتبدا فى يومك حاجات بترازيك
فى نومك فى قومك تعكنن عليك
تضايقك ولسه العماص فى عينيك
مافيش ميه تشطف صابونه فى ايديك
وجسمك ملزق وريحتك عاديك
فتلبس وتنزل وفيك اللى فيك
ورايح لشغلك حتحتاج مواصله
ادى المترو واقف وكهربته فاصله
وفى الميكروباص خناقه وحاصله
اوتوبيس فرامله عايزالها وصله
وتوك توك ده تايه ومحتاج لبوصله
بتوصل لشغلك بدم اتحرق
فى زحمه وكتمه وحر وعرق
رئيسك سايبلك كومه ورق
ده غير دمغه ضايعه وملف اتسرق
وفى كام مواطن عامللك قلق
بيشكى تقول له روح اندعق
وعركه وهوجه وشاى اندلق
ومخك خلاص من الصداع اتفلق
هترجع لبيتك ده لو كان فى بيت
هتوصل هتندم ياريتك ماجيت
مراتك بتصرخ خلاص استويت
عيالك بتطلب وهات كيت وكيت
تزعق تهاتى ياناس اتهريت
ولاحد سامعك مهما هاتيت
عشان انت مصرى وده للاسف
فلازم تاسى تعيش تتقرف
وكل الاساسى فى حياتك ترف
فتنسى الكرامه وتنسى الشرف
وتسرق وتنصب او تنحرف
ودمعك بيجرى وجرحك نزف
مش انت اللى مصرى؟؟؟ جتك القرف

Just G!rl · منذ /02-27-2009, 06:49 PM

ايه يا عم كل ده علشان أنا مصريه

مش للدرجه

ميرسي يا محمد على التوبيك

عاشق الجمال · منذ /02-28-2009, 11:48 AM

جميل نقلك
للشاعر أحمد فؤاد نجم
وهو معروف بسخريته ونقده اللاذع
لكن أنا اختلف معاه ومعاك
معاه فى كتابته للقصيدة
ومعاك فى نقلك ليها
مش ممكن يكون ده المصرى
المصرى
أصيل
كريم
شهم
متدين

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
يلا علشان نضحك :	اهلاويه موت	نكت - طرائف - وناسة - فرفشة	2	06-09-2012 02:09 PM
يلا علشان مش ازعل!!!	مصرية وبحب بلدى	منتدى الترحيب بالاعضاء الجدد	16	01-13-2012 10:32 PM
مش ( علشان ) !	أبـكتنــى ذنوبــى	منتدى الاسلاميات والقرأن الكريم	9	12-23-2011 03:30 PM
مهم جدا علشان الامتحانات	bathem	مواضيع عامة - ثقافة عامة	11	06-07-2011 06:21 PM
علشان حببي	واد حبيب	قسم الخواطر - وهمس القوافى حصرى بقلم الأعضاء	14	07-04-2010 08:55 AM

الذين يشاهدون محتوى الموضوع الآن : 1 ( الأعضاء 0 والزوار 1)

..{ فع‘ــآآليـآآت المنتــدى }..

الإهداءات

علشان انت مصر

نكت - طرائف - وناسة - فرفشة