ماسكات لنضارة البشرة .. خلاصة تجاربى هنااااا ..

[.نبض القلوب.]

صباح ومساء الخير على عيونكم والله أنا كنت فاضية خلصت اللى ورايا وقولت ادخل اعمل حاجة فى المنتدى :biggrin: لقيت كل حاجة انا بعملها لنفسى فى دماغى قولت اكتبهم لكم بصوا بقى يا حلوين انا هقول لكم الحاجات اللى بعملها للحصول على بشرة نضرة ولامعة انا هقول لكم بالظبط اول حاجة ماء الورد هاتى قطعة من القطن وبلليها بماء ورد وامسحى وجهك كررى الموضوع دا فى الصبح وبالليل او حتى كل ما تغسلى وجهك هتحسى ان بشرتك رطبة تانى حاجة ماسك الموز دا بقى تجيبى موزة وتهرسيها خااااااااااااالص وحطيه على وجهك وسيبيه نص ساعة بس مش تتخضى لما تبصى فى المراية :762: عشان طبعا لون الموز هيتغير :669: طبعا اغسلى وجهك بماء فاتر هتلاحظى ان البشرة بقيت نضرة ولامعة وكمان متفتحة خاااااااااااالص تالت حاجة برضو ماسك ماء الورد لبن بودرة .. لبن نيدو .. احنا مش بنعمل دعاية يا جماعة :biggrin: هههههههههه ومعلقة من ماء ورد واخلطيهم وضعيهم ع الوجه بعد ربع ساعة امسحى وجهك بماء ورد مش تغسلى وشك لالالا امسحيه بماء ورد بالقطن طبعا اخر حاجة بقى ماسك الدقيق مسك يتكون من ليمون ودقيق ولبن .. هنعمل عجينة ههههههههه .. نخلطهم مع بعض وتوضع على الوجه بشكل دائرى او فى اتجاه واحد وبعد ربع ساعة اغسلى وجهك بماء فاتر هتحصلى على بشرة نضرة ماشالله ولامعة ومتفتحة اهى الحاجات دى بعملها لما الغزالة تبقى رايقة :biggrin: انا جربتها وقولت اقول لكم مساكم ونهاركم سعيــــــــــــــــــد

[دمعه حائره]

هههههههه
موز ودقيق لالالا نبض الموضوع كبير خالص
وانا مش قد الحاجات دى وبجوع بسرعه
يسلمو ياقمر وصفات جميله
مانتحرمش منك