الحلقة الاولى من ( اعترافات ) مع ( morshooo ) ومعانا ( ؟؟؟؟؟؟؟؟ )

[morshooo]

اقتباس المشاركة الأصلية كتبت بواسطة Lαzєzα حلوه الفوكيره شور هنشوف فضايح :d ف انتظار اول حلقه

اهلا بيكى نورتى التوبيك

لا مش فضايح والا حاجا

دى اعترافات :biggrin:

[beauty angel]

حلوة الفكرة يامورشــدى
هو ايهـ حكايتك مع الاعترافآت أنت وتقى
ان شاء الله تتوفق فى الفكـرة
وتقدر تأخد اعترآفات من الأعضاء
فى انتظار التنفيذ ،،
بالتوفيق ان شاء الله

[ملكة الهدوء]

كل واحد عنده سر

توبيك جميل منك مورشو وشكله هيكون برنامج جميل

بنتظار نزول البرنامج واول حلقه له

[الأميرة رودي]

الفكره جميله بس محتاجه ان الضيف يكون على قدر كبير من الجرأه

لان مش كل الناس بتعلن اللى جواها من اسرار بسهوله كده ..

تسلم افكارك يااحمد ومنتظره اول ضيوفك

[morshooo]

بسم الله الرحمن الرحيم

اهلا ومرحبا بكم

وأولى حلقات برنامجكم

( اعترافات )

كل واحد فينا بيبقى اكيد فى اعترافات شايلها لنفسة ومحتفظ بيها

بس اثبت علم النفس حاجا مهمة جدا ان كل شخص لو فى جواة اعتراف

وكاتمة فى نفسة غير ما يجيب قلم وورقة ويكتبة ويحتفظ بالورقة دى

عشان علم النفس اعتبر ان الانسان لما يكتب اعتراف او يقول اعتراف

دا بيخلية عندة احساس انة خرج هذا الاعتراف .

موضوعى هيكون عن اعترافات الاعضاء عن طريق بعض الاسئلة

سوف يتم عرضها على ضيفى وهيكون لية حرية الاجابة على هذة الاسئلة

ولكن فى حالة عدم اجابتة على اى سؤال سوف يتم كتابة السؤال امامكم

ومعرفتكم ان ضيفى قرر استبعاد هذا السؤال .

ملحوظة : نجاح هذا الموضوع ليس بأهمية الاسئلة واجابتها ولكن يكفى ان ضيفى يعترف بأعتراف

واحد فقط امامكم .

والان تعالو نشوف

الحلقة الاولى من

( اعترافات )

النهاردة معايا ضيفة صاحبة حضور مميز فى المنتدى

احد أداريين المنتدى وحبت انها تعترف امامكم ببعض الامور الخاصة

بحياتها وبعض الاعترافات الــ الكثير سوف يعلمها لاول مرة عنها

تعالو نشوف اعترافات

ضيفتى

فى البداية تعالو نشوف ضيفتى اقسمت بأية قبل بداية الحلقة

اقتباس اقسم بالله العظيم ان اجاوب بكل صدق وصراحة على جميع الاسئلة حتى اخرج ما بداخلى من اعترافات اريد ان اعلنها لكم ولا اتهرب من اى سؤال الا بعلمكم من خلال الحوار وسوف اوافق على نزول الحلقة كاملة دون المطالبة بحزف اى سؤال منها بعد الاجابة علية واعلن انى مسئؤلة عن جميع الاجابات التى سوف تعلن فى البرنامج .

اعترافات ضيفتى

س / اهلا بيكى فى برنامج ( اعترافات ) ؟

اهلا بيك انت ^^

س / مستعدة عشان تعترفى النهاردة بأعترافات أول مرة هتعترفى بيها ؟

اكييييييد :669:

س / طيب اول اعتراف عايزك تعترفى بية اية عيوبك؟

مندفعه فى امور كتيره وفى اوقات بتسرع وباخد قرارات بتكون صعبه عليا اكتر من اى حد

س / مين من اشخاص عائلتك تحبى تبعتيلة اعتزار ؟ مع زكر السبب بالتفصيل ؟

من اشخاص عيلتى مش حاسه انى عملت حاجه تستوجب الاعتذار عشان اعتذر لاى حد

بس ممكن فيه حد حاسس انو ليه حق عندى وانا مش حاسه وعشان خاطر يعنى

ما اازعلوش هصالحه مع انى مش حاسه بالغلط يعنى والحد دا جوز اختى :biggrin:

