حلقات برنامج ( لو )

[morshooo]

بسم الله الرحمن الرحيم

اهلا ومرحبا بكم وأولى حلقات برنامجكم ( لـــــو ) كلنا بنشوف مواقف بتحصل قدامنا ممكن واحد صحبك يحصل معاة موقف فيجى يحكهولك بتقعد تضحك عليه وممكن تقوله ياعم دا انا ( لـــــو ) مكانك كنت عملت كذا وكذا وكذا . من ضمن المواقف دى كان ليا واحد صحبى حصل معاة موقف فجيه قالى عليه كان موقف حصل معاة فى الشارع وكان عربيه دخلت فى عربيته فلما حكالى على تصرفه قولتله انتا غلطان دا انا ( لـــــو ) منك كنت عملت كذا وكذا وكذا . بعد فترة حصلى نفس الموقف او مشابه ليه فكان رد فعلى نفس رد فعله فافتكرت الموقف وكمان افتكرت الكلام الى قولتهوله ساعتها لقيت انى منفذتش اى حاجا من الى قولتله عليه ولقيت ان رد فعله كان طبيعى جدا لانه نفس رد فعلى :079:. البرنامج هيبقى عبارة عن مواقف ممكن تحصلنا فى اى وقت فالمطلوب من ضيفى انه يعرفنا ( لـــــو ) حصل معاة المواقف دى هيعمل ايه هنحاول نركز شويع على المنتدى فى المواقف ونشوف الاعضاء هتقول ايه . معايا النهاردة المتميز / رحال بلا عنوان تعالو نشوف المواقف ايه وهو ( لــــــو ) اتحط فى المواقف دى هيتصرف اذاى لـــــــــــو استر ياربنــــا 1 - كنت مشرف القسم العام ايه اول قرار هتاخدة اهتم بتحفيز الاعضاء والغى ال 50 موضوع المثبتين من عصر ماقبل الميلاد دول واثبت الموضوعات الجديده اللى تستحق التثبيت واتابع بشكل مستمر وانقل الموضوعات للاقسام المناسبه لها 2 - قالولك اختار قسم تشرف عليه هتختار قسم ايه ؟ وليه ؟ قسم ابداعات الاعضاء .... ليه لان القسم الاهم بالنسبالى ... بصفتى كاتب على قده يعنى بالاضافه ان القسم محتاج مجهود اكبر واكتر من كدا علشان يكون له مردوده المناسب (وموش عوزين مشرفين القسم يزعلوا) لكن الاقسام الادبيه تكون رقم 1 فى كل المنتديات ... هنا مش رقم 1 والمسئوليه بتقع على القائمين على الاقسام بتحفيز الاعضاء واقامه مسابقه بشكل منظم ومستمر 3 - اتبعتلك رساله خاصه من مدير المنتدى بسبب انك بعت لعضوة معانا فى المنتدى رساله غزل وحب هيبقى رد فعلك ايه .؟ اولا يا بوب دا عمره ما يحصل .... لان كل اللى هنا اخواتى وانا بحترمهم جميعا ثانيا انا اصلا موش بعرف اغازل ..(علمنى واكسب فيا ثواب) كككككككك ..... بس لو فرضنا يعنى ... اكيد استاهل اللى يجرالى طالما حطيت نفسى فى موقف زى دا ... 4 - لقيت بنت من المنتدى بعتالك رساله خاصه بتقولك انا معجبه بمواضيعك واتمنى اتعرف عليك اكتر هتتصرف ازاى ؟ معجبه بمواضيعى .. ممممممم انا ليا حدود عموما فى اى تعارف بالاضافه ان كل الناس عندى لا تتعدى حدود الاخوه والصداقه وطالما انا عندى مبدء .. معنديش مشكله انى اتعرف ... 5 - بقيت أدارى ايه اول قرار هتاخدة بخصوص المنتدى؟ هوقفك يا مورشو خميس وجمعه من كل اسبوع ههههههههه فى الحقيقه المنتدى هنا تمام اوى بالنسبه للاداره لكن ماعندهمش سرعه استجابه للطلبات ...(بيقولوا ان الطلبات كتير ) عموما نلتمس لهم الاعزار ... لكن انا ههتم بالمنتدى اكتر واكتر .. وعلى حسب الاولويات عندى هشتغل ... والمشرفين اللى بنسمع عنهم فى الحواديت دول (بقالنا شهور ماشفناهم ) هطيرهم واحط مشرفين موجودين بشكل مناسب والاقسام اللى ملهاش مشرفين اصلا هحط عليها مشرفين علشان كل اقسام المنتدى تكون شغاله بشكل كويس 6 - طلبو منك تختار العضو المجتهد واد حبيب & غزاويه وافتخر & ساحر الاحزان & دمعه حائره & شاعره الرومانسيه & lost pearl & ملكه الهدوء .. ومعظم الاعضاء مجتهدين الحقيقه ... العضو المثالى شاعر الاحساس & طائر الشرق & السفيره عزيزه &قلم بلا حبر & ناصر عبده &د/ سما والحقيقه معظم الاعضاء هنا زوق واخلاق واحترام العضو المتميز بأفكارة اسلامبولى.. متمرده .. القلب الصامت .. ماتركس ..dr.pharma عضو يستحق التكريم مممممم دى رؤيه الاداره وانا معرفش تقييمهم او تكريمهم بيكون بناءا على ايه بس فى اعضاء كتير ماشاء الله ليهم مجهود بقايا انثى .. بنت المختار ... الروح ارق من الندى .. شاعر الاحساس .. مهندسه بغداد ... واعضاء كتير موش عاوز انسى حد الحقيقه 7 - بقيت مشرف قسم النقاش والحوار العام ايه الى هتفكر فيه فى القسم؟ قسم النققاس والحوار ... من الاقسام المهمه محتاجه مجهود اكتر من المشرفين والمراقبين ... اولا موضوعات بنتزل مش مناسبه ... وبيحصل كما تجاوز بعض الاحيان .... والقسم مش فى مكانه الطبيعى بين اقسام المنتدى ... 8 - حد من المنتدى طلب يقابلك خاصه لو بنت هتقولها ايه ؟ مقدرش احكم على موقف انا ما اتحطتش فيه ... لكن وقتها معرفش ممكن اتصرف ازاى الحقيقه ... لان حصل مره صدفه قابلت ناس مسجلين معايا ف منتديات .. لكن كنت اعرفهم اصلا قبل ما يسجلوا ف المنتدى ... كانوا زميلى ف الكليه ... 9 - حد دخل موضوع ليك وقالك الموضوع مش مهم ومفيهوش جديد وسيىء ؟؟ لو بنفس الاسلوب دا هقدم فيه شكوى طبعا .. لكن لو اتكلم فيما معانا باسلوب مهذب .. وقتها هيكون الرد بنفس الاسلوب ... لانى اخر انسان ممكن يفرط ف حقه ... او انى اسمح لحد يجرح مشاعرى ... دول 5 اسئله خارج المنتدى لـــــو 10 - رقم بعتلك رساله مكتوب فيها ( بحبك ) وكل لما تتصل بالرقم تسمعك اغانى :biggrin: تفكيرك هيروح لفين اكذب عليك لو قولت انى مش هتصل .... لانى فضولى شويه .. تفكيرى هيروح مشوار لحد مطروح كدا وموش هيرجع .. هههههههههه ابدا بس اكيد مش ههتم بالموضوع واديله ازيد من حجمه ... واحده معجبه بشخص صعب انه ينجرف فى مثل هذه الحركات (حلوه ينجرف دييد) ؟؟ 11 - وانتا ماشى عادى جدا عربيه عدت من جنبك وظبطتك مياة انتا وبنت زميلتك هتعمل ايه ؟؟ وانا ايه اللى يخليكى امشى مع واحد زميلى ف الشارع اصلا ... اولا انا خلصت كليه الحمد لله مابقاش ف زملاء خاااالص ... ثانيا حتى لما كنت ف الكليه الزملا زملاء .... اخرهم محيط الجامعه .. لكن لو كنت مثلا ماشى مع حد من قرايبى ودا حصل .... موش هجرى واه يعنى .. والحقيقه الموقف دا محصلش قبل كدا ابدا .. والا كنت قولتلك انا عملت ايه وقتها ... 12 - كنت راكب الباص ومشغل اغنيه شعبى ومعلى الكاسيت على الاخر وقولتله وطى شويه ياعم قالك مش عاجبك انزل هتعمل ايه؟ شعبــــــى ... تؤتؤتؤتؤ انا موش بسمع شعبى ابدا ... ودايما معايا الاي بوت لما بكون فى اى باااص ..(ع ماحدش يسمع اللى بسمعه) وبعدين ايه المواقف المحرجه دى يابنى انت قاااصد تدبسنى وخلاص... انا مبحطش نفسى فى موقف محرج ... وبخلى بالى من تصرفاتى كويس 13 - اقرب صديق ليك عرفت انه بيحب البنت الى قولتله عليها انك بتحبها ومعجب يها .؟ انا معنديش غير صديق واحد بس ... وهو لايمكن يعمل كدا لكن لو حصل موقف زى دا ... لا هيكون صديقى ولا اعرفه ... ولو هى استجابت ليه ... بالسلاااااااامه هى كمان ....(بس مين هى دييد؟) 14 - شوفت بنت الجيران ماشيه مع شاب بس اهلها مايعرفوش وانتا اتاكد انهم مش عارفين .؟ هروح ابلغ عنها هههههههههههه ... انت عاوزنى افتن .... واروح مارينا ولا ايه ؟ لا انا هعمل نفسى هندى وكانى مااعرفهاش ... واخليها ف حالها وانا ف حالى وربنا يحفظ اخواتنا 15 - قالولك قيم الموضوع دا هتقيمه ازاى :biggrin: موضوع فى اسئله كويسه فعلا انا استمتع بيها واتشرفت بالاستضافه الجميله مع احد اعمده المنتدى واتمنى انى اكون وفقت ف الاجابه واكون ضيف خفيف عليكم واتمنالك كل التوفيق يا مورشو وبكدا بتنتهى اول حلقه انتظرونى ومواقف جديدة مع ضيفـــ / ـــه جداد اوعو تروحو اى توبيك تانى :079: تحياتى morshooo

[مشتاقه للجنه]

لو لو لو .... برنامج حلو يا مورشو كما عودتنى دائما

وأستضافه رائعه

دوام التوفيق

[سَـلمَى]

هههههههههه والله أيمن دهـ عآآيش حيآتهـ مآشآء الله
بجد إستضآفهـ حلوة يآمروشو
وإجبآآت جميلهـ يآ أيمن
ومنووور أخر أربعين حآجهـ
ومشآء الله أنآ شآيفهـ إن الاسئلهـ أغلبهآ بتتكلم عن البنآت
هههه طيب لمآ نشوف لو إستضآفت بنت هتكون الاسئلة إزآآي ^_*
تشكر عل الحلقهـ الكميلهـ دي
ومنتظرين ال بعديهآ ^^

[حنـــــون]

حلقه جميله جدا يااحمد
وفكره الموضوع لطيفه جدا
استضافه مميزه لعضو بجد نشيط
نورت الحلقه يارحال ^^
منتظرين باقى الحلقات

[Iѕlαм Ч 3αlαм]

برنامج فكرته حلوة
وحلقة جميلة وممتعة
وربنا يوفق الجميع
وتكونوا دايما × احسن حال
تقبلوا خالص تقديرى

[Lost Pearl]

اقتباس 6 - طلبو منك تختار العضو المجتهد واد حبيب & غزاويه وافتخر & ساحر الاحزان & دمعه حائره & شاعره الرومانسيه & lost pearl & ملكه الهدوء ..

تسلم يا رحال
ليا الشرف اني ابقي من الناس اللي تختارهم
و كمان اني ابقي مع الناس الجميلة دي

تسلم ايديك يا احمد حلقة جميلة اوي بجد

و رحال اجاباتك جميلة و منطقية
و ربنا يرزقك و ماتبقاش ((مين ديييد؟؟))
d:

تحياتي ليكو بجد علي البرنامج الجميل و الاستضافة الجميلة
فكرة حلوة يا احمد
و تم التقييم

[DR.SMA]

حلوة البدايه جدا بجد
تسلم يا احمد اسئله جديده وتوبيك فكرته مختلفه
كان بقاله فرته ونسيناه
اعلنت عنه ومنفذتوش )
منور رحال بلا عنوان
اجاباتك جميله والله
وشكرا رحال على كلامك
اخجلتمونا فعلا :445:
الحلقه بشكل عام تستحق التقييم
تسلمو ,,

[بنت المختار]

لـــــــــو
فكرته حلوة وخفيفة
والضيف كمان مميز بتواجدة وايجاباته
رحال بلا عنوان
عجبتني هاي هعمل نفسي كإني هندي ولا اعرفها
وفعلا ربنا يستر ع بنات الحلال


مورشو
دائما متجدد بالجديد المميز
جاري التقييم طبعا
يسلمووووووووووووو

[fankosha]

فكرة البرنامج جديدة
وحلوة
والاسئلة لذيذة
نورت رحال بلا عنوان الحلقة
ميرسى مورشو على الحلقة الجميلة

[الرحــاال المٌتَمرد]

اقتباس المشاركة الأصلية كتبت بواسطة مشتاقه للجنه لو لو لو .... برنامج حلو يا مورشو كما عودتنى دائما وأستضافه رائعه دوام التوفيق

مشتاقه للجنــه ... نورتينا والله
شكرا لمرورك الغالى
وبالتوفيق ان شاء الله