ليه الشباب بقت كدة حد يقولى

[dolcy dolly]

انا حبيت واحد اوووووى بجد مش قادرة استغنى عنه ابدااا وهو كمان حبنى اوووى

فى يوم لقيت كلامى معاه موجود مع اصحابه بجد اتصدمت اوووووى

مش عارفة اشيله من قلبى وتعبت بجد اعمل ايه ساعدونى

وليه الشباب بقت كدة بيستغلو مشاعر البنات

رغم اللى عمله معايا ده للاسف لسة بحبه انا هتجنن ازاى قلبى لسة بيحبه
:sml4::yuck::sml4:

[Mo7aMaD 3aLa2]

تـــم النقل لقسم فضفضة الاعضاء

ومعلش هقولك الشباب بقت كدة عشان البنات مبتعرفش تميز

هو انتى بتختارى واحد اخلاقة مش تمام وبعدين تقولى هو لية الشباب بقت كدة!!

دة كان اختيارك ولازم تتحملى نتيجة اختياركـ وتحكمى عقلك مش قلبكـ

غير كدة هتقعى معاه كل شوية فـ مشكلة اكبر من اللى قبلها

..

[روح صامتة]

انتي شكلك كده مفيش حد مالي الفراغ اللي كان عندك غيره
اعرفي انك بس دلوقتي بتمري بمرحلة ما بعد الصدمة مش اكتر
انتي بتقارني بين مشاعرك وبين الذكريات القديمة!!
بس سيبي مساحة لعقلك يفكر ,,
دا انسان زيك مش حاجة كاملة وتفتكري انها حاجة بتنقذك من حياتك
زي ما انتي بتروحي تحكي لاصحابك هوة كمان بيروح يحكي لاصحابه
بس الفكرة بتختلف من بيئة لبيئة
وكمان انتي اخترتي بني ادم مش كويس
انتي لازم تحسي ان انتي اتجرحتي وما ينفعش ترجعي لحاجة زي كده ابدا
حتى المفروض تفكري ف اهلك اللي انتي خليتيهم وراكي وحاولي تقربي منهم بجد ..
بعديه عن تفكيرك
لانه ما كانش قد المسؤولية اللي انتي وليتيهاله
ونصيحة ما تخليش كل وقتك مشغول بانك تملي الفراغ العاطفي عندك
وادعي ربنا و اتمسكي بيه عشان تعرفي تخرجي من الحالة اللي انتي فيها
ومش كل الشباب كده ما تعمميش الحالة عموما
اتمنى اكون افدتك
تحياتي

[Řǻet βanota]

تمام يا بنتى

الى خلاكى تحبيه اصلا

انك ملقتيش حد غيرو ادامك

كان هو الى بيسال عليكى وهو الى بيكلمك

وهو الى بيخرج معاكى وهو وهو ... الخ

ولانك مش قادرة تنسيه ومش عارفه انتى بتحبيه ليه لحد الوقتى

يبقا انتى حبتيه بجد

بس تخيلى معايا انك عشتى مع الانسان دا

وفجاه اكتشفتى انو خانك

وعرف غيرك

ساعتها غصب عنك هتكرهيه لانو خاين

هو كدا بردو خاين

مش معنى الخيانه يبقا انو يعرف غيرك وبس

الخيانه انواع كتير وع حسب الموقف

وهو كدا خان الامانه الى انتى استأمنتيه عليها

وهى نفسك

وعشان كدا لازم تنسيه بقا

وتبدءى من جديد

لان الى زى دا مش يستاهل انك تفكرى فيه اصلا

وقربى من ربنا وباذن الله يرشدك للصح

يارب اكون افدتك

[тoкα..♥]

كلآمي مش هيختلف كتير عن آللي قبلي
آنتي آختيآرك من آلبدآيه غلط يبقى تتحملي آلنتيجه
ومفروض بردو آنتي تبقى من جوآكي كويسه عشآن تلآقي آلمقآبل
" آلطيبون للطيبآت "
ع آلعموم ..
هو لو حد مش كويس آلآفضل ليكي تبعدي عنـه ,, وفي حآجآت كتير تستحق آلتفكير فيهآ
غير فكرة آلشبآب وليه همآ كدآ ولو فشلتي ف حكآيه مش آخر آلدنيآ
آحترآمي ,,

[۩۩ elMagic ۩۩]

معلـش
طبعا مش كل الشباب بيكونوا كده
ومش كويس فى الوقت دا اننا نقعد نلومكـ ونركبكـ الغلـط
محدش فينا بيختار الصح غير لما بيتعلم مرة واثنين وعشــرة
والحياه معموله علشان نتعلم منها
بصــى فى الموقف دا حكمــى عقلكـ ولازم تنسيه وتمحيه من حياتكـ لانه مش يستاهلكـ
وابدأى حياه جديد واشغلــى نفسكـ بحاجات كتير هتقدرى تنسيه بسرعه
بالتوفيق ليكـى انا شاء الله
مودتـــى

[ŌиĹч.Ḿё]

السلام عليكم مبدائيا انا مقدر اللى انتى فيه بس بصراحه اتخنقت من كلمتك الشباب دلوقتى انتى حبيتى واحد مش تمام متجبيش اللوم على الناس كلها ونصيحة بجد يوم ما تفكرى تحبى حبى واحد يقدرك وتحسى منه ان شاريكى بجد مش تقضيه وقت ورغباته ربنا يكون فى عونك وقربى من ربنا وان شاء الله هيعدى المحنه دى خدى بالك من نفسك بقا احترامى

[dolcy dolly]

محدش حاسس بيا انا للاسف مش شايفة اللى انتو شايفينه دة انا عيبى انى رومانسية ومش عارفة اشوف عيوبه
او مش عارفة اخلى عقلى يتحكم لانى قلبى غالب على الموضوع كله
ومش عارفة اتصرف احساسى انه مبقاش موجود فى حياتى مجننى ووحشنى اوى ومش المفروض اصلا احس الاحساس دة
عاوزة اعاقب نفسى مش عارفة

قلبى ممشينى وراه هتجنن بجد

:sml4:

انا عارفة ان انتو كلكو صح بس مش عارفة اتصرف تعبت

:sml4:

[ŌиĹч.Ḿё]

قومى صلى ركعتين لربنا
ينفعوكى احسن من الكلام دا
لانه بجد لو كان زى ما تبقولى
كان جالك على الاقل اتاسفلك
لكن من الاخر انتى كنتى تقضية وقت وخلاص وقت خلص من حياته شوفى مستقبلك اهم وانفع من الكلام دا وسيبك من الحب ومشاكله خلى حبك لجوزك ابو عيالك يمكن انتى لسا فى مرحله المراهقة ولازم تعيشى كدا بس دا راى بصراحهخالص ودى ليكى

[dolcy dolly]

حاضر

:sml4: