كل ماتحتاجه العروسه للاهتمام بجمالها بالصور والشرح(حمله تنشيط القسم)

[jasmean]

النهارده بقى فالموضوع ده هتكلم عن ادوات النظافة الشخصيه والميكاجات الا هتحاتجها العروسه ويارب ان شاء الله يكون موضوع مفيد ليكم كلكم

أضع لكي هذه القائمة التي تحتاجها كل عروس للاهتمام بجمالها.. وايضا من أرادت الزيادة فمن عندها

اولا:العنايه باظافر القدمين والايدين

اول حاجه هتكلم عنها المستلزمات المطلوبه للعنايه باظافر الايدين والقدمين

1- طقم البادكير ( مبرد -مقص - قصافه والخ )
وديه بيبقى ليها اشكال كتير ممكن بتكون مجمعه كلها فعلبه واحده او ممكن بقى تشتري كل حاجه لوحدها بس راي وعن تجربه احسن حاجه مجموعة الباديكر الاستاليس ومش بتبقى غاليه اوي بتبقى بحوالي 50 جنيه وانا جيبالكم الاشكال اهي علشان تعرفوا قصدي ايه وديه هتحتاجي منها واحده كفايه جدا

طبعا ديه المجموعه بتاعت الباديكر الا ستالس الا بقول عليها وهشرحلكم دلوقتي كل حاجه فيها هتعملي بيها ايه

من علا اليمين القصافه العجيبه و القصافه العاديه دول عادى قصى بيهم اظافرك

الاله اللى شبه الكماشه دى بتطلع الجلد اللى تحت الاظافر بالظبط وكمان بتدي الاظافر الشكل الدائري وبتتباع لوحدها فحدود 12 جنيه هي جميله جدا

المقس ده ينفع للحواجب او لاى غرض اخر

اللى بعده طبعا ملقاط عادي للحواجب او هتزيلى بيه شعر الاصابع

الناحيه التانيه من اليمين برضوا الاله الاولى الناحيه اللى فوق بتاعتها دى بتزقى بيها الجلد اللى على الاظافر و بيطلع عادى لاننا نقعينع فى الفازلين ساعتين طيب هوا كده اتكوم هنشيله اذااااااااى

الاله اللى بعدها على طول تحطى الجلد اللى ظهرلك ده بين السنين بتوعها هتلاقيه كله اتشال و بقيتى فله

الاله الابعدها برضوا للتنضيف حولين الاظافر

الا بعدها طبعا ده مبرد عادي لبرد الظوافر بالشكل الا ترغبي بيه وكمان علشان مش يبقى فيها خربشه او سنون طالعه

كده انا شرحتلك كل حاجه فيها بتعمل ايه احسن لما تجيبي كل حاجه لوحدها

ده شكل تاني من القصافه الكاريه بتاعت الظوافر لو هتجبيها لوحدها

- مفرق صوابع الارجل لوضع المناكير وعمل الباديكير

خصوصا الرجل علشان لما بتيجي تحطي المناكير ممكن من كتر لما الصوابع متقاربه من بعضها ممكن متعرفيش تحطي او ممكن الالوان تلزق فبعضها وهو غالبا مش غالي هتلاقيه في محلات 2.50 بيتباعوا كيس كده فيه اتنين او اكتر وساعات بيبعوا واحده انتي محتاجه على الاقل اتنين واحده لكل رجل مش اكترلانها بتعيش

ديه فكرتها بس بدل المناديل بتبقى مفرق الصوابع ده بيبقى احسن لانه بيبقى من الاسفنج فبيبقى اقوى من المناديل

3- القلم المبيض للاظافر
ده بيعمل على تبيض ماتحت الاظافر انا عن نفسي جربته ومش عجبني لقيته مش بيعمل فرق كبير وفيه ناس تانيه جربته قالت حلو وفيه منه طبعا الرخيص الا بيتباع في 2.50 ولا ليه اي لازمه وفيه من بيتباع في اورفيلام -ايفون مش جربته بالصراحه بس ممكن يكون حلووده هتحتاجي واحد بس مش اكتر لانه بيعقد كتير جدا

-حنة الاظافر (الاسود او النبيتي )
وديه احسن نوع الا هي حنة راني وديه حلوه اوي وفيه منها الاسود والنبيتي (الاهو البني المحمر ) وديه هتلاقيها فكل حته بتبيع ادوات مكياج ومش هتلاقيها غاليه غالبا سعرها ب 12 جنيه على مااعتقد وديه كفايه منها واحده بس لانها عبوه حلوه وبتعقد كتير

5-طقم فرنيش مناكير
وده بيبقى حلو اوووووووي وشيك موت جدا وهاتي مجموعه واحده كفايه جدا وهاتي نوع نضيف وغالبا بيكون في حدود 22 او اكتر وهتلاقي عند اي حد برضوا بيبع ادوات مكياج وكمان فاورفيلام وايفون
ولو هي غاليه عليكي خلاص هاتي ازاة مناكير ابيض مش الا هو الشفاف لا ابيض ابيض زي الكوريكتور كده وهاتي ازازتين مناكير شفافين الا هو مقوي الاظافر وعلشان تدي اللون الروز الخفيف ده كانت فيه هنا فتوكه عسوله كده قالتلي هاتي دم غزال من العطار مش كتير اوي وقالتلي يدوب تجطي منه نقطه كده براس الدبوس على ازازة المناكير الشفافه هيديكي اللون الروز الخفيف وممكن كمان تحطي من اللون الابيض نقطه او اتنين على ازازة المناكير الشفافه هتبقى تحفه جدا

-طلاء اظافر ملون(احمر -نبيتي - فوشيا حسب الرغبه )
هتجيبى معظم الالوان اللى تليق و اللى متليقش طب ليه

علشان شويه تحطيهم على اظافرك و شويه ترسمى بيهم(وممكن تجيبي مثلا الالوان الا انتي حابه ترسمي بيهم من الانواع الرخيصه من محلات 2.50 علشان مش معقول هتجيبي كله غالي حرام ) وفراي مش تكتري اوي برضوا لان عادة المناكير بينشف بسرعه

طيب اعرف منين المانيكير حلو او وحش حتى اذا كان رخيص او غالى ؟

(1) حطى المانيكير على ظافر واحد لو بقى مايه واحده و مفهوش اى خطوت من علامه الفرشه يبقى كده تمام و اهم حاجه تشتريش المانيكير الغليظ جيبى السائل لان التقيل ده بيكون قديم

(2) لو بعد ما نشف شويه لاقيتيه عمل فقاعات او خروم يبقى ردىء و غالبا ده بيحص فى الشفاف
(3) لو بعد ما نشف قشرتيه و طبع على الاظافر يبقى ردىء برده

طيب انا هعمل ده كله فى كل واحد ؟
لاء طبعا انتى هتجربى واحد بس طلع مفهوش اى عيب هاتى معظم الالوان من نفس الماركه

(ديه كانت نصيحه من فتوكه هنا فالمنتدى عسوله اوي وعجبتني فعلا فكرتها )
ومن الماركات الحلوه الا انا اعرفهاوكويسه جدا اماندا تحفه هو غالي شويه ب 18 بس حكايه وكمان المناكير بتاع اورفيلام وايفون حلوين

ماركة بريتي حلوه جدا ورخيصه ب 5 جنيه ديه كويسه وبتنزل الوان واشكال تحف

مانكير موينلا مط رهيب ب5 برضوا

6- مزيل لطلاء الاظافر ( اسيتون )
وهاتي النوع العادي خالص بلاش النوع الجديد الا طالع ده الا هو الاسيتون السحري ومهما كان غالي وحش جدا جدا والا في محالات 2.50 تحفه وانا بستخدمه على طول وجميل جدا ورخيص وهتحتاجي حوالي 2 بس كفايه

7- فرشة القدم ( لتمنع الرائحه والتعرق وتعطي شكلا جميلا لقدمك )

بيكون طبعا زي مااحنا شايفين كده اربع جاهات
الفرشه دى بتنضف الرجل جدا من اى اوساخ خصوصا الاظافر بتاعت الرجل كما موضح فالصوره

