رأيكم يهمنا

[مِسكُ الشَهادة]

كلنا نشاهد هذة الفترة الجدل الذي يغمر الشارع المصري حول ترشح اللواء عمر سليمان والفريق أحمد شفيق و السيد عمرو موسى للإنتخابات الرئاسية القادمة تحت شعار لا للفلول اي لا لكل شخص كان له صلة وثيقة بالنظام السابق وجاء ذلك بعد دعوة من بعض النواب في مجلس الشعب وع راسهم النائب عصام سلطان الذي تقدم بطلب يحظر مشاركتهم السياسية لمدة لا تقل عن عشر سنوات فهل انت مع ترشحهم ام لا وبماذا تفسر وضع قانون يحقق ذلك هل هو اقصاء سياسي ام عقاب بسيط لما كان في الفترة السابقة رايكم يهمنا

[الأميرة رودي]

من حق الكل يترشح ويسيبو الشعب يختار
بس بدون ضغوط وكلآم من هنا وهناك
والكل عارف اننا فى مرحله صعبه ومحتاجين ايد قويه تعدى بنا الفتره دى
اللى اتذكرو واللى هما من النظام السابق مش ملوثين بالشكل الكبير زى النظام نفسه

وانا من رأيى انه من حق الجميع فى الترشيح وهى دي أصول الديمقراطيه اللى بنادى بيها من زمان
وطالما هيكون فيه نزاهه ف الانتخابات ومابقاش فيه تزوير زى زمان يبقى اكيد اللى هينجح هيكون الآحق لآنه باختيار شعبي بحت..
وفى الاول وف الاخر مفيش افضل من عبد المنعم ابو الفتوح للمرحله الجايه

تسلم ياخالد ع الاستفتاء
وفرصه نعرف أراء بقيت الآعضــاء

[نسيتك وبادعيلك]

لقد تأخرت الثورة كثيرا فى محاكمة هؤلاء للأسف
بعدما شغلت فى صراعات جانبية مخططة بين اطيافها
لتنصرف عن انجاز اهدافها ومازالت حتى الان محاولات شرذمتها قائمة على قدم وساق
لتتناحر وتتطاحن ويقصى بعضها بعضا سواء بجهل او علم بدلا من التوحد الان على هدف واحد
وترك الخلافات جانبا.
ان هؤلاء مكانهم الطبيعى الان كان السجون وليس الترشح فشفيق وسليمان مسئولا ن عن قتل الثوار
فى كل ايام الثورة لانهما كانا المنفذين لخطط مبارك وليست موقعة الجمل لتغيب عن الاذهان والدماء الطاهرة التى اريقت عند محمد محمود ومجلس الوزراء وماسبيرو ووزارة الداخلية الا بأيدى هؤلاء اللذين
يديرون اللهو الخفى بمباركة العسكرى. لكنهم لا يعلمون ان الله فوق الجميع وهو سبحانة يدبر الامر
وسينفذ مايريد لامايريدوا والايام ستثبت ذلك.

[مِسكُ الشَهادة]

أختي الغالية الأميرة رودي

أخي الحبيب نسيتك وأدعيلك

أشكركم لمروركم الرائع والمميز
ولوجهات النظر الشخصية التي نحترمها دوما ً

ولكي أستغل الفرصة وأعرض وجهة نظري كعضو:_


أنا بكل تأكيد ضد ترشحهم ومع قانون عادل يمنع ذلك

لان هؤلاء لم يفسدوا الحياة السياسية فحسب
بل افسدو ا كل نواحي الحياة الاجتماعية والثقافية
والدينية
هؤلاء لم يكونوا جزء من النظام فحسب
بل كانوا ادوات تنفيذية له ولقوانينه التي
بطشت بالكثرين وصنعت في معظم البيوت
الم وحسرة وفراق
شعبنا المصري صنع ثورة عظيمة ليتخلص
من النظام الذي فتك ببلادنا واهلها
فهل نرضى بعد كل ذلك ترشحهم

عمرو سليمان كان رمزا كبيرا في النظام السابق
وان عاد فلا تحسبوا ان ثورة في مصر قد قامت

بالطبع هذة وجهة نظري الشخصية وكل التقدير
لمروركم اخوتي ولكل وجهات النظر

[أتعبنى الفراق]

السلامة عليكم ورحمة الله وبركاته اخي مسك الشهادة

لك ارق التحايا علي هذه الفكرة الرائعه وفعلا موضوع

يستحق وقفه انا من وجهة نظري من حقهم يترشحوا

احنا بعد الثورة عندنا حرية وفكر والشعب من حقة يختار

اللي يعجبة تم التصويت تحيااااااااااتي اخي مع التقييم

[laroz]