س / مين من اخواتك حبك ليها اقل من باقى الاخوات ؟

لا مش كدا ابدا بقدر ما انى اخواتى الكبار ميرفت ونهاد بيمثلوا اكبر جزء فى

حياتى اما اخواتى الصغيرين فابحس انهم هما الى مسؤلين منى يعنى ما عشوش معايا

زى ما اخواتى الكبار عاشوا احنا كنا بنعمل تقريبا كل حاجه مع بعض

واخواتى الصغيرين بئه حاسين انهم ولادنا:biggrin:

س / امتى اتمنيتى لشخص فى حياتك الاذى ؟ مع زكر السبب ؟

اكيد مش ملاك بس انا الاذى عمرى ما تمنيته لحد نهائى

بس اتمنيت ان فى شخصيه تغيب من حياتى للابد ومااشوفهاش نهائى

تختفى خالص لانها فعلا شر على اى حد تكون فى حياته

السبب شخصى بحت ما ينفعش اقوله لاى حد

س / اية الموقف الــ كان لازم تكدبى فية وفعلا كذبتى ؟

فى مواقف بضطر انك مش تكذب على قد ما بيكون اخفاء لحقيقه عشان

ماتجرحش شخص بس بجد مافيش موقف حاضرنى لانى مش بعرف

اتقن الكذب ابدا وبيبان عليه بدرجه فظيعه

س / امتى حسيتى ان جواكى شر واستغربتى من نفسك ومن تصرفك ؟

مش شر بس ححسيت ان فى حد مش طيقاه خالص ولا طايقه اشوفه مره تانيه

واستغربت فعلا من نفسى لان مش بحب ابدا احس احساس الغضب من حد

بس احساس الشر دا عمرى ماعرفته لانى عمرى ماحسيت انى ممكن اجربه اصلا

س / اية الــ نفسك يتغير فى حياتك الشخصية ؟

الروتين الفظيع والملل :762:

س / امتى حسيتى انك محتاجة للحب يعنى حصل معاكى قبل كدا وحبيتى ؟

ايون حصل :445:

س / امتى حسيتى انك عايزة تتغيرى ؟ لية ؟

اوقات كتير بحس انى عاوزه اتغير

وليه لانى تلقائيه زياده عن اللزوم وبقول كل حاجه جواياااا

ودا بيضرنى جدا فى مواقف كتيره

س / حصل قبل كدا واهتميتى بشكلك عشان تنالى اعجاب شخص ؟

طول عمرى بهتم بشكلى ومظهرى لنفسى اولا بس ما يمنعش يعنى ان دا ممكن يحصل :079:

س / مين الشخص الــ فى المنتدى بتهتمى بوجودة فى مواضيعك ؟

كذا شخص يعنى رفيف ونور وطارق وضياء وعلاء وانت وساره

بس وجود اى عضو فى الموضوع بيديه اهتمام ^^

س / اية اكتر موقف ضايقك من شخص فى المنتدى ومن ساعتها مش قادرة تغيرة وجهة نظرك فية ؟ واذا امكن زكر اسمة قولية ؟

طالما الموقف عدى يبئه مافيش اى داعى لذكره لانى لو ذكرته يبئه انا لسه فاكره

ومش قادره يخرج من بالى وانا مش كدا

واى حد بيثبتلى عكس الى فى دماغى بصدقه وبغير نظرتى فيه طالما هو اثبتلى كدا

س / كام شخص فى المنتدى قالك انة معجب بيكى ؟

المنتدى كله :762:

والله مش فاكره كام بالظبط بس فى موقفين فاكرهم يعنى

بس انا مش بسمع للحوارات دى مهما كانت

س / مين العضو الــ بتغيرى منة فى المنتدى ؟ وقولى السبب ؟

بغير !! بغير يعنى عاوزه اكون زيه واقلده وانا مش بحب التقليد

وبمنتهى الامانه ما بحبش اكون فى وضع انى اغير من حد ايا كان

انا مبسوطه بنفسى وبشخصيتى :biggrin:

س / امتى قولتى مش عايزة ادخل المنتدى دا تانى ؟ لية ؟

الفتره الى قررت انى امشى فيها وكنت فعلا خلاص مقرره دا وكانت لاول مره

اعملها فى حياتى او افكر فيها

وليه عشان اتصدمت فى اشخاص كنت فاكرهم اصحابى بجد وعارفنى بجد

وماكنتش متخيله انهم واخدين من موقف

لان انا كنت دايما فكراهم بالخير ومازلت والله

س / امتى حسيتى انك بتنمى على حد ؟ رغم عدم وجودة وحصل معاكى امتى ؟
عمتا كلامنا على اى حد فى عدم وجوده بيكون نم عليه يعنى

