سيارتك تحت المجهر

[دمعه حائره]

يانهار ابيض شايل مسدس ليه بس ربنا يستر
والحمد لله ان الحادثه عدت على خير
ويلا راحت لحالها العربيه دى
نورت التوبيك اخى واجاباتك جميله
ويارب تحقق كل احلامك
وفى انتظار استاذنا فتحى

[نهر النيل]

اقتباس المشاركة الأصلية كتبت بواسطة دمعه حائره يانهار ابيض شايل مسدس ليه بس ربنا يستر

اقتباس المشاركة الأصلية كتبت بواسطة دمعه حائره والحمد لله ان الحادثه عدت على خير ويلا راحت لحالها العربيه دى نورت التوبيك اخى واجاباتك جميله ويارب تحقق كل احلامك وفى انتظار استاذنا فتحى

المسدس امر عادي أ دمعه
وحضرتك شايفه اللخبطه
والعربيه انا مش زعلان عليها
انا زعلت على شجره كسرتها
ومؤكد النور نور حضرتك
ومتشكر للدعوات الغاليه
كعادتك انسانه اكبر من اي وصف
ربي يحفظك

[فتحى عيسى]

مساء الخيرات أستاذه دمعه وأهل الدار الكرام
دعوة جت علي غفلة ولا أنا عارف أسئلة إيه أو الموضوع من أصله أيه
ياريت أفهم عشان أشارك
ليلتكم زي الفل

[فتحى عيسى]

دلوقتي فهمت لما قريت أخي الغالي نهر النيل
الرجل الكريم في كل شيئ يقوم به أحييه
تحياتي للجميع
ولي عودة

[♥..pure]

نهر النيل
منور الحلقه طبعـآ ,
اجآبـآت جميله ,, بس خلي بالك من المسدس اللي معاك
ربنا يحرصك
مجهود مميز يا منه
دوام التألق ,,

[فتحى عيسى]

اسمك إيه ؟
فتحي عيسي

2-عندك سيارة نوعها ايه؟وموديل سنه كام؟
كانت نيسان صني 96 اللي كنت بعتز بيها جدا
أما آخر واحدة فكانت هيونداي حمرا 99

لو مش عندك تتمنى تشترى سيارة نوعها إيه؟
طبعا مرسيدس 500

3-لونها ايه؟
النسيان كانت فضي
الهيونداي حمرا
-مين علمك السواقة؟وكان عندك كام سنه؟
حيطان حارة سد
أدخلها بوشي بعربية كانت 128 موديل قديم جدا
الحيطة اللي تظبطني وفي الخروج نفس الشيئ
لحد معرفت ازاي اعدل نفسي طبعا مع شوية
ارشادات من اصحابي اللي مبيعرفوش زي
وكلنا اتعلمنا السواقة في مصر مش سواقة عفية
أي حاجة إلا إنها سواقة

5-اكتر مكان بتحب تسوق فيه السيارة فين؟
طريق أكتوبر أو مصر إسكندرية الصحراوي
خصوصا في ساعات الفجر الأولي

6-تقريبا السرعه اللى بتسوق بيها كام؟
الطبيعي داخل البلد انا والعربية علي سرعة واحدة
يوم وتقول انك بتجري تمشي خمسين ك في الساعة
اما في المحور والدائري 90 مش أكتر إلا بقليل جدا

7عملت حادثه قبل كده ؟
شيئ طبيعي حوادث بس لله الحمد كله في الحديد
سيارات في سيارات مرة من ورا ومرة من قدام
وكتير جدا أطلع أنا الغلطان ولحد دلوقتي مش عارف
ليه يمكن عشان بخلص بسرعة
ومقعدش ألت وأعجن وأتخانق
علي الفاضي والمليان

8-إيه أول مخالفهاخدتها؟
قبل نزلة ميدان لبنان من عند المحور
ماشي في الحارة اللي في النص علي 80
لإني قربت أنزل بخف السرعة والمفروض
90 عادي المهم وقفتني لجنة وسحبت الرخص
ليه ياباشا سرعة زيادة قولتله ايه يثبت قالي
الردار طب اديني ورقة تقول إن ماشي علي سرعة
كذا وطبعا ولا فكر يبص كل اللي عمله إداني وصل المخالفة


9-ممكن تسلف عربيتك لحد؟ومين هوا؟
صعب جدا تسليف العربية لإنها ماشية علي نمط
معين وحركة دايمة بمعاملة تختلف من واحد للتاني
سواء في النقل أو حتي قعدة الكرسي وتوجيه المرايات
وحاجات كتيرة جدا

10-لو حبيت تروح مشوارتاخد مين من الأعضاء معاك؟
أخي الغالي نهر النيل والجميل شاعر الإحساس العالي

11-بتشغل إيه على الكاسيت داخل السيارة؟
طبعا الأغاني القديمة كلها موجودة في درج التابلوه
والأهم محطتين للأخبار إذاعة لندن ومونت كارلو

12-فين ابعد مكان سافرت ليه بالسيارة؟
أسكندرية رايح جي في نفس اليوم
ومرات عدة من ستة اكتوبر لبنها لستة اكتوبر
لإسكندرية

3-بتركن سيارتك فى جراج ولا فى الشارع
من يوم ماركنت عربيتي النيسان قدام بيتي اول يوم
ونزلت شغلتها وقفلت باب السواق لقيت القزار
الوراني نازل حتة واحدة
حطيتها في جراج


14-داخل شنطة سيارتك إيه أهم حاجة بتحتفظ بيها
أهم حاجة الأستبن العجلة الإحتياطي تكون موزونة
علي 28 والعدة لو إحتاجت ليها الرافعة والمفاتيح
غير كدة شنطة صغيرة في مستلزمات المعيشة
لإي ظرف مفاجئ

15-هات صورة لسياراتك أو سيارة أحلامك؟
أنا معرفش أنقل صور

[مشتاقه للجنه]

استضافه رائعه وأجابات جامده جداا

موفق

[cat cat]

منور الحلقة
ومنتظرين الضيف الجديد

[نهر النيل]

اقتباس المشاركة الأصلية كتبت بواسطة فتحى عيسى دلوقتي فهمت لما قريت أخي الغالي نهر النيل

اقتباس المشاركة الأصلية كتبت بواسطة فتحى عيسى الرجل الكريم في كل شيئ يقوم به أحييه تحياتي للجميع ولي عودة

ربنا يخليك يارب أ / فتحي
ومؤكد حضرتك تستحق دايما كل الخير
ومؤكد من خلال حضرتك وانا بعتذر جدا للسهو الغير مقصود
نسيت اقدم كل الشكر والتقدير والاحترام
لصاحبة الموضوع
للمحترمه .. دمعه حائره
اللي دايما مجهودها وتقديرها كتير اوي عليا
واكيد قبل ما انهي الرد
أجدد الشكر للمحترمه .. كات على دعوتها
ربي يحفظ الجميع
صباحكم زي الفل

[نهر النيل]

اقتباس المشاركة الأصلية كتبت بواسطة dr.pharma نهر النيل منور الحلقه طبعـآ , اجآبـآت جميله ,, بس خلي بالك من المسدس اللي معاك ربنا يحرصك مجهود مميز يا منه دوام التألق ,,

ربنا يخليكي يارب د / فارما

مؤكد الحلقه نورت اكتر بوجودك

وبكل الكرام الموجودين

المسدس ما هو الا وسيله فقط

لكن دايما

الحافظ ربنا

ميرسي كتير للتقدير الكبير

صباح الورد والفل والياسمين