بصراحه أنا ضد ترشح نظام السابق ولازم يطلع قانون يمنع ترشحهم لأن الناس الماتت فى أحداث الثوره كل النظام السابق مشترك فى قتلهم أنا ضد تدخل الدين فى السياسه والتاثير على الناس من خلال الدين أنا ضد كل واحد إترشح وليه مطامع فى السلطه كل ما أسال حد إنتا هاترشح مين يقولى انا مش هارشح حد كلوا فقد الثقه فى المرشحين بصراحه انا حاسه إن الإنتخابات مش هاتبقى نزيهه وإن الكوسه الى على أيام مبارك بدات ترجع تانى

[S n i p e R]

تم التصويت

لا للفلول

[mīĐŏ ǺĻ ƒâηâη]

تم التصويت

[مِسكُ الشَهادة]

ربنا يجزيكم كل خير لمروركم المشرف والله
سعدنا بوجودكم ووجهات نظركم التي نحترمها دوما
ربنا يحفظكم يا رب

[غريـب ألأطـوآر]

مع احترامى لكل اللى قال ان من حقهم يترشحو

بس وجهة نظرهم خاطئة مع استنادهم ان هيا ديه الديموقراطية


اولا احب اقول لكل اللى قال ان من حقهم يترشحو حاجه

احنا لسه مش فى المرحلة الانتقالية ولا المرحلة المستقرة احنا فى مرحلة الثورة حتى الان

والناس ديه زى عمر سليمان وشفيق وامثالهم مافسدوش الحياة السياسية وبس دول كانو بيعزبو شعبنا وبيفقرونا وبيقتلونا وكانوو بيعاملو الشعب على انه غنم حد يقبل ان حد يعامله معاملة العبيد ويجى يقولى نسيبهم هيا ديه الديموقراطية لا ديه كده تبقى ظلم وقلة حيلة والحق ع الثوار من البداية انهم مدبحوش الناس ديه وشنقوهم

زى ما كانو بيغتصبو المصريين رجالة وحريم فى المعتقالات وامن الدولة والمخابرات كمان كانو بيغتصبو وبيعزبو وبينتهكو اعراض وبيقتلو وكانو بيعملو كل شى فظيع دول مش بنادمين دول شياطين الانس ووجودهم وترشحهم للرئاسة كارثة

عمر سليمان ده لو اتمكن من الرئاسة وبقى رئيس قول على كل حاجه يا رحمن يا رحيم هينتقم لسيده وربه مبارك

لان الراجل ده بيوقر مبارك لدرجة العبادة لانه ميعرفش ربنا اساسا ده انسان اتربى ع القتل وهتك العرض والافساد فى كل مناحى الحياة باى عقل وباى منطق نقبل بعد ثورة عظيمة شهد بيها العالم ان كلب زى ده يبقى رئيسنا

ولا احنا خلاص اخدنا ع الكرباج والاهانة خلاص اخدنا ع العبودية مش قادرين نبقى كرام لينا كرامة وعزة نفس مش قادرين ع الابداع

لا اله الا الله ع العقول حاجه بجد تحزن عموما ديه وجهة نظرى وشكرا لصاحب الموضوع ولا لعمر سليمان ولا لشفيق وكمان لا لخيرت الشاطر ولا لحازم صلاح كل دول مينفعوش يبقو روئساء جمهورية

سليمان ومعروف ليه خيرت لان الاخوان مسيطرين ع البرلمان وع الموسسات زى التعليم وغيره وكمان الرئاسة يبقى مين هيحاسب مين لا برلمان هيحاسب الرئيس ولا رئيس هيطعن ع البرلمان ويقف قدامه وهتبقى مملكة للاخوان
والاخوان بيرجعو فى كلامهم ومن قديم الازل يعنى ناس مش اهل للثقة المطلقة يتخاف منهم

وللعلم الثقة المطلقة غباء وكارثة وحازم بقا مينفعش كمان لان الرئيس رئيس كل المصريين لا سنين ولا مسيحين ولا شغل طوائف تعبنا والشيوخ مكانها المساجد والدروس مش مكانها الرئاسة

وشكرا لصاحب الموضوع

وخير من يمثل كتير

فيه المستشار البسطويسى راجل نزيه ونضيف
وعبد المنعم ابو الفتوح راجل زكى ومش سهل وبرده نضيف
وفيه حمدين صباحى راجل اشتراكى ناصرى وبرده نضيف


وشكرا