وفى اوقات الانسان بيكلم وهو مش واخد باله انو الى بيعمله دا نم وان حرام

نكلم على حد طالما هو مش موجود ولما بنزودها بقفل وبقول حرام بس امتى

فى حياتك اليوميه ايكد غصب عنك بتلاقيك بتكلم من غير ماتخد بالك مافيش حاجه بالتحديد يعنى

س / امتى حسيتى انك مظلومة جدا ؟

والله من فتره حصل موقف مع والدى وهو فهم كلام غلط وبنى عليه قصه

طويله عريضه وانا فى الاصل ما قولتش الكلام الى هو قاله دا وحاولت افهمه

كتير ان انا ماقولتش كدا

وهو رغم انو سكت بس كنت حاسه انو مش مصدق

فاكنت زعلانه اوى وحاسه بالظلم لانى فعلا ماقولتش الكلام دا

ولو كنت قولتله كنت هقول لانى مش بغير موقفى يعنى

س / بتحبى مين اكتر والدك ام والدتك ؟ مع زكر السبب ؟

بحب الاتنين قد بعض :biggrin:

عمرى ماحسيت انى بحب حد فيهم اكتر من التانى

س / امتى حسيتى انك محتاجة للحب فى حياتك زى اى بنت بتحب ؟

فى كل وقت كلنا محتاجين للحب

بس يمكن بيزيد احتياجك ليه كل ما العمر بيعدى

وتفكيريك ينضج وتفهم قد ايه هو شئ مهم فى حياتنا

مش مجرد حاجه وخلاص نملى بيها فراغ

س / مفيش شخص معين فى حياتك او المنتدى قولتى ياريت دا يبقى شريك حياتى ؟

لا مافيش لانو اساسا شريك الحياه دايما بيجى عكس كل التوقعات :762:

س / مين العضوة الــ نفسك تبقى معاها على طول ؟

ساره الى هى كونتيسه دلوقتى

لان بحس انها عندها برائه وطيبه ماشوفتهمش كتير

س / دى اسماء اعضاء تقوليلى اية عيوبهم فقط

طارق

مش من السهل يغير فكرته عن حد
وبيقتنع برايه اوى لدرجه انك لازم
تقعد وقت طويل اوى على ماتقدر تبينله رايك
او ياخد بيه نوعا ما :biggrin:

ضياء

دكتاتويرى:762:
ممكن صعب شويه فى التعامل
والى مش يعرفه يحس من تعامله انو متحكم
او مش بيشوف غير رائه هو
مع العلم ان دا بيكون انطباع اولى

محمد علاء

ممكن بيزعل بسرعه

رفيف

ممكن متسرعه شويه

morshooo

عنيد جدا وممكن فضولى :biggrin:

برنسيسة

تلقائيتها ممكن تخليها تصدق كلام
اى حد وتفتح قلبها جدا وتقول كل حاجه تخصها
رغم ان دا ممكن يضرها لان مش كل الناس
هتفهم تلقائيتها دى

حوراء

ما تعملتش معاها نهائى

تقى

تقى بردوا متسرعه

وبتامن بسرعه للناس

س / اخيرا تحبى تقولى اية لبرنامج اعترافات ؟

اقول ايه بعد كل الى قولتله انا قولت كل حاجه انهارده

هو يحب يقولى ايه هههههههههه

س / تحبى اقول اسمك كضيفة فى البرنامج والا تمنعى فى زكر اسمك
؟

اه اسمى حنــــــــون

ودى كانت اول ضيفة فى

اعترافات

انتظرونى وضيف جديد

واعترافات جديدة

تحياتى

mors :003: hooo

[Mo7aMaD 3aLa2]

اجابات مميزة كالعادة يا حنان

فكرة التوبيكـ جامدة جدا يا احمد

منورين

[ملكة الهدوء]

حلقه جميله اوى

جاات حنون كلها واضحه وصريحه

ربنا يسعدك دايما يا قمر

يسلموا مورششو ع مجهودك الراقى

[ŌиĹч.Ḿё]

آلفكرة جآمدة آو يا محىًَِ
وآجآبآت حلوة يآ حنآن
بالتووفيق ليكم

[Words Whisper]

اقتباس لانو اساسا شريك الحياه دايما بيجى عكس كل التوقعات

هههههه ليه التفاؤل ده يابنتي طب سبينا نحلم شوية وخلاص ..

حوار حلوو بجد

بداية موفقة ياأ/أحمد ..

دمتما بحفظ الرحمن ..

[Lost Pearl]

اجابات جميلة اوي يا حنون

تسلم ايديكي و ربنا يخليكي لاخواتك

فكرة بجد جميلة يا احمد

ف انتظار الضيف/ة الجاي/ة ان شاء الله