حلقات برنامج ( لو )

[noga cat]

حلوه كتير الحلقه دى فعلا مميزه
فى انتظار الحلقات القادمه انشاء الله
يسلمووو ع البرنامج الاكثر من رائع

[morshooo]

بسم الله الرحمن الرحيم وانا صغير مكنتش بحب السمك وكان لو فى البيت ريحه سمك مكنتش بقعد فى البيت وكان دائما والدى ووالدتى ( رحمها الله ) يقولولى مفيش حاجا اسمها بحب ومبحبش لانك معرض فى اى وقت تاكل اى حاجا مكنتش بهتم بكلامهم اوى بصراحه بس فى يوم كنا فى رمضان ومعزومين عند واحد صاحب والدى وكان عندى وقتها تقريبا 12 سنه وطبعا الواحد كان بيصوم بالعافيه اصلا وبالصدفه العزومه كانت على ( سمك :079: ) انا اتصدمت بس كنت جعان جدا فأكلت غصب عنى ووالدى كان مستغرب جدا وبيبصلى ويضحك من تحت لتحت فقالى بعديها مش قولتلك انك معرض تأكل اى حاجا فى اى وقت :biggrin: النهاردة هتكون حلقه جديدة من برنامجكم ( لـــــو ) مع العضوة القديمه الحديثه :079: ياسمينااا تعالو نشوف المواقف الى اتحطط فيها ونشوف ردها كان ايه عليها لـــــو تم ارسال رساله خاصه من عضو اول مرة تاخدى بالك منه وبيقول انا معجب بيكى هتعملى ايه ؟ هقوله انا متزوجه وعندي طفلين يوسف ومحمد وياريت نكون اخوات واصحاب 2 - اتبعتلك رساله من الادارة بتقولك مبروك بقيتى مراقبه عامه وانتى عارفا انك غير متواجدة بالمنتدى بقالك فترة كبيرة . طبعا هستغرب اوي ازاي اكون مراقبه عامه وانا بقالي فتره كبيره غير متواجده بس طبعا ماهصدق يعني ولا هسال ازاي دا حصل ولا ليه 3 - اتعاملتى مع عضوة بالمنتدى وبتراسلو بعض بقالكم فترة واخدو ايميلات بعض واتضح انها ولد . دا حصل معايا بس عرفت اول مره ما اتكلمنا علي الايميل عشان اكيد هعرف من طريقه الكلام هقوله لي عملت كدا ومش كلمته تاني وهبلغ عنه الاداره عشان مش يعمل كدا مع اي حد من الاعضاء 4 - نزلتى موضوع مهم جدا واتوقعتى نجاحه وبعد يومين دخلتى ملقتيش والا رد هتعملى ايه . طبعا هبقي مضايقه جدااابس اكيد هعمل موضوع تاني وهيبقي احلي منه ومش هياس علي طول كده (لا ياس مع الحياه ولا حياه مع الياس) 5 - نزلتى توبيك ولقيتى شخص واحد رد وقالك الموضوع مالوش اهميه كبيرة وموضوع ضعيف . هحترم رايه ادام مش فيه حد رد علي التوبيك غيره يبقي ممكن التوبيك فعلايكون مش له اهميه كبيره وادور علي موضوع تاني يكون مهم بالنسبه للاعضاء وانزله 6 - طلبتى انك تبقى مشرفه هتختارى قسم ايه وليه واول قرار هتاخديه هيكون عبارة عن ايه . موضوع اني ابقي مشرفه دا مش علي بالي خالص بس لو هختار ممكن اختار منتدي المواضيع العامه عشان بحب ادخله اسئله شخصيه 1 - لقيتى شخص بيتصل بيكى كل يوم ولكن من ارقام مختلفه وبيقولك انا ( بحبك ) حصلت معايا قبل كده ومن ساعتها مش بقيت ارد علي اي رقم مش اعرفه 2 - فجأة ملقتيش اولادك معاكى فى الشقه . يالهوي لي راحو فين العفريت كلهم ولا اي هدور عليهم لغيت لما الاقيهم 3 - حسيتى ان جوزك متغير من ناحيتك بتتصرفى ازاى هتكلم معاه وهحاول اعرف اي السبب وهحاول اغيره 4 - حسيتى ان صديقتك بتغير منك ممكن تعملى ايه هعمل نفسي مش وخده بالي وكبر دماغي 5 - راكبه ميكروباص وابنك الصغير نازل عياط عياط لدرجه ان الركاب زهقو منك انتى وابنك :079: هتعملى ايه . هرميه من الشباك :biggrin: عشان انا كمان هكون ذهقت زيهم هنزل وامري الي الله عشان اهديه وبعد كده ابقي اركب تاني 6 - والدك او والدتك طلبت منك حاجا وانتى اصلا مبتحبيش الحاجا دى ومستحيل تعمليها . هحاول اقنعهم اني مش هقدر اعمل الحاجه دي لاني مش مقتنعه بيها وان شاء الله يقتنعو بكلامي 7 - روحتى عزومه عند اهل جوزك ولقيتى عاملين اكل انتى مش بتحبيه والا حتى حابه ريحته هتعملى ايه . طبعا دا مش هيحصل لاني انا قعده في نفس البيت مع اهل زوجي بس لو حصل في يوم من الايام هاكل يوسف وهحسسهم اني باكل انا كمان ولو حد خد باله هقول اني تعبانه ومش قادره اكل 8 - قالولك قيمى التوبيك دا هتقيمه ازاى :biggrin: توبيك بجد جنان رائع وخفيف وظريف يارب تكون ردودي عجبتكم وميرسي يا احمد علي اختيارك ليا وبكدا بتنتهى حلقتنا انتظرونى ومواقف جديدة مع ضيفـــ / ـــه جداد اوعو تروحو اى توبيك تانى :079: تحياتى morshooo

[الرحــاال المٌتَمرد]

حلقه جميله
مع ضيفه مميزه
واجباتك صريحه وبتعبر عن شخصيه مرحه
اتمنالها كل التوفيق والنجاح
ويسلموا يا مورشو على لو ...
ومزيد من التميز

[الأميرة رودي]

حلقه جميله جداا

وردود أجمل من شخصيه الكل بيحبها ويحترمها

ربنا يخليك أولادكم ياقمر ويهديلك الحال

اختيار رائع مورشو

ف انتظار ضيوفك الكرام

[واد حبيب]

كعاده يا مروشو حلقاتك متميزه جدااااااااااا

والضيفه بسم الله ما شاء الله اجابتها جميله

بتوفيق دايما ان شاء الله

الحبيب

[نقوش على صفحات الورد]

حلقه خفيفه ورائعه
كل تقديري

[░▒▓ MusliMA ▓▒░]

حلقة جميلة واختيار رائع منك لعضوة مرحة تستحق كل تقدير
مشكور لدعوتك لى
وبالتوفيق دوما باذن الله

[الروح أرق من الندى]

حلوه اوي الحلقه تسلم ايديك ع المجهود

وعضوه مميزه اجابتها جميله جدا ودمها خفيف

تقبلوا مروري ارق تحياتي

[الحان الورد]

حلقة جميلة وخفيفــة
نورتي يا ياسمينـآ ، وتسلم مورشو ع المجهود

[the moon]

حلقة جميلة اوي
وبجد الضيفة دي زي العسل
وام بجد عسولة