لمبشره دى علشان تعملى بيها رجلك من تحت علشان لو فيه جلد ميت ولا حاجه بتبقى جميله جدا واحلى من الموس لان الموس لما بتعمليه مره خلاص مش بتقدري تستغني عنه لانه فعلا بيكتر الجلد الميت فيفضل عدم استخدامه

و الحجر طبعا للكعب

و الحجر الابيض ده تصنفرى بيه جسمك بالشاور لو مستعجله بيخلى الجسم ناااااااااااعم اوووووووووووى بس خالى بالكم من ناحيه الديكولتيه ( اللى تحت الرقبه و قبل الصدر ) علشان دى بتبقى العظم واضح فيها فممكن يجرحلك المنطقه دى

هتحتاجي واحده بس وديه هتلاقيها في محلات 2.50 حلوه وانا جربتها شخصيا جميله جدا وهتلاقي بيبيعوا كل واحده فيهم لوحدها بس على ايه هاتي الاهي فيها كل حاجه اوفر وحلوه واسرع ومش هتبقى كركبه كتير

يتبع ،،،،،،،،،،،،،،،

[jasmean]

8- متنسوش يابنات الحجر الخفاف مهم اووووووي
وده هتحتاجي منه واحد او اتنين بالكتير اووي وفيه انواع الاسود والا هو ابيض زي الصور كده وده طبعا بيكون مهم علشان تنعيم كعب الرجل لانه بيفيد في ازالة القشر الميت والتشققات واحسن نوع من الاحجار الخففه هتلاقيه بيتباع عند العطار ومش غالي غالبا بيبقى 2جنيه او اقل كمان

والنوع ده بيكون فالصيدليه لكن مش عارفه سعره كام بس مش غالي برضوا اوي

9- بودرة تلك + كريم مرطب للقدم وفيه انواع كتير في اورفلايم و ماي واي

هاتي مجموعه واحده كفايه اوي وبتبقى حلوه جدا خصوصا الكريم المرطب مهم جدا علشان كعب رجلك على طول يكون ناعم وكمان ريحة رجلك مهمه جدا وسعرهم مش غالي وماي واي انا جربت المجموعه بتاعتهم حلوه

10- ده بقى الروج السحري

ممكن يابنات انا شفت الكوافيره بعد لما بتعمل البديكر فالرجل بتقوم ماسكه الروج ده وبتعمله فكعب الرجل علشان يبقى لونه احمرهاتي واحد او اتنين وده هتلاقي فمحلات 2.50 هاتي منه حلو وسعره ارخص من اي مكان تاني

خلااااااص خلصت هوا فيه لسه كتير بس انا مش قادره
باااااااااااي

[the moon]

جميل جدا
روعه
تسلم ايديكي يا قمر

[E7SsAs]

mohem awe elmawdo3 dah a7la takeem we tasbeet esboo3

[زهره الشتاء]

تسلم الايآدى ياقمر ع الطرح الجميل والمهم
بحاول اجرب من دلوقتى بس الفشل موجود*_*
يعطيك الف عافيه لطرحك القيم
ف انتظار المزيد
دمتى بخير

[jasmean]

اقتباس المشاركة الأصلية كتبت بواسطة e7ssas mohem awe elmawdo3 dah a7la takeem we tasbeet esboo3

اقتباس المشاركة الأصلية كتبت بواسطة زهره الشتاء تسلم الايآدى ياقمر ع الطرح الجميل والمهم بحاول اجرب من دلوقتى بس الفشل موجود*_* يعطيك الف عافيه لطرحك القيم ف انتظار المزيد دمتى بخير

شكرااااااااااااااااااااااااااااااااااا ياقمرااااااااااااااات
وشكرا علي التثبيت

[jasmean]

اقتباس المشاركة الأصلية كتبت بواسطة ساره سليم جميل جدا روعه تسلم ايديكي يا قمر

شكراااااااااااااااااااااااا ياقمر
















شكرا لمرورك

[jasmean]

الووووووووووووووو رحتوا فين

[سارة بنت مصر]

مشكوووووور والله يعطيك الف عافيه